ئه‌ڤرۆ نیوز:
دربه‌كێ مه‌زن ب یانا لیڤه‌رپول یا ئنگلیزى كه‌ڤت به‌رى یاریا ل گه‌ل چێلسى ژ چارچوڤێ قاره‌مانیا سوپه‌را ئورۆپى ئه‌وا چاڤه‌رێ دهێته‌كرن ل رۆژا چارشه‌مبیا بهێت ل یاریگه‌ها ڤودازن ئارینا ل باژێرێ ئیسته‌نبول یێ توركى بهێته‌كرن .
مالپه‌رێ فه‌رمى یێ یانا لیڤه‌رپول یا ئنگلیزى دیاركریه گولچیێ وان یێ به‌رازیلى ئه‌لیسون باكیر بوو یاریا به‌رامبه‌ر چێلسى ژ قاره‌مانیا سوپه‌را ئورۆپى ئاماده نابیت ژبه‌ر هنگافتنێ پشتى ل یاریا دوهى ل گه‌ل یانا نوریتچ سیتى توشى هنگافتنێ بووى .
ئه‌ڤرۆ نیوز:
یانا ریال مه‌درید ب فه‌رمى ده‌ست ب دانوستاندنان كر بۆ ده‌ستڤه ئینانا ستێرا هه‌لبژارتیێ به‌رازیل و یانا پاریس سانجێرمان یا فره‌نسى نیمار .
رۆژناما سپورت یا ئیسپانى دیاركریه سه‌رۆكێ یانا ریال مه‌درید فلورتینو پێرێز ب فه‌رمى هه‌ڤبه‌سته‌كا 40 ملیون یورۆ وه‌كو سالانه پێشكێشى یانا پاریس سانجێرمان كریه بوو ده‌ستڤه ئینانا وى ستێرا به‌رازیلى.
هه‌ردیسان وێ رۆژنامێ ئاشكراكریه ژى سه‌رۆكێ یانا ریال مه‌درید به‌رهه‌ڤیا خوه دیاركریه هه‌ڤبه‌ستێ ل گه‌ل نیمارى ئیمزا بكه‌ن بوو ماوێ پێنچ سالان كو بوو هه‌ر ساله‌كى 40 ملیون یورۆیا پێشكێشى وێ یانا فره‌نسى بكه‌ت.
ئه‌وێ رۆژنامێ ئاشكراكریه ژى هه‌تا نوكه نیمار ب وێ داخوازیا یانا ریال مه‌درید رازى نه‌بوویه ژبه‌ركو ئه‌و دخوازیت جاره‌كا دى ڤه‌گه‌ریته یانا خوه یا به‌رى نوكه به‌رشه‌لۆنا و چاڤه‌رێ بریارا وێ یانا كه‌ته‌لونیى یه .
ئەڤرۆ نیۆز، هەرهین محەمەد:
بلند لوقمان موستەفا، گەنجەكێ باژێرێ دهۆكێ یە كۆ بۆ جەژنا قوربانی نێزیكی هزار پارچێن ترارێن چكلێتان ژ كارتونێ و بەرێ خومالی چێكرینە و ل بازارێ دهۆكێ دفرۆشیت.
گه‌نجێ ناڤبرى بۆ ئەڤرۆ نیۆز گۆت: بۆ جەژنا قوربانی من و مالا خوە هزرا چێكرنا ڤان ترارێن چكلێتان كریە و رۆژانە هەتا سەد تراران چێدكەین و هەر ترارەك ب بهایەكی دهێتە فروتن رۆژانە ڤان تراران دهینمە بازاری و خەلكێ مە خوەش دكرن و تشتەكێ غەریب و ئەرزانە و ئه‌و بەرێن ئەم ب ڤان تراران ڤە دكەین ئه‌م ژ سێجی ژ كارگەهەكێ دئینین و مفایه‌كى ژێ دكەین.
ئەڤرۆ نیوز، نەوزاد هلۆری:
ل گەل نێزیکبوونا جەژنا قوربانێ، بازارێ کرین و فروتنا تەرش و کەوال و ئاژەلی گەرم بویە، مەیدانیا شێلادزێ تاکە مەیدانا کرین و فروتنا ئاژەلی یە ل قەزا ئامێدیێ کو رۆژانە هزاران کەس سه‌ره‌دانا وى دکەن بۆ دەستنیشانکرن و کرین و فروتنا ئاژەلی بۆ قوربانێ و خواستەکا زۆر یا ل سەر ئاژەلی هه‌ى.
ئه‌ڤرۆ نيوز:
حوكمه‌تا هه‌رێما كوردستانێ ئه‌ڤرۆ ئه‌ينيێ 9/8/2019 رۆهنكرنه‌ك ل دۆر بابه‌تێ ڤه‌گه‌راندنا مووچێ 13 هزار خودان پێدڤيێن تايبه‌ت به‌لاڤكر.
جوتيار عادل، په‌يڤدارێ حوكمه‌تا هه‌رێما كوردستانێ گۆت” هنده‌ك كه‌نالێن راگه‌هاندنێ ب شێوه‌كى بابه‌تێ ڤه‌گه‌راندنا هاريكاريا 13 هزار خودان پێدڤيێن تايبه‌ت به‌رچاڤكريه كو ده‌ستكه‌فتێ حزبه‌كێ يه”.
ئەڤرۆ نیوز ، زنار تۆڤی:
ئەڤرۆ ئەینیێ ڤیستەڤالەکا ساخلەمیێ ل ژێر ناڤێ (پشکنین و ئاموژگاریێن نوشدارى بۆ هەوە) ل پارکا بارزانی ل دهۆکێ هاتە گێران.
سیداد عەبدولعەزیز، رێڤه‌به‌رێ فيسته‌ڤالێ بۆ ئەڤرۆ نیوز گۆت: ئەڤ فیستەڤالە گرێدای رێکخراوا (FMSA) بوویە، ژبۆ رەوشەنبیرکرنا خەلکێ ل سەر ساخلەمیێ و ئەڤە هەشت سالە ڤێ فیستەڤاڵێ دگێریت.
ئه‌ڤرۆ نيوز، نه‌وزاد هلورى:
ئێڤاريا دره‌نگا ئه‌ڤرۆئاگربەربوو هژمارەکا دوکان و بازارێن تاخێ زوزان ل دهوکێ و د ئەنجامدا زیانێن زورێن مادی بەر وان بازاران کەفت.
یوسف بەختیار، ئێک ژ شاهد حالێن روودانا ئاگری ل دهۆکێ بو ئەڤرۆ نیوز گوت: (دەمەکێ کێم بەری نوکە ئاگربەربویە هژمارەکا دوکان و بازارێن تاخێ زوزان ل سەنتەرێ باژێرێ دهوکێ و زیانێن زۆرێن مادی بەر دوکاندار و خودانێن بازاری کەفتیە).
زێدەتر گوت: (هەتا نوکە ئەگەرا روودانێ نەهاتیە زانین، بەلێ تیمێن بەرەڤانیا باژێری و ئاگرڤه‌مراندن و خودان دوکان و بازار و وەلاتی ژی مژوولێ کونترولکرنا ئاگری نە، بەلێ جهێ داخێ یە زور زیان گەهشتنە وان دوکانان).
ناڤبری دیارکر ژی کو چ زیانێن گیانی نینن، بەلکو تنێ زیانێن مادی يێن هه‌ين.
ئەڤرۆ نیوز:
ب هه‌لكه‌فتا ده‌ربازبونا یانا زاخو یا وه‌رزشى بو پلا نایاب ل سه‌ر ئاستێ ئیراقێ ئه‌ڤرو ئێڤارى 8/ 8/2019 ل هولا كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا ده‌سته‌یا كارگێرى ویاریكه‌رێن یانا زاخو یا وه‌رزشى كر.
دهه‌ڤدیتنه‌كێدا ب ئاماده‌بونا بوتان محسن قایمقامێ قه‌زا زاخو به‌حسێ ره‌وشا یانا زاخو وئه‌و ئه‌نجامێن ب ده‌ستڤه هاتین كو یانه‌گه هشتیه قوناغا پله‌یا نایاب ل سه‌ر ئاستێ ئیراقێ هاته كرن.
بڤێ هه‌لكه‌فتێ پارێزگه‌رێ دهوكێ بناڤێ كارگێریا پارێزگه‌هێ پیروزباهى وده‌ست خوشى ل ده‌سته‌یا كارگێرى وهه‌موو یاركه‌رێن یانێ كر وگوت: سه‌ركه‌فتنا یانێ بو پلا نایاب جهێ رێزگرتن وسه‌ربلندیێ یه بو هه‌موو خه‌لكێ پارێزگه‌هێ وهیڤى خاستن كو یانا زاخو ل وه‌رزێ نوو یێ یاریكرنێ بشێت ئه‌نجامێن باشتر ب ده‌ستڤه‌بینیت.
هه‌روه‌سا گوت: پێدڤى یه به‌رده‌وام مه‌شق وراهێنان وپێكڤه كاركرن وباوه‌ری بخوبون ل ده‌ف هه‌موو یاریكه‌ران بهێته په‌یره‌وكرن بو هندێ بشێن ئه‌نجامێن باشتر بده‌ستخوڤه بینن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ وسه‌ركه‌فتن بو هه‌موو ئه‌ندامێن یانێ خواست.
ژلایێ خوڤه سه‌روكێ یانا زاخو یا وه‌رزشى سوپاسیا پارێزگه‌رێ دهوكێ كر بو وێ پشته‌ڤانیا به‌رده‌وام یا ل یانێ دكه‌ت وئه‌و رێزگرتنا ل یاریكه‌رێن یانێ وده‌سته‌یا كارگێرى هاتیه كرن وسوزدا كو هه‌موو ب هه‌ڤرا كاربكه‌ن بو وێ یه‌كێ ئه‌نجامێن باشتر دخولا بهێت دا ب ده‌ستڤه‌بینن.
پاش خه‌لاتێن رێزگرتنێ ل سه‌ر ده‌سته‌یا یانێ ویاركه‌ران هاتنه به‌لافكرن.
ئه‌ڤرۆ نیوز:
پشتى یانا زاخۆ د وه‌رزێ بهێت دا شیاى بگه‌هیته خۆلا عیراقێ بۆ یانین پلا نایاب، ب فه‌رمى گرێبه‌ست ل گه‌ل راهێنه‌رێ لیبى عه‌بدولحه‌فیز ئاربش راهێنه‌رێ به‌رێ یێ هه‌لبژارتیێ لیبیا ویانێن هلال ونه‌سر وسوێحلى یێ ن لیبى ئیمزاكر.
یانا زاخۆ ل سه‌ر به‌رپه‌رێ خوه یێ فه‌یسبووكى به‌لاڤكر” ل گه‌ل راهێنه‌رێ لیبى عه‌بدولحه‌فیز ئاربش گه‌هشتینه رێككه‌فتنێ كو ل وه‌رزێ نوو یێ خۆلا پلا نایاب یا عیراقێ راهێنه‌ریا یانا زاخو بكه‌ت”.
هه‌روه‌سا یانا زاخۆ گه‌هشته رێككه‌فتنێ ل گه‌ل كاپتنێ به‌رێ یێ هه‌لبژارتیێ عیراقێ هیشام محه‌مه‌د كو ئه‌ركێ هاریكارێ راهێنه‌رى وه‌ربگریت.
ئه‌ڤرۆ نیوز:
سه‌رۆك وه‌زیرێن هه‌رێما كوردستانێ، مه‌سرور بارزانى ئه‌ڤرۆ پێنجشه‌مبى 8/8/2019 ب چاندنا داره‌كا زه‌یتونێ پشكدارى د هه‌وا (داره‌كێ بچینه و باژێره‌كێ كه‌سك بكه) دا كر.
مه‌سرور بارزانى ل ده‌مێ چاندنا دارێ گۆت” كوردستان مالا مه‌زن یا مه هه‌موویانه، دا هه‌موو پێكڤه بزاڤێ بكه‌ین وێ مالێ خوه‌شتر وجوانتر بكه‌ین”.
سه‌رۆك وه‌زیرێن هه‌رێما كوردستانێ گۆت ژى” به‌رسڤا چالێنجا سه‌رۆكێ هه‌رێمێ، برایێ من یێ به‌رێز كاك نێچیرڤان دده‌م، ب چاندنا داره‌كا زه‌یتوونێ كو داره‌كا ژى درێژ وبه‌رهه‌مداره”.
مه‌سرور بارزانى داخواز ژ هه‌ر ئێك ژ رێواز فایق سه‌رۆكا په‌رله‌مانێ كوردستانێ وحاكم به‌نگین سه‌رۆكێ جڤاتا دادوه‌رى كر، ئه‌وژى ب چاندنا داره‌كێ پشكداریێ د د وێ هه‌وێ دا بكه‌ن.
دهێته زانین د هه‌ه‌وا ( داره‌كێ بچينه و باژێره‌كێ كه‌سك بكه)، نێچيرڤان بارزانى سه‌رۆكێ هه‌رێما كوردستانێ ل 6/8/2019 ل سه‌ر داخوازا كونسولێ گشتى يێ ئه‌مريكا ل هه‌ولێرێ داره‌ك چاند، نێچيرڤان بارزانى داخواز ژ مه‌سرور بارزانى سه‌رۆك وه‌زيرێن هه‌رێما كوردستانێ كر كو ئه‌وژى پشكدار بيت د ڤێ هه‌وێ دا و داره‌كێ بچينيت.
https://www.youtube.com/watch?v=lxg1LqgMqtA
نيشاندان