ئەڤرۆ نیەز،عەلی حاجی :
ھەژمارەکا کچ و کورێن باژێرێ دھوکێ ب مەرەما پاڤژ راگرتنا بازارێ ، دەست ب ھەوەکا پاڤژکرنێ دناڤ بازارێن دھوکێ دا دەست پێکرن .
ئایا سیپان بەرپرسێ گروپێ ھێزا گەنجان بۆ ئەڤرۆ نیوز دیارکر نێزیکی ١٠ کور و کچاینە ب رێیا تورێن جڤاکی مە شیا ڤی گروپی دروست بکەین، مە پلانەکا باش ھەیە کو ئەم پێکڤە کار بکەین وەکو گروپ بۆ پاقژ راگرتنا باژێرێ دھوکێ، دقوناغا ئێكێ دا مە دەست ب پاقژکرنا بازارێ دھوکێ کر و ھندەک جھێن دیتر کو گەلەک دپیس بون،دھەوا ئەڤرۆ دا مە شیا گەلەک جھان پاقژ بکەین ب تایبەتی ژی دناڤ بازارێ دھوکێ،بۆ قوناغێن بھێت ژی دا دێ چەند دیوارەکێن نەجوان ب بویاغێ جوان کەین و وان دیواران نەخشینن ب شێوەیەکێ جوانتر داکو جوانیەکا دیتر بدەتە باژێرێ دھوکێ .
و گوت ژی : ئەم ب خوەبەخشی کار دکەین و ئارمانج مە یاسەرەکی ژی ئەوە ئەم ڤی کاری بکەێن داکو تەخەک ژخەلکی چاڤ ل مە بکەن و پاقژیا باژێری پارێزن و رەوشەنبیریەتا پاقژ راگرتنێ ژی لدەف وان پەیدا ببیت .
ئەڤرۆ نیوز:
بەری دەمەکێ سەرۆک کۆمارێ عیراقێ بەرهەم سالح ل گەل فوئاد حسێن وەزیرێ دارایی یێ عیراقێ گەهشتنە هەولێرێ و ژ ئالیێ نێچیرڤان بارزانی سەرۆکێ هەرێما کوردستانێ پێشوازی لێ هاتە کرن.
سەفین دزەیی بەرپرسێ فەرمانگەها پەیوەندیێن دەرڤە یێن هەرێما کوردستانێ ژی بەری نها دیار کربوو کو بریارە د سەرەدانا خوە دا سەرۆک کۆمارێ عیراقێ ل گەل سەرۆک بارزانی، سەرۆکێ هەرێما کوردستانێ و سەرۆکێ حوکمەتا هەرێما کوردستانێ کۆمبیت.
ئەڤرۆ نیوز:
دوهی شاندەکێ پەرلەمانێ بریتانیا کو ژ ١٣ کەسان پێک دهات سەرەدانا باژێرێ قامشلۆ یێ رۆژئاڤایێ کوردستانێ کرن و ل گەل بەرپرسێن هێزێن سووریا دیموکرات کۆمبوون و د کۆمبوونێ دا شاندێ بریتانیا پشتەڤانیا خوە بۆ رۆژئاڤایێ کوردستانێ دیار کرن.
دەزگەهێن راگەهاندنا نێزیکی رێڤەبەریا خوەسەر یا باکورێ سووریێ ژی دیار کرینە کو سەرەدانا شاندێ بریتانیا بۆ پشتەڤانیا ژ رۆژئاڤایێ کوردستانێ بوویە و ئەو یەک ژی دێ ئەنجامێن خوە یێن باش هەبن.
ئەڤرۆ نیوز:
دانەر ئەبوبەکر برێڤەبەرێ کاروبارێن حوکمەتا هەرێما کوردستانێ ل روسیا راگەهاند کو چەند رۆژێن کۆمبوونێن گرنگ د ناڤبەرا هەر دو ژوورێن بازرگانی یێن هەرێما کوردستانێ و روسیا برێڤە دچن و دێ چەند گرێبەستێن گرنگ ژی هێنە ئیمزاکرن.
ناڤهاتی راگەهاند کو دهێتە چاڤەرێکرن پەیوەندیێن بازرگانی د ناڤبەرا هەرێما کوردستانێ و روسیا دا گەلەک بهێز ببن و ئەو یەک ژی دێ کاریگەریەکا خوە یا ئەرێنی ل سەر هەرێما کوردستانێ هەبیت.
ئەڤرۆ نیوز:
ئەڤرۆ ل باژێرێ هەولێرێ د رێورەسمەکێ فەرمی دا ب ئامادەبوونا شاندەکێ وەلاتێ هندستانێ، نێچیرڤان بارزانی سەرۆکێ هەرێما کوردستانێ پەردە ل سەر پەیکەرێ مەهاتما غاندی رێبەرێ نەتەوی یێ هندستانێ هاتە لادان.
رێورەسم ل پارکا سامی عەبدولرەحمان برێڤە چوو و گەلەک بەرپرسێن حوکمی یێن هەرێما کوردستانێ و شاندەکێ وەلاتێ هندستانێ ب سەرۆکاتیا ڤێرماڤالی دەهاران وەزیرێ دەولەتا هندستانێ بۆ کاروبارێن دەرڤە تێدا ئامادە بوون.
ئەڤرۆ نیوز، نەوزاد هلوری:
تێپا دهۆک یا هونەرێ ملی د چارچوڤێ ب رێڤەچونا رێورسمێن دابەشکرنا خەلاتێن حەفتەمین فلمە ڤیستەڤالا دهۆک یا نیڤدەولەتی تابلۆیەک پێشکێشکر.
زاخۆ، عەلی حاجی :
رێڤەبەریا گشتی یا كاروبارێن شەهید و ئەنفالكریان ل پارێزگەها دهوكێ و ب ئامادەبونا وەزیرێ كاروبارێن شەهید و ئەنفالكریان ل هەرێما كوردستانێ ، سالڤەگەرا 50 یا كۆمكوژیا گوندێ صوریا شەهیدان ل زاخۆ هاتە گێرا.
ئەلێكسان ئەندرێیان، ئێك ژ كەس و كارێن قوربانیان بۆ ئەڤرۆ دیار كر روودانا گوندێ (صوریا شەهیدان) ئێك ژ مەزنترین تاوانێن هاتینە هاتینە ئەنجام دان و د وی دەمی دا ژیێ من 14 سال بوون، د نوكە دا مونومێنتەك بۆ شەهیدێن ڤێ كۆمكوژیێ هاتیە دروست كرن، بەلێ هەمی نەهاتیە ب دووماهی ئینان و پشكەكا وێ مایە، لەورا ئەم داخواز ژحوكمەتا هەرێما كوردستانێ دكەین وێ مونومێنتێ ب دووماهی بینیت،هەروەسا رێیا سەرەكی یا گوندێ مە هەتا نوكە نەهاتیە دروست كرن و ئەو جادە بهێتە قیركرن ب ئێكجاری و هەتا نوكە ژی خێزانێن 10 شەهیدێن وێ كومكوژیێ بێ موچەنە و ئەم داخاز دكەین موچێ وان ژی بهێتە دروست كرن وەكو هەمی شەهیدێن ڤێ كومكوژیێ و ئەڤ چەندە ژی من گەهاندی یە وەزیرێ كاروبارێن شەهیدان و ئەنفالكریان.
چیاو پتروس بۆ ئەڤرۆ نیوز گوت : ئەڤ كومكوژیا هاتیە ئەنجام دان دژی هەمی پرەنسیپێن جیهانی و مروڤایەتی بوون و هەتا نوكە بۆ ڤێ كومكوژیێ ژی هیچ رێكارەكا قانوونی نەهاتیە ئەنجام دان، ب دوكیومیێنتكرنا ڤان كۆمكوژیان و ب هەبوونا چەند بەلگەیان ڤێ كەیسێ ب رێیا لایەنێن بجهئینانێ ل كوردستانێ كار بۆ بكەین و پاشی ب رێیا حوكمەتا هەرێما كوردستانێ ڤێ كەیسێ بكەتە كەیسەكا نێڤدەولەتی و جهێ خوە بگریت داكو ب جینوساید ب هێتە نیاسین ببیتە رێیەك جیهان بزانیت چو كارەكێن دژی مروڤایەتی هاتیە ئەنجام دان دگەل خەلكێ سڤیل .
ژلایێ خوەڤە بەرەڤان حەمدی برێكارێ وەزیرێ كاروبارێن شەهید و ئەنفالكریان بۆ ئەڤرۆ ئاشكەرا كر ڤێ كۆمكوژیێ تایبەتمەندیا خوە هەیە ژبەر ڤێ چەندێ ئەڤ سالە ب شێوەیەكێ بەرفرهە مە سالڤەگەرا 50 یا كۆمكوژیا گوندێ (صوریا شەهیدان) ساخ كر، وەكو داخوازیێن كەس و كارێن قوربانیان كو مونومێنتا وێ كۆمكوژیێ و دیكیومێنكرنا بەلگەییان د بەرنامەیێ وەزارەتا كاروبارێن شەهید و ئەنفالكریان دایە و د پلانا ئەڤ سالە دایە و دێ د ئەڤ سالە دا هێتە بجهئینان،بۆ چێكرنا رێیا ڤی گوندی ژی مە نڤیسارەك رەوانەی پارێزگەها دهوكێ كریە دا كو دو كێلومەترێن جادە یا وان ژی بهێتە دروست كرن و مە چەند پارێزەر یێن هەین بۆ كەیسێن تاوانان بۆ وێ یەكێ كو ئەڤ تاوانە بریارا دوماهی پێ بهێتە دان و بهێنە قەرەبووكرن ل بەغدا و یا ژهەمیێ گرنگتر ژی ل دەڤ مە ئەو پێكڤە ژیان و برایەتیا مەسیحی و موسلمانایە د وی گوندی دا.
ئەڤرۆ نیوز، عەلی حاجی :
رێڤەبەرێ ناحیا دەركارێ بۆ ئەڤرۆ نیوز دیار كر ژبەر چەند پارچە زەڤیان د ناڤبەرا دو گوندان دا بویە كێشە و چەندین جاران ژی خەلكێ دو گوندان ل سەر هەبوونا وێ كێشەیێ خوە نەرازی كرینە .
زێدەتر زێرەڤان موسایی گوت : پشكەكا پارچە زەڤیێن گوندێ سەر سیلاڤێ كو دكەڤیتە سنورێ ناحیا باتیفا و گوندێ ناڤ كەندالا كو دكەڤیتە سنورێ ناحیا دەركارێ كو هەژمارەكا پارچە زەڤیان دناڤبەرا هەر دو گوندان هەنە و بوینە جهێ ئاریشەیی،ژبەر كو ئاكنجیێن گوندێ سەر سیلاڤێ هندەنك بەلگە هەنە دبێژن ژكەڤندا ئەڤە ئەردێ مەیە و ملكێ مە بویە ،هەر دیسان هاولاتیێن گوندێ ناڤ كەندالا كو مەسیحی نە دیار دكەن كو مە ژی هەلگە هەنە ئەڤ ئەردە ژبەریا نوكە ئەردێ مە بویە،لەورا ئەڤ چەندی بویە كێشە و هەتا نوكە نەهاتیە چارەسەر كرن .
و گوت ژی : ئەڤ كێشەیە گەهشتیە لژنا چاندنێ ل زاخۆ و ئەز و رێڤەبەرێ ناحیا باتیڤا ژی تێدا ئەندامین و ئەم دخازین ڤێ كێشەیێ چارەسەر بكەین و هندەك پێنگاڤ ژی هاتینە هاڤێژتن دا كو بهێتە چارەسەر كرن ،ئەم ب هێڤینە بهێتە چارەسەر كرن ژبەر كو ئەڤ كێشەیە ڤەدگەریت بۆ پشتی سەرهلدانێ و هەتا نوكە یا بەردەاومە و نەهاتیە چارەسەر كرن و ئەڤە ئێكەم كێشەیە دناڤبەرا دوو ناحیان دا ل سنورێ ناحیا دەركارێ و باتیفا هەیی .
ئهڤرۆ نیوز، نهوزاد هلۆرى:
ب بهرههڤبوونا هژمارهكا زۆرا ئهكتهر و دهرهێنهر و فلمساز و سینهماكار و مێهڤانێن نافخوه و بیانى، خهلاتێن حهفتهمین فلمه ڤیستهڤالا دهۆك یا نیڤدهولهتى هاتنه بهلاڤكرن بڤى رهنگێ ل خوارێ.
خەلاتێ باشترین فلمێ کوردی یێ درێژ بو فلمێ کامیون هاتەدان.
خەلاتێ باشترین فلمێ کوردی یێ کورت بو فلمێ زە هەیاڤی بوردین هاتەدان.
خەلاتێ باشترین بەلگە فلمێ کوردی بو فلمێ ئێڤری هوس ئێس ئە سکول هاتەدان.
خەلاتێ باشترین بەلگە فلمێ بیانی بو فلمێ کورنەر ئین مولین بەگ هاتەدان.
خەلاتێ باشترین ئەکتەر سەید ئاغاخان بو هاتەدان.
خەلاتێ باشترین دەرهێنەر دایە روناک تێکەس.
خەلاتێ زێرین دایە فلمێ خالکو
فلمێ مینو شەرەف پور خەلاتێ باشترن ئەکتەر وەرگرت
نيشاندان