ئەڤرۆ نیوز:
سەرۆک کۆمار و وەزیرێ دەرڤە یێن تورکیا دیار دکەن کو ئارمانجا سەرەکی یا ئەمریکا ژ دروستکرنا دەڤەرا ئارام بۆ پاراستنا یەپەگێ یە و ئەو یەک ب چو رەنگەکێ ناهێتە قەبوولکرن.
ل ئالیێ دی دوهی بەرپرسەکێ وەزارەتا بەرەڤانیێ یا ئەمریکا ژی راگەهاند کو ئەو ب چو رەنگەکێ رێ نادەن سەربازێن تورکیا دەربازی رۆژهەلاتێ فراتێ ببن و دڤێت وەکو هێزەکا چاڤدێر ل گەل هێزێن ئەمریکا کار بکەن.
ئەڤرۆ نیوز:
میخائیل بۆگدانۆڤ جێگرێ وەزیرێ دەرڤە یێ روسیا راگەهاند کو وەلاتێ وی پەیوەندیێن گەلەک باش و دیرۆکی ل گەل هەرێما کوردستانێ هەنە و مەها داهاتی دێ وەزیرێ دەرڤە سیرگیێ لاڤرۆڤ سەرەدانا هەرێما کوردستانێ کەت.
ناڤهاتی راگەهاند ژی کو د سەرەدانا خوە دا لاڤرۆڤ دێ ل گەل سەرۆک بارزانی، سەرۆکێ هەرێما کوردستانێ و سەرۆکێ حوکمەتێ هەڤدیتنان کەت.
ئەڤرۆ نیوز، عەلی حاجی:
د داخویانیەکێ دا بەرپرسێ ناڤەندا زاخۆ یا ئێکەتیا لاوێن دیوکراتی کوردستان بۆ ئەڤرۆ نیوز ئاشکرا کر ب مەرەما باشتر پێگەھاندنا کادرێن لاوێن دیموکراتا کوردستانێ دێ خۆلەکا سەربازی بۆ ھژمارەکا لاوان ھێتە ڤەکرن.
زێدەتر حکمەت حەمەد نوری گوت: (ئەڤ خۆلە دێ ژلایێ سکرتاریەتا ئێکەتیا لاوێن دیموکراتا کوردستانێ ڤە ھێتە ڤەکرن ل سەربازگەھا ھێزێن زێرەڤانی بنەسلاوە، کو بریارە ٥٠٠ کەس ژ کچ و کوران پشکداری وێ خۆلا سەربازی بن، کو ٣٥٠ کورن و ١٥٠ ژی کچن، ل دو دەمژمێرێن سپێدێ دێ وەرزشێ ھێتە ئەنجام دان، ل دەمژمێر ٩ی سپێدێ ھەتا دەمژمێر ١٢ی نیڤرۆ دێ پشکدار بوویێن خولێ فێری زانستێ سەربازی ھێنە کرن ژلایێ فەرماندەیێن ھێزێن زێرەڤانی ڤە، ئێڤاریان ھاتیە تەرخان کرن بۆ بزاڤێن رەوشەنبیری و ب شەڤ ژی دێ برگێن ھونەری ھێنە ب رێڤەبرن).
ناڤھاتی گوت ژی : ئەڤ خۆلە دێ بۆ ماوەیێ حەفتیەکێ یا بەردەوام بیت و بریارە ل رێککەڤتی ١١/٩/٢٠١٩ دەستپێکەت و ل ١٨/٩/٢٠١٩ دووماھی ھێت، ئارمانجا سەرەکی ژ ڤێ خولێ ئەوە زێدەتر ئەم کادرێ لاوێن دیموکراتا کوردستانێ پێ بگەھینین د گەلەک بیاڤان دا و دھەمی دەمان دا کادرێ مە یێ ئامادە بیت بۆ ھەر پێشھاتەکا نەچاڤەرێکری ب سەر دەڤەرێن مە دا بھێت .
ئەڤرۆ نیوز، عەلی حاجی:
د داخویانیەکێ دا نوونەرێ موەلیدان ل زاخۆ بۆ ئەڤرۆ ئاشکرا کر لژنا بلند ل پارێزگەژا دھوکێ پێگیری ب رێنمایێن وەزیرێ کارەبێ نەکر و دێ سکالەیەکێ ل سەر وێ لیژنێ تومار کەین.
زێدەتر داخواز شەرەف گوت: (ل بەری سالەکێ مە ئەڤ کێشەیە ھەیە و ئەز ب خوسارەتی کار دکەم، ب رێیا نڤێسارەکێ من قایممقامێ زاخۆ ئاگەھدار کریە و بۆ وی دیار کریە کو ئەز ئامادە نینم ب خوسارەتی کار بکەم، دبەرسڤا نڤیسارا مندا قایممقامی دبێژیت بۆ خوە سەحکە پێگوھورەکێ، ئەڤجا پێگوھور کارێ من نینە و کارێ حکومەتێ یە، ژبەریا جەژنا قوربانی مە دیدارەک دگەل وەزیرێ کارەبێ ل کوردستانێ ئەنجامدا و وەزیر ژی دگەل داخازیێن مە بوو، وەزیری ژی دیار کر ھەکە گاز بچیتە سەر ٥٠٠ دیناران دا پێدڤیە بھا زێدەیر ببیت و ل سەر ٤٣ ھەتا ٤٦ دیناران بھێتە وەرگرتن، دنوکە دا بۆ ھەر لیترەکێ ئەم ب ٥٤٠ دیناران دکرین، موەلیدەێن زاخۆ ژی ھەیڤانە ٢٣٦ دەمژمێرا کارەبێ دەتە ھاولاتیان و ل بەرامبەر دا موەلیدێن دھوکێ بتنێ ٢٠٧ دەمژمێران کارەبێ دەتە ھاولاتیان، ل دووڤ وێ کارەبا دەینە ھاولاتیان، مە پێداچوون کر پێدڤی با مە ١٠٢٥٠ دینار ژ ھاولاتیان وەرگرتبا، بەلێ مە بتنێ ٩٥٠٠ دینار بۆ ھەر ئەمپێرەکێ وەرگرتینە بتنێ دا خوسارەت نەبین.
ناڤھاتی گوت ژی: ژبەر کو لیژنا بلند پارێزگەھا دھوکێ پێگری ب بریارا وەزیرێ کارەبێ نەکری یە، ئەڤجا وەکو خودانێن موەلیدان ل زاخۆ دێ سکالایێ ل سەر وان تومارکەین، ژبەر کو بتنێ ب ٣٩ دیناران کارەب حساب کریە و پارێ مە کێمتر ھاتیە دانان بۆ ھەر ھەیڤەکێ ٨٥٠٠ دینار، مە ھەمی بەلگە ل بەر دەست ھەنە کو مە چو سەرپێچی نەکرینە، مە لدووڤ داخازا وەزیرێ کارەبێ ئەو بھا وەرگرتیە.
ئەڤرۆ نیوز:
ئەڤرۆ مەسرور بارزانی سەرۆکێ حوکمەتا هەرێما کوردستانێ پێشوازی ل نوری سەباح دلێمی وەزیرێ پلاندانانێ یێ حوکمەتا عیراقێ کر و د هەڤدیتنێ دا سەرۆکێ حوکمەتا هەرێما کوردستانێ راگەهاند کو وان دڤێت ل گۆر قانوونێ هەموو پرسێن د ناڤبەرا هەرێما کوردستانێ و بەغدایێ دا چارە بکەن و دیار کر کو حوکمەتا هەرێما کوردستانێ پشتەڤانیێ ل سەرژمێریا گشتی ل عیراقێ دکەت، لێ تێبینی لسەر شێوەیێ سەرژمێری هەنە و نابیت ئەو یەک بۆ مەرەمێن سیاسی ل دژی هندەک پێکهاتێن عیراقێ بهێتە بکارئینان.
ئه‌ڤرۆ نیوز:
ژێده‌رێن ده‌نگوباسى ل ئورۆپا وه‌سا دیاردكه‌ن یانا توتنهام دخوازیت هه‌ڤبه‌ستێ ل گه‌ل یاریزانێ ئه‌یاكس ئه‌مستردام و هه‌لبژارتیێ هوله‌ندا ڤان دی بیك ئیمزا بكه‌ن.
مالپه‌رێ كاتشیو مێركاتو یێ ئیتالى دیاركریه یانا توتنهام یا به‌رده‌وامه ل سه‌ر لێگه‌ریانا ده‌ستڤه ئینانا یاریزانه‌كێ نوو وه‌كو پێگوهورێ ستێرا وێ یا دانیمارى ئاریكسن ئه‌وێ دێ هه‌ڤبه‌ستا ئه‌وى ل هاڤینا بهێت ب دووماهیى هێت ل گه‌ل وێ یانێ.
هه‌ردیسان وێ رۆژنامێ ئاشكراكریه یانا توتنهام نوكه ئارمانجا خوه یا سه‌ره‌كى كریه ستێرا گه‌نج یا هه‌لبژارتیێ هوله‌ندا و یانا ئه‌یاكس ئه‌مستردام ڤان دى بیك .
هه‌ژى گوتنێ یه ڤان دى بیك ئێك ژ ئارمانجێن یانا ریال مه‌درید بوو كو گه‌له‌ك نێزیكى ئیمزاكرنا هه‌ڤبه‌ستا یانا ریال مه‌درید بوو.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 10ى ئيلونا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.500 دينار |
| 100 يۆرۆيێ ئه‌ورۆپى | 133.500 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سه‌رۆكێ جڤاتا پاريزگه‌ها دهۆكێ راگه‌هاند كو ل گه‌له‌ك ده‌زگه‌هێن راگه‌هاندنێ ده‌نگويێ گوهۆڕينێن ئيدارا پارێزگه‌ها دهۆكێ به‌لاڤ بووينه، به‌لێ هه‌تا نها ب فه‌رمى چو بڕياره‌ك د وێ ده‌ربارێ دا نه‌هاتيه دان.
فه‌هيم عه‌بدولا حه‌مۆ، سه‌رۆكێ جڤاتا پارێزگه‌ها دهۆكێ، بۆ مالپه‌رێ فه‌رمى يێ پارتى ديموكراتى كوردستان گۆت: “ده‌ما حوكمه‌ته‌كا نوو دهێته پێكئينان، گوهۆڕين ژى د ئاسايى نه و ئه‌وليه‌تا حوكمه‌تا نوو ژى رێكخستنا وه‌زاره‌تا و چاره‌كرنا كێشێن ناڤبه‌را هه‌رێم و به‌غدايه و پاشان ژى گوهۆڕينێن د ئيدارێن پارێزگه‌هان دا، به‌لێ هه‌تا نها چو تشته‌كێ فه‌رمى بۆ مه نه‌هاتيه كو دێ گوهۆڕين هێنه كرن”.
سه‌رۆكێ جڤاتا پارێزگه‌ها دهۆكێ گۆتژى: “نها ده‌نگويێن زۆر به‌لاڤ بووينه ده‌رباره‌ى گوهۆڕينێن ئيدارا پارێزگه‌ها دهۆكێ و به‌حسا گه‌له‌ك ناڤان ژى دهێته كرن، به‌لێ هێشتا چو ناڤێن فه‌رمى نه‌هاتينه به‌لاڤكرن و هه‌موو پێشبينى نه، ژ به‌ر هندێ كاره‌كێ باش نينه تشته‌ك يێ فه‌رمى نه‌بيت و بهێته به‌لاڤكرن و ئه‌ڤه دبيته ئه‌گه‌ر ئه‌و ميديايێن به‌لاڤ دكه‌ن راستگۆييا خوه ژ ده‌ست بده‌ن، ژ به‌ر هندێ پێدڤيه تشت يێ فه‌رمى بيت پاشى بهێته به‌لاڤكرن”.
فه‌هيم عه‌بدولا حه‌مۆ نه‌ڤه‌شارت كو دێ گوهۆڕين هێنه كرن و دبيت پارێزگار و جڤات و رێڤه‌به‌رێن گشتى و قايمقام و رێڤه‌به‌رێن ناحيا ژى ب خوه ڤه بگريت، “گه‌له‌ك ژى يا گيرۆ بوويى” به‌لێ “هه‌تا نها چو تشته‌كێ فه‌رمى نينه”.
نيشاندان