NO IORG
نووترين نووچه
Facebook

ئەڤرۆ نیوز، رێوار مزیری:

بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ دیار کر کو پشتی پۆلیسێن ھەوارھاتنێ ل دھۆکێ ئەڤرۆ رۆژا ٢٥/٨/٢٠١٩ێ ل سەر دیتنا تەرمێ زەلامەکی ل  تاخێ مالتایێ یێ باژێرێ دهۆکێ ھاتینە ئاگەھدارکرن ئێکسەر گەھشتنە جھێ روودانێ و دیاربوو کو بەری چەند رۆژان وی زەلامی د مالا خوە ڤە خوە کوشتیە.

موقەدمێ مافپەروەر ھێمن سلێمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ نیوز خویا کر کو پشتی پۆلیسێن ھەوارھاتنێ ل سەر دیتنا تەرمێ زەلامەکێ د ژیێ ٧٨ سالیێ دا ل تاخێ مالتایێ یێ باژێرێ دھۆکێ ھاتینە ئاگەھدارکرن ئێکسەر گەھشتنە جھێ روودانێ و د ڤەکۆلینێن دەستپێکی دا دیاربوو کو وی زەلامی بەری چەند رۆژان خوە د مالا خوە ڤە کۆشتیە و کەسێ ئاگەە ژێ نەبوویە.
ناڤھاتی ئاماژە دا وێ چەندێ کو ئەڤ زەلامە خەلکێ پارێزگەھا دھۆکێ یە و گۆت: “نوکە پەرێن ڤەکۆلینێ ل نڤیسینگەھا کوشتن یا نەھێلانا گونەھباریان ھاتینە ڤەکرن بۆ تمامکرنا ڤەکۆلینێ”.

673

ئه‌ڤرۆ نیوز، عه‌لى حاجى :

ئه‌ڤرۆ ل روژا ئێك شه‌مبێ د سه‌ره‌دانه‌كێ دا بێگه‌رد ته‌له‌بانى وه‌زیرا كشتولا حكومه‌تا هه‌رێما كوردستانێ سه‌ه‌ردانا ده‌روازه‌یێ نێڤده‌وله‌تى یا ئیبراهیم خه‌لیل كرن و ژ نێزیك ڤه‌ ژى لێنێرینه‌ك ل تاقیگه‌هێن ناڤ ده‌روازا ناڤبرى داكر.

د كونگره‌یه‌كێ روژنامه‌ڤانى بێگه‌رد تاله‌بانى دیاركر مه‌ره‌م ژ سه‌ره‌دانا وێ بۆ كومه‌لگه‌هێ ئه‌وه‌ كو ژ نێزیك ڤه‌ دیتنه‌كێ ل وان كه‌لو په‌لێن بكه‌ین ب وه‌زاره‌تا كشتوكالێ ڤه‌ گرێدایى و هه‌ر دیسان شێوازێ ئینانا وان به‌رهه‌مان ئه‌وێن ب رێیا ڤێ كومه‌لگه‌هێ دهێنه‌ ناڤ ئاخا كوردستانێ دا و هه‌ر دیسان شێوازێ هنارتنا وان به‌رهه‌مێن ناڤخو بۆ ژده‌رڤه‌، ژبه‌ركو ئه‌و به‌رهه‌مێن دهێنه‌ ناڤ كوردستانێ و عێراقێ دا ب رێیا ڤێ ناڤه‌ندى یه‌ و ئێكه‌م وێستگه‌هه‌ بو زانینا جورێ وان به‌رهه‌مێن دهێته‌ ناڤ بازارێن مه‌دا، ب خوه‌شحالى ڤه‌ ئه‌وا یا من دیتى كو جهێ ده‌ست خوه‌شیێ یه‌ كو ئه‌و هوشیارى و ستافێ ئه‌كادیمى یا لبه‌ر ده‌ست هه‌یى و كاره‌كێ باش دهێته‌ كرن .

دا زانین ژى : ژلایێ مه‌ ڤه‌ زور یا گرنگه‌ دووڤچونێ ل سه‌ر وان كومپانیان یا ژى وان ده‌رگه‌هێن سنورى بكه‌ین یێ كه‌ل و په‌لێن گرێدایى ب وه‌زاره‌تا مه‌ڤه‌ ب تایبه‌تى ژى كونترولا جورى و گوت: مه‌ وه‌كو وه‌زاره‌ت بریار دایه‌ ب شێوه‌یه‌كێ مه‌یدانى دووڤچونا وان كێشه‌یان بكه‌ین یێ كو دكه‌ڤنه‌ رێیا رێڤه‌به‌ریێن سه‌ر ب وه‌زاره‌تا مه‌ڤه‌ و له‌ورا دێ ماوه‌یێ دو روژان ئه‌ڤ سه‌ره‌دانا یا به‌رده‌وام بیت ژبو زانینا وان كێشه‌یان ب شێوه‌یه‌كێ گشتى داكو ئه‌و كێشه‌یه‌ دگه‌ل ئه‌نجومه‌نێ وه‌زیران بهێنه‌ چاره‌سه‌ر كرن و ل سه‌ره‌دانا مه‌ ژى دا دیار بوو كو مه‌ پێدڤى ب هه‌مانگه‌هیه‌كا باش هه‌یه‌ دگه‌ل وه‌زاره‌تا ته‌ندروستى و دگه‌ل وه‌زاره‌تێن دیتر هه‌یه‌ دا كو بشێن كێشه‌یان چاره‌سه‌ر بكه‌ین.

ل دوماهیێ گوت ژى : پشتى دیفچوونا مه‌ بۆ ل رێڤه‌به‌ریێن مه‌ و ژبه‌ر باشتر كرنا ره‌وشا جوتیاران و ل دووڤ وى به‌رهه‌مێ جوتیار دئیننه‌ ناڤ بازارى دا مه‌ بریارا قه‌ده‌غكرنا هنده‌ك به‌رهه‌مان ده‌ركرى یه‌ و ل سه‌ رمه‌ پێدڤى یه‌ ئه‌م ئه‌م مافێ جوتیارى و بكارهێنه‌رى پارێزین، مه‌ بریار نه‌جایه‌ بو راكرنا بریارێ ل سه‌ر قه‌ده‌غكرنا وان به‌رهه‌مان به‌لێ هه‌ر ده‌ما مه‌ زانى به‌رهه‌مێ ناڤخویى كێم بویه‌، د وى ده‌مى دا دێ بریار هیچته‌ راگرتن،بو ئینان به‌رهه‌مێت وه‌لاتێن دیتر مه‌ پێدڤى ب هه‌ما هه‌نگیێ هه‌یه‌ دگه‌ل وه‌لاتان و عێراقێ ،ژبه‌ر كو حكومه‌تا عێراقێ رێنما و بریارێن خوه‌ هه‌نه‌،مه‌ هه‌ما هه‌نگه‌یكا باش دگه‌ل حكومه‌تا عێراقێ هه‌یه‌ و ئه‌م ب ئومێدین دگه‌ل وه‌لاتێن دیتر ژى دروست بكه‌ین دا كو به‌رهه‌مێن مه‌ ژى باشتربن.

ئه‌ڤرۆ نيوز:

پشتى كومپانيا (Infor) ل جهێ كارێ ئه‌رزوحالچيان ده‌ستبكاربووى و بوويه‌ جهێ نه‌رازيبوونا وه‌لاتيان تايبه‌ت برێيا تورێن جڤاكى ره‌خنه‌ ل بهايێ گرانبوونا عه‌ريزه‌يان ژ سێ هزاران بۆ 25 هزار ديناران و زێده‌تر گرتى، سه‌نديكا پارێزه‌رێن كوردستانێ دژى ڤێ بريارێ هاته‌ ده‌نگ و ب فه‌رمى نڤيساره‌ك پێشكێشكى وه‌زيرێ داد كريه‌.

د ڤێ نيڤسارێ دا هاتيه‌ ئه‌و ل گه‌ل وێ چه‌ندێ نه‌ بوو ئه‌لكرونيكرنا كارێن حوكمه‌تێ لێ نه‌ ل سه‌ر كيستێ خه‌لكێ فه‌ير و كێم ده‌ره‌بات و ئه‌ڤ كاره‌ بيته‌ بارگرانى بۆ خه‌لكێ له‌ورا داخوازێ ژ وه‌زيرێ داد دكه‌ين پێداچونه‌كێ د گرێبه‌ستێ دابكه‌ن بۆ به‌رژه‌وه‌نديا گشتى.

69106953_2345167339056613_254096634667859968_n

ئه‌ڤرۆ نيوز، نيوار محه‌مه‌د سه‌ليم:

سپێدەھیا ئەڤرۆ، بەرێز فەھیم عەبدولا، سەرۆکێ جڤاتا پارێزگەھا دھۆکێ پێشوازی ل بەرێز ئالان حەمە سەعید وەزیرێ پەروەردێ ل حوکمەتا ھەرێما کوردستانێ و شاندێ ل گەل دا کر.

د پەیڤەکێ دا، بەرێز فەھیم عەبدولا، سەرۆکێ جڤاتا پارێزگەھا دھۆکێ وێرای پیرۆزباھیکرنێ ل ناڤری د ئەرکێ وی یێ نوو دا و داخواز ژێ کر کو چارەکێ ل ئاریشێن قوتابخانێن سێ دەوامی بکەن و وێ ئاریشێ نەھێلن ژ بەر کارتێکرنا وێ یا خراب ل سەر سیستەمێ خواندنێ.

د لایەکێ دی یێ پەیڤا خوە دا تەکست ل سەر سیستەمێ خواندنێ کر و دا زانین کو گوھۆڕینا سیستەمێن پەروەردەیی نەیا ب ساناھی یە و دەم پێ دڤێت و ل کوردستانێ ھەر کەسێ بۆ وەزیر کارێ وی یێ ئێکێ یێ بوویە گوھۆڕینا سیستەمێ پەروەردی و گۆت: “ل دنیایێ ھەموویێ سیستەمێ پەروەردەیی ب زەحمەت دھێتە گوھۆڕین و کەسانێن شارەزا پێ دڤێن. گوھۆڕینا سیستەمێ پەروەردەی وەکو گوھۆڕینا دستووری یە”.

ھەردیسا سەرۆکێ جڤاتا پارێزگەھا دھۆکێ داخواز ژ وەزیرێ پەروەردێ کر کو چارەکێ بۆ میلاکی ببینن و وەکھەڤیەکێ پەیدا کەن.

ژ لایێ خوە ڤە، بەرێز ئالان حەمە سەعید وەزیرێ پەروەردێ سۆپاسیا سەرۆکێ جڤاتا پارێزگەھا دھۆکێ کر و دا زانین کو ژ بەر گرنگیا جڤاتێ و پەیوەندیا وێ ب ھەموو سێکتەرێن پارێزگەھێ ڤە ئەوان سەرەدانا وان کریە.

دا زانین ژی کو پەروەردە ژ بەر کو پشکەکە ژ ژیانا پتریا خەلکی، ب کەرتەکێ گەلەک گرنگ دھێتە دانان و یا بێ کێماسی ژی نینە. ئاشکەرا ژی کر کو دێ بزاڤێ کەن وان ئاریشان چارەکەن.

د پشکەکا دی یا ئاخفتنا خوە دا، ئیشارەت ب وێ چەندێ کر کو ھەتا نھا ل ھەرێما کوردستانێ قانوونەکا تایبەت ب پەروەردێ ڤە نینە، قانوونا وەزارەتا پەروەردێ یا ھەی، بەلێ ئەو بزاڤێ دکەن قانوونەکا سەردەمانە بۆ کەرتێ پەروەردێ ل ھەرێما کوردستانێ ب دارێژن و بەرھەڤ کەن.

دەربارەیی سیستەمێ پەروەردی ژی دا زانین کو ئەو بزاڤێ دکەن پشت بەستنێ ل سەر زمانێ کوردی و ناڤخۆ بکەن کو پێشتر خەلکەکی سیستەم بۆ پەروەردێ ددانا، د دەمەکی دا کو ژمارەکا زۆر یا کەسانێن شارەزا یێن ناڤخۆ یێن ھەین.

ئەڤرۆ نیوز، نەوزاد ھلۆری:

پشتی کو بەرەڤانیا باژێری ل بلێ تەرمێ کەسەکێ د رووبارێ زێ مەزن دا ل نێزیک بلێ دیتیەڤە و بو نوژداریا داد ل دھۆکێ ھاتیە رەوانەکرن، دەرکەفت تەرمێ ئەوێ کچا بەری دوو ھەیڤان ل دێرەلووکێ خوە ھاڤێتیە د رووباری دا.

فەرھاد باقی نھێلی، بابێ ئەوێ کچێ بۆ ئەڤرۆ نیوز گۆت: (پتری دوو ھەیڤایە کچا من ل دێرەلووکێ خوە ھاڤێتیە د رووباری دا و ھەتا نوکە چارەنڤیسێ وێ نەدیارە و مە بەھیا وێ ژی دانابو، پشتی کو دوھی تەرمێ کەسەکێ ل نێزیک بلێ ھاتیە دیتن و مە ژ نێزیک سەرەدان بو کری، دەرکەفت تەرمێ کچا من ب ناڤێ ھنداڤ).

زێدەتر گۆت: (نوکە ئەم یێ بەرھەڤیان دکەین داکو تەرمێ کچا خوە ل نوژداریا داد ل دھۆکێ وەربگرین و ل دێرەلووکێ ڤەشێرین، سوپاسیا ھەموو وان کەسان دکەین کو ھاریکاریا مە کری بو لێگەریانا کچا من).

دھێتە زانین کو ژیێ ھنداڤێ 16 سالە و ل ناحیا دێرەلووکێ دژیت و قوتابی بویە، ب گورەی ئاخفتنێن کەسوکارێن وێ، ئەو چەندەک بو توشی نەخوشیا دەرونی بویی، لەورا خوە ھاڤێتیە رووباری.

ئه‌ڤرۆ نيوز، عه‌لى حاجى:

ئەڤرۆ ل روژا ئێک شەمبێ ل رێکەڤتی ۲۵/۸/۲۰۱۹ وەزیرێ پەروەدێ یێ حکومەتا ھەرێما کوردستانێ سەرەدانا باژێرێ زاخۆ کر و کومبونەک د گەل رێڤەبەرێ زاخۆ ئەنجام دا .

د کونگرەیەکێ روژنامەڤانی دا سامان سوەیلی، ئاخفتنکەرێ وەزارەتا پەروەردێ دیار کر سەرەدانا وەزیرێ پەروەردێ بو باژێرێ زاخۆ ژبەر وێ چەندێ بویە دا کو ژنێزیک ڤە رەوشا ھولێن ئەزمونێن قوناغا دوازدێ ببینن، ئەف سەردانە ب یاوەریا رێڤەبەرێ گشتیێ پەروەردا پارێزگەھا دھوکێ بوو، ھەر دیسان دێ سەرەدانا بنگەھێن ئەزمونان کەین ل قوتابخانەیێن زاخۆ، وەزیرێ پەروەردێ ژلایێ ئەنجومەنێ وەزیران ڤە ھاتیە راسپاردن کو کارنامەیێ چار سالێن بھێت یا پەروەردێ ئامادە بکەت و دچار چێوەێ وێ کارنامەیێ بەرنامە و پێدڤیێن ھەمی پەروەردان بھێنە دابین کرن.

گۆت ژی: ئەو کێم و کێاسی و کێشەێن د ناف پەروەردا زاخۆ دا ھەین ب رێیا کارنامەکێ رادەستی وەزیرێ پەروەردێ ھاتە کرن ژ لایێ رێڤەبەرێ پەروەردا زاخۆ، ل دۆر ڤێ چەندێ ژی وەزیرێ پەروەردێ سوزا چارەسەرکرنا وان کێشەیان دا یێ کو د ناڤ کەرتێ پەروەردێ دا ھەین ل سنورێ باژێرێ زاخۆ.

ئەڤرۆ نیوز، بارزان مزووری:

رائيدێ ماف ئازاد تاھا، بەرپرسێ پەیوەندی و راگەھاندنا رێڤەبەریا پولیسێن ھاتن و چوونا پارێزگەھا دھۆکێ بۆ ئەڤرۆ نیوز گوت: دوھی دەمژمێر 4:00ى ئێڤاری رێکەفتی 24-8-2019 ل سەر رێکا سەرەکیا شێخان بۆ کومەلگەھا چرە بەرامبەر کەمپا مام رەشان یا ئاواران روودانەک د ناڤبەرا چار ترومبێلان دا روودا د ئەنجام دا کچەکێ گیانێ خوه‌ ژ دەست دا سێ کەس ژی بریندار بوون و بۆ نەخوشخانا شێخان یا تەنگاڤیان ھاتنه‌ ڤەگوھاستن ژ بەر سەختیا برینێن وان برینداران، بۆ نەخۆشخانا تەنگاڤیا ل پارێزگەھا دھۆک ھاتنه‌ ڤەگوھاستن، بەلێ ب مخابنی ڤە خەبەرێ مرنا وی برینداری ژی گەھشتەمە کو د بیتە برایێ وێ کچا گیانێ خۆ ژ دەست دايی.

ناڤھاتی خویاکر روودان د ناڤبەرا دو ترومبێلێن ژ جورێ کرولا تایبەت و ترومبێلەک بارھەلگر ژ جورێ فاو دو تەن و ترومبێلەکا ژ جورێ پاسات یێن تورکی یێن ڤەگوھاستنا گەشتیاران بوو.

عەلی شەمۆ، پسمامێ کەسێن گیانێ خۆ ژ دەست داین د روودانێ دا بۆ ئەڤرۆ نیوزئه‌ڤ نووچه‌ پشت راست كر و گوت: ئێک ژ بریندارێن روودانا دوھی ئێڤاری ژ بەر سەختیا برینێن وی ل شەڤا بوری ل نەخۆشخانا تەنگاڤیا ل پارێزگەھا دھۆک گیانێ خوه‌ ژ دەست دا ب ناڤێ “فه‌رحان جنعان” برایێ وێ کچا گیانێ خوه‌ ژ دەست دای ب ناڤێ “حه‌نان جنعان” ھەردو ژ وان ئاوارێن قەزا شەنگالن د ناڤ کەمپا مام رەشان ئاکنجینە ل قەزا شێخان کارێ چاندنا بیستانا دکر د ناڤ بیستانی دچوون بۆ ناڤ کەمپێ تووشی روودانێ بووينه‌.

ئەڤرۆ نیۆز، سالار دۆسكی:

ب هەلكەفتا كارەساتا دلتەزین یا شنگالێ‌، ب بەرهەڤبوونا هەژمارەكا رەوشەنبیر و كەساتیێن دەڤەرێ‌ ئێڤاری یا ئەڤرۆ 24/8/2019 ل باغچێ‌ بنگەهێ‌ لالەش يێ ره‌وشه‌نبيرى وجڤاكى ل دهۆكێ‌، دەستەیا بنگەهێ‌ لالەش چەندین چالاكی بڤێ‌ هەلكەفتێ‌ ئەنجامدان.
ل دەسپێكێ‌  (سامان عومەر) شارەزا دقانوونێن دەولی دا بەحسێ‌ تاوانێن داعش كر ژ روویێ‌ قانوونی ڤە د قانوونێن دەولەتی دا، دووڤ دا (ئەیاد عجاج) بەحسێ‌ پەرتوكا خوە یا نوو كر یا ل سەر روودانێن ب سەرێ‌ ئێزدیا هاتین ل سالا 2014 ئەو روودان ب شێوەكێ‌ مەیدانی ڤە گوهاستینە و تایبەت ئەو زارۆیێن ئێزدی ئەوێن كەفتینە دەستێ‌ داعش، دووڤ دا پەرتۆكا وى یا بناڤێ‌( زارۆیێن ئێزدی د چارچۆڤێ‌ رێكخستنا داعشێ دا) ب زمانێ عه‌ره‌بى هاتە ئیمزاكرن و ل سەر بەرهەڤبوونا هاتە بەلاڤەكرن و ل دووماهیێ‌ پیشانگەهەكا شێوەكاری ب هەمان هەلكەفتا دلتەزین هاتە ڤەكرن.

ئه‌ڤرۆ نيوز:

ل دووڤ وان پێزانينێن ئه‌ڤرۆ نيوز وه‌رگرتين، پشتى به‌غدا پاره‌ بۆ مووچێ فه‌رمانبه‌رێن هه‌رێما كوردستانێ هنارتين، پرۆسا به‌لاڤكرنا مووچێ فه‌رمانبه‌ران زووتر لێهاتيه‌ وسوباهى ودوسوباهى دێ مووچێ هه‌موو وه‌زاره‌ت وده‌سته‌يان هێته‌ به‌لاڤكرن.

ل دووڤ وان پێزانينان، سوباهى ئێكشه‌مبى 25/8/2019 سامانێن سروشتى، ئه‌وقاف، خواندنا بلند، ناڤخوه‌، پێشمه‌رگێ زێره‌ڤانى وبه‌رگرى ناڤخوه‌، جڤاتا ئاسايشێ وده‌زگه‌هێ ئاسايشێ، ره‌گه‌زناما وپاسه‌پۆرت ليوايێن 1 و 2 يێن پۆليسێن پاراستنا داموده‌زگه‌هێن په‌ترۆلى.

هه‌روه‌سا دووسوباهى دوشه‌مبى 26/8/2019 مووچێ وه‌زاره‌تێن باژێرڤانى وگه‌شتوگوزار، ڤه‌گوهاستن وگه‌هاندن، كاره‌با، پلاندانان،چاندن و ژێده‌رێن ئاڤێ، ئاڤه‌دانكرن وئاكنجيكرن، ره‌وشه‌نبيرى ولاوان، بازرگانى وپيشه‌سازى، زێده‌بارى ده‌سته‌يێن مافێ مرۆڤى، ده‌ستپاكى، وه‌به‌رهێنان، ژينگه‌، ده‌زگه‌هێ مين، ده‌ڤه‌رێن ده‌رڤه‌ى ئيدارا هه‌رێمێ، ديوانا چاڤدێريا دارايى، كۆمسيۆنا بلند يا هه‌لبژارتن وراپرسى، هه‌رسێ سه‌رۆكايه‌تيێن هه‌رێمێ وپه‌رله‌مانى وجڤاتا وه‌زيران دێ هێته‌ به‌لاڤكرن.

هه‌روه‌سا د ڤێ حه‌فتيێ دا دێ مووچێ خانه‌نشينێن مه‌ده‌نى وله‌شكرى ژى هێنه‌ به‌لاڤكرن.

 ئەڤرۆ نیوز:بارزان مزووری

ئازاد تاها، بەرپرسێ پەیوەندی و راگەهاندنا رێڤەبەریا پولیسێن هاتنوچوونا پارێزگەها دهۆكی بۆ ئەڤرۆ نیوز راگه‌هاند :ئەڤرۆ 24/8/2019 ل سەر رێیا سەرەکیا شێخان بۆ کومەلگەها چرە بەرامبەر کەمپا مام رەشان یا ئاواران روودانەك د ناڤبەرا چار ترومبێلان روودا و د ئەنجامدا ژنه‌كێ گیانێ خوه‌  ژ دەست دا و سێ کەس ژی بریندار بوون وبۆ  نەخوه‌شخانا ته‌نگاڤیان ل شێخان هاتن ڤەگوهاستن.

گۆت ژى” روودان د ناڤبەرا دو ترومبێلێن ژ جۆرێ كورۆلا تایبەت و  بارهەلگر و ترومبێلەکا پاص یا تورکی یێن ڤەگوهاستنا گەشتیاران”.

68872166_738709196582392_2898491330046984192_n 69674235_388744818451233_8466479210230185984_n

website security
WP Facebook Auto Publish Powered By : XYZScripts.com