ئه‌ڤرۆ نيوز:
سه‌رۆكێ حوكمه‌تێ ل ناڤ هۆله‌كا خواندنێ چه‌ند ئاموژگاريه‌كان ل قوتابيان دكه‌ت
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سه‌ره‌كى Facebook
زه‌نگا ده‌ستپێكا وه‌رزێ نوو یێ خواندنێ هاته لێدان
ئه‌ڤرۆ نيوز:
ب به‌رهه‌ڤبوونا مه‌سرور بارزانى سه‌رۆكێ حوكمه‌تا هه‌رێما كوردستانێ و وه‌زيرێ په‌روه‌ردێ، ئه‌ڤرۆ ل قوتابخانا ڕێباز ل دهۆكێ زه‌نگا سالا نوو يا خواندنێ هاته لێدان.
مه‌سرور بارزانى پيرۆزباهيا سالا نوو يا خواندنێ ل قوتابى و ماموستايان كر و راگه‌هاند: خواندن ده‌ستپێكا ژيانا هه‌وه‌يه و كه‌سايه‌تيا هه‌ر كه‌سه‌كى ل قوتابخانێ ده‌ست پێ دكه‌ت، پاشه‌رۆژا وه‌لاتى ل ده‌ستێ هه‌وه‌دايه.
کەسەک بریندار دبیت
بەردەڕەش، ڕەزوان ڕۆژبەیانی
ڕاگەهاندنا هاتن وچوونا قەزا بەردەڕەش ڕاگەهاند ئەڤرۆ ژئەگەرێ ڕوودانەکا هاتن وچوونەکێ دا ل قەزا بەردەڕەش کەسەک بریندابوو
کۆمیسەر حازم موحەمەد ژڕاگەهاندنا هاتن وچوونا قەزا بەردەڕەش بۆ ئەڤرۆنیوز خویاکر ئەڤرۆ پێنج شەمبی رێکەفتێ 19/9/2019د ڕوودانەکێ هاتن وچوونێ دا ل چار رییانا قەزا بەردەڕەش کەسەک برینداربوو
گوت ژی ئەو ڕوودان پێک هاتی بوو ژ پێکدادانا ئۆپل ڤیکتەرا دگەل ماتۆر سکل ، شوفێر بریندار بوو
یانا دهۆك گرێبه‌ستا پیشه‌كاره‌كێ ئه‌مریكی ئیمزاكر
ئەڤرۆ نیوز، محەمەدعەلی نوری:
كارگێریا یانا دهۆك یا وه‌رزشی بفەرمی گرێبەست دگەل یاریزانێ پیشه‌كارێ ئه‌مریكی كرێس جۆنسۆن بۆ ماوێ ئێك وه‌رز ئیمزاكر، ژبۆ پشكداریێ دگه‌ل تیما باسكت بۆلا یانا دهۆك بۆ وه‌رزێ نوو یێ خولا پلا نایابا عیراقێ، ئه‌وا بریاره هه‌ڤركیێن وێ ل 25ێ ڤێ هه‌یڤێ بهێنه ئه‌نجامدان و یانا دهۆك دێ یاریا خوه یا ئێكێ ژ خولێ دگه‌ل یانا ختوت ل باژێرێ به‌غدا كه‌ت. یاریزانێ ناڤهاتی درێژاهیا وی 196 ســم و دژیێ 28 سالی و یاری بۆ یانا کوبـا قوبرس و سلوڤی یا سلوڤینی کریە
چاندنا گێسکان ل ناحیا دیره‌لوكێ
ئەڤرۆ نیوز، نەوزاد هلوری:
گێسکێ خومالی ئێکە ژ وان گێسکێن کەڤن و د نوکە دا بکارئینانا وان بەر ب کێمبوونێ دچیت، بەلێ ل گەل ڤێ یەکێ ژی کابانیێن مالێ بو پاقژکرنا حەوش و ناڤمالێ بکادئینن، نوکە دناڤ زەڤیێن چەمێ هاریکێ و گەلەکا چەند بیستانێن گێسکا هاتینە چاندن، وەلاتیەک ژی ددەت دیارکرن کو داخوازی ل سەر گێسکێن دێرەلوکێ هەیە.
نەزیر عەبدوللا، وەڵاتیەکێ دێرەلوکێ یە و بیستانەکێ گیسکا ل چەمێ گەلەکا چاندیە بۆ ئەڤرۆ نیوز گۆت: (هەر چەندە نوکە چاندنا گێسکا وەکو بەرێ نینە، بەلێ ل گەل ڤێ یەکێ ژی ل چەمێن هاریکێ و گەلەکا هژمارەکا بیستانان کرینە گێسک، کێمبونا گێسکان ژی دزڤریت و بکارئینانا گێسکێن کارەبای، بەلێ ل گەل ڤێ یەکێ ژی گێسکێ کارەبای نەشێت هەر کاەکێ بکەت ب تایبەتی د پاقژکرنا دەرڤەیێ مالێ و رامالینا بەر و ئاخێ).
زیدەتر گۆت: (ئەم گێسکا بۆ چەند مەرەما دچینین، بۆ پاڤژکرنا مالێن خوە، بۆ فروتنێ، دیسان بۆ ئالیک و خوارنا ئاژەلان ب تایبەتی بەلگێن وان، توفکێ وان ژی بۆ سالا دوڤ دا هەلدگرین و دچینین ڤە).
ناڤبری دیارکر ژی کو گێسک ب هزاربۆ هزار و 500 دیناران دهێتە فروتن و زێدەتر گۆت: (ل بازاران گێسک هەنە و ب چەند جور و شێوەیان دهێنە چێکرن و فروتن، کەسێ گێشکا دروست دکەت دڤێت کەسەکێ شارەزا بیت).
شێخ زادە یاسین، دانعەمرەکێ دەڤەرێ یە ل دۆر چێکرنا گێسکا دبێژیت: (گێسک دکەڤن دا گەلەک د هاتن بکارئینان، چەند جورەکێن گێسکان هەنە، گێسکێ دارا میتکی، گێسکێ توفکی کو وەکو دارا گەنموکێ مەزن دبیت، دیسان گێسکێ دارا کێراتێ کو پرانیا جاران ژی بو رامالینا بەر و ئاخێ ل حەوشا مالێ دهێتە بکارئینان، دڤێت کەسێ گێسکا درۆست دکەن شارەزابن، دەستپێکێ دێ داڤین گێسکی ئینن، پاشان هەر کومەکا وان ب قەدارێ دەستی پێکڤە کەن و پاشان ب لاستیکێ پێکڤە گرێدەن و دانن بن تشتەکێ گران بو دەدا چەند روژا هەتاکو پەحن دبیت، بڤی رەنگی بەرهەڤە بۆ بکارئینانێ).
مه‌سرور بارزانى:كه‌رتێن په‌روه‌ردێ وخواندنا بلند ئه‌ركێن به‌راهیێ یێن حوكمه‌تا هه‌رێمێ نه
ئه‌ڤرۆ نیوز:
مه‌سرور بارزانى، سه‌رۆكێ حوكمه‌تا هه‌رێما كوردستانێ و سه‌رۆكێ بوردێ ئه‌میندارێن زانكۆیا ئه‌مریكى ل دهۆكێ، ئه‌ڤرۆ پێنجشه‌مبى 19/9/2019 د ئێكه‌مین ئاهه‌نگا ده‌رچوویێن خۆلا ئێكێ یا وێ زانكۆیێ په‌یڤه‌ك پێشكێش كر.
د په‌یڤا خوه دا مه‌سرور بارزانى گۆت” خوه‌شحالم وه‌كو ده‌رچوویه‌كێ زانكۆیا ئه‌مریكى ل ڤێرێ پشكدار ببم، د ده‌مێ پێنج سالێن بۆرى دا ڤێ زانكۆیێ پێشكه‌فتن ب خوه‌ڤه دیتیه وبوویه هیڤیا نه‌ڤیێن داهاتى”.
هه‌ڤده‌م سوپاسیا سه‌رۆكێ زانكۆیێ كر و راگه‌هاند، د ره‌وشه‌كا دژوار دا شیا گرنگیێ ب پێشخستنا زانكۆیێ و پرۆسا خواندنێ و پێگه‌هاندنێ نه‌ڤیێن مه بكه‌ت”.
سه‌رۆكێ حوكمه‌تا هه‌رێما كوردستانێ سوپاسیا نێچیرڤان بارزانى سه‌رۆكێ هه‌رێما كوردستانێ ژى كر و گۆت” سوپاسیا برایێ خوه نێچیرڤان بارزانى دكه‌م ده‌مێ ئه‌و سه‌رۆك وه‌زیران بوو، پشته‌ڤانیا خواندنا بلند هاتیه كرن”.
مه‌سرور بارزانى سوپاسیا سه‌رۆك بارزانى ژى كر كو ل ده‌مه‌كێ دژوار دا سه‌ركردایه‌تیا هه‌رێما كوردستانێ كر و ل بن یبه‌را خه‌بات و قوربانیدانا وى دا، نه‌ڤیێن مه پێگه‌هشتن”.
ئاماژه ب وێ چه‌ندێ ژى كر كو ئه‌ڤ زانكۆیه ل ده‌مه‌كێ كێم دا پێشكه‌فتنه‌كا مه‌زن ب خوه‌ڤه دیتیه و نوكه 645 قوتابى یێن هه‌ین.
دووپاتكر ژى كو ئێك ژ ئه‌ركێن حوكمه‌تێ گرنگیدانه ب كه‌رتێ خواندنا بلند و بلندكرنا ئاستێ ڤه‌كۆلینێن زانستى ل هه‌رێما كوردستانێ ودێ گرنگیه‌كا تایبه‌ت ب پێشخستنا وى كه‌رتێ ده‌ین.
https://www.youtube.com/watch?time_continue=1&v=iOCLuYj71Kk
وەزارەتا نافخوه رۆهنكرنه‌كێ بەلاڤ دکەت
ئەڤرۆ نیوز:
وه‌زاره‌تا نافخوه ل هه‌رێما كوردستانێ د رۆهنكرنه‌كێ دا به‌لاڤكر، ئەڤرۆ پێنجشەمبی ١٩-٩-٢٠١٩ ل دەمێ ھاتنا مەحمود سەنگاوی ئەندامێ مەکتەبا سیاسیی یا ئێکەتیا نیشتمانی یا کورستانێ بۆ پارێزگەها ھەولێرێ، ل زاڵگەهەکا دۆلا سماقۆلێ روودانەکا نەخواستی روودایە کو ھیچ بڕیار و راسپاردەک ل پشت نەبوویە. لەوما بۆ نه‌هێلانا نیگەرانیا مەکتەبا سیاسی یا ئێکەتیا نیشتمانیا کوردستانێ ورێ گرتن ل دوبارە بوونا ڤان جۆرە روودانان، دێ ڤەکۆلینەکا هوور ئەنجام دەین و خەلکێ کوردستانێ پشت راست دكه‌ین كو ھەموو ھەولێن مە ل رێگا و بانان بۆ دابینکرنا ئەمنیەتێ و سەر و سامانێ وەلاتیانە.
ب وێنە – پێشانگەھا تری ل دھۆک ھاتە ڤەکرن
حەفتیا بهێت مووچێ ڤان وەزارەت و فەرمانگەهان دێ هێتە بەلاڤکرن
ئەڤرۆ نیوز، زنار تۆڤی:
ل دووڤ خشتێ بەلاڤکرنا مووچەی، ل حەفتیا بهێت مووچێ هەموو وان جهان دێ هێتە دابەشکرن، یێن کو هەتانوکە مووچە وەرنەگرتی:
رۆژا ئێکشەمبی 22 ئیلۆنێ دێ مووچێ ئەڤان جهان هێتە دان:
– وەزارەتا سامانێن سرووشتی
– وەزارەتا نافخۆ
• خواندنا بلند
• وەزارەتا ئەوقافێ
• رێڤەبەریا گشتی یا رەگەزناما هەرێمێ
• لیوا نەفتێ
• زێرەڤانی
• بەرگری و هەوارهاتن
• دەزگەهێ ئاسایشێ
• جڤاتا ئاسایشێ
رۆژا دوشەمبی 23 ئیلۆنێ ئەڤ جهە دێ مووی وەرگرن:
• وەزارەتا شارەوانیێ
• وەزارەتا كارەبا
• وەزارەتا ڤەگوهاستن
• وەزارەتا پلاندانان
• وەزارەتا چاندنێ
• دیوانا چاڤدێریا دارایی
• مافێ مرۆڤی
• دەڤەرێن كوردستانی
• ژینگەهـ
• دەستەیا وەبەرهێنانێ
• دەستەیا دەستپاكیێ
• كۆمسیۆنا بلند
• دەزگەهێ مینان
• وەزارەتا پیشەسازی
• ئاڤەدانكرن
• رەوشەنبیری
• سەرۆكاتیا هەرێمێ
• سەرۆكاتیا پەرلەمانی
• جڤاتا وەزیران
ل دەمێ دەشت کرنا جھێ خانیەکی گورەک دەردکەڤیت
ئەڤرۆ نیوز، مەحمود نھێلی:
دەمێ ھاولاتیەک ئەردێ خوە یێ جھێ خانی دەشت دکەت ب مەرەما ئاڤاکرنێ ئەڤرۆ 19/9/2019 سپێدێ ل سەنتەرێ ناحیا دێرەلۆک گورەک دەردکەڤیت و خودانێ ئەردی ژی لایەنێن پەیوەندیدار ئاگەھدار دکەت.
سامی ئوشانە رێڤەبەرێ ناحیا دێرەلۆک بۆ ئەڤرۆ نیوز دیارکر، کو ئەو ھاتینە ئاگەھدار کرن ل سەر دیتنا گورەکی ل جھێ دەشت کرنا پارچەکا ئەردی ل تاخێ سەردەشتێ ل سەنتەرێ ناحیا دێرەلۆک و گۆت: ( پشتی ئەم و سەرۆکێ باژێرڤانیێ چوینە وی جھی دیار بوویە کو ل جھێ پارچا ئەردی ئەڤ گورە دەرکەفتیە و چێدبیت ھێشتا گورێن دیتر ل ناڤ پارچێن ئەردی ل وێ دەڤەرێ دەربکەڤن).
ناڤھاتی خویا ژی کر، کو بەری نوکە ژی ل دەمێ چێکرنا جادەیەکی ھەر ھەمان دەڤەر بەری سالەکی چوار گورێن دیتر دەرکەفت بوون و ب رازیبوونا ئەوقافێ و پشتی ڤەدیتن بۆ ھاتیە کرن ھاتنە ڤەگوھاستن بۆ گورستانا دێرەلۆک و گۆت ژی : ھەر ل سەر وێ رازیبوونا بەری نوکە ھەر گورەکی دەرکەڤیت دێ ھێتە ڤەگوھاستن بۆ گورستانی و ئاشکرا کر ، ل دووڤ ڤەکولینان چێدبیت ئەڤ گورستانە یا بەری 300 بۆ 400 سالان بیت و ئەڤ کەسێن تێدا ژی ل سەر شێوازێ ئولێ موسلمانان ب ئاخێ ھاتینە سپاردن.
نيشاندان
WP Facebook Auto Publish Powered By : XYZScripts.com