ئه‌ڤرۆ نیوز، عه‌زیز هه‌ورامی

هه‌ردو حوكمه‌تێن هه‌رێما كوردستانێ و به‌غدا د دانوستاندنان دانه‌ بۆ چاره‌سه‌ركرنا كێشێن په‌ترۆلێ و بودجه‌ى و ده‌ڤه‌رێن كوردستانێ یێن ده‌رڤه‌ى ئیدارا هه‌رێما كوردستانێ، ئه‌ندامه‌كا جڤاتا نوونه‌رێن عیراقێ دبینیت كو ده‌لیڤا رێككه‌فتنێ و لێك تێگه‌هشتنێ یا ل به‌رده‌م هه‌ردو لایه‌نان هه‌ى.

مه‌یاده‌ نه‌جار، ئه‌نداما جڤاتا نوونه‌رێن عیراقێ ژ فراكسیۆنا پارتى بۆ ئه‌ڤرۆ نیوز گۆت” ده‌لیڤه‌ نوكه‌ یا ل به‌رده‌م هه‌ولێرێ و به‌غدا یا په‌یدابووى تاكو په‌یوه‌ندیێن خوه‌ باشتر بكه‌ن و كێشێن هه‌لاویستى چاره‌سه‌ر بكه‌ن، نوكه سه‌رۆك وه‌زیرێن عیراقێ تا راده‌یه‌كى دانپێدانێ ب مافێن هه‌رێما كوردستانێ دكه‌ت”.

گۆت ژى” مه‌ چه‌ندین مه‌له‌فێن گرنگ یێن هه‌ین كو هێشتا نه‌هاتینه‌ چاره‌سه‌ركرن وه‌كو پترۆل و غاز و مادا 140 و مه‌له‌فێ پێشمه‌رگه‌ى و ده‌ڤه‌رێن كوردستانى یێن ده‌رڤه‌ى ئیدارا هه‌رێمێ، له‌وما پێدڤیه‌ فراكسیۆنێن كوردستانى ب ئێكگرتى مل ب ملێ حوكمه‌تا هه‌رێمێ بزاڤا ب ده‌ستڤه‌ئینانا مافێن گه‌لێ كوردستانێ بكه‌ن و هێزا مه‌ یا د ئێكگرتنا مه‌ دا”.

مه‌یاده‌ نه‌جار دیاركر” گاڤێن باش یێن هاتینه‌ هاڤێتن بۆ رێككه‌فتنێ د ناڤبه‌را حوكمه‌تا هه‌رێمێ و حوكمه‌تا به‌غدا، دانوستاندنێن هه‌ردو لایه‌نان ب تایبه‌ت ل سه‌ر بودجا هه‌رێما كوردستانێ د ئه‌رێنى نه‌ و ل نێزیك كێشا بودجه‌ى ل گه‌ل به‌غدا دێ هێته‌ چاره‌سه‌ركرن و هه‌لویستێن سه‌رۆك وه‌زیرێن عیراقێ ل دۆر وى بابه‌تى د باشن”.

ئەڤرۆ نیوز:

بەدران چیا فەرماندارەکێ هێزێن سووریا دیموکرات راگەهاند کو پشتی ئەمریکا هێزێن خوە ژ سنورێ مە ل گەل تورکیا ڤەکێشیت بێگومان دێ ڤالاهیەکا ئەمنی دروست بیت و ژ بەر هندێ ئەم دێ ل گەل شامێ و مۆسکۆ دەست ب دانوستاندنان کەین دا نەهێلین چو ڤالاهیا ئەمنی دروست بیت.

ناڤهاتی راگەهاند کو ئەم ناهێلین تورکیا باکورێ سووریێ و رۆژئاڤایێ کوردستانێ داگیر بکەت و ژ بەر هندێ گەلەک بژاردێن دی ل بەر دەستێ مە هەنە و دێ بکار ئینین.