ئەڤرۆ نیوز:
راپورتێن رۆژنامەڤانی ل فرەنسا دیارکرینە ھەردو یانێن توتنھام و ئولومپیک لیون نێزیکی رێککەفتنێ بووینە بۆ ڤەگوھاستنا یاریزانێ وێ یانا فرەنسی تانگیو ندومبیلی پشتی شیای ل وەرزێ ئەڤ سالە ئاستەکێ بلند ل گەل یانا خوە پێشکێش بکەت.
چەندین یانێن مەزن ل ئورۆپا بۆ ڤەگوھاستینَن ھاڤینا ئەڤ سالە ئەو یاریزان کریە ئارمانجا خوە ژ ئەوانان ریال مەدرید و یوڤانتوس و پاریس سانجێرمان لێ یانا توتنھام نێزیکترە ژ ھەر یانەکا دی ژبەرکو ئەو کوژمێ وێ یانا ئنگلیزی پێشکێشی یانا لیون کری ژ یێ ھەموو یانێن دی بلندترە .
رۆژنامەیێن فرەنسی دیارکریە ژی ھەر چەندە یانا لیون بەری نوکە دیارکریە ئەوان مەرجەک ھەیە بوو دەست بەردانا یاریزانێ خوە تانگیو ندومبیلی ئەوژی بەرامبەر ٧٢ ملیون یورۆیا دێ دەستا ژێ بەردەن لێ یانا توتنھام کوژمەکێ کێمتر ب کرینا ئەوی یاریزانی دایە ئەوژی ٦٣ ملیون یورۆنە و ل دیڤ گوتنا ئەوان رۆژناما یانا لیون ب رێژەیەکا مەزن دێ ل سەر  داخوازیا توتنھام رازی بیت ژبەرکو ئەو کوژمێ توتنھام ب وی یاریزانی دای گەلەک ژ یێن یانێن دی بلندترە.

ئەڤرۆ نیوز:
یانا مانچێستەر یوناید یا ئنگلیزی ب فەرمی ھەڤبەستا ستێرا خوە یا گەنج مارکوس راشفورد بۆ چار سالێن دی راگەھاند پشتی ئەو یاریزانێ ناڤبری گەھشتی یە رێککەفتنێ ل گەل بەرپرسێن وێ یانێ بوو درێژکرنا ھەڤبەستا ئەوی ھەتا ھاڤینا ٢٠٢٣ .
ئەوی یاریزانێ ناڤبری د داخویانیەکێ دا بۆ مالپەرێ وێ یانێ دیارکریە یانا مانچێستەر یوناید ھەموو تشتە د ژیانا وی دا و ئەو دخوازیت ھەتا دووماھیا ژیێ خوە ل گەل ڤێ یانێ بوریت ژبەرکو ھەر ئەو یانە بوو ئەو گەھاندی یە ڤی ئاستی .
ناڤبری ئەو چەندە ژی دیارکریە ئەو سوپاسیا راھێنەرێ یانێ سولشکایر دکەت کو ئەوی باوەریەکا مەزن دا ئەوی ل وەرزێ ئەڤ سالە .
ھەژی گوتنێ یە ل ماوێ بوری دا چەندین یانێن مەزن حەزا ئیمزاکرنا ھەڤبەستێ ل گەل راشفورد ھەبوو ژ ئەوانان یانێن بەرشەلۆنا و ریال مەدرید یێن ئیسپانی و ئەنتر میلان و یوڤانتوس یێن ئیتالی لێ ئەوی یاریزانی ئەو داخوازی ھەموو رەتکر .

ئەڤرۆ نیوز:
یانا ئەرسینال یا ئنگلیزی دخوازیت ھەڤبەستێ ل گەل یاریزانەکێ یانا بەرشەلۆنا ل ڤەگوھاستنێن ھاڤینا ئەڤ سالە ئیمزا بکەت .
رۆژناما موندو دیپورتیفو یا ئیسپانی ئاشکراکریە یانا ئەرسینال پشتی ل ڤەگوھاستنێن زڤستانا بوری نەشیای یاریزانێ بەرازیلی و یانا بەرشەلۆنا مالکوم بینتە دناڤ رێزێن پێکھاتیێ خوە جارەکا دی دەست ب لڤینا کریە بوو دەستڤە ئینانا ئەوی ل ھاڤینا ئەڤ سالە و بەرھەڤیا خوە دیارکریە کوژمەکێ باش پێشکێشی یانا بەرشەلۆنا بکەت بوو ڤەگوھاستنا ئەوی یاریزانێ ناڤبری.
ئەوێ رۆژنامێ ئاشکراکریە ژی بەرپرسێن یانا بەرشەلۆنا چاڤەرێ بریارا دووماھیێ نە یا راھێنەرێ یانێ ڤالڤێردی بەری دەست ب دانوستاندنان بکەن ل گەل وێ یانا ئینگلیزی ژبەرکو ھەتا نوکە ڤالڤێردی بریارا دووماھیێ ل سەر فروتنا مالکوم نەدایە و چاڤەرێ دھێتەکرن ل چەند رۆژێن بھێت بریار ل سەر بھێـتە دانێ ھەر چەندە مالکوم حەزا چوونێ ھەیە ژ یانا بەرشەلۆنا ژبەرکو دخوازیت ئەو بەر ب یانەکا دی ڤە بچیت بوو پتر دەلیڤەیا کرنا یاریێ وەکو یاریزانەکێ سەرەکی.

ھەژی گوتنێ یە مالکوم ل ھاڤینا بوری ب کوژمێ ٤١ ملیون یوریا ھاتبوو ڤەگوھاستن بوو یانا بەرشەلۆنا و یانا بەرشەلۆنا ناخوازیت کێمتر ژ وی کوژمێ پارەی دەستا ژ ئەوی یاریزانی بەردەت.

ئەڤرۆ نیوز:
یانا بەرشەلۆنا دخوازیت ب فەرمی ھەڤبەستا ھێرشبەرێ غانی کیڤن بواتینگ ل ڤەگوھاستنێن ھاڤینا ئەڤ سالە ئیمزا بکەت پشتی ل زڤستانا بوری ب شێوەیێ خواستن ژ یانا ساسولو ئینا دناڤ رێزێن خوە دا.
رێڤەبەرێ وەرزشی ل یانا ساسولو یا ئیتالی جیوفانی کارنیفالی بوو رۆژناما لاگازێتا دیللو سپورت یا ئیتالی دیارکریە ڤەگەراندنا بواتینگ بۆ ناڤ رێزێن ئەوانا گەلەک یا ب زەحمەتە ژبەرکو بەرشەلۆنا دخوازیت ھەڤبەستا ئەوی ب فەرمی ئیمزا بکەت ژبەرکو وێ یانا ئیسپانی ماڤێ کرینا ئەوی یاریزانی ھەیە ل ڤەگوھاستنێن ھاڤینێ بەرامبەر ھەشت ملیون یورۆیا.
زێدەتر جیوفانی دیارکریە ژی بەرشەلۆنا دێ ھەڤبەستا بواتینگ ئیمزا کەت نە ژبەر ئاستێ وی یێ ھونەری بەلکو بۆ ڤەگوھاستنەکا بازرگانی دێ ئیمزا کەن و پشتی ھەڤبەستا ئەوی ب فەرمی ئیمزا بکەن دێ فروشنە یانەکا دی یا ئیسپانی ب کوژمەکێ مەزنتر.

ئەڤرۆ نیوز:
یانا ریال مەدرید ب فەرمی چوونا بەرەڤانێ خوە یێ فرەنسی تیو ھێرناندێز راگەھاند پشتی گەھشتی نە رێککەفتنێ ل گەل یانا میلان یا ئیتالی .
رۆژناما موندو دیپورتیفو یا ئیسپانی ئاشکراکریە یانا میلان ب فەرمی ھەڤبەستا یاریزانێ فرەنسی و یانا ریال مەدرید تیو ھێرناندێز ئیمزاکر پشتی وێ یانا ئیتالی ٢٦ ملیون یورۆ پێشکێشی یانا ریال مەدرید کرین وەکو بھایێ ھەلوەشاندنا ئەوی یاریزانێ ناڤبری.
ھەژی گوتنێ یە یانا ریال مەدرید ل ھاڤینا ٢٠١٧ ھەڤبەستا ھێرناندێز ئیمزاکر بوو بەرامبەر ٢٤ ملیون یورۆیا و ل وەرزێ ئەڤ سالە ب شێوەیێ خواستن ئەوی یاریزانێ ناڤبری ل یانا ریال سوسیداد یاری کر .

ئەڤرۆ نیوز:
راپورتێن رۆژنامەڤانی ل بەرازیل ئاشکراکرینە بابێ ھێرشبەرێ یانا پاریس سانجێرمان یا فرەنسی نیماری دێ ئەڤرۆ ل گەل پارێزەرێ تایبەت یێ وی یاریزانی کومبوونێ ل گەل ئەندریە کو ئێک ژ بەرپرسێن مەزن ل ناڤا کارگێریا یانا بەرشەلۆنا کەن بوو دانانا پلانەکێ بۆ ڤەگەراندنا وی ھێرشبەرێ بەرازیلی بۆ ناڤ رێزێن یانا بەرشا.
ھەردیسان ئەوان رۆژناما ئاماژە ب وێ چەندێ ژی کریە دڤێ کومبوونێ دا دێ رێککەفتنێ ل سەر ڤەگەراندنا وی ھێرشبەرێ بەرازیلی ھێتەکرن بەری ب فەرمی دەست ب دانوستاندنان بکەن ل گەل یانا پاریس سانجێرمان.
ھەردیسان ھاتیە دیارکرن ژی دبیت کارگێریا یانا بەرشەلۆنا دو یاریزانێن خوە بکەتە قوربان ژ پێخەمەت ڤەگەراندنا نیماری بوو ناڤ رێزێن پێکھاتیێ خوە دا .