ئەڤرۆ نیوز:
بیژەن زەنگەنە وەزیرێ پەترۆلا ئیرانێ راگەهاند کو سەرەرای سزایێن ئەمریکا ل سەر کەرتێ پەترۆلا وەلاتێ مە سەپاندی مە شیایە رێکەکێ بۆ فرۆشتنا پەترۆلا خوە پەیدا بکەین و گۆت: (نها ب رەنگەکێ ئاشکرا و نهێنی ئەم پەترۆلا خوە دفرۆشین و دێ شێین کاریگەریا سزایێن ئابووری یێن ئەمریکا ل سەر وەلاتێ خوە کێم کەین).
ئەڤرۆ نیوز:
ھەردو ئێکەتیێ، تەپا پێ یێن ئسپانی و پرتوگالی ب فەرمی راگەھاند ئەو دێ ھەڤپشکی داخوازا مێڤانداریا رێکخستنا ھەڤرکیێن موندیالا جیھانێ یا سالا ٢٠٣٠ کەن.
ئەڤ داخوازا ڤێ مێڤانداریێ ھات پشتی کو موندیالا ٢٠٢٢ دێ ل وەلاتێ قەتەر مێڤانداریا وێ کەت و ٢٠٢٦ ژی ئەمریکا و کەنەدا و مەکسیک مێڤانداریا وێ کەن ب ھەڤپشکی، و ئەڤە جارا ئێکی نینە ئەڤ ھەردو وەلاتە ب ھەڤپشکی ڤێ داخوازیێ دکەن پشتی بۆ رێکخستنا موندیالا ٢٠١٨ نەشیاین ھەڤرکیا روسیا بکەن دیسان موندیالا ٢٠١٠ ژی ھاتنە دورخستن.
ڤان ھەردو وەلاتێن ئسپانیا و پرتوگال پلانەکا ھەڤشک دارشتیە بۆ دەستڤەئینانا باوەریا فیفایێ پێخەمەت وەرگرتنا بادەکا مێڤانداریا موندیالا ٢٠٣٠ و ھەڤرکا وێ یا سەرەکی بۆ ڤێ چەندێ ھەردو وەلاتێن ئوروگوای ئەرژەنتینن بن ژ بەرکو ژ مێژە راگەھاندی ئەو دێ مێڤانداریا ڤێ قارەمانیێ کەن.
ئەڤرۆ نیوز:
بریارە ئەڤرۆ ھژمارەکا یاریان ژ قوناغا ڤاڤارتنێن دەربازبوونێ بۆ قارەمانیا ئوروپا یا ٢٠٢٠ بھێنە کرن ب ڤی شێوەی.
٤:٠٠ کرواتیا VS وێلز
٤:٠٠ ئایسلەندا VS ئەلبانیا
٧:٠٠ ئەزربیجان VS مەجەر
٧:٠٠ ئەستونیا VS ئێرلەندا باکور
٧:٠٠ روسیا VS سان مارینو
٧:٠٠ ئەرمینیا VS لیشتینتاین
٧:٠٠ فنلەندا VS بوسنا
٩:٤٥ روسیا سپی VS ئەلمانیا
٩:٤٥ ئسکوتلەندا VS قبرس
٩:٤٥ بەلجیکا VS کازاخستان
٩:٤٥ یونان VS ئیتالیا
٩:٤٥ تورکیا VS فرەنسا
ئەڤرۆ نیوز، نیوار محەمەد سەلیم:
یا ئاشکریە رۆژ یێ بەر ب چلێ هاڤینێ ڤە دچن و پلێن گەرمێ بەردەوام یێ بلند بن، بۆ ڤێ چەندێ ژی لاشێ مرۆڤی پتر پێدڤی ب ئاڤێ دبیت و ئەم ژی زێدەتر ئاڤا تەزی ب کار دئینین.
هشیاری ب کارئینانا دولک و گلاس و پێدڤیێن پلاستیکی بن و نەکەنە د جهێ بەفربەستێ (فریزی) دا، ژ بەر ماددێ دایوکسان یێ ب مەترسی کو دەما ئەو ئاڤ دهێتە تەزاندن و دبیتە بەستی، ئەو ماددێ دایوکسان دمینیتە ب ئاڤێ ڤە و دەما ڤەدخۆین دچیتە د ناڤ لاشێ مە دا و ئەگەرێن تووشبوون ب پەنجەشێرێ زێدە دبیت.
هیڤی یە تو ژی بەلاڤ کە دا کو پتترین کەس مفای ژێ وەربگرن و ژ ڤێ مەترسیا مەزن بهێنە پاراستن.
ئەڤرۆ نیوز، نیوار محەمەد سەلیم:
تەرمێ کچەکا زارۆ هاتە دیتن کو پشبینی دهێتە کرن یێ وێ کجا بەرزە بووی بیت.
موقەدمێ مافپەروەر هێمن سلێمان، بەرپرسێ پشکا پەیوەندی و راگەهاندێ ل رێڤەریا پۆلیسێن پارێزگەها دهۆکێ راگەهاند کو ئەڤرۆ ل چەمێن بن یاریگەها دهوکێ تەرمێ زاڕویەکا کچ هاتیە دیتن پێشبینی دهێتە کرن تەرمێ وێ کچا ب ناڤێ دلین وەلید یا 10 سالی بیت ئەوا بەری سێ رۆژا ژ مال دەرکەفتی و بێ سەر و شوون بووی.
ئاشکەرا ژی کر کو پەرێن ڤەکولینێ ل پولیسێن نەهێلانا گونەهباریا دهوکێ هاتینە ڤەکرن، بو زانینا ئەگەرێن گیان ژ دەست دان و نیاسینا وێ نوکە ل رێڤەبەریا نوشداریا داد پشکنێن بۆ دهێنە ئەنجام دان.
ئه‌ڤرۆ نيوز:
ئه‌ڤرۆ رۆژا شه‌مبى 8ى خزيرانا 2019ێ وه‌زيرێ ژ ده‌رڤه يێ ئه‌لمانيا، هايكو ماكس، ب سه‌ره‌دانه‌كا فه‌رمى گه‌هشته به‌غدا يا پايته‌ختێ عيراقێ.
وه‌سان بڕياره وه‌زيرێ ژ ده‌رڤه يێ ئه‌لمانيا ل گه‌ل عادل عه‌بدولمه‌هدى، سه‌رۆك وه‌زيرێن عيراقێ و به‌رپرسێن دى كۆم ببيت و گه‌نگه‌شا په‌يوه‌نديێن دوقولى يێن ناڤبه‌را هه‌ردو وه‌لاتانان و پێشهاتێن ده‌ڤه‌رێ بكه‌ن.
ئه‌ڤرۆ نيوز:
قوتابيێن پۆلێن 12 ئاماده‌ى د وان وانێن پرسيارێن خه‌له‌تى تێدا هه‌ين دادێ هێنه قه‌ره‌بووكرن.
كه‌ريم له‌تيف، رێڤه‌به‌رێ لژنا بلندا ئه‌زموونان راگه‌هاند كو هه‌ر ئاريشه‌كا د پرسياران دا هه‌بيت، ئه‌و د ئاماده‌نه د وان خه‌له‌تيان دا يا دروست بكه‌ن و قه‌ره‌بوويا قوتابيان ب وان پرسياران بكه‌ن.
پشتى د ئه‌زموونێن گشتى يێن پۆلا 12 ئاماده‌ى دا د چه‌ند وانه‌يه‌كان دا پرسيارێن خه‌له‌ت هاتين، نه‌زايبوونه‌كا زێده ل ده‌ف قوتابيێن پۆلا 12 ئاماده‌ى لێكه‌فت و داخواز كر كو د وان پرسياران نمره بده‌نێ و بۆ ب دروست ب هه‌ژمێرن.
ب گۆره‌ى ئامارێن رێڤه‌به‌ريا گشتى يا ئه‌زموونان سه‌ر ب وه‌زاره‌تا په‌روه‌ردا حوكمه‌تا هه‌رێما كوردستانێ، بۆ سالا خواندنا 2018-2019 ب گشتى 234 هزار و 332 قوتابيێن پۆلا 12 ئاماده‌ى و پۆلا نه‌هێ يا بنه‌ره‌ت و ئاماده‌يێن پيشه‌ى پشكدارى د تاقيكرنان دا كريه.
ئەڤرۆ نیوز:
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ دیارکر کو ١١ هزار و ٤١٨ کەسان د جەژنا رەمەزانێ دا سەرەدانا دەزگەھێن ساخلەمیێ ل دھۆکێ کریە و ٢٦٣ زارۆ ژ دایک بووینە و ٣٤ کەسان گیانی خوە ژ دەست دایە.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ د کۆنگرەکێ رۆژنامەڤانی دا دیارکر کو ژ سەرجەمێ ١١ هزار و ٤١٨ کەسێن سەرەدانا دەزگەھێن ساخلەمیێ کرین ٣٨٢ کەس ھاتینە نڤاندن و ٢٦٤ زارۆ ژ دایک بووینە ژ وانا ژی ١٣٤ کور و ١٢٩ کچ و ٨٢ نشتەرگەری ھاتینە ئەنجامدان و ٨٨ حالەتیێن سوتنێ ھاتینە تۆمارکرن پێنچ ژ وانا ل زاخۆ بووینە و ژنەکا ٦٠ سالی سووتبوو و گیانی خوە ژ دەست دایە و ١٥ حالەتیێن ب شەرچوونێ ژی ھاتینە تۆمارکرن و ٣٤ کەسان ب ئەگەرێن ھەمەجۆر و نەخۆشیان و روودانان گیانێ خوە ژ دەست داینە ژ وانا ژی ٢١ کەس کو شەش ژی زارۆ بووینە ژ ئەگەری نەخۆشیان مرینە و حەفت کەسان ژی ب روودانیێن ھاتنوچوونێ گیانی خوە ژ دەست داینە و دو حالەتیێن خوە کوشتن و ئێک خەندقین و ئێک سووتن ھاتینە تۆمارکرن.
ئاشکەرا ژی کر کو تێمێن زێرەڤانیێ سەرا ٣٦ جھا داینە و دو جهـ ھاتینە گرتن و ٣ جهـ ھاتینە سزادان و ١٣ جهـ ژی ھاتینە ھوشداریکرن کو دو ژوان ھوشداریێن دووماھیێ بووینە. “٢٧٨ کەسان ل میحوەرێن پێشمەرگێ کوردستانێ قەستا تێمێن ساخلەمیێ کرینە کو ٢٦ ژ وان بۆ نەخۆشخانەیان ھاتینە ڤەگوھاستن و ٦٣ حالەتان پەیوەندێ ب تیمێن ١٢٢ کرینە ژ وان ژی سوتن و جەلتە و ژەھرایبوون و شکەستن بووینە و حالەتەک ژی ھەبوویە کەسەکی ھەڤژینا خوە دایە بەر چەقویان و تیمێن ١٢٢ شیاینە بگەھیننە نەخۆشخانێ”.
نيشاندان