ئەڤرۆ نیوز:
سەرۆکێ هەرێما کوردستانێ نێچیرڤان بارزانی ل گەل هاریکارێ وەزیرێ گەنجینا ئەمریکا بۆ نەهێلانا پشتەڤانیا دارایی بۆ تیرۆرێ کۆمبوو و د کۆمبوونێ دا بەحسێ رەوشا ئابووری یا عیراقێ و هەرێما کوردستانێ و کەرتێ وزێ هاتە کرن.
سەرۆکێ هەرێما کوردستانێ راگەهاند کو بۆ نەهێلانا هاریکاریێن دارایی بۆ تیرۆرێ دڤێت د ئاسێ جیهانی دا پتر هاریکاریا هەرێما کوردستانێ بهێتە کرن.
د کۆمبوونێ دا مارشال بیلینگسلی راگەهاند کو ئەمریکا دێ بەردەوام هاریکاریا هەرێما کوردستانێ کەت.
ئه‌ڤرۆ نیوز:
سه‌رۆكێ یانا بایرن میونیخ ئولى هونیس په‌یامه‌كا دژوار ئاراسته‌ى یوكم لوڤ راهێنه‌رێ هه‌لبژارتیێ ئه‌لمانیا كر ژبه‌ر گولچیێ یانا خوه مانوێل نویه‌ر پشتى ل ماوێ بورى هه‌ردو گولچیێن هه‌لبژارتیێ ئه‌لمانیا نویه‌ر یێ یانا بایرن میونیخ و تێرشتیگن یێ یانا به‌رشه‌لۆنا ل سه‌ر كرنا یاریێ وه‌كو گولچیێ سه‌ره‌كى ل هه‌لبژارتیێ ئه‌لمانیا ب دژوارى به‌رسڤا ئێك دابوو كو هه‌ر ئێك ژ ئه‌وان خوه ژ هه‌ژى دانابوو وه‌كو گولچیێ سه‌ره‌كى ل گه‌ل هه‌لبژارتیێ وه‌لاتێ خوه.
رۆژناما بلێد یا ئه‌لمانى دیاركریه سه‌رۆكێ یانا بایرن میونیخ ئولى هونیس گه‌ف ل هه‌لبژارتیێ ئه‌لمانیا و راهێنه‌رێ هه‌لبژارتیێ ئه‌لمانیا یوكم لوڤ كرینه هه‌ر ده‌مێ لوڤ پشت به‌ستنێ ل سه‌ر تێرشتیگن بكه‌ت وه‌كو گولچیێ سه‌ره‌كى ل گه‌ل هه‌لبژارتیێ ئه‌لمانیا ل سه‌ر كیستێ نویه‌رى ئه‌و ژى وه‌كو سه‌رۆكێ یانا بایرن میونیخ رێكێ ناده‌ته چ یاریزانێن ئه‌لمانى ئه‌وێن ل یانا ئه‌وى یارى بوو هه‌لبژارتیێ ئه‌لمانیا بكه‌ن
ئەڤرۆ نیوز:
ئەندامەکێ فراکسیۆنا ئێکەتیێ ل پەرلەمانێ عیراقێ دیار دکەت کو مەسرور بارزانی بزاڤێن گەلەک جدی ل گەل بەغدایێ کرینە و بزاڤێن وی جهێ دلخوەشیێ نە و هەتا نها پێنگاڤێن گەلەک باش بۆ چارەسەرکرنا پرسێن د ناڤبەرا هەولێرێ و بەغدایێ دا هاتینە هاڤێتن.
حەسەن ئالی ئەو یەک ژی دیار کر کو هەرێما کوردستانێ ژی بۆ رێککەفتنا ل گەل بەغدایێ هندەک داخوازیێن خوە هەنە و پێدڤیە بەغدا ژی داخوازیێن هەرێما کوردستانێ ل بەرچاڤ وەربگریت.
ئه‌ڤرۆ نیوز:
ئێكه‌تیا ته‌پا پێ یا ئیسپانى ژڤانێ یاریا كلاسیكویا ئیسپانیا یا قوناغا ئێكێ دناڤبه‌را ریال مه‌درید و به‌رشه‌لۆنا دا ده‌ست نیشانكر .
رۆژناما موندو دیپورتیفو دیاركریه ئێكه‌تیا ته‌پا پێ یا ئیسپانى ب فه‌رمى بریار دایه یاریا كلاسیكو دناڤبه‌را ریال مه‌درید و به‌رشه‌لۆنا ژ چارچوڤێ یاریێن قوناغا ئێكێ ژ گه‌را ده‌هێ 26-11-2019 ل ده‌مژمێر ئێك نیڤرۆ ل دیڤ ده‌مێ ئیسپانیا بهێته‌كرن.
ئه‌ڤرۆ نيوز:
برياره ئه‌ڤرۆ هژماره‌كا ياريان ژ خول و قاره‌مانيێن ئوروپى بهێنه ئه‌جامدان ب ڤى شێوه‌ى:
خولا ئسپانيا گه‌را 6
8:00 ريال مايوركا * ئه‌تله‌تيكو مه‌دريد
8:00 ليگانێس * ئه‌تله‌تيكو بلباو
9:00 ڤالێنسيا * خيتاڤى
10:00 ريال مه‌دريد * ئوساسونا
خولا ئيتاليا گه‌را 5
8:00 روما * ئه‌تله‌نتا
10:00 فيورنتينا * سامبدوريا
10:00 ئه‌نترميلان * لازيو
10:00 ناپولى * كاليارى
10:00 پارما * ساسولو
10:00 جه‌نه‌وا * پولونيا
10:00 سبال * ليتچى
خولا فره‌نسا گه‌را 7
8:00 مونپليێ * نيم ئولومپيك
8:00 نانت * رێن
8:00 سانت ئيتيان * ميتز
8:00 تولوز * ئه‌نجيه
8:00 ستاد بريست * ليون
8:00 ليل * ستراسبورگ
8:00 ئه‌ميان * بوردو
10:00 پاريس سان جێرمان * ستاد ريمس
كاسا ئێكه‌تيا ئنگليزى
9:45 ميلتون كينز * لێڤه‌رپول
9:45 بيرتن ئه‌لبيون * بورنموس
9:45 شيفلد يونايتد * سندرلاند
9:45 برايتون * ئه‌ستون ڤێلا
9:45 ئوكسفورد يونايتد * وێستهام
9:45 وێلڤه‌رهامتون * رێدينگ
9:45 چێلسى * گرمبسى
9:45 مانچسته‌ر يونايتد * روشديل
ئەڤرۆ نیوز:
شاندەکێ پەرلەمانێ کوردستانێ ب سەرۆکاتیا هێمن هەورامێ جێگرێ سەرۆکێ پەرلەمانێ کوردستانێ ل گەل چەند سەرۆک فراکسیۆنێن ناڤ پەرلەمانی دێ رۆژا ٣٠/٩/٢٠١٩ سەرەدانا کوریا باشور کەن و ل گەل سەرۆکێ پەرلەمانێ وی وەلاتی کۆمبن.
هاتە زانین کو ئەو سەرەدانە ل سەر ڤەخواندنا فەرمی یا پەرلەمانێ کوریا باشورە.
ئه‌ڤرۆ نیوز:
پشتى یانا به‌رشه‌لۆنا ل ڤه‌گوهاستنێن هاڤینا ئه‌ڤ ساله نه‌شیاى شیانێن ستێرا به‌رازیلى و یانا پاریس سانجێرمان نیمارى ب ده‌ستخوڤه بینن ئه‌و یانا كه‌ته‌لونى دخوازیت ل ڤه‌گوهاستنێن بهێت جاره‌كا دى ده‌ست ب دانوستاندنان بكه‌ت ل گه‌ل وێ یانا فره‌نسى بوو ڤه‌گوهاستنا وى یاریزانێ به‌رازیلى .
رۆژناما ماركا ئیسپانى دیاركریه یانا به‌رشه‌لۆنا بوو ده‌ستڤه ئینانا شیانێن ستێرا به‌رازیلى و یانا پاریس سانجێرمان نیمارى پێدڤى یه ل سه‌ر وێ یانا كه‌ته‌لونى پێنچ یاریزانێن خوه بفروشیت هه‌تا بشێت وى كوژمێ پاره‌ى ب ده‌ستخوڤه بینت ئه‌وێ وێ یانا فره‌نسى ژ خواستى كو ئه‌و پێنچ یاریزانێن به‌ربژار یانا به‌رشه‌لۆنا ده‌ستا ژێ به‌رده‌ت هه‌ر ئێك ژ یاریزانان ئیڤان راكیتیچ و سامویل ئومتیتى و ڤیدال و موسا واجیه و كارلیس ئه‌لینیا.
هه‌ردیسان وێ رۆژنامێ بهایێ ڤه‌گوهاستنا ئه‌وان هه‌ر 5 یاریزانێن به‌رشه‌لۆنا ئاشكراكریه ل دویڤ مالپه‌رێ ترانسفر ماركێت یێ تایبه‌ت ب بازارێ ڤه‌گوهاستنا یاریزانێن جیهانى ڤه كو بهایێ فروتنا راكیتیچ 35 ملیون یورۆنه و یێ ئومتێتى 45 ملیون و ڤیدال 15 ملیون و یێ یاریزانێ گه‌نچ موسا 30 ملیون یورۆنه .
ئه‌ڤرۆ نيوز:
ژنەکا 30 سالی دلێ خوە بو ئەڤرو ڤەدکەت و دبێژیت: ئەڤە 8 سالە من شوو کری و من زارۆ نابن و نەبۆنا زارۆیان ژ زەلامێ منە، لێ ئاریشا من ئەوە ئەز حەز ژ زەلامێ خوە ناکەم و من و گەنجەکێ پەیوەندیەکا ئەڤینداری ل گەل ئێکدو ھەیەو نزانم چ بکەم، ژبەرکو ئەو کەسە ژی زور حەز ژ من دکەت و ئەز نەشێم بھێلم سەرەرای کو ھەست ب خیانەتا ھەڤژینیێ دکەم و نە یا ئارامم.
خانما ھێژا:
ئەڤە تشتەکێ خەلەتە و ل گەل ئایین و کلتور و رەوشت و تیتالێن مە ناگونجیت، ھەم تو یا خیانەتێ ل ھەڤژینێ خوە و ھەم ژی ل خوە دکەی و ئەڤە تشتەکێ گەلەکێ کرێتە تو د دەرھەقا ھەڤژینێ خوە و خویاتیا خوە دا دکەی و یا ب مەترسیە د جڤاکی دا، ئەرێ تە پرسیارا خوە و ھزرا خوە کریە کو ھەکە ئاشکرا بوی دێ چ روو دەت،ھشیار بە کەرامەتا خوە نە شکێنە و دڤێت تو بریارا خوە بدەی مادەم ھەشت سالە تو یا بێ زارۆ و ئاریشە ژ زەلامێ تەیە ھزرێن خوە بکە کا تە دڤێت ل گەل زەلامێ خوە بەردەوامیێ بدەیە ژیانێ و بێ زارۆ بی، ھەکە تو یا رازی بی دڤێت یا دلسوز بی ل گەل ھەڤژینێ خوە و دووماھیێ ب وێ پەیوەندیا خوە یا خەلەت بینی و چ جارێن دی خیانەتێ ل ھەڤژینێ خوە نەکەی، لێ ھەکە تە زارۆ بڤێن و تە دل ل سەر کەسەکێ دیتر ھەبیت تو دشێی خوە بدەیە بەردان دا تووشی چ ئاریشێن مەزن نەبی و ژیانا خوە ببینی، ئەڤجا چ شوو بڤی گەنجی بکەی یان کەسەکێ دی، ھەرچەندە ئەز باوەر ناکەم ئەو گەنجە تە بخو ببەت، چونکی ئەو زەلامێ پەیوەندی ل گەل ژنەکا شوو کری ھەی حەتا ھەکە زارۆ نەبن و چەندا جوان بیت بخو نائینیت، ژبەرکو ژێ دترسیت کو ھەکە بخو بینیت خیانەتێ ل وی ژی بکەت ئانکو باوەری پێ نامینیت.
نيشاندان