ئەڤرۆ نیوز:
پشتی کو تورکیا سیستەمێ موشەکی ژ روسیا کڕی چەند رۆژن ئەمریکا چەکێن گران و فرۆکێن مودێرن ل سەر سنورێ رۆژئاڤایێ کوردستانێ بجه کرینە و بەرپرسێن ئەمریکا ژی دیار دکەن ب چو رەنگەکێ رێ نادەین تورکیا هێرشی رۆژئاڤایێ کوردستانێ بکەت.
ل ئالیێ دی بریارە جێمز جێفری نوونەرێ تایبەت یێ ئەمریکا بۆ کاروبارێن سووریێ ژی سەرەدانا تورکیا بکەت و ل گەل بەرپرسێن وی وەلاتی دانوستاندنان بکەت.
ئەڤرۆ نیوز:
پەیڤدارێ جڤاتا ناڤەندی یا ئێکەتیێ دياركر پشتگوھـ خستنا ئێکەتیێن دەڤەرا بادینان و ئەو نە دادپەروەریا بەرامبەر ڤێ دەڤەرێ جھێ داخێ یە و ھەڤالێ، مەکتەبا سیاسیا ئێکەتیێ ب چاڤەکێ کێم بەرێ خوە دەنە دەڤەرا بادینان و مافێ کادرێن ڤێ دەڤەرێ ژی ھاتینە خارن لەورا زێدەتر وەک کادرەکێ وێ دەڤەرێ نەشێم زێدەتر وژدانا خوە ئەشکەنجە بدەم و بێدەنگ بم.
زێدەتر لەتیف نێروەی د رونکرنەکێ دا دیارکر جھێ داخێ یە ھەڤالێن مەکتەبا سیاسیا ئێکەتیێ ب چاڤەکێ کێم بەرێ خوە دەنە کادرێن دەڤەرا بادینان تایبەت د پشکا ڤێ دەڤەرێ دا د وەرگرتنا پوستێن حکومی دا ھەڤسەنگیێ بەرچاڤ وەرگرن کو د ھندەک جھان دا کو رێژەیا پوستێن حکومی بۆ دەڤەرا بادینان ٠% یە.
لەورا وەکو کادرەکێ ئەڤێ دەڤەرێ نەشێم زێدەتر وژدانا خوە ئەشکەنجە بدەم و بێدەنگیێ ب ھەلبژێرم و ل رۆژێن بھێت دێ ب بەلگە بۆ رایا گشتی ڤێ چەندێ ئاشکرا کەم.
پەیڤدارێ جڤاتا ناڤەندیا ئێکەتیێ دوپاتیێ ل سەر وێ چەندێ دکەت کو بادینان رامانا وێ ( دھۆک، نەینەوا، شنگار) ئەڤ دەڤەرە یا گرنگ و ستراتیجی یە لەورا کادرێن ڤێ دەڤەرێ ژی ژ ھەژی مافێن خوەنە د پوستێن حزبی و حکومی دا.
ئەڤرۆ نیوز:
دژە تیرورا کوردستانێ بەلاڤکر کو بکوژێ سەرەکی و سەرپەرشتێ دو کەسێن دی یێن پەیوەندیدار ب ئەنجامدەرێن کریارا تیرورستیا سەر خارنگەھەکا ھەولێرێ ھاتە دەستەرسەر کر.
زێدەتر د راگەھاندنەکێ دا دەستەسەرکرنا بکوژێ سەرەکی یێ کریارا تیرورستیا سەر خارنگەھەکا ھەولێرێ راگەھاند کو ئەو ژی تاوانبار (مەزلوم داغ)ە، و سوپاسیا خەلکێ ھەرێما کوردستانێ کر کو ھاریکاریا وان کریە ھەتا شیاین ڤی تاوانباری دەستەسەر بکەن کو د ڤێ ھێرشی دا جێگرێ قونسلێ تورکیا و دو وەلاتیێن ھەرێما کوردستانێ تێدا کوشت بوون.
ل ماوێ بھیـَ دێ زانیاریێن زێدەتر ھێنە بەلاڤ کرن.
ئه‌ڤرۆ نيوز، نيوار محه‌مه‌د سه‌ليم:
دا كو پێزانينێن ته د “فه‌يس ئه‌پ” دا بهێنه ديلێتكرن، بسوران شه‌ش رێ يێن ديار كرى پێدڤيه ل سه‌ر بچى.
مالپه‌رێ “زه تێكست وێب” كو يێ تايبه‌ته ب ته‌كنۆلۆژيا و ئه‌نترنێتێ، ئاماژه ب وێ چه‌ندێ كريه كو دشيان دايه پشتى ل فه‌يس ئه‌پ وێنێن خوه بدانن، ديلێت بكه‌ن و نه‌هێلن.
چه‌ند رۆژان به‌رى نها، فه‌يس ئه‌پ ب ره‌نگه‌كێ به‌ربه‌لاڤ به‌لاڤ بوويه و زێده‌تر ژ 150 مليۆن كه‌سان د ماوه‌كێ دياركرى دا، وێنێن خوه بۆ پيراتيێ گوهۆڕينه.
بسپۆرێن ته‌كنۆلۆژيايێ ئه‌و ئه‌پ ب مه‌ترسيدار دانا و راگه‌هاند كو ئه‌و كۆمپانيا رۆسى يا خودانا ئه‌پى ده‌ست ب سه‌ر هه‌موو وان پێزانينان دا گرتيه يێن ئه‌پ ب كارئيناى.
زه تێكست وێ قووناغێن نه‌هێلانا پێزانينان ب ڤى ره‌نگى دياركرينه:
- هه‌ره ناڤ ئه‌پليكه‌يشنێ
- (Settings) كليك بکە.
- پاشان (Support) كليك بکە.
- پاشان هه‌ره (Report a bug) كليك بکە.
- پاشان هه‌ره (Privacy) كليك بکە.
- پاشان ژى (request the data removal) كليك بکە.
پشتى ماوه‌كى دێ ژ ئه‌نجامێ وان پێنگاڤان پێزانينێن ته د ناڤ ئه‌پ فه‌يس دا هێنه ديلێتكرن.
ئەڤرۆ نیوز، عەلی حاجی :
پشتی کێمتری 24 دەمژمێران 9 ھاولاتیێن پارێزگەھا دھوکێ ل باژێرێ ترابزون ھاتینە دەستە سەرکرن ، ب شیوەیەکێ فەرمی ژلایێ بەرپرسێن زاخۆ ڤە ، پێشوازی ل وان ھاولاتیان ھاتە کرن ل دەروازا نێڤ دەولەتی یا ئیبراھیم خەلیل.
عەبدولوەھاب محەمەد ، بەرپرسێ ئاسایشا ئیبراھیم خەلیل بۆ ئەڤرۆ نیوز دیار کر پشتی وێ روودانا ل وەلاتێ تورکیا روویدایی ل دور ئالایێ کوردستانێ و کو تێدا 9 ھاولاتیێن کوردستانێ ھاتینە دەستەسەر کرن ، پشتی ھەولێن بەردەوامێن سەروکێ حکومەتا ھەرێما کوردستانێ، ئەو ھاولاتی ھاتنە ئازاد کرن و ھەر شەڤێدی گەھشتنە ئاخا کوردستانێ ، ل دوویڤ راسپاردێن سەروکێ حکومەتا ھەرێما کوردستانێ مە پێشوازی ل وان ھاولاتیان کر ، خەلکێ دەڤەرێ ژی وەکو ھەلویستەکێ نیشتیمانی پێشوازییەکا گەرم ل وان ھاولاتیان کر ب ئالایێ کوردستانێ، ھەر ھاولاتیەکێ ل وەلاتێ تورکیا توشی نەحەقیەکێ بیت وەکو سەروکێ حکومەتێ دێ ل سەر خەتی بیت ھەتا کو مافێ وان نەھێتە بەرزە کرن.
ناڤھاتی گوت ژی : چو راستیەک بۆ وێ چەندێ نینە کو دبێژن سوزنامەیەک ژلایێ حکومەتا تورکیا ڤە ب وان ھاولاتیان ھاتیە پرکرن دا کو ئێدی قەستا وەلاتێ تورکیا نەکەن ، بەروڤاژی پشتی ئەو کەسە چووینە بنگەھێ پولیسان رێزەکا تایبەت ل وان ھاتیە گرتن و ھەکە پولیس ئامادە نەبان ل جھێ روودانێ دبیت روودانەکا نەخوەشتر روویدابا ل وی باژێری .
ئه‌ڤرۆ نيوز:
ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى ل هه‌رێما كوردستانێ ده‌رباره‌يى رۆژا ئێكێ يا جه‌ژنا قوربان ئاماژه ب وێ چه‌ندێ كر كو 10 رۆژا به‌رى جه‌ژنێ وه‌لاتێ سعودى دێ رۆژا ئێكێ يا جه‌ژنا قوربان ئاشكه‌را كه‌ت.
نه‌به‌ز ئيسماعيل، ئاخفتنكه‌رێ ب ناڤێ وه‌زاره‌تا ئه‌وقاف و كاروبارێن ئاينى بۆ كوردستان 24 راگه‌هاند: “10 رۆژان به‌رى جه‌ژنێ وه‌لاتێ سعودى دێ رۆژا ئێكێ يا جه‌ژنا قوربان راگه‌هينيت”.
ل دووڤ گۆتنا هنده‌ك زانايێن ئاينێ ئيسلامێ جه‌ژنا قوربان دكه‌ڤيته 11 يان 12ى هه‌يڤا بهێت، به‌لێ هه‌تا نها رۆژ ب دروستى ژ لايێ سعودى ڤه نه‌هاتيه دياركرن.
ب گۆره‌يى داتايێن وه‌زاره‌تا ئه‌وقافێ ئه‌ڤ ساله 713 كه‌سان ل هه‌رێما كوردستانێ د رێيا هه‌ردو فرۆكخانێن نێڤده‌وله‌تى يێن هه‌ولێر و سلێمانى دا ب مه‌ره‌ما فه‌ريزا حه‌جێ سه‌ره‌دانا باژێرێ مه‌دينێ ل سعودى كريه.
ئه‌ڤرۆ نيوز، عه‌زيز هه‌ورامى:
25ى ڤێ هه‌يڤێ ماوێ شه‌رعى يێ كارێ رێكخراوه‌ى و سياسى يێ هه‌ردو جڤاتێن گشتى و نشتيمانى و خانا راپه‌راندنا بزاڤا گۆڕان دێ ب سه‌رڤه چيت و ئه‌ندامه‌كێ جڤاتێ ژى دبێژيت: “نه‌شێين ل 25ى تيرمه‌ها 2019ێ كۆنگره و كۆنفرانسى گرێده‌ين”.
چالاك موهه‌ندس، ئه‌ندامێ جڤاتا نشتيمانى يا بزاڤا گۆڕان بۆ ئه‌ڤرۆ نيوز گۆت: “بڕيارا جڤاتا نشتيمانى يا هه‌ى مه پشتى پرۆسا پێكئينانا كابينا نه‌هێ يا حوكمه‌تا هه‌رێما كوردستانێ، پێنگاڤێن گرێدانا كۆنگرێ سيێ و كۆنفرانسێ بزاڤێ ده‌ست پێ بكه‌ن”.
زێده‌تر گۆت: “ل 25ى ڤێ هه‌يڤێ ئه‌م وه‌كو بزاڤا گۆڕان نه‌شێين كۆنگره و كۆنفرانسى گرێده‌ين و رێكخه‌ر و خانا راپه‌راندنێ و هه‌ردو جڤاتا هه‌لبژێرين، به‌لێ كرنفرانسان ل جڤاتا نشتيمانى دێ ده‌ست پێ كه‌ين ل گه‌ل نڤيسينا په‌يره‌وێ ناڤخۆ يێ بزاڤێ، دێ ل بن رۆناهيا په‌يره‌وێ نوو يێ بزاڤێ هه‌لبژارتنێن ناڤخۆيى كه‌ين و بزاڤێ كه‌ين به‌رى سالا نوو كۆنگرێ خوه ژى بكه‌ين”.
ده‌رباره‌ى گوهۆڕينا هه‌يكه‌ل و ناڤێ دامه‌زراوێن گۆڕان دا زانين كو هه‌موو ئه‌و گوهۆڕينێن دێ هێنه كرن، دێ ل كۆنگره‌يى بڕيار ل سه‌ر هێته دان و گۆت: “هێشتا يا ديار نينه كا رێكخه‌رێ گشتى دێ خوه بۆ خوله‌كا دى هه‌لبژێريت يان ژى نه”.
ئه‌ڤرۆ نيوز:
وه‌زاره‌تا به‌رگريا توركيا كوشتنا دو له‌شكر و برينداربوونا هه‌شتێن دى ل هه‌رێما كوردستانێ و باكوورێ كوردستانێ راگه‌هاندن.
وه‌زاره‌تا به‌رگريا توركيا د راگه‌هاندنه‌كێ دا ئاماژه ب وێ چه‌ندێ كريه كو ژ ئه‌گه‌رێ شه‌ر و پێكدادانا هێزێن وان ل دژى په‌كه‌كێ ل چيايێ خواكورك ل ناڤ ئاخا عيراقێ له‌شكره‌كێ وان هاتيه كوشتن و شه‌شێن دژى بريندار بووينه.
وه‌زاره‌تا به‌رگريا توركيا ئاشكه‌را ژى كريه كو ژ ئه‌گه‌رێ راسته‌كرنا گوله‌كێ نارنجۆكێ ژ لايێ په‌كه‌كێ ڤه بۆ بنكه‌كێ له‌شكرى يێ هێزێن سۆپاى ل باژێرێ به‌دليسا باكوورێ كوردستانێ، ئه‌فسه‌ره‌ك هاته كوشتن و دو يێن دژى بريندار بوون.
ئه‌ڤرۆ نيوز:
موراد عه‌فيفى پۆر، رێڤه‌به‌رێ ده‌رياڤانى ل هه‌رێما هورمزگان يا ئيرانێ راگه‌هاند كو گه‌شتا په‌ترۆل هه‌لگر يا بريتانيا “ستينا ئيمپێرۆ” بۆ ڤه‌كۆلينێ گه‌هشته به‌نده‌ر عه‌باس.
پۆر گۆت: “په‌ترۆل هه‌لگرێ 23 ده‌رياڤان تێدانه، 18 كه‌س ژ تيما په‌ترۆل هه‌لگرێ خه‌لكێ هندستانێ نه، ئه‌ڤێن دژى وه‌لاتيێن رۆسى و فليپينى و ليتۆانى و وه‌لاتێن دى نه، هه‌تا ڤه‌كۆلين ب دووماهى دهێت پێدڤيه د گه‌شتيێ دا بمينن”.
رۆژا ئه‌ينى 19ى تيرمه‌ها 2019ێ سۆپايێ پاسدارێن ئيرانێ راگه‌هاند كو په‌ترۆل هه‌لگره‌كا بريتانى د گه‌رويا هۆرمز دا راگرتيه، چونكو گرێدايى رێنمايێن ده‌رياڤانى يێن نێڤده‌وله‌تى نه‌بوويه.
ده‌سته‌لاتدارێن بريتانى ژى ده‌رباره‌يى ده‌ست ب سه‌رداگرتنا په‌ترۆل هه‌لگرێ گۆت: “بۆ ڤه‌گه‌ريانا گه‌شتيێ دێ رێ بۆ چاره‌سه‌ريێن دبلۆماسى به‌ين نه‌ك يێن له‌شكرى”.
ئه‌ڤرۆ نیوز:
حوكمه‌تا هه‌رێما كوردستانێ راگه‌هاند، پێدڤیه ده‌واما فه‌رمى یا هه‌موو وه‌زاره‌ت وفه‌رمانگه‌هان ژ 8 سپێدێ ده‌ست پێ بكه‌ت هه‌تاكو 3 پشتى نیڤرۆ.
جوتیار عادل، په‌یڤدارێ حوكمه‌تا هه‌رێما كوردستانێ گۆت” ب بریارا جڤاتا وه‌زیرێن هه‌رێما كوردستانێ، ده‌وام ل هه‌موو وه‌زاره‌ت وفه‌رمانگه‌هێن حوكمه‌تا هه‌رێمێ ل ده‌مژمێر 8 سپێدێ ده‌ست پێ دكه‌ت هه‌تاكو 3 پشتى نیڤرۆ”.
نيشاندان