ئەڤرۆ نیوز:
وەزیرێ دەرڤە یێ ئیرانێ محەمەد جەواد زەریف راگەهاند کو ئەو چو رێککەفتنێن نوو سەبارەت ب بەرنامێ ئەتۆمی یێ ئیرانێ ل گەل ئەمریکا ناکەن و دیار کر کو بەری هەر تشتەکێ دڤێت ئەمریکا سزایێن ئابووری یێن ل سەر ئیرانێ راکەت.
محەمەد جەواد زەریف ئەو یەک ژی دیار کر کو ترامپ د هەلویستێ خوە دا راستگو نینە و ژ بەر هندێ چو رامانا رێککەفتنێن نوو ل گەل ئەمریکا نابیت.
ئه‌ڤرۆ نیوز:
راهێنه‌رێ هه‌لبژارتیێ عیراقێ بوو هه‌ردو یاریێن بهێت به‌رامبه‌ر هونگ كونگ و كومبودیا ژ ڤاڤارتنێن ده‌ربازبوونێ بۆ موندیالا جیهانى پێكهاتیێ دووماهیێ هه‌لبژارت و د ناڤا پێكهاتیێ ڤێ جارێ دا راهێنه‌رێ هه‌لبژارتیێ عیراقێ چه‌ندین گوهورین كرینه و شه‌ش یاریزانێن نوو داخوازى هه‌لبژارتیێ عیراقێ كرینه كو ژ ئه‌وانا بوو جارا ئێكێ ستێرا كورد و یانا گوریتسا یا كرواتى ژیلوان حه‌مه‌د داخوازى پێكهاتیێ هه‌لبژارتیێ عیراقێ كر و د هه‌مان ده‌م دا كابتن و ستێرا سانتا كلارا یا پورتوگالى ئوسامه ژ پێكهاتیێ یانێ دورخست .
پێكهاتیێ دووماهیێ ب ڤى ره‌نگێ خوارێ یه
گولچیى
فه‌هد تالب ژ جه‌ویه و محه‌مه‌د حه‌مید ژ شورته و محه‌مه‌د سالح ژ جه‌ویه
هێلا به‌ره‌ڤانیێ
زرغام ئیسماعیل و عه‌لى فایز و سعد ناتق و عه‌لا مهاوى ژ شورته ئه‌حمه‌د ئیبراهیم و مه‌یسه‌م جه‌بار ژ جه‌ویه و موسته‌فا نازم و موسته‌فا محه‌مه‌د ژ زه‌ورا و رێبین سولاقا رادینسكی یا سربى و عه‌لى عه‌دنان ژ فانكوفه‌ر یا كه‌ندى .
هێلا ناڤین محه‌مه‌د قاسم و ئیبراهیم بایش ژ جه‌ویه و سه‌فا هادى و ئه‌مجد عتوان ژ شورته و همام تارق ژ ئیسماعیلى یا مسرى و به‌شار ره‌سه‌ن ژ پیروزى یا ئیرانى و جیستن میرام ئه‌تلانتا ئه‌مریكى و ئه‌حمه‌د یاسین ژ هاكێن یا سویدى و ژیلوان حه‌مه‌د گوریستا .
هێلا هێرشبه‌رى
علا عه‌باس ژ زه‌ورا و عه‌لا عه‌بدولزهره ژ شورته و مهند عه‌لى ژ ده‌حێل یا قه‌ته‌رى.
هه‌ژى گوتنێ یه هه‌لبژارتیێ عیراقێ دێ هه‌ردو یاریێن خوه ل مه‌ها بهێت كه‌ت كو بریاره یاریا به‌رامبه‌ر هونگ كونگ ل 10-10-2019 و یاریا به‌رامبه‌ر كومبودیا 15-10-2019 بكه‌ت
ئەڤرۆ نیوز، بارزان مزوورى:
هشیار بامه‌رنى نوونه‌رێ كومپانیا هانت ئویل یا به‌رهه‌مئینانا پترۆلێ ل ده‌ڤه‌را شێخان بۆ ئه‌ڤرۆ نیوز گوت: (وه‌زاره‌تا سامانێن سرۆشتى یا حكومه‌تا هه‌رێما كوردستانێ ب هه‌ماهه‌نگى دگه‌ل كومپانیا هانت ئویل بۆ گوندێن”دوشیڤان،بێرسته‌ك”ل سنورێ ناحیا باعه‌درێ دو پرۆژێن مه‌زن یێن چاندنێ كو د وه‌رزێ زڤستانێ به‌رهه‌مى بینن دهێنه دروست كرن).
ناڤهاتى خویاكر ژ وان هه‌ر دو پرۆژان هه‌ر ئێك ژ وان پرۆژه‌ى پێنج خانیێن پلاستیكى دهێنە دانان هه‌ر ئێك ژ وان خانیا ب درێژاهیا 44 م یا درێژه ل سه‌ر روبه‌رێ مه‌زن یێ عه‌ردى كو ژلایێ گوندى ڤه هاتیه دابین كرن، ئه‌ڤ هه‌ر دو پرۆژه دێ دو جورێن به‌رهه‌مى هێن چاندن باجان سورك و خیار ل ده‌سپێكا هه‌یڤا 10 دهێنه چاندن).
ناڤهاتى گوت ژی ئه‌ڤ پرۆژه وه‌كو هاریكارى بۆ جوتیارێن هه‌ر دو گوندانە به‌لێ ئه‌م دێ به‌رده‌وام هاریكاریا وان جوتیارا كه‌ین.
ئه‌ڤرۆ نیوز:
چاڤه‌رێ دهێته‌كرن سوباهى ل ده‌مژمێر 7:55 شه‌ڤ یانا ریال مه‌درید مێڤانداریا یانا كلوب بروچ یا به‌لجیكى بكه‌ت ژ چارچوڤێ یاریێن گه‌را دوێ ژ قاره‌مانیا چامپیونیز لیگا ئورۆپا .
راهێنه‌رێ یانا ریال مه‌درید زێدان د گونگرێ رۆژنامه‌ڤانى یێ ئه‌ڤرۆ یێ هه‌ردو یانان دا بوو ده‌زگه‌هێن راگه‌هاندنێ دیاركر بوو یاریا سوباهى ئه‌و دێ یاریێ كه‌ن بتنێ بوو سه‌ركه‌فتنێ و سه‌ربلندیا پشته‌ڤانێن یانێ ژبه‌ركو ئه‌و ل ده‌ڤ ئه‌وان گه‌له‌ك گرنگن .
هه‌ردیسان ناڤبرى دیاركر ژى ئه‌وان هێشتا ده‌رفه‌ته‌كا مه‌زن مایه بۆ ڤه‌گه‌راندنا ره‌وشا یانێ د قاره‌مانیا چامپیونیز لیگ دا پێدڤى یه یاریا ئێكێ یا به‌رامبه‌ر پاریس ژبیر بكه‌ین و هزر ل یاریێن بهێت بكه‌ین.
سه‌باره‌ت هازارد ناڤبرى دیاركر ئه‌و یاریزانه‌كێ سه‌ركه‌فتى یه و ئه‌وى باوه‌رى ب وى یاریزانى هه‌یه دێ مفایه‌كێ مه‌زن گه‌هینته یانێ و ئه‌و نابیت هزر ل وێ چه‌ندێ بكه‌ن كا نوكه ئه‌و چ ره‌وش دایه لێ هازارد یاریزانه‌كێ ستێره و یانه دێ مفایه‌كێ مه‌زن ژ شیانێن ئه‌وى بینت و سه‌باره‌ت راموس ناڤبرى دیاركر بتنێ ئه‌و ئێك راموس دنیاسن ئه‌وژى سه‌ركرده‌یێ یانێ و هه‌ر ده‌مێ راموس دناڤا پێكهاتیێ یانێ دا بیت هێزه‌كا دى ده‌ته ئاستێ یانێ .
ئەڤرۆ نیوز:
عەبدوللا عەبدوللا هەڤڕکێ سەرەکی یێ ئەشرەف غەنی سەرۆکێ نها یێ ئەفغانستانێ راگەهاند کو دەنگێن وی ژ یێن هەڤڕکی وی زێدەترن و سەرکەفتنا خوە راگەهاند.
ئەو یەک د دەمەکێ دایە کو دوهی بەرپرسەکێ ئەفغانستانێ راگەهاندبوو کو رێژا پشکداریا وەلاتیان د هەلبژارتنان دا ٢٠% بوویە و ئەو یەک ژی مەشروعیەتا هەلبژارتنان دکەتە ژێر پرسیارێ.
ئه‌ڤرۆ نیوز:
پشتى یاریێن گه‌را حه‌فتێ ژ خۆلا لالیگا ئیسپانیا ب دووماهیى هاتى مالپه‌رێ هوسكورد باشترین پێكهاتیێ وێ گه‌رێ هه‌لبژارت كو چ یاریزانێن هه‌ردو یانێن ریال مه‌درید و ئه‌تله‌تیكو مه‌درید دناڤا وى پێكهاتى دا نه هاته دیتن و ل گه‌ل ئێك یاریزانى به‌رشه‌لۆنا و ژ هه‌ردو یانێن ڤیاریال و ئیبار شه‌ش یاریزان دناڤا باشترینێن حه‌فتیێ دا بوون.
پێكهاتیێ گه‌را حه‌فتێ ب ڤى ره‌نگى خوارێ بوو.
گولچیى دیمیتروڤیچ ژ یانا ئیبار
هێلا به‌ره‌ڤانیێ فێربو ژ به‌رشه‌لۆنا و پوستیگو ژ لیڤانتى و ئولیڤاس ڤه‌له‌د وه‌لید و دى بلاسیس ژ ئیبار .
هێلا ناڤین مورینو ژ ڤیاریال و پارێخو ژ ڤالنسیا و كازورلا ژ ڤیاریال و ئینو ژ ئیبار
هێلا هێرشبه‌رى جوسیلو ژ ئالاڤیس و ئیكامبى ژ ڤیاریال
ئەڤرۆ نیوز، هۆشەنگ تاجر:
کۆنفرانسێ سووریێ ژ ئالیێ پارتا کۆماریا گەل ڤە هاتە برێڤەبرن و هەموو ئالیێن سیاسی یێن سووریێ بێی کوردان بۆ کۆنفرانسی هاتنە ڤەخواندن و چاڤدێرێن سیاسی ژی دبێژن ئەو یەک نیشا ددەت کو هەلویستێ جەهەپێ ل هەمبەر کوردان ژ یێ ئاکپارتیێ خرابترە.
دەزگەهێن راگەهاندنا تورکیا ژی دیار دکەن کو جەهەپێ ب رێیا سازکرنا کۆنفرانسێ سووریێ دڤێت هەڤڕکیا ئاکپارتیێ بکەت و ئارمانجا وێ ژی دەستهەلاتە و پرسا کوردی و چارەسەرکرنا وێ د بەرنامێ جەهەپێ دا نینە.
ئه‌ڤرۆ نیوز:
یانا ئه‌رسینال دخوازیت ل ڤه‌گوهاستنێن بهێت خوه ژ ستێرا خوه یا ئه‌لمانى مه‌سعود ئوزێل قورتال بكه‌ت.
رۆژناما میرو یا برێتانى دیاركریه یانا ئه‌رسینال دخوازیت ل ڤه‌گوهاستنێن زڤستانا بهێت ب شێوه‌یێ خواستن یاریزانێ خوه یێ ئه‌لمانى مه‌سعود ئوزێل بده‌ته یانه‌كا دى ژبه‌ركو وى یاریزانى نوكه چ رولى سه‌ره‌كى ل گه‌ل وێ یانێ نینه و یاریزانه‌كێ یه‌ده‌گ نوكه ل گه‌ل وێ یانێ.
هه‌ردیسان وێ رۆژنامێ ئاماژه ب وێ چه‌ندێ ژى كریه ئه‌رسینال دخوازیت خوه ژ وى یاریزانى قورتال بكه‌ت ژبه‌ركو نوكه ئه‌و یاریزان حه‌فتیانه 350 هزار جینێ ئیسترلینى د وه‌رگریت.
نيشاندان