ئەڤرۆ نیوز:
تیدرۆس ئەدھانۆم، رێڤەبەرێ گشتی یێ رێکخراوا ساخلەمیا جیھانی د کونگرەکێ رۆژنامەڤانی دا دیار کر: ئەو ڤاکسینێن ھەتا نوکە ھاتینە بەرھەمئینان دانپێدانێ پێ ناکەیین ھەتا ب تەمامی نەهێنە تاقیکرن.
ناڤهاتی گوت ژی،” مە دڤێت پشت راست بین کو ئەو ڤاکسینێن ھاتینە بەرھەمئینان چ جۆرە زیانەکێ ل سەر مرۆڤێن نەخۆش درۆست ناکەن، دێ بزاڤان کەین د دەمەکێ نێزیک دا بگەھینە ئەنجامەکێ باش، داکو بشێین ڤایرۆسێ کۆرۆنایێ کونترۆل بکەین”.
ئەڤرۆ نیوز:
ئەڤرۆ وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، چار ھزار و ٦٤٤ حالەتێن نوو یێن کۆرۆنایێ و سێ ھزار و ٨٩١ حالەتێن باشبوونێ و ٦٣ حالەتێن وەغەرکرنێ ھاتینە تۆمار کرن.
ھەتا نوکە ٢٥٩ ھزار و ٧١٩ کەس ل عیراقێ تووشی ڤایرۆسێ کۆرۆنایێ بووینە، دیسان هەتا ڤی دەمی ٧ ھزار و ٤٢٢ کەسان وەغەرکریە، هەروەسا ١٩٥ ھزار و ٢٠٥ کەس ژی باشبووینە.
ئەڤرۆ نیوز:
وەزارەتا ساخلەمیا عیراقێ ئامارا ٢٤ دەمژمێرێن بۆری یا کۆرۆنایێ راگەهاند کو تێدا هاتیە ٤ هزار و ٦٤٤ کەسێن دی تووشی ڤایرۆسێ کۆرۆنایێ بووینە و ٦٣ تووشبوو ژی مرینە.
وەزارەتا ساخلەمیا عیراقێ ئاماژە ب هندێ ژی کریە هەتا نها ب گشتی ١٩٥ هزار و ٢٥٩ کەس ل عیراقێ تووشی ڤایرۆسێ کۆرۆنایێ بووینە و ٧ هزار و ٤٢٢ تووشبوو ژی مرینە.
ئەڤرۆ نیوز:
وەزارەتا ساخلەمیێ یا هەرێما کوردستانێ راگەهاند کو د ماوەیێ ٢٤ دەمژمێرێن بۆری ٤٩٢ تووشبوویێن کۆرۆنایێ ل هەرێما کوردستانێ باش بووینە.
ل گۆر ئامارا وەزارەتا ساخلەمیێ ٥٠٤ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ١٧ تووشبوو ژی مرینە.
ل دهۆکێ ژی ١٧١ کەسێن دی تووشی ڤایرۆسێ کۆرۆنایێ بووینە و ئێک تووشبوو ژی مریە.
ئەڤرۆ نیوز:
دەزگەهێن راگەهاندنا ئیرانێ دیار کرن کو ژ بەر پەقینا مینەکێ ل سنورێ باژێرێ مەریوان یێ رۆژهەلاتێ کوردستانێ سێ پاسدارێن ئیرانێ جانێ خوە ژ دەست داینە و دو پاسدار ژی بریندار بووینە.
رێکخراوا مافێ مرۆڤی یا رۆژهەلاتێ کوردستانێ ژی ئەو نووچە پشتراستکریە لێ هەتا نها دیار نینە کا ئەو مین ژ ئالیێ چ هێزەکێ ڤە هاتیە دانان.
ئەڤرۆ نیوز، زنار تۆڤی:
لژنا سەرپەرشت یا مووەلیدێن ئەھلی یێن ل پارێزگەها دھۆکێ بریار دا گوهۆرین ل سەر بهایێ ئەمپێرێن کارەبا مووەلیدان دا بهێتە کرن.
ھەکار ھرۆری نوونەرێ خودانێن مووەلیدان د لژنا سەرپەرشتیا مووەلیدێن ئەھلی دا ل پارێزگەھا دھۆکێ بۆ ئەڤرۆ نیوز دیار کر: ل شەڤا بوری لژنا سەرپەرشتیا مووەلیدێن ئەھلی ل دھۆکێ بریار دا بۆ ھەر ئەمپێرەکێ کارەبا مووەلیدان بۆ هەیڤا هەشت ٥ هزار و ٥٠٠ دینار ژ وەلاتیان بھێنە وەرگرتن.
دیار کر ژی: ل هەیڤا بوری وان ١٣٠ دەمژمێران، رۆژانە ٤ دەمژمێر و ٣٠ خولەکان کارەبا مووەلیدێ دایە وەلاتیان، کو لدووڤ دانا ڤان دەمژمێرێن کارەبێ ئەڤ بھایە ھاتیە دەست نیشانکرن.
گۆت ژی: ئەڤە چار سالە حوکمەتێ پارڤەکرنا گازوایلێ بۆ وان راگرتیە و حوکمەت بۆ کێمکرنا بھایی گازوایلێ ژی ھاریکاریا وان ناکەت، لێ ھندەک جاران گوژمەکی کێم یێ پارەی ژ پێش وەلاتیان ڤە دایە.
ل پێنجشەمبیا بوری، لژنا سەرپەرشتیکرنا مووەلیدان ل دهۆکێ راگەهاندبوو، بۆ هەر ئەمپێرەکێ کارەبا مووەلیدان بۆ هەیڤا تەباخێ ٥ هزار و ٧٥٠ دینار هاتبوونە دەست نیشانکرن.
ئەڤرۆ نیوز:
شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ دێ سپێدێ سەرەدنا بەغدا کەت و ل گەل بەرپرسێن عیراقێ ل دۆر ئاریشێن د ناڤبەرا هەرێما کوردستانێ و بەغدا دا ب تایبەتی ژی پرسا مووچە و بودجێ هەرێمێ کۆم بن.
ل گۆر زانیاریان دێ شاندێ هەرێمێ چەند رۆژان ل بەغدا بن هەتا کو رێککەفتنا دووماهیێ دهێتە کرن.
ئه‌ڤرۆ نیوز:
په‌یڤدارا رێكخراوا ساخله‌میا جیهانی راگه‌هاند تا ناڤه‌راستا سالا بهێت ڤاكسینا كورونایێ ب ئاوایه‌كێ به‌رفره‌هـ ل ته‌ڤایا جیهانێ به‌رده‌ست نابیت، هوشداریا ئه‌وێ چه‌ندێ ژی دا كۆ تانوكه ب ئه‌گه‌رێ كورونایێ سه‌دان كه‌سان گیانێ خوه ژ ده‌ست دایه.
مارگرێت هاریس په‌یڤدارا رێكخراوا ساخله‌میا جیهانی راگه‌هاند پێدڤیه تاقیكرنێن پێشخستنا كورونایێ ب ئاوایه‌كێ هیری بهێنه ئه‌نجام دان، تاكو ژ سلامه‌تیا بكار ئینه‌ران پشت راست بین، قوناغا سیێ یا تاقیكرنێن ڤاكسینا كورونایێ ده‌مه‌كێ زۆر پێدڤێت تا ل ئاستێ سلامه‌تیا ڤاكسینێ و ده‌می مانا دژه‌تیا وێ ل جه‌سته‌یێ مرۆڤی پشت راست بن.
هاریسی ئه‌و چه‌نده ژی راگه‌هاند تا ناڤه‌راستا سالا بهێت ڤاكسین دانا پرۆسه‌یا دوماهیێ یا به‌رفره‌هـ ڤایرۆسێ ل سه‌ر ئاستێ جیهانێ به‌رده‌ست نابیت، ئه‌ڤه ژی وه دكه‌ت ڤایرۆس هه‌تا ئه‌وی ده‌می هه‌بیت.
سیس بیركلی رێڤه‌به‌ری بجهكارێ هه‌ڤپه‌یمانیا ڤاكسینێن جیهانێ راگه‌اهند 76 وه‌لاتێن ده‌وله‌مه‌ندێن جیهانێ ره‌زامه‌ندی نیشاندایه بۆ پشكداریكرنێ ل پلانا (COVAX) كو تێدا ڤاكسینا كورونایێ ب ئاوایه‌كی دادوه‌رانه ب سه‌ر جیهانێ دا بهێته پارڤه‌كرن ل سه‌ر بنه‌مایێ ئاستێ مه‌ترسیا كورونایێ ل ئه‌وی وه‌لاتی دا.
نيشاندان