ئەڤرۆ نیوز:
میسال ئالوسی سەرۆکێ پارتا ئوممەی عیراق راگەهاند کو ئەو پشتەڤانیێ ل ئاسایی کرنا پەیوەندیێن ئیسرائیلێ ل گەل ئیماراتێ و بەحرێنێ دکەت و داخواز ژی کر کو عیراق پەیوەندیێن خوە ل گەل ئیسرائیلێ ئاسایی بکەت.
ناڤهاتی راگەهاند کو گەلەک وەلات بازرگانیێ ب پرسا فەلەستینێ دکەن و ژ بۆ ئاشتیا ل دەڤەرێ پێدڤیە هەموو وەلاتێن عەرەبی ب تایبەتی ژی عیراق پەیوەندیێن خوە ل گەل ئیسرائیلێ ئاسایی بکەن.
ئەڤرۆ نیوز:
دۆنالد ترامپ سەرۆکێ ئەمریکا راگەهاند کو پشتی رێککەفتنا د ناڤبەرا ئیسرائیلێ و ئیماراتێ دا د نها وەلاتێ بەحرێن ژی رێککەفتنا ئاشتیێ ل گەل ئیسرائیلێ ئیمزا کەت.
سەرۆکێ ئەمریکا ئەو یەک ژی دیار کر کو ب رێککەفتنا وان هەر دو وەلاتێن عەرەبی ل گەل ئیسرائیلێ دێ رەوشا رۆژهەلاتا ناڤین ب تەمامی هێتە گوهۆرین و ئەو یەک ژی ب دلێ ئیرانێ نینە، چونکو بەرپرسێن ئیرانێ نەڤێت رەوشا رۆژهەلاتا ناڤین ئارام بیت.
ئەڤرۆ نیوز، عەلی حاجی:
بەرپرسێ راگەهاندنا بەرەڤانیا باژێری ل دهوکێ بۆ ئەڤرۆ نیوز دیار کر: د دەمێ هەیڤەکێ دا د پێنچ کەمپێن ئاواران دا هەتا نوکە ٣١ خیڤەتگەهـ و چار کابینە سوتینە.
زێدەتر رائید بێوار عەبدولعەزیز گۆت : د دەمێ هەیڤەکێ دا ل هەر ئێک ژ کەمپێن بێرسڤ ئێک و دو و دەرکارێ و چەمشکو و قادیا یا ئاوارێن ئێزدیان ٣١ خیڤەتگەهـ و چار کابینە ژ ئەگەرێن جۆدا و نەدیار سوتینە بەلێ خۆش بەختانە چو زیانێن گیانی نەبووینە و زیانێن مادی یێن زور ژی بەر ب وان وەلاتیان کەفتینە و تیمێن مەیێن ئاگر ڤەمراندنێ ژی ل زاخۆ رۆلەکێ بەرچاڤ د کونترولکرنا ئاگرێ وان خیڤەتان دا هەبوو و بوونە رێگر د زێدەبونا زیانێن ماددی دا، ئەڤ رێژەیە زور یا روودانێن ئاگر بەربوونێ ژ ئەگەرێ دژواری و بلند بوونا پلەیێن گەرمێ ڤەدگەرن و پێدڤی وەلاتیێن مە زێدەتر ئاگەهی ل سەر کەل و پەلێن سوتنێ هەبیت دا کو دوور بن ژ روودانێن ئاگر بەربوونێ .
ئەڤرۆ نیوز، عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر: گەنجەکێ ٢٣ سالی ل شەڤا بوری دناڤ دوکانا برایێ خوە دا ل سەنتەرێ بازارێ زاخۆ خوە خەندقاند.
زێدەتر ئەمیر عەلی گۆت : ل دەمژمێر ١٢:٠٠ شەڤا بوری گەنجەکێ ٢٣ سالی ل باژێرێ زاخۆ دناڤ سەنتەری بازاری دا و ل دوکانا برایێ خوە دا ژ ئەگەرێ نەدیار ب حەبلەکێ خوە خەندقاندیە، پشتی هنگێ تەرمێ وی بۆ نۆشداریا داد ل نەخوشخانا زاخۆ هاتیە رەوانە کرن و د نوکە دا بۆ زانینا خوە کوشتنا وی گەنجی پولیسان پەرێن ڤەکولینێ ڤەکرینە.
بەری دو روژان ژی کچەکێ ژ ئەگەرەکێ نەدیار ل زاخۆ خوە خەندقاند بوو.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا سێ کەس بریندار بوون.
ناڤهاتی زێدەتر گۆت: ئەڤرۆ ئەینیێ 2020/9/11 ل دەمژمێر (3:50) ئێڤاری ل سەر رێیا ناتیا باتیفا بۆ دوکەرێ ترۆمبێلەکا تایبەت BMW یا رەنگ سپی ل ژێر کونترۆلا شۆفێری دەرکەفتیە و وەرگەریا یە، د ئەنجامدا سێ کەس بریندار بوون و زیانێن مادی یێن مەزن ب ترۆمبێلێ کەفتینە.
ئه‌ڤرۆ نیوز:
د چارچوڤه‌یێ سیاسه‌تا نوویا تره‌مپی كۆ ل عیراقێ و رۆژهه‌لاتا ناڤین بجه دكه‌ت، بریار دایه ژماره‌یا سه‌ربازێن خوه ل عیراقێ بۆ ده هزار سه‌ربازان كێم بكه‌ت.
د داخویانیه‌كێ دا دونالد تره‌مپ سه‌رۆكی ئه‌مریكا راگه‌هاند هێزێن خوه ل عیراقێ بۆ دو هزار سه‌ربازان كێم كه‌ین، دده‌مه‌كی دا به‌ریا نها بریار دابوو، ژماره‌یا سه‌ربازان بهێته كێمكرن كو نوكه ژماره‌یا وان 5200 سه‌ربازن بۆ سێ هزاران كێم كه‌ین، به‌لێ جاره‌كا دی تره‌مپ بریار دا ژماره‌یا سه‌ربازان كێمتر بكه‌ت.
ئه‌ڤرۆ نیوز:
مه‌سرور بارزانی سه‌رۆكێ حوكمه‌تا هه‌رێما كوردستانێ ب هه‌لكه‌فتا سالیادا شوره‌شا مه‌زنا ئیلولێ په‌یامه‌ك به‌لاڤكر.
د په‌یاما سه‌رۆكێ حوكمه‌تا هه‌رێما كوردستانێ دا هاتیه، شوره‌شا مه‌زنا ئیلولێ، د ده‌مه‌كی دا ده‌ستپێكر، ئاسمانێ بێ هیڤیبوونێ ب سه‌ر كورستانێ دا هاتبوو، دوژمنێن گه‌لێ كوردستانێ هه‌موو بزاڤه‌ك ددان بۆ ژناڤبرنا كلتور و ناسنامه‌یا گه‌لێ كوردستانێ و بێ به‌شكرن ژ هه‌موو مافێن بنه‌ره‌تیێن ژیانێ.
مه‌سرور بارزانی ئه‌و چه‌نده ژی د په‌یاما خودا دیاركریه كۆ ئه‌ڤرۆ سالڤه‌گه‌را شوره‌شا مه‌زنا كوردستانێ دكه‌ین، هه‌رێما كوردستانێ د ره‌وشه‌كا گران دا ده‌رباز دبیت، له‌ورا زۆر پێدڤیه هه‌رتم گیانێ خوراگری و خوبردویی و بهایێن بلندێن شوره‌شا مه‌زنا ئیلولێ لبه‌رچاڤ وه‌ربگرین و زێده‌تر مه پالبده‌ت، بۆ ئێك رێزی و ته‌بای و پارێزگاریكرن ژ ده‌ستكه‌ڤێن خه‌لكێ كوردستانێ.
ئەڤرۆ نیوز، زنار تۆڤی:
د. یلماز ئۆزل دەرهێنەرێ کورتە فلمێ بارێ گران، بۆ ئەڤرۆ نیوز دیار کر: کو کورتە فلمێ بارێ گران 17 خۆلەکان یێ درێژە و ل باژێرێ مێردینێ یێ باکورێ کوردستانێ هاتیە وێنەکرن و هەر دو ئەکتەران عادل عەبدولرەحمان و سامان مستەفای رۆلێ سەرەکی تێدا گێرایه، هەتا نوکە ڤی کورتە فلمی چەندین خەلاتێن جیهانی وەرگرتینە، هەروەسا ئەڤرۆکە پێنجشەمبی، کورتە فلمێ بارێ گران ل 31 مین فلمە فیستەڤالا نێڤدەولەتی یا ئەنقەرە، خەلاتێ باشترین کورتە فلمێ تورکی وەرگرت.
ئەڤرۆ نیوز:
وەزیرێ پەروەردێ یێ حوکمەتا هەرێمێ ئالان حەمە سەعید دیار کر: ئەڤ سالە پرۆسسا خواندنێ ژ بۆ هەموو قۆناغان دێ ب شێوازێ ئۆنلاین دەستپێکەت، ژ بلی پۆلێن ئێکێ و دویێ یێن سەرەتایی و پۆلا دازدێ ئامادەیی، ژبەرکو قوتابیێن وان پۆلان دێ وانان ل ناڤا پۆلان ل قوتابخانێ وەرگرن.
هەروەسا گۆت ژی: ل 27 ئیلۆنێ، دێ خواندنا پۆلا 12 دەست پێکەت، پێدڤیە د پۆلێن خواندنێ دا، ب دووراتیا مەتر و نیڤان د ناڤبەرا قوتابیان دا هەبیت و لدووڤدا وانە بهێتە دەستپێکرن
دیسان دیار کریە: پۆلێن ئێکێ و دویێ یێن سەرەتایی، دێ ل (10/10/2020) د ناڤا قۆتابخانان دا دەست ب خواندنێ کەن و پۆلا سییێ سەرەتایی، هەتا 11 ئامادەیی، دێ ب شێوازێ ئۆنلاین دەست ب خواندنێ کەن.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا چار کەس بریندار بوون.
ناڤهاتی زێدەتر گۆت: ئەڤرۆ پێنجشەمبی ۲۰۲۰/۹/۱۰ ل دمژمێر ۱:۳۰ پشتی نیڤرۆ ل ناڤا سەنتەرێ باژێرێ ئاکرێ و سەر جادا سەرەکی یا گەرەکا سوسنا روودانەکا ترافیکێ ژ جۆرێ لێکدان روودایە و د ئەنجام دا چار کەس بریندار بوون.
نيشاندان