ئەڤرۆ نیوز، مەحمود نهێلی
رێڤەبەرێ چاڤدێری و گەشەپێدانا جڤاکی ل ئامێدیێ بو،ئەڤرۆ نیوز دیار کر، کو دێ بنگەھێن چاڤدێریا جڤاکی ل سێ ناحیێن جودا یێن سەرب قەزا ئامێدیێ ڤە ھێنە ڤەکرن .
مافپەروەر سەرھنگ حسێن رێڤەبەرێ چاڤدێری و گەشەپێدانا جڤاکی ل ئامێدیێ خویا کر کو رازیبوون هاتیە کرن ل سەر ڤەکرنا سێ بنگەهێن چاڤدێریا خێرانی ل ناحیەیێن دێرەلوک و سەرسنک و کانی ماسێ کو دێ ل پشتی جەژنا رەمەزانێ رێ و رەسمێن ڤەکرنا وان هێتە کرن ، و گۆت : رازی بوونا دەستپێکی بوھاتینە وەرگرتن وەک جهـێ دەمکی و میلاکێ پێدڤی مە بو بەرھەڤ کرینە.
مافپەروەر سەرھنگ حسێن رێڤەبەرێ زێدەتر گۆت : مەرەم ژ ڤان بنگەھان کێمکرنا رێکێ و تێچوو و مەزاختیێن ھاتن و چوونا خەلکێ دەڤەرێ نە دیسان ئاسانکاری د رێڤەبرنا ماملەیێن وان و کێمکرنا قەرەبالغێ نەخاسمە ل دەمێ جەردێن سالانە دھێنە کرن.
ناڤھاتی خویاکر ، کو خەلکێ دەڤەرێ دکاودانێن سەختێن ئابوری را دەرباز دبن و رێژەکا زور ژوان کێم ئەندامێن جەستەیی و دەروونی و مێشکی نه، وەک نابینان و نابیستان وحالەتێن ئوتیزم و داونی و ئیفلینجا میشکی …ھتد و پێدڤی ب ھاریکاريێن بلەزن.
و دیار ژی کر ک، و تەخەکا دی یێن چاڤدێریا،خێزانینە وەک دانعەمر و ئێشا شەكرێ و بابەتێن گرێدای ئافرەتان و ب گشتی ٤ ھزار حالەت دتومارکرینە و دسودمەندن ب مووچەکێ ھاریکاری ل رێڤەبەریا وان.
ئاشکرا کر ، کو ئەڤ یەکە ل گورەی پێدڤیێت وان نینە و گەلەک جارا ب رێکێن رێکخراوێن بیانی و ناڤخویی و چەند خێرخازێن دەڤەرێ چەند ھاریکاریێن کێم پێشکێشی وان کرینە لێ خازیارن پتر خزمەتا وان بھێتە کرن وگوت: کو پتر ژ ٢ ھزار حالەتێن دی د چاڤەرێ نە و ھەموو پێرابوونێن یاسایی و نوژداری تەمام کرینە لێ ژ دەستپێکا قەیرانێن ھەرێم بخوڤە گرتی تا نھا چ بونەھاتیە کرن.
ناڤهاتی سوپاسیا رێڤەبەریا گشتی یا چاڤدێری و گەشەپێدانا جڤاکی ل دھوکێ بتایبەت رولێ رێزدار رێڤەبەرێ گشتی و ھەروەسا قایممقامێ قەزا ئامێدیێ و رێڤەبەرێن ناحیێن ( سەرسنک و دێرەلوک و کانی ماسێ ) کر ل دور ھاریکاری و سەرئێخستنا پروژێ وان،
و ئاماژە ب پلانا چەند کارو پروژێن داھاتی کر ژلایێ رێڤەبەریا وان ڤە کو ل بەرە ل دەڤەرێ بھێنە ئەنجام دان وەک ڤەکرنا سەنتەرەکێ ئوتیزمێ و داینگەھەکێ و چالاک کرنا سەنتەرێ زارۆکا ل دەڤەرێ زێدەباری بزاڤێن ھشیاریا جڤاکی و خێزانی ب رێکا گێرانا خول و سمینار و وورک شوپ و پەنەلا و ھەولێن باشتر کرنا ژین و ژیارا خودان پێدڤیێن تایبەت دێ ھێتە دان .