ئەڤرۆ نیوز، عەلی حاجی:
ب مەرەما گھورینان ل گورەی رێنماێن وەزارەتا خوان بلند و ڤەکولینێن زانستی دو ھاریکارێن سەروکێ زانکویا زاخۆ ھاتنە گھورین و دو کەس ب وەکالەت دێ ل جھێ ھاریکارێن بەری نوکە ھێنە دانان و راگریا ڤەکولتیەکێ ژی ل زانکویا زاخۆ ھاتە گھورین .
ل دور ڤێ چەندێ سەروکێ زانکویا زاخۆ د. لەزگین عەبدی بۆ ئەڤرۆ نیوز گوت : ل دووڤ رێنماێن وەزارەتا خواندنا بلند ز ڤەکولینێن زانستی ژبەر کو دەمەکێ دەست نیشان کری ھەیە ھەر کەسەکێ ماوەیێ وی ل دووڤ رێنمایا ب دوماھی ھات دێ گھورین دجھێ وی کەسی دا ھێتە کرن ژبەر ڤێ چەندێ ئەڤ گھورینە دناڤ زانکویا زاخۆ دا ھاتنە ئەنجام دان ، پشتی دەرگەھێ پێشکێش کرنا سێڤییان بو بەربژێران ھاتیە ڤەکرن و لژنە دەست ب کار بوی دوو کەس بو ھاریکارێ سەروکێ زانکویا زاخۆ بو کاروبارێ قوتابیان و کاروبارێن کارگێری و دارایی ھاتیە دەرکرن و بتنێ ھندەک پێنگاڤێن کارگێری ماینە ئەو کەسێن نوو ھاتینە دەست نیشان کرن دەست ب کار بن .
ناڤھاتی ئەو چەندە ژی گوت : ئەڤ کەسێن نوو بو ھاریکارێ سەروکێ زانکویا زاخۆ ھاتینە دەست نیشان ب وەکالەت دێ وان پوستان ب رێڤەبەن و ھەر دیسان ل راگریا ڤەکولتیا زانستێن مروڤایەتی ژی گھورینەک ھاتە ئەنجام دان و دماوەیێ بھێت ژی دێ ھندەک گھورینێن دی ل سەر ئاستێ زانکویا زاخۆ ھێنە ئەنجام دان و ئەڤ گھورینە بتنێ ددەستھەلاتا ئەنجومەنێ وەزیران دایە .
ل گورەی زانیاریێن دەست ب ئەڤرۆ نیوز کەڤتین ھەر ئێک ژ دکتور دیار ھالو بو پوستێ ھاریکارێ سەروکێ زانکویا بو کاروبارێن کارگێری و دارایی و دکتور کاروان فەھمی بو پوستێ ھاریکارێ سەروکێ زانکویا زاخۆ بو کاروبارێن قوتابیان و دکتور ھوگر تاھر بو پوستێ راگریا ڤەکولتیا زانستێن مروڤایەتی ھاتینە دەست نیشان کرن .
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێشهمبى رێکەفتی 2ى نيسانا 2019ێ ئەسمان دێ ئهور و باران بيت و ئهو باران بارين دێ يا ڤهقهتيايى بيت و ل دهڤهرێن چيايى دێ ئهو رێژا باران بارينێ زێدهلێ بيت و بريسى ژى دێ ل گهل بن.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهور و باران بيت و ئهو باران بارين دێ يا ڤهقهتيايى بيت و ل دهڤهرێن چيايى دێ ئهو رێژا باران بارينێ زێدهلێ بيت و بريسى ژى دێ ل گهل بن.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 20کم دا و ماوێ دیتنێ ژی د ناڤبهرا 7 بۆ9کم دا بیت، پلێن گەرمێ ژی دێ د ناڤبەرا 10 بۆ 16 پلان دا بن.
ئەڤرۆ نیوز، عەلی حاجی:
د داخویانیەکێ دا، ئەحمەد سامی، رێڤەبەرێ چاندنێ ل زاخۆ بۆ ئەڤرۆ نیوز دیار کر کو ژ بەر ھاتنا رێژا زۆرا بارانێ ل کۆمەلگەھا پێشابوورێ، ئەو خەلکێ کارێ چاندنێ کری ل بەر لێڤا ئاڤا خابیری تووشی زیانێن زۆر بووینە و لژنەکا ڤەدیتنێ ژی ھاتیە رەوانە کرن بۆ زانینا زیانێن بەر ب جۆتیارێن وێ دەڤەرێ کەڤتین.
ئەحمەد سامی گۆت: ژ بەر کو گەلەک پشکەکا جوتیارێن دەڤەرا پێشابوورێ کارێ جۆتیاریێ ل بەر لێڤا خابیری دکەن ب مەرەما چاندنێ، ژ بەر ھاتنا رێژەکا زۆرا بارانێ زێدەتری 100 دونەمێن چاندنێ یێن وان جوتیاران ژ ناڤ چووینە و ئاڤێ ل گەل خوە برینە و جۆتیارێن وێ دەڤەرێ ژی ھزر ل دانانا ساترەکێ نەکر بوو دا کو تووشی زیانەکا ب ڤی رەنگی نەبن، کارێ لژنا مە یێ بەردەوامە بۆ زانینا زیانێن بەر ب جۆتیارێن مەسیحیێن وێ دەڤەرێ کەڤتین و لژنەکا تایبەت ژی یا ھاوارھاتنێ ھاتیە پێکئینان ب مەرەما قەرەبووکرنا زیانڤێکەڤتیان.
ناڤھاتی زێدەتر گۆت: پشتی لژنە راپۆرتا خوە ب دووماھی دئینیت دێ ب رێیا نڤیسیارەکێ بۆ رێڤەبەریا گشتی یا چاندنێ ل پارێزگەھا دھۆکێ رەوانە کەین و ئەو ژی ژ لایێ خوە ڤە دێ بۆ پارێزگەرێ دھۆکێ ھێتە رەوانە کرن دا کو ل نێزیکترین دەم دا ئەو جۆتیار بھێنە قەرەبووکرن، پرانیا ئەو ئەردێ زیان ڤێ کەفتی د چاندنێ بوون و چەندین بەرھەمێن چاندنێ ل سەر وان دونەمان ژ لایێ جۆتیاران ڤە ھات بوونە چاندن.
ئهڤرۆ نيوز:
جەھوەر عەلی قائیمقامێ قەزا دھوکێ ورێڤەبەرئ باژێرڤانیا دھوکێ ورێڤەبەرێ گشتی یێ پەروەردێ وبەرپرسێ لیژنا ناوچا چرا یا پارتی دیموکراتی کوردستان سەرەدانا پرا دواناڤنجیا چرا کر.
قائیمقامێ قەزا دھوکێ راگەھاند ئ لدەمژمێر ھەشت وپازدە خولەکی سپێدێ ژ ئەنجامێ ھاتنا بارانا و پەیدابونا لەھیان پرا دواناڤنجیا چرا یا کوران کەفت وگوت : ژبلی زیانێن مادی ھیچ زیانەکا گیانی نەبوون.
قائیمقامێ دھوکێ ئاشکراکر پشتی بدوماھی ھاتنا بارانا ھەوەکا سەرانسەری پارێزگەھا دھوکێ دێ دەست پێکەت ژبو سەخبێرکرنا ئەو جھێن ژ ئەنجامێ لەھیان زیان گەھشتینێ.
ئهڤرۆ نيوز:
رهجهب تهيب ئهردوگان سهرۆكێ توركيا تووشى شكهستنهكا مهزن بوو و پايتهختێ توركيا ژ دهست دا و ب جوداهيهكا گهلهك كێم ژى ل ستهمبۆل ل بهرێ يه، ئهڤ دو باژێره ژى پايتهختێن سياسى و گهشتيارى يێن توركيا نه و گرنگيهكا مهزن ههيه.
د ههلبژارتنێن باژێرڤانيێن توركيا دا كو دوهى ب رێڤهچوون، پارتيا داد و گهشهپێدانێ (ئاكهپه) ژبلى پايتهختێ توركيا، ل ستهمبۆل ژى دهنگێن خوه كێم كرينه، د دهمهكى دا ل سالێن نوتان سهرۆكێ توركيا واليێ وێرێ بوو.
ل ستهمبۆل بينالى يلدۆم، سهرۆك وهزيرێن بهرێ يێ توركيا و بهربژارێ ئاكهپێ ب تنێ ب چار هزار دهنگان ل بهرى كانديدێ جهههپێ يه.
ئهردوگان پشتى مستهفا كهمال ئهتاتورك، رابهرهكێ ب هێزێ توركيايه، دهنگێن وى ژى ل سهر بنهمايێن ئابوورهكێ ب هێز و پشتهڤانيكرن ل خهلكێ ئايينى و نهريتپارێزێ توركيا بوويه.
رهنگه دهنگدهرێن دوهى هاتنهخوارا بهايێ ليرهى و زێدهبوونا ههلاوسانێ و زێدهيا رێژا بێكاريێ ل توركيا ژ بير نهكربيت.
ل چهند باژێرێن باكوورێ كوردستانێ، ههدهپه شيا چهند باژێران ب دهست ڤه بينيت كو دو سالان بهرى نها بهرپرسێن توركيا ب بههانهيا ههبوونا پهيوهنديان ل گهل پهكهكێ ژێ ستاند بوون.
ل باژێرێن كوردى ژى يێن دياربهكر، ماردين، باتمان، ههكارى، سێرت، رهشهقلاس، وان و قهرس ههدهپێ سهركهفتن ب دهست ڤه ئينايه، بهلێ ب رهنگهكێ چاڤهرێنهكرى شرناخ، ئاگرى و بهدليس ژ دهست داينه.
ژ سهدێ 99 ژ دهنگێن ههلبژارتنێن باژێرڤانيێن توركيا هاتينه جوداكرن و ههتا نها ههدهپێ 69 باژێرڤانى ب دهست ڤه ئيناينه.
ب گۆرهى وان ئامارێن هاتينه بهلاڤكرن ههتا نها 99%ێ ژ دهنگان بۆ ههلبژارتنێن باژێرڤانيان يێن جوداكرى، ب ڤى رهنگى يه: ئاكپارتيێ 796 باژێرڤانى ب دهست ڤه ئينانه، جهههپێ 246 باژێرڤانى، مهههپێ 227 باژێرڤانى و ئى پارتى ژى 21 باژێرڤانى ب دهست ڤه ئيناينه.
ئەڤرۆ نیوز:
ل شوونا تو هزربكهی دێ چ خوی، وێنهكی بۆ خارنا خوه بگره و ل سهر فایلهكی دناڤ موبایلا خوه یان كومپیوتهرێ خوهدا ب ههلگره و مێژوویا ته ئهو خوارن خواری بدانه ل سهر وێنهی و دیتنا وان ههموو خوارنا دێ بیته رێیهك كو خوارنا خوه كێم بكهی، تایبهتمهندێ خوراكیێ ( جان سالگ بلیك) دیاردكهت كو مرۆڤی پێدڤی ب گهلهك ئامیران نینه بۆ ڤی كاری، موبایلا ته دێ پێدڤیێن ته بجهئینیت، دیتنا وان وێنا ب چاڤا دێ هاریكاریا ته كهت كو ئێدی پهنیری و صاصێ ل سهر خوارنا خوه زێدهنهكهی.
دیسا باشتره بهندكهكی ل كهمهرا خوه ب ئالینی، ئهڤێ شیرهتێ ژی ب جهربینه، هندهك ژنێن فرهنسی بهندكهكی ل دۆر كهمهرا خوه دئالینن، د بن جلكانڤه، ب تایبهت دهمێ دچنه خوارنا شیڤێ، ئهڤه دبیته ئهگهر مرۆڤی ئاگهه ژ مهعیدێ خوه ههبیت، ب تایبهت دهمێ ئهو بهنك دشدیێت.
ژێدەر/ نۆش نیوز:
ئهڤرۆ نیوز:
رێڤهبهریا پهروهردا قهزا كۆیه ب سهر پارێزگهها ههولێرێ ڤه راگههاند، سوباهى دوشهمبى 1/4/2019 ل ههموو ناڤهندێن خواندنێ ل سنوورێ قهزا كۆیه بێهنڤهدانا فهرمى یه.
رێڤهبهریا ناڤبرى دیاركر” ژبهر تێكچوونا پتریا رێیان وژبۆ سلامهتیا زێدهتر یا قوتابى ومامۆستایان ووهلاتیێن سنورێ كۆیه، سوباهى رۆژا دوشهمبى بێهنڤهدانا فهرمى یه ل ههموو ناڤهندێن خواندنێ ل كۆیه”.
دیاركریه ژى” ئهو بێهنڤهدانه دیوانا پهروهردا قهزا كۆیه ب خوهڤه ناگریت وسوباهى دهواما ئاسایى یه”.
نيشاندان