ئه‌ڤرۆ نيوز:
كه‌نالێ سێ ئێن ئێن يێ ئه‌مريكى ل دۆر هێرشا توركيا بۆ سه‌ر باكوورێ سووريێ (رۆژئاڤايێ كوردستانێ) ل سه‌ر زارێ به‌رپرسه‌كێ ئه‌مريكى ڤه‌گوهاست ” توركيا پێگيرى وى سنوورى نابيت يێ بۆ هاتيه دياركرن”.
وى كه‌نالى ژ وى به‌رپرسێ ئه‌مريكى، بێ كو ناڤێ وى ئاشكرا بكه‌ت، ڤه‌گوهاست ژى” توركيا پلان يا هه‌ى هه‌تا سنوورى عيراقێ كونترۆل بكه‌ت”.
وى به‌رپرسێ ئه‌مريكى گۆت ژى” توركيا دێ هێرشێن خوه بۆ سه‌ر باكوورێ سووريێ به‌رفره‌هتر لێكه‌ت”.
ئه‌ڤرۆ نیوز:
راهێنه‌رێ هه‌لبژارتیێ فره‌نسا دیدییه دیشامب د دووماهیى داخویانیا خوه ل سه‌ر ڤه‌گه‌راندنا هێرشبه‌رێ یانا ریال مه‌درید كه‌ریم بن زیما دیاركر ئه‌وان چ هزر ل ڤه‌گه‌راندنا ئه‌وى یاریزانى نه‌كریه جاره‌كا دى بوو هه‌لبژارتیێ فره‌نسا.
زێده‌تر ئه‌وى راهێنه‌رێ ناڤبرى بوو رۆژناما موندو دیپورتیفو یا كه‌ته‌لونى دیاركر دورخستنا كه‌ریم بن زیما بریاره‌كا وه‌رزشى بوو چ ئه‌گه‌رێن دى نینه و دڤى ده‌مى دا هاتنا ئه‌وى بوو ناڤ رێزێن پێكهاتیێ فره‌نسا چ مفاى نا گه‌هینته ئه‌وان و ئه‌و دبینت نه د به‌رژوه‌ندیا تیمێ دا یه ئه‌و بهێته داخوازكرن و ئه‌وان ده‌رگه‌ه به‌رامبه‌ر ڤه‌گه‌راندنا ئه‌وى گرتى یه هزر ل ئینانا ئه‌وى نه‌كریه دڤى ده‌مى دا.
هه‌ژى گوتنێ یه كه‌ریم بن زیما ل سالا 2015 ژ پێكهاتیێ هه‌لبژارتیێ فره‌نسا هاتیه دورخستن و ل ماوێ 4 سالێن بورى ئه‌و نه هاتیه داخوازكرن.
ئه‌ڤرۆ نیوز:
یانا ریال مه‌درید ده‌مه‌كێ درێژه ب دانوستاندنان ڤه ل گه‌ل یاریزانێ دانیمارى و ستێرا هێلا ناڤینا یانا توتنهام كریستیان ئاریكسن بوو ڤه‌گوهاستنا ئه‌وى دناڤ رێزێن وێ یانا مه‌له‌كى دا لێ سێ یانێن به‌رنیاس ل سه‌ر ئاستێ ئورۆپا كه‌ڤتینه د هه‌ڤركیێ دا ل گه‌ل وێ یانێ بوو ده‌ستڤه ئینانا ئه‌وى یاریزانێ دانیماركى.
رۆژناما كاتشیو مێركاتو یا ئیتالى دیاركریه هه‌ر ئێك ژ یانێن یوڤانتوس و ئه‌نتر میلان و بایرن میونیخ ده‌ست ب لڤینا كرینه بوو ده‌ستڤه ئینانا ئه‌وى یاریزانێ توتنهام .
هه‌ردیسان وێ رۆژنامێ دیاركریه ژى یانا یانا میونیخ ژى كوژمه‌كێ مه‌زن ته‌رخانكریه بوو ده‌ستڤه ئینانا ئه‌وى یاریزانى و راهێنه‌رێ ئه‌نتر میلان كونتى داخوازى ژ به‌رپرسێن وێ یانێ كریه ب زیترین ده‌م دانوستاندنان ل گه‌ل وى ستێرا توتنهام بكه‌ن بوو ده‌ستڤه ئینانا ئه‌وى .
هه‌ژى گوتنێ یه ل هاڤینا بهێت هه‌ڤبه‌ستا ئه‌وى یاریزانێ ناڤبرى دێ ل گه‌ل توتنهام ب دووماهیى هێت و دێ ب هه‌ڤبه‌سته‌كا سه‌ربه‌ست هێته ڤه‌گوهاستن.
ئه‌ڤرۆ نیوز:
یانا سامبدوریا ب فه‌رمى راهێنه‌رێ به‌رنیاس یێ ئیتالى كلاودیو رانێرى وه‌كو راهێنه‌رێ نوو یێ یانا خوه ده‌ست نیشانكر ل جهێ راهێنه‌رێ به‌رى نوكه فرانشیسكو كو ئه‌ڤه د بیته جارا دوێ د ماوێ حه‌فت هه‌یڤان دا رانێرى پوستێ یانه‌كێ وه‌رگریت ل جهێ فرانشیسكو پشتى ل ماوێ بورى ژى پوستێ یانا روما وه‌رگرتى ل جهێ هه‌مان راهێنه‌رى.
یانا سامبدوریا هه‌ڤبه‌ستا رانێرى ئیمزاكر هه‌تا دووماهیا هاڤینا 2021
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ شه‌مبيێ 12/10/2019 پێشوازى ل شێخ ( ئه‌حمه‌د عاسى ئه‌لجه‌ربا) سه‌رۆكێ ره‌وتێ غه‌د يێ سوورى و شانده‌كێ د گه‌لدا كر.
د ديداره‌كێ دا ره‌وشا سياسى يا سووريێ و دووماهى پێشهاتێن رۆژئاڤا كوردستانێ هاته به‌حسكرن.
هه‌ر د وێ كۆمبوونێ دا سه‌رۆك بارزانى نێگه‌رانيا خوه ل دۆر چاره‌نڤيسێ گه‌لێ كورد ل سووريێ و ئاواره‌بوونا خه‌لكى و كاره‌سات و نه‌هاه‌تيا زێده‌تر بۆ گه‌لێ كورد ل سووريێ بۆ شاندێ مێهڤان به‌رچاڤكر.
ئه‌ڤرۆ نيوز:
ئه‌ميندارێ گشتيێ كۆمكارا عه‌ره‌بى ئه‌حمه‌د ئه‌بولغيت هه‌لويستێ خوه يێ توند به‌رامبه‌ر هێرشا توركيا بۆ سه‌ر رۆژئاڤايێ كوردستانێ ده‌ربرى و داخواز ژ توركيا كر، هێرشا خوه بۆ سه‌ر باكوورێ رۆژهه‌لاتا سووريێ ب راوه‌ستينيت، هوشدارى ژى دا كو توركيا دخوازيت نه‌ژادێ كوردان نه‌هێليت و ديموگرافيا ده‌ڤه‌رێ ب گوهۆريت.
ئه‌بولغيت ئه‌ڤرۆ شه‌مبيێ 12/10/2019 د گۆتاره‌كێ دا ل كۆمبوونا ب له‌ز يا كۆمكارا عه‌ره‌بى كو ل قاهيره تايبه‌ت ل دۆر هێرشا توركيا بۆ سه‌ر باكوورێ رۆژهه‌لاتا سووريێ ب رێڤه‌چوو، راگه‌هاند” مه‌ترسيا نه‌هێلانا كوردان ل سووريێ ژ لايێ توركيا ڤه يا هه‌ى”. داخواز ژ ئه‌نقه‌ره ژى كر هێرشا خوه ب راوه‌ستينيت.
گۆت ژى” ئه‌و هێرشا توركيا دێ كاره‌ساتێن مه‌زن بۆ ده‌ڤه‌رێ ل دووڤ خوه ئينيت و گه‌فه‌كا مه‌زنه بۆ نه‌هێلانا كوردان و ئاكنجيكرنا په‌نابه‌ران ل جهێن وان وگوهۆرينا ديموگرافيا ده‌ڤه‌رێ، هه‌روه‌سا په‌يدابوونا رێكخراوێن تيرۆرستى يێن نوو ب تايبه‌ت ل ده‌ڤه‌رێن رۆژهه‌لاتا فوراتێ، كو ژ لايێ توركيا ڤه بووينه ئارمانج و 7 زيندانێن مه‌زن يێن لێ هه‌ين و ب هزاران چه‌كدارێن زيندانكريێن داعشێ د وان زيندانان دانه”.
دياركر” 12 هزار چه‌كدارێن داعشێ يێن د زيندانێن باكوورێ سووريێ دا هه‌ين”. به‌رپرسياره‌تيا ئه‌نجامێن ڤێ ره‌وشى ژى خستنه ستوويێ توركيا.
ئه‌ڤرۆ نيوز:
وه‌زاره‌تا خواندنا بلند و ڤه‌كۆلينێن زانستى ل هه‌رێما كوردستانێ د رۆهنكرنه‌كێ دا ده‌مێ ( تۆماركرنا سكالان) و (دابه‌زين) و (گوهۆرينا جهى) بۆ ده‌رچوويێن 12 ئاماده‌يى درێژ دكه‌ت.
عه‌باس ئه‌كره‌م، په‌يڤدارێ وه‌زاره‌تا خواندنا بلند و ڤه‌كۆلينێن زانستى ئه‌ڤرۆ شه‌مبيێ 12/10/2019 راگه‌هاند” پێشكێشكرنا سكالايان بۆ ده‌رچوويێن 12 ئاماده‌يى بۆ ده‌مێ 48 ده‌مژمێران هاته درێژكرن، ئانكو هه‌تا ده‌مژمێر 12 شه‌ڤا دوشه‌مبى 14/10/2019 و تۆماركرنا سكالايان ب شێوێ ئۆنلاين ل ويب سايتێ (www.regayzanko.com) دێ بەردەوام بيت”.
دياركر ژى” (دابه‌زين) و (گوهۆرينا جهى) هه‌تا دووماهيا ڤێ حه‌فتيێ دێ به‌رده‌وام بيت، ئانكو هه‌تا دووماهيا ده‌واما فه‌رمى ل رۆژا پێنجشه‌مبيا داهاتى كو پرۆسا دابه‌زين و گوهۆرينا جهى د ناڤبه‌را تۆمارا زانكۆيان ب خوه دا دێ هێنه ئه‌نجامدان”.
ئه‌ڤرۆ نیوز:
هه‌لبژارتیێ فره‌نسا دهێته هژمارتن ئێك ژ به‌رنیاسترین و ب هێزترین هه‌لبژارتیێن جیهانێ و چه‌ندین ستێر ل گه‌ل ڤى هه‌لبژارتى هاتینه د جیهانا ته‌پا پێ دا .
لیستا باشترین گولكه‌رێن مێژوى یێن هه‌لبژارتیێ فره‌نسا
تێرى هنرى 51 گول
میشیل پلاتینى 41 گول
ئولیڤه‌ر جیرو 37 گول
ترێزیگیه 34 گول
زێدان 31 گول
جان پییر پاپین 30 گول
كه‌ریم بن زیما ئه‌وى بوو ماوێ چار سالانه ژ هه‌لبژارتیێ وى وه‌لاتى هاتیه دورخستن خودانێ 27 گولانه د 81 یاریێن ده‌وله‌تى دا كو دووماهیى یاریا وى 10-8-2015 ل گه‌ل هه‌لبژارتیێ ئه‌رمینیا بوو شیابوو دو گولان توماربكه‌ت و ل گه‌ل 1 ئه‌سیست
ئه‌ڤرۆ نیوز:
یانا بریشیا یا ئیتالى بهایێ فروتنا ستێرا خوه یێ گه‌نچ ساندرو تونالى ده‌ست نیشانكر ئه‌وێ نوكه بوویه جهێ گرنگیا چه‌ندین یانێن به‌رنیاس ل سه‌ر ئاستێ ئورۆپا.
تونالى ئه‌وێ ل وه‌رزێ بورى و ئه‌ڤ ساله شیاى ئاسته‌كێ بلند ل گه‌ل یانا خوه پێشكیش بكه‌ت و بوویه جهێ گرنگیا هژماره‌كا یانێن به‌رنیاس ل ئورۆپا به‌رپرسێن وێ یانێ بهایێ فروتنا ئه‌وى یاریزانى ده‌ست نیشانكر و مالپه‌رێ كاتشیو مێركاتو یێ ئیتالى ئاشكراكریه به‌رپرسێن وێ یانێ دیاركریه هه‌ر یانه‌كا حه‌زا ئیمزاكرنا هه‌ڤبه‌ستێ ل گه‌ل ستێرا ئه‌وان ساندرو تونالى هه‌بیت پێدڤى یه كوژمێ 40 ملیون یورۆیا پێشكێشى یانا ئه‌وان بكه‌ن.
تونالى ئه‌وێ نوكه دهێته به‌رنیاسین پێرلو یێ نوو ل سه‌ر ئاستێ ئیتالیا بوویه جهێ گرنگیا هه‌ر ئێك ژ یانێن میلان یوڤانتوس و مانچێسته‌ر یوناید و پاریس سانجێرمان و بروسیا دورتموند .
ئه‌ڤرۆ نیوز:
ستێرا به‌رێ یا هه‌لبژارتیێ به‌رازیل و یانا به‌رشه‌لۆنا ریفالدو دیاركر پێدڤى یه یانا به‌رشه‌لۆنا یاریزانێ خوه یێ فره‌نسى عوسمان دێمبلى سزا بده‌ت ژبه‌ر ئه‌و رافتارێن وى یێن ڤێ دووماهیێ.
زێده‌تر وى ستێرا به‌رێ یا به‌رازیلى د داخویانیه‌كا رۆژنامه‌ڤانى دا دیاركر ل سه‌ر یاریزانى پێدڤى یه ل ناڤا یاریگه‌هێ دا كونترولێ ل سه‌ر خوه بكه‌ت و یێ شاره‌زا بیت د رافتارێن خوه دا لێ ئه‌وه ڤێ دووماهیێ دێمبلى به‌رامبه‌ر دادڤانێ دووماهیى یاریا به‌رشا ئه‌نتونیو ماتیو لاهوز كرى نه رافتاره‌كا جوان بوو ژلایێ یاریزانه‌كێ مینا یانه‌كا وه‌كو به‌رشه‌لۆنا .
هه‌ردیسان ریفالدوى ئاماژه ب وێ چه‌ندێ ژى كر ژبه‌ر وێ رافتارا وى به‌رامبه‌ر دادڤانى كرى ئه‌و یاریزان دێ ل دو گرنگترین یاریێن یانێ بێ باربیت ژ ئه‌وانا یاریا كلاسیكو ل سه‌ر یانێ پێدڤى یه وى یاریزانى سزابده‌ن داكو ئه‌و چه‌نده نه‌هێته دورباره‌كرن ژلایێ چ یاریزانێن دى ڤه.
نيشاندان