ئەڤرۆ نیوز:
راپورتێن رۆژنامەڤانی ل ئیسپانیا دیارکرینە راھێنەرێ یانا ریال مەدرید سەرۆکێ وێ یانێ ئاگادارکریە ب زیترین دەم دەست ب دانوستاندنان بکەن بوو ڤەگوھاستنا ستێرا فرەنسی و یانا مانچێستەر یوناید پول پوگپا کو ئەوی پێدڤی ب شیانێن ئەوی یاریزانی ھەیە .
ھەردیسان ھاتیە دیارکرن ژی سەرۆکێ یانا ریال پێرێز داخوازی ژ زێدان کریە دەلیڤەیێ بدەتە ئەوی ھەتا بشێن دەست ب دانوستاندنان ل گەل یانا مانچێستەر یوناید بکەن ژبەرکو وێ یانا ئنگلیزی نوکە بھایێ ھەلوەشاندنا ئەوی یاریزانی گەلەک بلندکریە.
ھەژی گوتنێ یە یانا مانچێستەر رەتکریە ئەوی یاریزانێ خوە کێمتر ژ ١٨٠ ملیون یورۆیا بفروشن و ئەو چەندە بوویە رێگر د رێیا وێ یانا ئیسپانی دا کو سەرۆکێ ریال دخوازیت ب کوژمەکێ کێمتر ھەڤبەستێ ل گەل پوگپای ئیمزا بکەت .

ئەڤرۆ نیوز:
یاریزانێ ھێلا ناڤینا بەرازیلی یانا بەرشەلۆنا رافینا ئەلکانتارا ھەڤبەستا ئێک ژ یانێن خۆلا ئیتالیا رەتکر پشتی وێ یانێ ب فەرمی داخوازی ژ ئەوی کری بۆ ئیمزاکرنا ھەڤبەستا ئەوی ل ڤەگوھاستنێن ھاڤینا ئەڤ سالە.
رۆژناما موندو دیپورتیڤو یا کەتەلونی دیارکریە پشتی یاریزانێ بەرازیلی رافینا ل وەرزێ بوری نەشیای ئاستەکێ باش ل گەل بەرشەلۆنا پێشکێش بکەت یانا فیروتنینا یا ئیتالی دخواست ھەڤبەستێ ل گەل ئەوی یاریزانی ئیمزا بکەت لێ ئەوی یاریزانێ ناڤبری داخوازیا وێ یانێ رەتکر و ناخوازیت جارەکا دی ڤەگەریتا خۆلا کاتشیو پشتی بەری نوکە ب شێوەیێ خواستن یاری ل یانا ئەنتر میلان کری.
ھەردیسان وێ رۆژنامێ دیارکریە ژی رافینا دخوازیت بەردەوامی بدەتە ژیانا خوە یا پیشەکاری ل ئیسپانیا و دبیت ل سەر داخوازیا یانا ڤالنسیا رازی بیت کو وێ یانێ ژی دەست ب دانوستاندنان ل گەل ئەوی یاریزانی کریە و یانا بەرشەلۆنا ژی نابیتە رێگر د فروتنا ئەوی یاریزانی دا.

ئەڤرۆ نیوز:
یانا موناکو یا فرەنسی ل سەر داخوازیا راھێنەرێ خوە دخوازیت ھەڤبەستێ ل گەل ھێرشبەرێ ئیسپانی و یانا ریال مەدرید ماریانو دیاز ئیمزا بکەت .
رۆژناما مارکا ئیسپانی دیارکریە راھێنەرێ یانا موناکو لیوناردو گاردیم بەرپرسێن یانا خوە ئاگادارکرینە ھەڤبەستێ ل گەل ھێرشبەرێ یانا ریال مەدرید ماریانو دیاز ئیمزا بکەت .
ھەردیسان وێ رۆژنامێ دیارکریە ژی چاڤەرێ دھێتەکرن دڤێ حەفتیێ دا ئەو یانا فرەنسی ب فەرمی ھەڤبەستێ پێشکێشی یانا ریال مەدرید و وی یاریزانێ ناڤبری بکەت کو ھەر چەندە دیاز دخوازیت یێ بەردەوام بیت ل یانا ریال لێ زێدان بەرپرسێن یانا ریال ئاگادارکرینە ئەو نابیتە رێگر د رێیا چوونا وی یاریزانی دا ژبەرکو بۆ وەرزێ بھێت ئەو پشت بەستنەکا مەزن ل سەر ئەوی یاریزانی ناکەت.
ل دووماھیێ وێ رۆژنامێ دیارکریە ژی ھەتا نوکە چ ھەڤبەست ب فەرمی نە گەھشتی نە بەر دەستێ یانا ریال مەدرید لێ ھەکە یانا موناکو ب فەرمی ھەڤبەست پێشکێشی یانا ریال کر وی دەمی ب رێژەیا ھەرە مەزن دێ ریال مەدرید ل سەر داخوازیا یانا موناکو رازی بیت .
ھەژی گوتنێ یە ماریانو دیاز بەری نوکە یاری ل خۆلا فرەنسا کریە کو ل وەرزێ ٢٠١٧-٢٠١٨ ل گەل یانا لیون شیابوو د ٤٥ یاریان دا ٢١ گولان توماربکەت و حەفت گولان ژی بوو ھەڤالێن خوە دروست بکەت .