ئەڤرۆ نیوز:
چاڤەرێ دھێتەکرن ستێرا ھەلبژارتیێ بەرازیل و یاریزانێ یانا بەرشەلۆنا فلیپ کوتینھو پشتی قارەمانیا کوپا ئەمریکا پێکھاتیێ یانا بەرشەلۆنا ب جە بھێلت و بەر ب یانەکا نوو ڤە بچیت پشتی ل ماوێ بوری ل گەل یانا بەرشەلۆنا نەشیای وی ئاستێ چاڤەرێکری پێشکێش بکەت.
رۆژناما موندو دیپورتیفو یا ئیسپانی بەلاڤەکریە ھەر ئێک ژ یانێن پاریس سانجێرمان یا فرەنسی و مانچێستەر یوناید و چێلسی یێن ئنگلیزی حەزا ئیمزاکرنا ھەڤبەستێ ل گەل کوتیھوی ھەیە و ھەر سێ یانان بەرھەڤیا خوە دیارکریە ھەڤبەستێ ل گەل ئەوی ستێرا بەرازیلی ئیمزا بکەت تایبەت پشتی شیای ئاستەکێ بلند ل گەل ھەلبژارتیێ خوە د قارەمانیا کوپا ئەمریکا دا پێشکێش بکەت.

ئەڤرۆ نیوز:

پشتی راھێنەرێ ئیتالی ماوریسیو ساری ھەڤبەستا خوە ل گەل یانا چێلسی یا ئنگلیزی ھەلوەشاندی و ھەڤبەستا یانا یوڤانتوس ئیمزاکری پشتی چوونا وی راھێنەری بەرپرسێن ئەوێ یانا ئنگلیزی چەند راھێنەر بەربژارکرن بوو وەرگرتنا پوستێ راھێنەریا وێ یانێ کو ژ ئەوانا ستێرا بەری نوکە یا چێلسی و ھەلبژارتیێ ئنگلتەرا فرانک لامپارد ئەوێ ل وەرزێ بوری پوستێ راھێنەریا دێربی کاونتی دخۆلا پلا ئێک یا ئنگلتەرا دا وەرگرتی.
رۆژناما زەسەن یا برێتانی ئاشکراکریە یانا چێلسی گەھشتی یە رێککەفتنێ ل گەل ستێرا خوە یا بەری نوکە فرانک لامپارد بوو وەرگرتنا پوستێ راھێنەریا وێ یانێ بۆ وەرزێ بھێت .
ھەردیسان ئەوێ رۆژنامێ ئاشکراکریە ژی ھەڤبەستا لامپارد ھاتیە ئیمزاکرن بوو ماوێ سێ سالان ب موچەیەکێ سالانە ملیون و نیڤ پاوەند.

ئەڤرۆ نیوز:
پشتی یانا ریال مەدرید بێ ئومێد بووی ژ دەستڤە ئینانا یاریزانێ فرەنسی و یانا مانچێستەر یوناید پول پوکپا ئەوێ یانا مەلەکی دەست ب لڤینا کریە بوو دەستڤە ئینانا یاریزانێ ھەلبژارتیێ ئیسپانیا و یانا ناپولی یا ئیتالی فابیان رویز .
مالپەرێ کاتشیو مێرکاتو یێ ئیتالی ئاشکراکریە یانا ریال مەدرید ئارمانجا خوە پشتی یاریزانێ فرەنسی پوکپای کریە یاریزانێ نیڤدەولی یێ ئیسپانی رویز کو ل جھێ پوکپای ھەڤبەستێ ل گەل ئەوی یاریزانی ئیمزا بکەت .
بەری نوکە راپورتێن رۆژنامەڤانی بەلاڤەکربوون یانا مانچێستەر یوناید یانا ریال مەدرید بێ ئومێد کریە ژ فروتنا پوکپای پشتی وی یانا ئنگلیزی داخوازیا کوژمەکێ مەزن ژ ریال مەدرید کری بەرامبەر دەست بەردانا ئەوی یاریزانێ خوە لەورا نوکە یانا ریال ئارمانجا خوە پشتی پوکپای کریە فابیان رویز ئەوێ بەری نوکە دخۆلا لالیگا دا ل گەل یانا ریال بتیس شیای ئاستەکێ بلند پێشکێش بکەت بەری ل وەرزێ بوری پەیوەندی ب یانا ناپولی بکەت.

ریال مەدرید یانەک بوو وەرزێ نوو کری
ئەڤرۆ نیوز:
کارگێریا یانا ریال مەدرید ب فەرمی بریار دا بوو وەرزێ بھێت تیما خوە یا ئافرەتان دروست بکەت پشتی بەرپرسێن وێ یانێ شیای کوریسکەکێ ژ یانەکا دی یا پشکدار د خۆلا لالیگا ئایبردرولا یا ئافرەتان بکریت .
رۆژناما مارکا ئیسپانی دیارکریە یانا ریال مەدرید ب فەرمی کورسیکا یانا سی دی تاکون ئەوا ل وەرزێ ئەڤ سالە ب سەرکەفتی بوو خۆلا لالیگا یا ئافرەتان ژێ بکریت و تیمەکا نوو بۆ وەرزێ ٢٠١٩-٢٠٢٠ دروست بکەت و پشکداری د خۆلا لالیگا یا ئافرەتان بکەت .
ئەوێ رۆژنامێ ئاشکراکریە ژی چاڤەرێ دھێتەکرن ل حەفتیا بھێت سەرۆکێ یانا ریال مەدرید کوژمێ نیف ملیون یورۆیا پێشکێشی وێ یانا تاکون بکەت و ل جھێ ئەوان پشکداری دخۆلا لالیگا دا بکەت بوو وەرزێ بھێت .
ھەژی گوتنێ یە ماوەکێ درێژە یانا ریال مەدرید نەخشە دارشتی یە بوو دروستکرنا تیمەکا ئافرەتان و پشتی چەندین پێنگاڤا ل وەرزێ ئەڤ سالە ب فەرمی بریارا پشکداریا خوە دا و ل دیڤ راپورتێن رۆژنامەڤانی بەرپرسێن ریال مەدرید وەکو پێنگاڤا ئێکێ دروستکرنا تیمەکێ دایە و ل پاشەرۆژی ھەڤرکیێ ل سەر قارەمانیێن نافخوی و ئورۆپی بکەت.