ئەڤرۆ نیوز، نەوزاد هلۆری:
رزگار محسن، نونەرێ سپونسەرێ فلمە ڤیستەڤالا دهۆک یا نیڤدەولەتی ل پارکا پانوراما ئازادی بۆ ئەڤرۆ نیوز دیارکر کو رێڤەبەریا فلمە ڤیستەڤالا دهۆک ب سپونسەریا کومپانیا هەڤال شاشەکا مەزن دانایە پارکا پانوراما ئازادی و بێ بەرامبەر تکێت و خوارن و ڤەخوارنێ ددەت بەرهەڤبویێن فلمە ڤیستەڤالا دهۆک، ئەو ژی ب مەرەما هندێ کو زورترین خەلک مفاداربن.
ب گۆرەی ئاخفتنێن وی، هەرشەڤ دەمژمێر 9:00 فلمەکێ کوردی دهێتە نیشاندان، ئەڤ شەڤە ژی فلمەکێ باکوورێ کوردستانێ دێ هێتە نیشاندان.
ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا جارەکا دی راگەهاند کو تورکیا یا رژدە پەنابەرێن سووریێ ل دەڤەرا ئارام ل باکورێ سووریێ بجه بکەت و گۆت: (مە دڤێت باژێرەکێ بۆ پەنابەرێن سووریێ ل وێ دەڤەرێ ئاڤا بکەین، چونکو تورکیا نەشێت هەتا هەتای وان پەنابەران خوەدان بکەت).
بەری نها ژی گەلەک جاران ئەردۆگانی دیار کربوو کو ئارمانجا وان ژ ئاڤاکرنا دەڤەرا ئارام ل باکورێ سووریێ بۆ هندێ یە دا پەنابەرێن سووری یێن ل تورکیا ل وێرێ بهێنە بجهکرن.
ئه‌ڤرۆ نیوز، عه‌لى حاجى :
د داخویانیه‌كێ دا شڤان شێخو به‌رپرسێ نڤێسینگه‌ها جه‌ماوه‌رى ل لقا هه‌شت یا پارتى دیموكراتى كوردستان بۆ ئه‌ڤرۆ نیوز دیار كر به‌رهه‌ى هاتینه كرن بۆ ساخكرنا یادا كومكوژیا كاره‌ساتا گوندێ صوریا،دێ ل رێ و ره‌سمێن جودا دا ئه‌ڤ یاده هێته ساخ كرن.
زێده‌تر شڤان شێخو گۆت : پشتى وێ كاره‌ساتا كومكوژیا گوندێ صوریا ل سه‌ر ده‌ستێ رژێما به‌عس ڤه هاتیه ئه‌نجام دان،هه‌م كومكوژیه‌كا تراتیژى بوو،هه‌م ژى دخاستن پێكڤه ژیانا ل باژارێ زاخۆ ژناڤ ببه‌ن و وێ پێكڤه ژیانێ نه‌هێلن و له‌ورا دوێ كومكژیێ دا نێزكى 40 كه‌سان هانه شه‌هید كرن ژ مه‌سیحى و موسلمانان،وه‌كو لقا هه‌شت یا پارتى دیموكراتى كوردستان ب هه‌ڤكارى دگه‌ل رێڤه‌به‌ریا گشتى یا شه‌هید و ئه‌نفالكریان ڤێ یادێ ل باژێرێ زاخۆ كه‌ینه‌ڤه وه‌كو رێزگرتنه‌ك بۆ گیانێ وان شه‌هیدا و بنه‌مالێن وان،دوێ سال روژا ساخكرنێ دا دێ چه‌ندین رێ و ره‌سمێن تایبه‌ت هێنه ب رێڤه‌برن و هه‌مى به‌رهه‌ڤى ژى هاتینه كرن بۆ ئه‌نجام دانا وێ كومكوژیێ.
و گوت ژى : بریاره سال روژا ڤێ كومكوژیێ ل هه‌مان روژا وێ دا بهێته ساخ كرن ل رێكه‌ڤتى 16/9/2019 ، جوداتر ژ سالێن بورى ئه‌ڤ یاده دێ ل هولا ره‌وشه‌نبیرى و هونه‌رى ل زاخۆ هێته ساخ كرن ،سالانه ئه‌ڤ یاده ژلایێ مه‌ڤه وه‌كو لقا هه‌شت ڤه دهێته ساخ كرن.
ئه‌ڤرۆ نيوز:
وه‌زيرێ په‌ترولا عيراقێ دياركر رێككه‌فتنا ناڤبه‌را هه‌رێما كوردستانێ و عيراقێ ل سه‌ر پرسا په‌ترولێ دێ كارتێكرنا خوه ل سه‌ر بودجه‌يا 2020 يا عيراقێ هه‌بيت.
زێده‌تر سامر غه‌زبان گۆت: گوتوبێژێن ناڤبه‌را هه‌ولێر و به‌غدا ل سه‌ر پرسا راده‌ستكرنا 250 هزار به‌رميلێن په‌ترولێ به‌رداوامن و چاڤه‌رێ به‌رسڤا ئه‌رێنى يا هه‌رێما كوردستانێ نه و هه‌ر ده‌مێ رێككه‌فتن هاته كرن لسه‌ر ڤێ چه‌ندێ دێ كارتێكرنا خوه ل سه‌ر بودجه‌يا سالا 2020 هه‌بيت و د بودجه‌يا سالا بهێت دا بهايێ هه‌ر به‌رميله‌كا په‌ترولێ 50 دولاران هاتيه خه‌ملاندن.
ئه‌ڤرۆ نیۆز:
ل به‌یانامه‌كێ دا كو دانه‌ك ده‌ست ب ئه‌ڤرۆ نیۆز كه‌فتیه، ئێكه‌تیا زانایێن ئاینى لقێ دهۆكێ، رێڤه‌به‌ریا گشتى یا ئه‌وقاف و كارۆبارێن ئایینى ل دهۆكێ، داخاز ژ كه‌نالێ واركر لێبورینێ بخوازیت.
دبه‌یانامه‌كێ دا، ئێكه‌تیا زانایێن ئاینى لقێ دهۆكێ، رێڤه‌به‌ریا گشتى یا ئه‌وقاف و كارۆبارێن ئایینى ل دهۆكێ ئه‌ڤرۆ 14/9/2019 دیاركریه، خواستیه نڤیسه‌ر(عه‌بدال نورى) كه‌نالێ وار داخازا لێبورینێ بكه‌ن.
ئه‌ڤ ده‌قێ به‌یانامێ یه.
ل روژا چوارشه‌مبی رێكکه‌فتی 2019/09/11 ل سه‌ر كه‌نالێ ئاسمانی یێ WAAR TV ل به‌رنامێ ( میتود ) كه‌سه‌ك هاتبوو مێڤانكرن ب ناڤێ ( عبدال نوری ) ، كو د چارچوڤێ به‌رنامه‌ی دا و ل ده‌مێ باسی شارستانیه‌تا ئیسلامی هاتیه كرن ناڤبری ب شێوه‌یه‌كێ نه لائق باسی ئیسلامێ كریه و بوویه ئه‌گه‌رێ برینداركرنا هەستێ جڤاكێ مه یێ موسلمان و كارڤه‌دان ل دیف خو هێلان.
له‌ورا و سه‌ره‌رای رێزگرتن وباوه‌ریا مه ب ئازادیا راده‌ربرینێ ل كوردستانێ بەلێ ب هیچ ره‌نگه‌كی نابیت بگه‌هیت ئاستێ هندێ باسێ ئایینێ ئیسلامێ ب شێوه‌یه‌كێ نه جوان بهێتە كرن و دڤێت ل كه‌نالێن راگەهاندنێ رێز ل ئایین و بیر و باوه‌رێن ملله‌تێ مه بهێتە گرتن ، و پێدڤیه ناڤبری هه‌روه‌سا كه‌نالێ وار داخازا لێبورینێ بكه‌ن، و به‌روڤاژی فی چه‌ندێ مه وه‌ك ئێكه‌تیا زانایان و ئه‌وقاف مافێ توماركرنا سكالا یاسایی هەیە ل سه‌ر ناڤبری و هەر‌وه‌سا كه‌نالێ وار ، وریزگرتن ل ئایینئ ئیسلامئ ئه‌ركه ل سه ر هەر تاكه‌كی كوردستانێ.
ئێكه‌تیا زانایێن ئایینێ ئیسلامێ لقێ – دهوک
رێڤه‌به‌ریا گشتی یا ئه‌وقاف و كاروبارێن ئایینی – دهوك
ئەڤرۆ نیوز:
ئەڤرۆ سەرۆک مەسعود بارزانی د پەیوەندیەکا تەلەفۆنی دا پیرۆزباهی ل عومەر سەید عەلی کر کو وەکو رێکخەرێ گشتی یێ بزاڤا گۆران هاتبوو هەلبژارتن و هێڤیا سەرکەفتنێ بۆ ناڤهاتی خواست.
هەژی ئاماژەپێدانێ یە کو ئەڤرۆ ب دەنگێ پرانیا ئەندامێن جڤاتا نشتیمانی یا گۆڕانی عومەر سەید عەلی وەکو رێکخەرێ گشتی یێ بزاڤا گۆران هاتبوو هەلبژارتن.
ئەڤرۆ نیوز:
ئەڤرۆ ل باژێرێ سلێمانیێ و ل ناڤەندا گشتی یا بزاڤا گۆڕان هەلبژارتنێن رێکخەرێ گشتی برێڤە چوون و تێدا عومەر سەید عەلی ب دەنگێ ٢٨ ئەندامێن پشکدارێ کۆمبوونێ جارەکا دی وەکو رێکخەرێ گشتی یێ بزاڤا گۆڕان هاتە هەلبژارتن.
هەژی ئاماژەپێدانێ یە کو پشتی وەفا نەوشیران مستەفا، عومەر سەید عەلی وەکو رێکخەرێ گشتی یێ بزاڤا گۆڕان هاتبوو هەلبژارتن و هەتا دەمێ هەلبژارتنێن ئەڤرۆکە ژی وەکو رێکخەرێ گشتی ل سەر ئەرکێ خوە بەردەوام بوو.
ئه‌ڤرۆ نیوز، عه‌لى حاجى :
د داخویانیه‌كێ دا هاریكارێ زانكویا زاخۆ بۆ ئه‌ڤرۆ نیوز دیار كر پشتى وه‌زاره‌تا خواندنا بلند بریارا قه‌ده‌غه‌كرنا خواندنا ئێڤاران ل زانكویان ده‌ركرى، د نووترین بریار دا وه‌زاره‌تێ رازیبون ل سه‌ر ڤه‌كرنا خواندنا ئێڤاران ل هنده‌ك پشكان دایه و بریاره ده‌ست ب وه‌رگرتنا قوتابیان بهێته كرن.
دكتور كاروان فه‌همى ئه‌و چه‌نده ژى گۆت : پشتى سه‌ره‌دانا وه‌زیرێ خواندنا بلند و ڤه‌كولینێن زانستى بۆ زاخۆ مه ئه‌و داخواز ژێ كر كو بۆ زانكویا زاخۆ رازیبون ل سه‌ر ڤه‌كرنا خواندنا ئێڤاران بۆ ئه‌ڤ ساله بهێته كرن، ژبه‌ر كو ل زاخۆ چو په‌یمانگه‌ه و زانكویێن ئه‌هلى نینن، ل دووڤرا ب رێیا سێ نڤێساران مه داخاز ژ وه‌زیرى كر رازى بیت ل سه‌ر ڤه‌كرنا خواندنا ئێڤاران، پشتى وان نڤێساران وه‌زیرێ ناڤبرى رازى بوو ل سه‌ر ڤه‌كرنا خواندنا ئێڤاران بۆ هه‌مى زانكویێن داخازا به‌رده‌وامى دانا خواندنا ئێڤاران كربوو،به‌لێ هه‌تا نوكه بتنێ رازیبون ل سه‌ر 11 پشكێن كولیژێن مروڤایه‌تى هاتیه كرن و ڤه‌كرنا پشكێن كولیژێن زانستى هاته ره‌تكرن، دنوكه دا هه‌مى كه‌سه‌ك دشێت ب رێیا ئونلاینێ فورمێن خوه پر بكه‌ت.
دا زانین ژى ب رێیا ئونیلانێ بتنێ دێ ئاریشه‌یه‌ك هه‌بیت كو ئه‌و كه‌سێن كونمرا وان ژ 60 كێمتر بیت چو پوینته‌ك دیار نابیت،به‌لێ پشتى سیسه‌مێ زانكولاین ب دوماهى دهێت دێ فورمان به‌لاڤ كه‌ین، و گوت ژى : دبیت وان كه‌سان ژى وه‌ربگرین یێ نمرێن وان ژ 60 كێمتر.
ناڤهاتى گوت ژى : ئه‌ڤ بریارا هاتیه ده‌ر كرن بۆ پرانیا وان زانكویان هاتیه دان ئه‌وێن پێشتر داخازا ڤه‌كرنا خواندنا ئێڤاران كرین دناڤ زانكویێ هه‌ر دیسان مه دو جاران داخازا ڤه‌كرنا پشكێن زانستى كرینه به‌لێ وه‌زیرى رازى نه‌بوو ل سه‌ر ڤه‌كرنا وان پشكان،پلانا وه‌رگرتنا قوتابیان ل ئێڤاران دێ ل دووڤ وێ چه‌ندێ بیت كو ل ده‌واما سپێده‌هیان چه‌ند قوتابى بهێنه وه‌رگرتن دێ ل ئێڤاران ژى هه‌ما رێژه‌یا قوتابیان هێته وه‌رگرتن،هه‌ر چه‌نده ئه‌و پارێ دهێته وه‌رگرتن نابیته داهاته‌ك بۆ زانكویێ ،ژبه‌ر كو ل دووڤ بریارا ئه‌نجومه‌نێ وه‌زیران پێدڤى یه هه‌مى داهاتێ زانكویان ڤه‌گه‌ریته وه‌زاره‌تا دارایى،به‌لێ ل وێ باوه‌رێ مه دێ حكومه‌ت پشكه‌كێ ژ وى پاره‌یى بۆ زانكویان ته‌رخان كه‌ت.
ئەڤرۆ نیوز، نیوار محەمەد سەلیم:
سەرۆکێ لژنا باژێرڤانی و خزمەتگۆزاریێن گشتی ل جڤاتا پارێزگەها دهۆکێ راگەهاند کو سوبەهی ئەو دێ مێڤانداریا لژنا تاپۆکرنا خانیێن زێدەگاڤ کەن ل جڤاتا پارێزگەهێ.
عەبدولکەریم چەمانکی، سەرۆکێ لژنا باژێرڤانی و خزمەتگۆزاریێن گشتی ل جڤاتا پارێزگەها دهۆکێ، گۆت: “سوبەهی لژنا تاپۆکرنا خانیێن زێدەگاڤ ل سنورێ پارێزگەها دهۆکێ دێ مێڤانا لژنا مە بیت و دێ گەنگەشە ل سەر کارێ وان هێتە کرن و ئەو ئاستەنگێن دکەڤنە بەر سینگێ لژنێ”.
زێدەتر گۆت: “ئەڤە نێزیکی چار سالایە لژنا مە کار ل سەر دکەت و نها یێ کەفتیە د وارێ بجهئینانێ دا و ب هزاران خێزان د مفادارن ژ ڤی پرۆژەیی کو ئەون یێن بەری سالا 2000ێ ئەڤ خانیە ئاڤاکرین کو ئەو ژی ب گۆرەی چەند رێنمایایە”.
ئاشکەرا ژی کر کو ئەو کەسێن خانیێن وان دهێنە تاپۆکرن ئەوێن یێن پێشتر پلێتا 120وەرگرتین و هەر مەترەک بۆ ب 500 دیناران دهێتە تاپۆکرن و گۆت: “یێ ئەو خانی ل سەر ناڤی هاتەتاپۆکرن دبیتە مفادار، بەلێ هەر ئەندامەکێ خێزانێ دشێت ل سەر ناڤێ خۆ تاپۆ بکەت”.
نيشاندان