ئەڤرۆ نیوز،بارزان مزووری:
کومیسەر ئامر نامق، ژ پشکا ھاتنوچوونا شێخان بۆ ئەڤرو نێوز دیارکر کۆ ل ئێڤاریا ئه‌ڤرۆ ئه‌ینیێ ٢٨/٦/٢٠١٩ ل سەر رێیا سەرەکی یا شێخان بۆ دھۆك، روودانەك د ناڤبه‌را دو ترومبێلان دا ژ جۆرێ تەکسی کوردستان و دۆج تایبەت روودا د ئەنجامدا پێنج کەس بریندار بوونو بۆ نەخوه‌شخانا تەنگاڤیا ل دهۆكێ ھاتن ڤەگوھاستن.
ئەڤرۆ نیوز، رێوار مزیری:
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ بۆ ئەڤرۆ نیوز دیار کر کو پشتی ل رۆژا ٢٥/٦/٢٠١٩ێ ل باژێرێ ڤییەنا ل وەلاتێ نەمسا، د.شەونم ئەحمەد وەیس، نۆشدارا تایبەتمەند یا نەخۆشیێن ژنان و زارۆبوونێ وەغەر کری و ئەڤرۆ جەنازێ وێ ب رێیا فرۆکخانا هەولێرێ یا نێڤدەولەتی گەهشتیە هەرێما کوردستانێ ژڤانە پشتی دەمەکێ کێم ل گۆرستانا شاخکێ بهێتە ڤەشارتن.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ ئاشکرا کر کو د.شەنم ئەحمەد وەیس، ل سالا ١٩٦٥ ێ ل باژێرێ بەغدا ژدایکبوویە و ل سالا ١٩٨٨ باوەرناما بەکالوریوس ب نۆشداریا گشتی ل زانکۆیا مووسل ب دەستڤە ئینابوو.
ناڤھاتی ئاماژە دا وێ چەندێ کو دامەزراندنا وێ یا ئێکێ وەکو نۆشدار ل سەر میلاکێ رێڤەبەریا گشتی یا ساخلەمیا پارێزگەھا کەرکووکێ بوویە و پاش ل سالا ١٩٩٧ێ ھاتیە ڤەگوھاستن بۆ پارێزگەھا دھۆکێ وەکو مامۆستا ل کۆلیژا پزیشکی یا زانکۆیا دھۆک و نۆشدارا تایبەتمەند یا نەخۆشیێن ژنان و زارۆبوونێ ل نەخۆشخانا ئازادی یا گشتی یا فێرکرنێ و پشکێن نەخۆشیێن ژنان و زارۆبوونێ درێژی ب خزمەتا خوە دایە و خزمەتەکا مەزن پێشکێشی نەخۆشێن ژن ل پارێزگەھێ ب گشتی کریە.
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ خویا کر کو پشتی ژ لایێ کۆمەلا جیھانی یا نەخۆشیێن ژنان و زارۆبوونێ ھاتیە داخوازکرن بۆ پشکداریکرنێ د کونفرانسەکێ نێڤدەولەتی دا ل وەلاتێ نەمسا، ل رۆژا ٢٥/٦/٢٠١٩ ب مخابنیڤە ژ نشکەکێڤە گیانێ خوە ژدەست ددەت
ئەڤرۆ نیوز ، عەلی حاجی :
زێدەتر ژ7 رۆژایە لێگەریان ل تەرمێ (مێهڤان ئاڤدەل)ی ژلایێ تیمێن نقومەڤانی ڤە ل پارێزگەها دهوكێ و كەسوكارێن وی يا بەردەوامە وهه‌تا نوكه نەشیاینە تەرمێ وی ببینن ، شیلی بوونا ئاڤێ بوویە ریگر كو لێگەریان ب زەحمەتر بكەڤیت.
ئه‌ڤرۆ نيوز:
جێگرێ سه‌رۆكێ په‌رله‌مانێ عيراقێ داخوازيه‌ك ئاراسته‌ى حوكمه‌تا هه‌رێما كوردستانێ كر كو فرۆكه وترومبێلێن هاوارهاتنێ زێده‌تر بهنێريت بۆ پشكداريێ د ڤه‌مراندنا ئاگرێه‌كارگه‌ها كبريتا مشراق ل مووسلێ.
نڤيسينگه‌ها جێگرێ سه‌رۆكێ په‌رله‌مانێ عيراقێ به‌شير حه‌داد به‌لاڤكر كو پشتى ئاگر به‌ربوويه كۆمپانيا گشتى يا كبريتا مشراق وده‌ڤه‌رێن ده‌وروبه‌ر ل باشوورێ مووسلێ، به‌شير حه‌داد به‌رده‌وام د په‌يوه‌نديێ دا بوو ل گه‌ل حوكمه‌تا هه‌رێما كوردستانێ وداخواز ژ جهێن په‌يوه‌نديدار كر به‌رده‌وام بن د هنارتنا فرۆكێن ئاگرڤه‌مراندنێ
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ پێنجشه‌مبى 27/6/2019 ل گه‌ل سه‌رۆك وئه‌ندامێن فراكسۆنا پارتى ديموكراتى كوردستان ل په‌رله‌مانێ كوردستانێ كۆمبوو.
سه‌رۆك بارزانى د وێ كۆمبوونێ دا دياركر كو نوونه‌رێن پارتى ل په‌رله‌مانێ كوردستانێ نوونه‌رێن ديرۆك وبها وئارمانجێن پارتى نه، پێدڤيه نوونه‌رێن پارتى ل په‌رله‌مانى ل ئاستێ وێ به‌رپرسياره‌تيێ بن و برگريكارێن خواست وئازارێن خه‌لكێ كوردستانێ بن.
گۆت ژى” دڤێت ئه‌ندام ونوونه‌رێن پارتى د راستگۆ بن ل گه‌ل خه‌لكى وداخوازيێن خه‌لكى بگه‌هيننه جهێن مه‌به‌ستێ وچو ده‌مه‌كى ژى نێزيكى موزايه‌دێ وئاخڤتنێن بێ كريار نه‌بن”.
ئەڤرۆ نیوز ، زنار تۆڤی:
ئەڤە دەمێ چار سالانە دەرگەهێ سەرزێری د ناڤبەرا کوردستانێ و وەلاتێ تورکیا دا هاتیە ڤەکرن، هێشتا نه‌بوویە 24 دەمژمێری و هەروەسا رۆژێن شەمبی و ئێکشەمبی بهێنڤەدانە و خەلک نەشێن هاتنوچوونێ بکەن، ل حەفتیا بهێت هاتنوچوونا وەلاتیان دێ بیتە رۆژانە.
عرفان سلێمان ئەلکیشکی، رێڤەبەرێ دەرگەهێ گۆمرکا سەرزێری بۆ ئەڤرۆ نیوز گۆت: بەری نوکە ل دەرگەهێ سەرزێری یێ نێڤدەولەتی ب تنێ ل رۆژێن دوشەمبی هەتا رۆژا ئەینی هاتنوچوون د ڤی دەرگەهی دا دهاتە کرن و رۆژانێن شەمبی و ئێکشەمبی بهێنڤەدان بوون و خەلک نە دشیان هاتنوچوونێ بکەن، لێ ل حەفتیا بهێت و ل رۆژا شەمبی ٢٠١٩/٦/٢٩ دێ ل هەموو رۆژێن حەفتیێ دا هاتنوچوون د ڤی دەرگەهی دا هێتە ئەنجامدان، ھەر ژ دەمژمێر ٨:٣٠ سپێدێ تا دەمژمێر ٦ ئێڤاری.
رێڤەبەرێ گۆمرکا سەرزێری گۆت ژی: ل سالا 2015 دەرگەهێ گۆمرکا سەرزێری د ناڤبەرا هەرێما کوردستانێ و وەلاتێ تورکیا دا هاتیە ڤەکرن، هێشتا ئەڤ دەرگەهە نەبوویە دەرگەهکێ بازرگانی، لێ ئەو خەلکێ بۆ خوە کەلوپەلان دئینن، ئەم ئاسانکاریان بۆ دکەین، دەرگەهێ گۆمرکا سەرزێری دکەڤیتە ناحیا کانی ماسێ یا سەر ب قەزا ئامێدیێ ڤە و رۆژانە رێژەکا باش یا وەلاتیان ژ باکور و باشورێ کوردستانێ هاتنوچوونێ د ڤی دەرگەهی را دکەن.
ئەڤرۆ نیوز ، زنار تۆڤی:
ئەڤرۆ پێنجشەمبی 27.6.2019 و ل دەمژمێر 3 پشتی نیڤرۆ، تۆپخانا له‌شكرێ تورکی گوندێ قومریێ ل دەڤەرا بەرواری بالا تۆپباران کر.
وەلاتیەک ب ناڤێ ئانار سالح بۆ ئەڤرۆ نیوز دیار کر: ئەڤرۆ ل دەمژمێر 3 پشتی نیڤرۆ، ب بەهانەیا هەبوونا گەریلایێن پەکەکێ تۆپخانا له‌شكرێ تورکی چەندین گۆلە تۆپ ل هنداڤی گوندێ قومریێ داینە و ئەو جهێن تۆپ ڤێکەفتین نێزیکی گوندێ قومریێ بووینە، هەروەسا وان تۆپان چو زیانێن گیانی نەگەهاندینە گوندیان، لێ ترسەک ل دەف وان پەیدا کریە، هەروەسا وان تۆپان ئاگرەکێ مەزن بەردایە دارستانێ و پیش و پەلەخی.
ئەڤرۆ نیۆز:ریکلام
زین عیراق، ئێک ژکۆمپانیێت گروپا زین یا پێشەنگ دبوارێ خزمەتگوزاریێت پەیوەندیان وداتایێن گەرۆک ددەڤەرا رۆژهەلاتا ناڤین وباکورێ ئەفریقیا ، ڤەکرنا بنگەهەکێ خزمەتگوزاريا یێ باوەرپێکەر لـ پارێزگەها دهوکێ قەزا زاخۆ پێخەمەت دابینکرنا پێتڤیێت بەشدارێت خو دا ئاشکراکرن.
و رێڤەبەرێ بەشێ فرۆتنێ لـ کوردستانێ سەیوان جاف گوت: بـ بەردەوامبون دستراتیجیا کۆمپانیا مە پێخەمەت بەرفرەهـکرنا سنورێ جیوغرافی بۆ بنگەهێت خزمەتگوزاریێت خو، مە دەستپێکر بـ ڤەکرنا بنگەهێت خو یێت باوەرپێکری ژبۆی گرنگی دانا مە بۆ ساناهیکرنا بـ دەستڤەئینانا کارتێت شەحنێ وهێلا وداکو بەشدار بمینن دپەیوندیێ دا دگەل جیهانێ و”گوت” ئەڤە دبوارێ پێکولا مەیا بەردەوامە ژبۆ بەشدارێت خو بـ رێکا تۆرەکا بەرفرەهـ ژ بنگەهێت خزمەتگوزرایان وبنکەیێت فرۆتنێ دهەمی پارێزگەهێت عیراقێ ژبۆ پێشکێشکرنا باشترین خزمەتگوزاریان ودابینکرنا پێتڤیێت بەشداران”.
وئەڤ پێنگاڤە تێت دچارچۆڤێ پلانەکا ئارمانج خواز بۆ بەرفرەهـکرنا بنەگەهێت خزمەتگوزاریێت بەشداران ودابینکرنا پێتڤیێت وان بـ باشترین وبلەزترین رێکێن بەردەست، وئەڤ بنگەهە درێژە پێدانا زنجیرەکا بنگەهایە زین عیراق ددە ڤەکرن دهەمی لایێت وەلاتی داکو نێزیک بیت ژبەشدارێت خو. بنگەهـ پاکێجەکا خزمەتگوزاریان پێشکەش دکەت فرۆتن وگوهارتنا هێلان بخوڤە دگریت وکارتێت شەحنێ ودیسان خزمەتگوزاریێت راوێژکاری بۆ بەشداران هەمی دچارچۆڤەکێ تەمام وبـ بهایێت بێ وێنە وبشێوەیەکی تەمام ساناهی
تێ گوتن زین عیراق ئێکە ژ پێشکەفترین کۆمپانیایە ژئالیێ تەکنەلۆجی لـ عیراقێ ، و بـ بەردەوامی دگەرێ لـ چاوانیا بکارئینانا نویترین چارەیێت تەکنەلۆجی و پێشکەشکرنا وانا بۆ بەشدارێت خو ، و ژهەمیا دیارتر تۆمارکرنا ئەلیکترۆنیا داتایایە. هەروەها کۆمپانیا پێکۆلێ دکەت بگەهتە هەمی تەخێن جڤاکی وداپۆشینا تەماميا پارێزگەهێت عیراقێ بکەت بـ رێکا بنگەهێت خو وبنکێت فرۆتنێ یێت گرێدای بوێ ژبۆ مسۆگەرکرنا خزمەتگوزاریا باشتر وبلەزتر
ئەڤرۆ نیوز، نەوزاد ھلوری:
پشتی چەند سالێن داخوازکرنێ، ئەڤرۆ دێ د کونگرەکێ روژنامەڤانی دا ھورکاریێن زێدەکرنا پشکا حەجیێن کوردستانێ ھێتە راگەھاندن، ب گورەی پێزانینێن ئەڤرۆ نیوز پشکا زێدەیا کوردان ژ وێ زێدەیێ دێ 20% بیت.
کاروان ستونی، ئاخفتنکەرێ حەجیێن کوردستانێ بو ئەڤرۆ نیوز گۆت: (دەمەکێ زۆرە حەج و عومرا کوردستانێ و عیراقێ ژی داخوازێ ژ سعودیێ دکەت کو ھژمارا حەجیان زێدە بکەت، ژبەرڤێ حوکمەتا عیراقێ بریاردا کو 17 ھزار حەجیان بو عیراقێ زێدە بکەت، ژ وێ ھژمارێ رێژا 20% بەر کوردستانێ دکەڤیت کو دبیتە نێزیکێ دوو ھزار کەسان).
زیدەتر گوت: (ئەڤرۆ دەمژمێر 12ێ دێ ل بارەگایێ رێڤەبەریا گشتی یا حەج و عومرێ ل ھەولێرێ و د کونگرەکێ روژنامەڤانی دا ھەموو ھوکاریێن ئەوێ زیدەکرنێ ھێنە راگەھاندن، کو ئەڤ یەک ژی ھەوالەکا دلخوشکەرە).
حەجیێن کوردستانێ ب رێیا تیروپشکێ دچنە حەجێ، ئەڤێ یەکێ ژی کێشە بو خەلکی دروستکریە، زێدەکرنا ھژمارا حەجیان دێ بیتە ئەگەر کو ئەو کەسێن دخوازن بچنە حەجێ زێدەتر چەنسێ چونێ ھەبیت.
ئەڤرۆ، ھەرھین محەمەد:
رێڤەبەرێ پاسەپۆرتان ل دھۆکێ راگەھاند، د بەرنامەی وان دایە ل سالا 2020 ئەڤ پاسەپۆرتە بھێنە گوھورین و بیتە پاسەپۆرتەکا وەکو سیم کارتی و کوالێتیا وێ ھێشتا ب ھێزتر دەربکەڤیت، بەلێ ئەڤ پاسەپۆرتێن نوکە کار پێ دھێتە کرن دێ ھەر کار پێ ھێتە کرن، ھەتا دەمێ وێ ب سەر ڤە دچیت و نەشێت کار پێ بکەت و ل دەمێ پاسەپۆرتا خوە نۆی دکەتەڤە ل وی دەمی پاسەپۆرتا نۆی دێ بۆ ھێتە چێکرن، بەلێ ھەتا نوکە چو تشتێن فەرمی بۆ مە نەھاتینە.
عەمید دلدار نۆری عەباس، ریڤەبەرێ پاسەپۆرتان ل پارێزگەھا دھۆکێ دیدارەکێ دا بۆ ئەڤرۆ گۆت: د بەرنامەی دایە ل سالا 2020 ئەڤ پاسەپۆرتە بھێنە گوھۆرین دبنە پاسەپۆرتەکا وەکو سیم کارت کوالتیا وێ ھێشتا ب ھێزتر و لبەرە وەکو رێڤەبەریا رەگەزناما گشتی ل بەغدا بزاڤێ بکەت ل گەل وەزارەتا نافخۆ کو پاسەپۆرتەکا دی ب شێوەکێ نۆو مودرێن ب دەرێخن، بەلێ ئەڤ پاسەپۆرتێن نوکە کار پێ دھێتە کرن دێ ھەر کار پێ ھێتە کرن ھەتا کو دەمێ وێ ب سەر ڤە دچت و نەشێت کارپێ بکەت.
زێدەتر دبێژیت: ل دەمێ پاسەپۆرتا خوە نۆی دکەتەڤە ل وی دەمی دێ پاسەپۆرتا نۆی بۆ ھێتە چێکرن، بەلێ ھەتا نوکە چو تشتێن فەرمی بۆ مە نەھاتینە و رێڤەبەریا پاسەپۆرتا ل سالا 2018 رێڤەبەریا مە یائێکی یوویە، چونکو د گەلەک کونفرانسان دا باس ل وێ چەندێ کریە کو پاسەپۆرتێن دھۆکێ یا ئێکێ یە، بەلێ نوکە سەنگاندن ناھێتە کرن ھەتا دووماھیا سالێ کا رێڤەبەریا پاسەپۆرتان دێ د چو ئاست دا بیت.
ئاشکرا ژی کر، ھەر وتەکیە کوالتیا خوە یا ھەی و ئەڤ چەندە گرێدایە ب مەسەلێن ئابووری و ئەمنی ڤە و ئەگەر دەولەتەکێ ئابوورێ وان یێ دارایی یێ بلند بیت ل وی دەمی دێ کوالتیا پاسە پورتا وان بلند تر بیت و پاسەپورتێن مە ژی گەلەک دباشن و کار پێ دھێتەکرن.
رێڤەبەرێ پاسەپۆرتان گۆت ژی: د بەرێ دا حۆکمەتا عیراقێ گرێبەستەک ل گەلەک کومپانیەکا ئەلمانی ھەبوو و ھەر ل ئەلمانیا چێدکر و ئامادەدکر، بەلێ نوکە وەکو حۆکمەتا فیدرال گرێدایە ب وەزارەتا نافخو یا بەغدا کارگەھەک ھاتە دانان ل بەغدا ل بن کونترولا وەزارەتا نافخو و ئەو پاسەپۆرتا چێدکەن و بەری نوکە ب تنێ ئێک شەفت بوو، بەلێ ژبەر خەبسەکا زور مە کریە دو شەفت و رۆژانە نێزیکی ھزارو سەد وەلاتیان دھێن بۆ ب رێڤەبرنا مامەلێن خوە یێن پاسەپۆرتان.
خویاژی کر، دیسان رۆژانە نێزیکی ھزار کەسان دھێن بۆ وەرگرتنا پاسەپۆرتێن خوە و ھەموو دەمان خەلکێ مە گازندێ ژ ھندێ دکەن کو ژ بۆ وەرگرتنا پاسەپۆرتان و دەمەکێ درێژ دچیت ھەتا وەردگرن و گازندا مە ژی ژ خەلکی ژی ئەوە ناھێن پاسەپۆرتێن خوە و پتری 12 ھزار پاسەپۆرت ل دەڤ مەنە یێن سالا 2016، 2017، 2018 ،2019 و خودان نەھاتینێ و ئەگەر نەھێتە پاسەپۆرتا خوە نەشێت چو پاسەپۆرتێن دی چێکەت، چونکو ھەرێما کوردستانێ ل گەل حکومەتا مەرکەزی یا بەغدا یا فیدرال ھەموو گرێدایە ب ئێک تۆر ڤە.
ناڤھاتی گۆت: پتریا وان کەسان یێن دھێن پاسەپۆرتا چێدکەن بۆ چوونا نوشدارانە و گەشتێ و خاندنێ نە و ل دووڤ رێنمایێن رەگەزناما گشتی بەغدا ھاتینە ئاگەھدارکرن بۆ رەگەزناما گشتی یا ھەرێما کوردستانێ و ئەو رێنمایە بھێنە جێبەجێ کرن کو دبێژنێ خزمەتا بلەز کو کێمتر ژ 24 دەمژمێران پاسەپۆرت بۆ دەردکەڤیت و رۆژنە نێزیکی 70 پاسەپۆرتێن بلەز دھێتە چێکرن ب کوژمێ (250) ھزار دینارێن عیراقی.
نيشاندان