ئەڤرۆ نيوز:‏

نوشدارەکا نشتەجێ یا خۆلا ل دھۆکێ دیارکر کو سێ جۆرێن دەرزیان بۆ نەساخان دھێنە دانان ب تنێ ئەو ‏دەرزیێن ‏ناڤ سێلانێ دا و جھێ خوارنێ دگرن رۆژی پێ دکەڤیت و دەرزیێن دی نابنە ئەگەر رۆژی ‏پێ بکەڤیت.‏

د. ژیان خسرۆ سالح نوشدارا نشتەجێ یا خۆلا ل دھۆکێ دیارکر کو چەندین جۆرێن دەرمانان ھەنە نەخۆش ‏رۆژانە ‏بکاردئینیت نوکە ژی مەھا رەمەزانێ یە خەلک گەلەک پرسیاران دکەن کا چ جۆرێ دەرمانان و دەرزیان د ‏دروستن ‏بکاربینن. ھەکە بەحسێ دەرزیان بکەین ئەو ژی سێ جۆرن یێن ل زەبلەکا دھێنە دانان رۆژی پێ ‏ناکەڤیت ئەو ‏دەرزیێ، جھی خوارنێ دگرن رۆژی پێ دکەڤیت و ھندەک دەرزی ژی ھەنە یێن ئەو دبێژن ‏رۆژی پێ دکەڤن بەلێ ‏ھەکە ھات و بکەنە د ناڤ ئاڤا سێلانێ دا ئەڤە ژی رۆژی پێ دکەڤیت.‏

ناڤھاتی ئەو ژی ئاشکەرا کر کو یێن نەخۆشیا شەکرێ دشێن رۆژێ جارەکێ یان دو جاران دەرزیا ‏ئەنسولینێ بدانن ‏رۆژی پێ ناکەڤیت و ھندەک نەخۆشیێن دی ھەنە وەکو نەخۆشیێن رەبۆ و ئەو پێدڤی ب بەخاخێ ‏دبن دشێن دانن ‏رۆژی پێ ناکەڤیت ھەروەسا ژی نەخۆشیێن حەساسیێ ھەنە ئەو ژی دشێن ل سەر چارەسەریا ‏خوە بەردەوام بن و ‏کەسێن کولبوونا گەدێ ھەین ئەڤە رۆژانە سەرا نەخۆشخانەیان ددەن ئەو دشێن رۆژیێن ‏خوە بگرن، ھەکە خوین ‏بەربوون ھەبیت تووشی دل رابوونێ دبن و خوین د گەل دا بیت ‏ئەو پێدڤی نازورێ نە لێ رۆژیا وان ناکەڤیت لێ ‏ھەکە جۆرەکێ روونی پێڤە بکەن ئەو رۆژی پێ ‏دکەڤیت پێدڤیە نەخۆش رۆژیا خوە بخۆت.‏

زێدەتر گۆت: کەسێن ئێشا باوەسیری ھەین ھندەک جاران پرسیار دکەن ئەو نەخۆش ملحمەکی بکاردئینن ‏بۆ ‏چارەسەریێ ئەو ب خوە د رێیا دەست نڤیژا ستوور ھەکە بدانن یان ملحەم بیت رۆژی پێ ناکەڤیت ‏ب تنێ ‏نەخۆشێن ئێشا دلی ھەین ئەو دشێن چارەسەریا حەبکا بن ئەزمانی بکاربینن و رۆژی پێ ‏ناکەڤیت ھەروەسا ژی یێن ‏نەخۆشیێن دومدرێژ ژی ھەین دشێن رۆژیێن خوە بگرن و چارەسەریێ ژی ‏وەربگرن.‏

ئەڤرۆ نيوز:‏

خوە پاراستن باشترین چارەسەریە ژ ھەموو ئێشان، لەوما دڤێت ھەردەم ئەم بزاڤێ بکەین خوە ژ ئێشێن ‏گران و ‏مەترسیدار بپارێزین و چو جاران خوارنێ زێدە نەخوین.‏

نۆشدار محەمەد فازل تایبەتمەندێ ئێشێن گەدێ و خوینێ و شەکرێ و میلاکێ و گۆلچیسکان، د ‏دیدارەکێ دا بۆ ‏رۆژناما ئەڤرۆ گۆت: چەندین جۆرێن ئێشێن گەدێ ھەنە، ژ وان ژی ھندەک‏ ب ‏نشتەگەریان چێدبن، ھندەک‏ ژی دبنە ‏پەنجەشێر و ھندەک‏ ژی دبنە” قەرحە”، دیسا جۆرەکێ وێ ژی کو ‏گوشتێ زێدە د گەدەی دا چێدبیت و یان ژی گەدە ‏خوار دبیت و دیسا ھندەک‏ جاران گەدە کارێ خوە ب ‏دروستی ناکەت وخوارنێ ناحەلینیت و ھەروەسا ھندەک‏ جاران ‏قەپاغێ گەدێ سست دبیت و ئاڤا ترش ‏دھێتە گەوریا مرۆڤی، ھەکە ئەڤ چەندە گەلەک‏ ڤەمینیت دێ بیتە ئێشا ‏گران و ئەڤ چەندە ب ‏نشتەگەریان ژی ب دووماھی ناھێت، ھەروەسا ھەکە قەپاغێ گەدێ یێ سست بیت، پێدڤیە ‏بھێتە ‏نشتەرکرن داکو چێببیت، ھندەک‏ جاران ریڤیکا دازدە گرێ ژی تێکدچیت و تەنگ‏ دبیت و کول ‏دبیت، لەوما ‏ھەر دەمێ گەلەک‏ کول دبیت، دڤێت بھێتە نشتەرکرن، ھەروەسا قولۆن ژی زیانێ ‏دگەھینیتە مرۆڤی.‏

ناڤھاتی گۆت ژی: پتریا ئێشێن گەدێ ڤەدگەرن بۆ ئەگەرێ ” ویراسی”، کو ژ دایک‏ و بابان ‏دھێتە مرۆڤی، دیسا ژ وان ‏خوارنان پەیدا دبیت، یێن کو ئەم دخوین، ھەروەسا ژ خوارنێن حازر و ترش ‏و تیژ‏ ژی چێدبیت، دیسا خوارنێن ‏‏”قودیکان” ژی زیانێ دگەھیننە گەدەیا مرۆڤی، ھەروەسا ئەو ‏خوارنێن گەلەک‏ بھێنە سووتن زیانەکا مەزن دگەھیننە ‏گەدێ و پەنجەشێرا گەدێ پەپدا دکەن، ھەروەسا ‏دەمێ تکە و کەباب ل سەر ئاگری دھێنە سووتن دبنە ئەگەرێ ‏پەیدابوونا ئێشا پەنجەشێرێ، لەوما ‏نابیت مرۆڤ گوشتی گەلەک‏ ب سوژیت، دیسا ھەکە مرۆڤ گەلەک‏ ھزران بکەت و ‏قەھرا بخوت، چونکی ‏ئەڤ چەندە وەکو ئێشەکێ دکەڤیتە دزکێ مرۆڤی دا و دبیتە ئەگەرێ پەیدابوونا پەنجەشێرا ‏گەدەیێ، ‏لێ ئێشا گەدێ یا ھەری بەربەلاڤ زێدە خوارنە، کو لدووڤدا ئەڤ ئێشێن دیتر دھێن، لەوما دڤێت ‏مرۆڤ ‏گەلەک‏ خوارنێ نەخۆت، داکو تۆشی ڤان ئێشێن گران نەبیت، دیسا دەمێ ئێشا گەدێ ل دەف ‏مرۆڤی پەیدا دبیت، ‏دڤێت مرۆڤ زوو سەرەدانا نۆشداری بکەن، ژپێخەمەت نۆشدار بشێت ھەر زوو ‏کونترۆلێ ل سەر ئێشا نەخۆشی بکەت ‏و زوو چارەسەر ژی بکەت، ھەروەسا ئەو کەسێن ئێشێن ‏دەروونی ھەین، زوو ب زوو ناھێنە چارەکرن و ئێشێن وان ‏یێن گەدێ دمینن، لەوما دڤێت ئەو کەسێن ‏ئێشێن دەروونی ھەین، زوو بھێنە چارەکرن، داکو ژ ئێشێن گەدێ قورتال ‏بن.‏