ئەڤرۆ نیوز:
دەزگەهێن راگەهاندنا عیراقێ دیار کرن کو سپێدێ رۆژا چارشەمبیێ سەرۆک وەزیرێن عیراقێ عادل عەبدولمەهدی دێ سەرەدانا کوێتێ کەت و دێ ل گەل میرێ کوێتێ کۆمبیت.
چاڤدێرێن سیاسی ژی دیار دکەن کو ئێک ژ مەرەمێن سەرەکی یێن سەرەدانا عادل عەبدولمەهدی دێ ل دۆر ئالۆزیێن نوو یێن ل رۆژهەلاتا ناڤین ب تایبەتی ژی ئەگەرێ شەرەکێ د ناڤبەرا ئیران و ئەمریکا دا بیت.
ئەڤرۆ نیوز، مەحمود نھێلی:
دکتور کامل رەشید بەرپرسێ پشکا زێرەڤانیێ و خوە پاراستنێ ل رێڤەبەریا ساخلەمیا قەزا ئامێدیێ خویاکر، ئەوان دەست ب لێگەریان و پشکنینا تەڤایا کافتیریایێن سنورێ قەزا ئامێدیێ کرینە و گۆت: ( ل سیریێ تا کو دگەھیتە سەنتەرێ قەزایێ دورێن ٢٠ کافتیریایێن نارگیلێ ھەنە ژ وان ب تنێ پێنجان مولەتا کارکرنێ ھەیە، یێن دی بێ مولەت کار دکەن).
ناڤھاتی ئەو یەک ژی دیار کر کو ئەوان بەری نوکە ژی ژ بەر نەبوونا مولەتێ شەش کافتیریا داخستنبوون و ئاشکرا کر کو ھندەک ژ وان نوکە یێن مژوولی چێکرنا مولەتێ نە و یێن مایی ژی یێن ھاتینە ئاگەھدار کرن، ھەکە مولەتا کارکرنێ نەبن دێ هێنە سزادان و ھەروەسا دێ ھێنە داخستن.
ئه‌ڤرۆ نيوز:
رێڤه‌به‌ريا پۆليسێن پارێزگه‌ها سلێمانيێ د راگه‌هاندنه‌كێ دا ئاشكه‌را كر كو به‌رى نيڤرۆيا ئه‌ڤرۆ 21ى گۆلانا 2019ێ ل باخچێ گشتى يێ باژێرێ سلێمانيێ گه‌نجه‌كى ته‌قه ل كه‌سه‌كى كر و بريندار كر.
ئاشكه‌را ژى كر كو ئه‌و كه‌سێ ته‌قه كرى هاته ده‌سته‌سه‌ركرن ژ لايێ مه‌فره‌زێن پشكا پۆليسێن هاوارهاتنێ و ب ناڤێ “ر، س، ع” ژ دايكبوويێ 2000ێ يه، ل بنگه‌هێ پۆليسێن سه‌راوه په‌رێن ڤه‌كۆلينێ بۆ هاتينه ڤه‌كرن و ڤه‌كۆلينێ ده‌ست پێ كريه.
ئاماژه و وێ چه‌ندێ ژى كريه كو ئه‌و كه‌سێ هاتيه برينداركرن ژى بۆ نه‌خۆشخانا هاواهاتنێ هاتيه ره‌وانه‌كرن ب مه‌ره‌ما وه‌رگرتنا چاره‌سه‌ريێ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 134.000 دينار |
| 100 ليرێ توركى | 20.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز:
رێڤەبەریا پرۆژێ رووڤیا بۆ چەمەی بۆ ئەڤرۆ نیۆز دیارکر: ئەڤە ماوێ دو رۆژانە مە دەست ب قێرکرنا رێیا بەدیل یا رووڤیا بۆ چەمەی کری، پشتی ئەو رێ تێکچووی، رێک 8 کم، دێ رۆژا ئێکشەمبی ل هەمبەر شوفێران هێتە ڤەکرن کو فرەهیا رێیێ 7 متر و نیڤن و دێ هاتن و چوون بیت.
کومپانیا کاڤین گرۆپ، بۆ ماوێ حەفت هەیڤانە دەست ب دوسایدکرنا رێیا رووڤیا بۆ چەمەی کریە کو 22 کم.
î
ئه‌ڤرۆ نيوز:
پشتى په‌سه‌ندكرنا به‌ربژارێن سه‌رۆكاتيا هه‌رێما كوردستانێ ژ لايێ دادگه‌ها تێهه‌لچوونێ يا هه‌رێما كوردستانێ، بڕياره ل ده‌ستپێكا حه‌فتيا بهێت پرۆسا ده‌نگدانێ بۆ هه‌لبژارتنا سه‌رۆكێ هه‌رێما كوردستانێ ب رێڤه بچيت.
په‌رله‌مانێ كوردستانێ ل رۆژا چارشه‌مبى 8ى گۆلانا 2019ێ د روونشتنا خوه يا ئاسايى يا ژماره “5” يا وه‌رزێ ئێكێ يا سالا ئێكێ دا، قانوونا كاراكرنا ده‌زگه‌هێ سه‌رۆكاتيا هه‌رێما كوردستانێ په‌سه‌ند كر و پاشان ژى به‌ربژاران ناڤێن خوه پێشكێش كرن و دادگه‌ها تێهه‌لچوونێ ژى پێنج به‌ربژار په‌سه‌ندكرن و يێن په‌سه‌ند ژى نه‌كرين هه‌تا نها كو ئه‌ڤرۆ دووماهى ژڤانه ژى چو تان يان سكالا تۆمار نه‌كرينه.
ئۆمێد خۆشناو سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ د داخۆيانيه‌كێ دا راگه‌هاند كو دهێته چاڤه‌رێكرن ل ده‌ستپێكا حه‌فتيا بهێت رۆژا ئێكشه‌مبى يان ژى دوشه‌مبى كۆمبوونا په‌رله‌مانێ كوردستانێ بهێته كرن و سه‌رۆكێ هه‌رێما كوردستانێ بهێته هه‌لبژارتن.
نێچيرڤان بارزانى، جێگرێ سه‌رۆكێ پارتى ديموكراتى كوردستان و سه‌رۆك وه‌زيرێ نها يێ هه‌رێما كوردستانێ به‌ربژێرێ پارتى ديموكراتى كوردستانه بۆ پۆستێ سه‌رۆكاتيا هه‌رێمێ و ئێكه‌تى نشتيمانى كوردستان و گۆڕان و سوشالست ژى پشته‌ڤانيا وى دكه‌ن.
ئه‌ڤرۆ نيوز:
رێيا سه‌ره‌كى يا ناڤبه‌را سحێلا بۆ زوممار هاته ڤه‌كرن پشتى بۆ ماوێ زێده‌تر ژ سال و نيڤان ژ ئه‌گه‌رێ روودانێن 16ى ئۆكتۆبه‌رێ هاته ڤه‌كرن.
ليوا هاشم سيته‌ى، جێگرێ به‌رپرسێ ميحوه‌رێ رۆژئاڤايێ ديجله د داخۆيانيه‌كێ دا راگه‌هاند كو پشتى روودانێن 16ى ئوكتۆبه‌رێ ب ره‌نگه‌كێ فه‌رمى رێيا سه‌ره‌كى يا سحێلا بۆ زوممار هاته ڤه‌كرن.
ئاشكه‌را كر ژى كو به‌رى نها كێشه ل ده‌ف حوكمه‌تا عيراقێ هه‌بوو و ژ به‌ر هندێ نه‌هاتبوو ڤه‌كرن، به‌لێ پشتى ده‌ستپێشخه‌ريا سه‌رۆك بارزانى ئه‌و رێ ژ لايێ حوكمه‌تا عيراقێ ڤه هاته ڤه‌كرن.
ئەڤرۆ نیوز، نەوزاد ھلۆری:
ل سنوورێ قەزا ئامێدیێ و دچارچوڤێ نەخۆشخانا ئامێدیێ دا، پشکەکا تایبەت ب نەخۆشێن دومدرێژ ھەیە و دەفتەر و چارەسەریێن پێدڤی بو وان نەخۆشخان دھێنە چێکرن ئەڤێن کو توشی نەخۆشێن دومدرێژ بوی، رێڤەبەرێ نەخۆشخانا ئامێدیێ ژی دیارکر کو ھەتا نوکە سێ ھزار کەسێن توش بوی ب ئێک ژ نەخۆشێن دومدرێژ ل دەڤ وان ھاتینە تومارکرن.
دکتور محەمەد ئەحمەد، رێڤەبەرێ نەخۆشخانا ئامێدیێ بۆ ئەڤرۆ نیوز گۆت: (نەخۆشخانا ئامێدیێ ئێکە ژ وان نەخۆشخانێن ھەری گرنگ ل قەزا ئامێدیێ کو بەردەوام خزمەتا نەخۆشان ب تایبەتی نەخۆشێن دومدرێژ دکەت، ل پشکا نەخوشیێن دومدرێژ فایلێن تایبەت ھاتینە چێکرن و تێدا داتا و پشکنین و ھەر تشتەکێ گرێدای وان نەخۆشان ڤە ھاتینە تومارکرن و ھەموو سەرێن ھەیڤان چارەسەری و دەرمانێن پێدڤی بو دھێنە دابینکرن).
زێدەتر گۆت: (پێشتر ھندەک رێکخراوا چارەسەری و دەرمان بۆ نەخۆشێن دومدرێژ دابین دکرن، بەلێ نوکە وەزارەتا ساخلەمیێ دابین دکەت، ھەر نەخۆشەکێ دەفتەر بۆ ھاتینە چێکرن و ھەر نەخۆشەک ژی نێزکترین بنگەھێ ساخلەمیێ پشکا خوە وەردگریت).
ب گورەی ئاخفتنێن رێڤەبەرێ نەخۆشخانا ئامێدیێ ل سنوورێ قەزا ئامێدیێ سێ ھزار نەخۆشێن دومدرێژ ھاتینە تومارکرن، بەلێ 50%ی نەھاتینە تومارکرن و زێدەتر گۆت: (پرانیا نەخۆشێن دومدرێژ ل سنوورێ قەزا ئامێدیێ پێکدھێن ژ نەخۆشێن شەکرێ و دلی و فشارێ، بەلێ ل گەل ھندێ ژی نەخوشێن دومدرێژ یێن خودە و ھورمونات و چەند جورەکێن دن ژی ھەنە، ئەو نەخوشێن کو نەخوشیێن دومدرێژ ھەیی و ل ئامێدیی َنەھاتینە تومارکرن، دبنە دوو پشک، پشکەک دبیت ل دەرڤەیێ ئامێدیێ ھاتبنە تومارکرن و پشکا خوە وەربگرن، پشکەک ژی دبیت ھێشتا نەزانن کا گرنگی یا خوە تومارکرنێ چەندە، لەورا گرنگە ئەو ژی بھێنە تومارکرن).
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ شوونوارێن پارێزگه‌ها دهۆكێ راگه‌هاند كو كه‌ڤنترين قوتابخانه ل دهۆكێ يا دهێته خرابكرن د ده‌مه‌كى دا كو وان ره‌زامه‌نديا لايه‌نێن شوله‌ژێ ئينابوو كو ئه‌و وه‌كو جهه‌كێ شوونوارى بمينيت.
د. حه‌سه‌ن به‌روارى، رێڤه‌به‌رێ شوونوارێن پارێزگه‌ها دهۆكێ بۆ ئه‌ڤرۆ نيوز گۆت: “ده‌ما هزرا پاركا نه‌ورۆز هاتيه كرن و ده‌ست ب كارى هاتيه كرن، بڕيار هاتبوو دان كو هه‌رئێك ژ دادگه‌ها دهۆك و ئاڤاهيێ كه‌ڤنێ په‌يمانگه‌ها هۆنه‌رێن جوان كو قوتابخانا ئێكێ بوو ل دهۆكێ هاتيه ئاڤاكرن ل گه‌ل ئاڤاهيێ ئاماده‌يا كاوه نه‌هێنه ده‌ستكاريكرن و وه‌كو جهه‌كى شوونووارى بمينن”.
زێده‌تر گۆت: “ب مخابنى ڤه و ژ نشته‌كىێ ڤه به‌رى چه‌ند رۆژێن كێم مه ب چاڤێن خوه ديت كو ده‌ستكارى يا د قوتابخانا ئێكێ ل دهۆكێ دا هاتيه كرن و يا دهێته خرابكرن”.
رێڤه‌به‌رێ شوونوارێن پارێزگه‌ها دهۆكێ ئاماژه ب وێ چه‌ندێ ژى كر كو خرابكرنا ڤان ره‌نگه شوونوراێن مێژووى خزمه‌تا كه‌سێ ناكه‌ن ژبلى دوژمنێن كوردان، “ل شوونا خرابكرنا وان شوونوواران باشتره هزر د نووژه‌نكرنا وان دا بهێته كرن”.
نه‌ڤه‌شارت ژى كو وان نڤيساره‌كا دى بۆ لايه‌نێن شوله‌ژێ به‌رهه‌ڤكريه و تێدا داخوازا راوه‌ستاندنا خرابكرنا ڤى شوونوارێ كه‌ڤنێ پارێزگه‌ها دهۆكێ دكه‌ن و گۆت: “چاره‌نڤيسێ جهێن دى ژى نزانين كا دێ چ ب سه‌ر هێت”.
نيشاندان