ئەڤرۆ نیوز، نەوزاد ھلۆری:

نێزیکێ حەفتیەکێ یە ژ ئەگەرێ بارینا بارانان و شێلی بوونا رووبارێ زێ ل سنوورێ ناحیا دێرھالووک ھاتیە سنوردارکرن و وەکو پێدڤی بۆ وەلاتیان ناھێتەدان، وەلاتی گازندا دکەن ب تایبەتی نوکە بەر ب ھەیڤا رەمەزانا پیروز چین.

بارین حەسەن، وەلاتیەکا ناحیا دێرەلووکێ یە بۆ ئەڤرۆ نیوز گۆت: ئەڤە پتری شەش رۆژانە ئاڤا مە ل دێرەلووکێ ناھێت و ئەگەر بھێت ژی زۆر کێمە، ئەم ماینە بێ ئاڤ و ھەر جار ب رەنگەکێ ئاڤێ بخوە ل جھەکێ دئینین، ھەتا نوکە ژی ئەم نوزانین کا بوچی ئاڤ نینە.

زێدەتر گۆت: دێرەلووک یا دناڤبەرا دو رووباران دا و پێشتر ژی ئاڤەکا زور باش ھەبوو، لێ پشتی ئاڤ خستیە سەر پرۆژێ ستراتیجی ب تایبەتی ل روژانێن باران د راوستیت، بەشەک ژ خەلکی بخوە ئاڤێ ب تانکەران دکرن، لەورا گرنگە کو لایەنێن شولەژێ کار ل سەر دروستکرنا ئاڤێ بکەن ب تایبەتی نوکە کو ھەیڤا رەمەزانا پیروز ھات و زێدەتر پێدڤی ب ئاڤێ نە.

ژ لایێ خوە ڤە مەحمود تەھا، ژ راگەھاندنا ناحیا دێرالووک بۆ ئەڤرۆ نیوز گۆت: ھەر دەمێ ئاستێ ئاڤا رووبارێ زێ بلند بوو ئاڤ شێلی دبیت، شێلی بوونا ئاڤێ دبیتە ئەگەرێ پیسبوونا غەتاسێن ئاڤێ، ژبەرڤێ د روژانێن باران و شێلیبوونا ئاڤا روباری ئاڤ کێمتر ژ روژێن دی دھێتە بەردان.

زێدەتر گۆت: ناحیا دێرالووک ب رێیا قائمقامیا ئامێدیێ داخوازکریە کو ھندەک غەتاسێن باشتر بھێنە دابینکرن داکو ئاڤ ب شێوەیەکێ بەردەوام بھێتەدان.

ئەڤرۆ نیوز، عەلی حاجی :

د ماوێ سێ روژان دا ل سنورێ دەڤەرا زاخۆ ، دو روودانێن ئاگر بەربوونێ روویدانە و چەندین زیانێن ماددی ژی بەر ب وان ھەردو جھان کەفتیە و چوو زیانێن گیانی د وان روودانان دا روست نەبوون.

رائید بێوار عەبدولعەزیز ، ژ راگەھاندنا بەرەڤانیا باژێری ل پارێزگەھا دھوکێ بۆ ئەڤرۆ نیوز دیارکر ل ١-٣/٥/٢٠١٩ دو رودانێن ئاگر بەربوونێ ل سنورێ دەڤەرا زاخۆ روودابون ، د روودانا ئێکێ دا ئەوا ل رێککەفتی ١/٤/٢٠١٩ ئەوا ل ناحیا رزگاری روودای ، کو ئاگر بەر ب ترومبێلەکا بارھەلگری یا تورکی کەفت بۆ کو وێ ترومبێلێ رەژی ژ لاوەتێ تورکیا ئینابوو کوردستانێ ، ئەگەرێن روودانێ بو وێ چەند ڤەد گەرینیت کو شورتەکێ کارەبێ دناڤ ترومبێلا بارھەلگر دا دروست بوو، پشتی ١٨ دەمژمێران ئاگر ھاتە کونترول کرن تنێ زیانێن ماددی ھەبوون، روودانا دوێ ل رێککەفتی ٣/٥/٢٠١٩ ل تاخێ فیردەوس ل زاخۆ ئاگر بەر بوو خارنگەھەکێ لێ ھەتا نوکە ئەگەرێن وێ ئاگر بەربونێ دیارنین و خوەش بەختانە تنێ چەند کەل وپەلەکێن دناڤ وێ خارنگەھێ دا سوت بون ژبەر کو ھەر زوو تیمێن مە ل بەرەڤانیا باژێرێ زاخۆ کونترول ل سەر وی ئاگری کرن .