ئهڤرۆ نيوز:
هنگڤينى گرنگيهكا گهلهك مهزن بۆ ساخلهميا مرۆڤى يا ههى، بهلێ ژ هنگڤينى ژى هنگڤينێ شاهێ تايبهتمهنديهكا گهلهك زێدهتر يا ههى و د بازارى ژى دا تايبهتمهنديهكا گهلهك تايبهت يا ههى و ل ههموو دهم و جهان ژى ب دهست ناكهڤيت.
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
بڕيارا سێدارهدانێ بۆ داعشهكى دهركهفت كو دهستدرێژيا سكسى كربوو سهر ژنهكا ئێزدى
ئهڤرۆ نيوز:
دادگهها تاوانان ل نهينهوا بڕيارا سێدارهدان ههتا مرنێ بۆ كهسهكى كو سهر ب رێكخستيا داعش بوو و پشكدارى د كوشتن و دهستدرێژكرنا سهر ژنهكا ئێزدى دا ههبوو.
بنگههێ راگههاندنا جڤاتا بلندا دادوهريێ راگههاند كو ئهوى تيرۆرستى جلكێن ئهڤغانى ل بهر بوون و چهك ژى د دهست دابوو و وهكو كارمهندهكێ ههوالگهريێ د ناڤ رێكخستيا تيرۆرستى دا ههبوو كو پێزانين ل سهر وهلاتيان ددان.
بنگههى ئاماژه ب وێ چهندێ ژى كريه كو ئهڤى تيرۆرستى پشكدارى د شهران دا كريه ل ناحيا زۆمار و پێنج كهس ژ هێزێن ئهمنى كوشتينه و دهستدرێژيا سكسى ژى كريه سهر ئێك ژ ژنێن ئێزدى.
ههر ژ بهر هندێ ژى ب گۆرهى بنگههێ راگههاندنا جڤاتا بلندا دادوهريێ بڕيارا سێدارهدان ههتا مرنێ بۆ وى چهكدارێ داعش دهركريه ب گۆرهى ماددێ 4 يێ قانوونا نههێلانا تيرۆرێ يا ژماره 13 يا سالا 2005ێ كو ب رهنگهكێ روون و ئاشكهرا دانپێدان ب تاوانێن خوه كريه و ديدهڤانان ژى بهحس لێكريه.
رهوشا سهقايێ رۆژا ئهينى
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئهينى رێکەفتی 10ى گۆلانا 2019ێ دهێته پێشبينكرن ئهسمان دێ ل هندهك دهڤهران ئهورهكێ ناڤهندى بيت و ئهگهرێ باران بارينهكا كێم ل دهڤهرێن چيايى ههيه.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان ل هندهك دهڤهران ئهورهكێ ناڤهندى بيت و ئهگهرێ باران بارينهكا كێم ل دهڤهرێن چيايى ههيه.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبهرا 9 بۆ 10کم دا بیت، پلێن گەرمێ ژی دێ د ناڤبەرا 16 بۆ 23 پلان دا بن.
هوشا
کونگرێ مێشەڤانێن جیھانێ دێ ل کوردستانێ ھێتەکرن
ئەڤرۆ نیوز، نەوزاد ھلۆری:
بۆ ئێکەمین جار ل ھەرێما کوردستانێ، کونگرێ 12ێ یێ مێشەڤانێن جیھانی و عەرەبی، ب پشکداریا عیراق و کوردستانێ دێ ل ھەرێما کوردستانێ ھێتە ئەنجامدان، تێدا دێ ھەر تشتەکێ گرێدای مێش و ھنگڤینی ھێتە نیشاندان و دوماھیێ باشترین ھنگڤین و کەس ھێتە دیارکرن.
خورشید ئەحمەد، سەرۆکێ کومەلا مێشەڤانێن دھۆکێ و کارگێرێ لژنا کونگرێ 12ێ یێ مێشەڤانان ل کوردستانێ بۆ ئەڤرۆ نیوز گۆت: (بریارە ھەیڤا چریا ئێکێ یا ئەڤ سالە کونگرێ مێشەڤانێن جیھانی و عەرەبی ل ھەرێما کوردستانێ بھێتە ئەنجام دان کو ئەڤ یەک ژی دبیتە ئێکەمین جار ل کوردستانێ کونگرەکێ بڤی رەنگی گرنگ تایبەت ب مێش و ئەو تشتێن پەیوەندی ب مێش و ھنگڤینی ڤە ھەیی بھێتە ئەنجامدان).
زێدەتر گۆت: (دکونگرەی دا دێ نێزیکێ 50 وەلاتێن جیھانی و عەرەبی پشکداربن، عیراق و ھەرێما کوردستانێ ژی پشکدارە، د کونگرەی دا ھەموو جورێن ھنگڤینی و زانستێ گرێدای مێش و ھنگڤینی ل گەل کەرستە و ھەر تشتەکێ دن ھێتە نیشاندان، تورا مێشەڤانێن کوردستانێ و کومەلا مێشەڤانێن کوردستانێ زور ھەول و بزاڤکرینە ھەتا کو ئەڤ کونگرە بھێتە کوردستانێ).
ناڤبری دیارکر ژی کو کونگرە دێ ل ھەولێرێ ھێتە ئەنجامدان و ھەموو بەرھەڤی بو دھێنەکرن و ل دوماھیا کونگرەی وەکو ھەموو کونگرێن دی، دێ باشترین ھنگڤین و مێشەڤان ھێنە دیارکرن.
دھێتە زانین کو ل سالا 2009 خورشید ئەحمەد پشکداری د کونگرێ مێشەڤانان فەرەنسا کربو، ھنگڤینێ وی بویە باشترین ھنگڤین ل ھەموو جیھانێ، دیسان ل سالا دوڤ دا ژی ل سووریا پشکداری کریە.
چ خوارن دباشن بو فتارێ و پاشیڤێ؟
ئەڤرۆ نيوز:
رۆژیگرتن ئارامیێ ددەتە لەشی و ب تایبەت ئارامیێ بۆ کوئەندامێ ھەرسکرنێ پەیدادکەت. سیستەمێ خوارنێ ل ھەیڤا رەمەزانێ پێدڤیە وەکو رۆژێن سروشتی بیت کو سیستەمەکێ ھەڤسەنگ بیت و ھەموو پێدڤیێن لەشی ژ خوارنێ دابین بکەت و ھەیڤا رەمەزانێ دەلیڤەیە بۆ ھێلانا جگارەکێشانێ.
• پێدڤیە خوارنا فتارێ و پاشیڤێ یا پێکھاتی بیت ژ خوارنەکا ھەمەرەنگ و ھەڤسەنگ کو ھەر چوار کومێن خوارنێ بخوڤەبگریت وەکو گوشتێ سپی و سۆر، فێقی و زەرزەواتێن گەھشتی و نان و دانک، شیر و بەرھەمێن وی.
• باشترە فتارێ ب خوارنەکا سڤک دەستپێ بکەی داکو مەعیدا مرۆڤی ئامادەیا خۆ وەربگریت بۆ پێشوازیکرنێ ل خوارنێ، بۆ نموونە دشیاندایە ب خوارنا خورمێ و قەسپا یان شوربەکا گەرم، خوشاڤەکا نەجەمەد گرتی یان ئاڤەکا نەگەلەک تەزی دەستپێ بکەی دا کو زوو لەش ژێ قورتال ببیت کو نەبنە ئەگەرێ تێکچوونا کوئەندامێ ھەرسکرنێ و پەیداکرنا ئاریشەیان.
• باشترە پشتی نڤێژکرنێ دەست ب خوارنا سەرەکی بکەی و باشترە جورەکێ بتنێ خوارنا سەرەکی بیت دناڤ سفرا خوارنێ دا.
• باشترە رۆژانە شوربەکا گەرم بھێتە خوارن و ئەوژی جورەکێ سەرەکیێ خوارنێ بیت.
• نابیت حەفتیێ پتر ژ دو جاران خوارنێن قەلاندی بخوی.
• خۆ ژ خوارنێن ب چەوری و پری روین دوور بکە.
• گەلەک خوارنێ ل دەمێ فتارێ نەخۆ، ژبەرکو ئەو دبیتە ئەگەرێ وەستیانا لەشی و باوەشکێن مرۆزی زێدەدبن و خوین کێم دگەھیتە زەڤلەکێن لەشی دگەل سەرێ مرۆڤی و مرۆڤ ھەست ب گێژبوونێ دکەت.
• پێدڤی یە خوارنا خۆ باش بجووی و ب لەز خوارنێ نەخۆ داکو چ ئاریشەیێن ھەرسکرنێ بۆ تە پەیدانەبن.
• یا ژ ھەمیێ باشتر ئەوە ئاڤێ و شلەمەنیان دگەل خوارنێ کێم بکەی و باشترە دناڤبەرا فتارێ و پاشیڤێ دا دەم بۆ دەمی ب کێماتی ڤەخوین.
• چ جاران بەقلاوێ و شریناھیان پشتی فتارێ نەخۆ، بەلکو یا باشتر ئەوە ل شوونا وان فێقی بھێتە خوارن.
• ھندەک ھەنە ھەر ژ فتارێ و ھەتا دبیتە دەمێ پاشیڤێ بەردەوام خوارنێ دخون، ئەڤە رەفتارەکا خەلەتە و باشترە خۆ ژێ دوور بکەین.
• رێڤەچوونا پشتی فتارێ دێ ھاریکاریا لەشی کەت بۆ ھەرسکرنا خوارنێ و چالاککرنا لەشی و خولا خوینێ و دێ بیتە رێگر کو مرۆڤ ژ قەبزبوونێ بھێتە پاراستن.
شاشیێن دەمێ فتارەکرنێ
ئهڤرۆ نيوز:
رەنگە رۆژێن رەمەزانێ ژ بەر تێھنێ و برسێ زوو دەرباز نەبن، لێ یا پێدڤیە مرۆڤ کۆنترۆلێ ل سەر خوە بکەت و سیستەمێ خوارنێ رێکبێخیت، لێ ل دەمێ فتارەکرنێ و شکاندنا رۆژیێ مرۆڤ کۆمەکا شاشیان دکەت کو زیان بۆ مرۆڤی ھەنە، لەورا باشترە خوە ژ ڤان شاشیان دوور بکەی:
گەلەک ڤەخوارنا ئاڤێ: دەمێ فتارێ ڤەخوارنا گەلەک ئاڤێ زیان ھەنە، ژبەرکو دەمەکێ درێژە عیرکێ تە یێ ڤالایە و ھەکە گەلەک ئاڤ چوویێ رەنگە زیانێ بگەھینیتە تە.
خوارنا گەلەک نانی: ب ھەمان شێوە ب درێژاھیا رۆژێ عیرکێ تە یێ ڤالایە و پێدڤیە ھێدی ھێدی نانی بخۆی.
خوارنا شرینیان وەدکەت ب درێژاھیا رۆژێ ھەست ب تێھنیبوونێ بکەی، ھەروەسا دبیتە ئەگەر سەنگێ تە زوو زێدە بیت.
دەمێ فتارێ دکەی ژ خوارنێن گران ب روون و بەز و کاربۆھێدراتان دوور بکەڤە، یا باش ئەوە زەلاتەکێ یان سۆبەکێ بخۆ، پاشی خوارنێن ب پرۆتین و پاشی دشێی خوارنێن ب کاربۆھێدرات بخۆی یان ژی خوارنێن قەلەو بخۆی.
نڤستن پشتی فتارێ زیانەکا مەزن ھەیە، ب چو شێوەیان راستەخۆ پشتی فتاری نەنڤە، بزاڤان بکە چەند دەقیقان پیاسەکێ بکە دا خوارنا تە بھێـ ھەرەسکرن.
کلارا عودیشو: وەزارەتەک بۆ کریستیانان ھاتیە دیارکرن
ئەڤرۆ:
ژبلی ھێز و لایەنێن سیاسی یێن کوردی، پێکھاتە ژی دێ د کابینا نوو یا حوکمەتا ھەرێما کوردستانێ دا پشکداربن، نوونەرەکا کریستیانان ژی دیار کر کو ئەو دگەل پارتی گەھشتینە رێککەفتنەکێ و وەزارەتەکا خزمەتگۆزاری دێ بۆ کریستیانان بیت.
کلارا عودیشو، نوونەرا کرستیانان ل پەرلەمانێ کوردستانێ دیار کر کو بەری شاندێ پارتی دیموکراتی کوردستان دگەل ئێکەتی و گۆرانێ بگەھیتە رێککەفتنێ، سەرەدانا ھێز و لایەنێن کریستیان کربوو و پێنگاڤێن باش ھاتینە ھاڤێتن، ھەر وەکو بەری نوکە سۆز ب پێکھاتا کرستیانان ھاتبوو دان ھژمارەکا پۆستان د کابینا نوو یا حوکمەتا ھەرێما کوردستانێ دا دێ بۆ کرستیانان بن.
ناڤھاتیێ ئاشکرا کر کو ل دووڤ پێزانینێن وێ ئەوا کو ھەتا نوکە بۆ کریستیانان ھاتیە ئێکلاکرن، وەزارەتەکا خزمەتگۆزاری بۆ کریستیانانە و بێ گۆمان ھندەک پۆستێن دی ژی د ناڤ حوکمەتێ دا ھەنە وەکو شیرەتکار و رێڤەبەرێ گشتی و بۆ مالپەرێ فەرمیێ پارتی دیموکراتی کوردستان گۆت: “پێدڤیە ئەڤ پۆستە ژی ب مە بھێنە دان، چونکی مافێ مەیە وەکو پێکھاتا دویێ ل ھەرێما کوردستانێ”.
ل دۆر ب رێڤەچوونا دانوستاندنان دناڤبەرا پارتی و کریستیانان دا کلارایێ خویا کر کو ئەو گەھشتینە دووماھیا دانوستاندنان و گۆت: “ل دەف مە یاگرنگ نینە چەند وەزیر و پلە و پۆست دێ بۆ کرستیانان کەڤن، چونکو بۆ مە ئەوا گرنگە کابینا حوکمەتێ د چار سالێن داھاتی دا ئێمناھیا مە بکەت و پێکڤەژیان گەشە بکەت ژ بەر کو ئەم خوە ب پشکەکا گرنگا ھەرێما کوردستانێ دزانین و دابینکرنا مافێن مە ژی پێدڤی ب پرسا پێکڤەژیانێ ڤە ھەیە”.
کەمپینا خوین بەخشینێ دەستپێکر
ئەڤرۆ نيوز:
رێڤەبەرێ بەنکا خوینێ ل دھۆکێ دیار کر کو د شەڤا ئێکێ دا ژ دانانا کەمپینا خوین بەخشینێ 61 بوتلێن خوینێ ھاتنە کۆمکرن.
عادل علی، رێڤەبەری بەنکا خوینێ ل دھۆکێ دیار کر کو کەمپینا ھەوا کۆمکرنا خوینێ ل ھەیڤا رەمەزانا پیرۆز د ناڤ بازارێ دھۆکێ دا ب تایبەتی ژی ل پارکا نەورۆز بەرامبەر ئاڤاھیێ پارێزگەھا دھۆکێ دەستپێکریە و ھەموو شەڤا ژ دەمژمێر 8:00 ھەتا 12:00 ب شەڤێ دھێتە دانان و گۆت: “ل شەڤا بۆری ڤێ ھەوێ دەستپێکریە و 61 بۆتلێن خوینێ ھاتینە کۆمکرن ئەو ھەوا خوین بەخشینێ دێ ل ھەمان دەم و جە یا بەردەوام بیت و تیمەکێ بەنکا خوینێ ھاتیە پێک ئینان بۆ وەرگرتنا خوینێ ژ وەلاتیان”.
ناڤھاتی ئاماژە دا وێ چەندێ کو رۆژانە ئەو پێدڤی خوینێ دبن، لەورا داخوازن ھەر ئێکێ شیان ھەبن قەستا کەمپینا خوین بەخشینێ د ناڤ بازارێ دھۆکێ دا بکەت بۆ خوین بەخشینێ، چونکو ھندەک نەخۆش ھەنە بەردەوام و ھەیڤانە پێدڤی ب خوینێ ھەنە، ژبلی نەخۆشێن نشتەگەری بۆ دھێنە ئەنجامدان پێدڤی ب خوینێ دبن، لەوڕا پێدڤیە وان بەردەوام خوین ھەبیت.
د روودانهكێ دا ژنهكێ گيانێ خوه ژ دهست دا
ئەڤرۆ نیوز،بارزان مزووری:
پێشەنگێ هاتنوچونێ سەكڤان ئەنوەر،ل پشكا هاتنوچوونا قەزا شێخان بۆ ئەڤرۆ نیوز گوت:ئەڤرۆ دەمژمێر 11 شەڤ رێكەفتی 8ی ئایارێ 2019ی ل سەر رێكا سەرەكیا شێخان بۆ باعەدرێ ل نێزیك نەهدارێ ترومبێلەك ژ جورێ (كيا سپورتاج) رەنگێ رەش لبن كونترولا شوفێری دەردكەڤیت وەرگەریا د ئەنجام دا ئافرەتەكێ گیانێ خوه ژ دەست دا وهەڤژینێ وێ ژی بریندار دبیت وبوه نەخوهشخانا شێخان دهێن ڤەگوهاستن و تەرمێ ههڤژينا وى بۆ نوژداریا داد ل دهۆكێ هاته ڤەگوهاستن.
خویاژی كر كۆ:ئەو كەسێن تووشی روودانێ بوین خەلكێ باژێرێ دهوكێ بوون د سەرەدانەكێ دا دهێنە شێخان دەمێ ڤەگەرياين توهوشی روودانێ دبن.
ب وێنه.. بلندبوونا ئاستێ ئاڤێ پشكهكا پرهكا دیرۆكى خرابكر
ئهڤرۆ نیوز، نهوزاد هلۆرى:
پرا كهلیا كو دكهڤیته گهلێ رهشاڤه ل ناحیا دێرهلوكێ، ئێكه ژ وان پرێن گرنگ یێن شینوارى ل پارێزگهها دهۆكێ، ژئهگهرێ بلندبونا ئاستێ ئاڤا رووبارێ زیێ مهزن كارتێكرنهكا زۆر لسهر ههرفینا وێ كریه.
سهردار هێتوتى، ئهندامێ سهنتهرێ قوبههان بۆ بهلگهنامه و دهستنڤیسێن شینوارى بۆ ئهڤرۆ نیوز گۆت: (پرا كهلیا ئێكه ژ پرێن ههرى گرنگ یێن شینوارى ل كوردستان و پارێزگهها دهۆكێ، دبیته ناسناما پترى چار دهڤهرێن سنوورێ قهزا ئامێدیێ و گهلهك ژى یا گرنگه كو بهێته پاراستن). زێدهتر گۆت: (پێشتر ژى چهند كهسهكان بزاڤكر كو ب رێیا “تى ئێن تى” ب تهقینن، بهلێ پلانا وان سهرنهگرت، نوكه ژى ژ ئهگهرێ بلندبوونا ئاستێ ئاڤا رووبارێ زێ مهزن كارتێكرنهكا زور لسهر هاتیهكرن و پتریا وێ پرێ بن ئاڤ ببو و ژ ئهگهرێ ئاڤێ گهلهك ژ بهر و دیوارێن وێ كهفتینه و ههرفینه كو ئهڤ یهك ژى جهێ داخێ یه، بڤى رهنگى بیت چهند سالێن بهێت چ تشت نامینن بناڤێ پرا كهلیا).
ناڤبرى دیاركر ژى كو پێدڤى یه جهێن شولهژێ ب جدى كار بكهن بو نووژهنكرن و پاراستنا پرا كهلیا و زێدهتر گۆت: (ههر چهنده ژ بهلگهنامهیێن رۆهن و ئاشكرا ل بهر دهست نینن كو دیروكا پرا كهلیا دیار بكهن، بهلێ ب گورهى ئهوان پێزانینێن مه دهستخوڤه ئینایى پرا كهلیا دزڤریت بو سهدان سالان بهرى نوكه كو ئهڤ یهك ژى رامانه ژیان ل وى دهمى ل ڤێره ههبویه و پر وهكو رێیهكا گرنگ و ستراتیجى و بازرگانى بۆ هاتن و چونێ هاتیه بكارئینان).
نيشاندان
WP Facebook Auto Publish Powered By : XYZScripts.com