ئەڤرۆ نیوز:

یاریزانەکێ یانا بەرشەلۆنا دخوازیت ل ڤەگوھاستنێن بھێت پێکھاتیێ یانا خوە ب جە بھێلت و بەر ب یانەکا دی بچیت بوو وەرزێ بھێت.
رۆژناما مارکا ئیسپانی ئاشکراکریە یاریزانێ پورنوگالی و ھێلا بەرەڤانیا یانا بەرشەلۆنا نیلسون سیمیدو ھزر ب جە ھێلانا پێکھاتیێ یانا بەرشەلۆنا دا کریە و دخوازیت ل ھاڤینا بھێت یاریێ ل یانەکا دی بکەت ھەر چەندە راھێنەرێ بەرشەلۆنا ل وەرزێ ئەڤ سالە ب رێژەیا زێدەتر ژ ٤٠% پشت بەستن ل سەر کریە لێ ئەو یاریزان داخوازیت بەر ب یانەکا دیڤە بچیت وەکو یاریزانەکێ سەرەکی پشکداری بکەت .
ھەردیسان ئەوێ رۆژنامێ ئاشکراکریە ژی سیمیدو ئەوێ ل ھاڤینا ٢٠١٧ ژ یانا بەنفیکا پەیوەندی ب بەرشەلۆنا کری بەرامبەر کوژمێ ٣٠ ملیون یورۆیا نوکە دو داخوازیێن فەرمی ل بەر دەستێ ئەوی نە ژ دو یانێن ئنگلیزی و ئیتالی لێ ھەتا نوکە چ بریار ل سەر نەداینە ژبەرکو ئەو دخوازیت دەسپێکێ خوە ژ یانا بەرشەلۆنا قورتال بکەت پاش بریارێ ل سەر ئەوان ھەردو داخوازیێن یانێن ئیتالی و ئنگلیزی بدەت.
ھەژی گوتنێ یە نیلسون سیمیدو ل وەرزێ ئەڤ سالە پشکداری د ٤٤ یاریان دا کریە ل گەل بەرشەلۆنا د ھەموو ئەو قارەمانیێن یانا کەتەلونی تێدا پشکدار کو ٢٠ ژ ئەوان وەکو یاریزانەکێ سەرەکی پشکداری کریە و ٢٤ یاریان وەکو یاریزانەکێ پێگوھور ھاتیە دناڤ یاریێ دا .

ئەڤرۆ نیوز:
رۆژنامەیێن نێزیکی یانا بەرشەلۆنا ئاشکراکرینە ئەو یانا کەتەلونی نوکە مژیلی چەند ھەڤبەستێن بەرنیاسە و داخوازیت بوو وەرزێ بھێت ب ھێزتر بھێتە دناڤ ھەڤرکیێن خولا ئیسپانیا و قارەمانیا چامپیونیز لیگ و چەند ستێرێن بەرنیاس ل سەر ئاستێ ئورۆپا کرینە ئارمانجا خوە کو ئێک ژ ئەوان ئارمانجا ستێرا فرەنسی و یانا مانچێستەر یوناید پول پوکپا یە و کوژمەکێ مەزن یێ پارەی بوو دەستڤە ئینانا شیانێن ئەوی تەرخانکریە.
رۆژناما ئاس یا ئیسپانی دیارکریە نوکە پول پوکپا ئێک ژ پلانێن زێدانی یێن سەرەکی یە بوو ھێلا ناڤینا وەرزێ بھێـت لێ دبیت بەرشەلۆنا بیتە رێگر د رێیا ئینانا چوونا وی بوو یانا ریال مەدرید ژبەرکو وێ یانا کەتەلونی کوژمەکێ مەزنتر بەرھەڤکریە و بەرھەڤیا خوە دیارکریە کوژمێ ١٥٠ ملیون یورۆیا پێشکێشی یانا مان یوناید بکەن ژپێخەمەت ب دەستڤە ئینانا ئەوی یاریزانی بەرامبەر ریال مەدرید بەری نوکە کوژمەکێ گەلەک کێمتر ژ بوو ئینانا ئەوی یاریزانی بەرھەڤکریە .

ئەڤرۆ نیوز:
چاڤەرێ دھێتەکرن ل ھاڤینا ئەڤ سالە یانا ریال مەدرید دەستا ژ ھژمارەکا مەزن یا یاریزانێن خوە بەردەت کو زوربەیا ئەوان یاریزانان ل سەر داخوازیا راھێنەرێ یانێ یە کو بوو وەرزێ بھێت پشت بەستنێ ل سەر ئەوان یاریزانان ناکەت ھەردیسان چەند یاریزانێن دی ژی حەزا چوونێ ھەیە ناخوازن بەردەوام وەکو یاریزانێن یەدەگ بن ل گەل پێکھاتیێ یانێ.
رۆژناما مارکا ئیسپانی ئاشکراکریە کارگێریا یانا ریال مەدرید بوو وەرزێ بھێت دێ دەستا ژ ١٤ یاریزانێن خوە بەردەت ل سەر داخوازیا راھێنەرێ یانێ لێ کارگێریا یانێ دبیت چەند ژ ئەوان یاریزانێن خوە ب شێوەیێ خواستن بدەتە چەند یانێن دی بوو پاشەرۆژی جارەکا دی ڤەگەرنە ناڤا پێکھاتیێ یانێ دا تایبەت ئەو یاریزانێن گەنچ ئەوێن ھەڤبەستێن ئەوان زێدەتر ژ ٣ سالان ھێشتا ل گەل یانێ ماین.
ئەوێ رۆژنامێ ناڤێ ١٤ یاریزانێن ئاشکراکریە کو ل سەرێ وێ لیستێ ناڤێ گولچیێ یانێ ناڤاس و ستێرا وێلزی گارس بێل و ھەردیسان ھەرسێ یاریزانێن ب شێوەیێ خواستن تیتو ھێرنادز ئەوێ نوکە یاری ل ریال سوسیداد دکەت و خامێس رودرێگیز ئەوێ نوکە ل بایرن میونیخ کەت و کوڤاسیتیچ ئەوێ نوکە یاری ل یانا چێلسی یا ئنگلیزی دکەت و خیسوس فابیخو، ریگیلون، دانی سیبایوس، مارکوس یورنتی، مارتن ئودیگارد، ئوسکار رودرێگیز،ماریانو دیاز و ئیبراھیم دیاز لێ کارگێریا یانێ یا ھەموو بزاڤا دکەت زێدان رازی بکەت بوو مانا ئیبراھیم دیاز بوو وەرزێ بھێت یان ئەوی یاریزانی ب شێوەیێ خواستن بدنە یانەکا دی پتر دەلیڤەیا کرنا یاریێ ھەبیت ژبەرکو ھەڤبەستا ئەوی ل گەل وێ یانێ ھەتا ھاڤینا ٢٠٢٥ یە .

ئەڤرۆ نیوز:
ستێرا بەرازیلی و یانا پاریس سانجێرمان نیماری داخوازی ژ بەرپرسێن وێ یانێ کریە دەست ب لڤینا بکەن بوو دەستڤە ئینانا ستێرا بەرازیلی و یاریزانێ ھێلا ناڤینا یانا بەرشەلۆنا ڤلیپ کوتینھو ئەوێ نوکە د رەوشەکا لاواز دا بوریت ل گەل یانا بەرشەلۆنا.
چەند رۆژنامەیێن فرەنسی ئاشکراکریە نیمار یێ بزاڤێ دکەت بەرپرسێن یانا پاریس رازی بکەت وەلاتیێ خوە کوتینھو ژ وێ رەوشا نوکە تێدا بوریت ل گەل بەرشەلۆنا رزگاربکەت و بەر ب یانا پایتەختێ فرەنسا بینت بۆ ب ھێز ئێخستنا ھێلا ناڤینا یانا پاریس .
ھەردیسان ئەوان رۆژناما ئاشکراکریە ژی یانا پاریس نوکە یا لێگەریانا چەند ستێرێن بەرنیاس ل سەر ئاستێ ئورۆپا دکەت و تایبەت یاریزانەکێ ھێلا ناڤین یێ ل جھێ کوتینھوی کریە ئارمانجا خوە و ب رێژەیا ھەرە مەزن ھزرا نیماری دێ ل سەر رازی بەن و دبیت ل ڤێ حەفتیێ دەست ب دانوستاندنان بکەن بوو دەسڤە ئینانا ئەوی ستێرا بەرازیلی کو ستێرا کولومپی و یانا ریال مەدرید خامێس رودرێگیز و ئیسکو کرینە ئارمانجا خوە لێ ب دەستڤە ئینانا ئەوان دبیت بوو پاریس یا ب زەحمەت بیت تایبەت ئیسکو لەورا دبیت ل سەر داخوازیا نیماری ب رێژەیا ھەرە مەزن کوتینھوی بکەنە ئارمانجا خوە یا سەرەکی بوو ھاڤینا بھێت.