ئه‌ڤرۆ نيوز:
تومەتبارێن کەسەکێ 64 سالی کوشتی ژلایێ پولیسان ڤە هاتنە دەستەسەرکرن.
نووترين نووچه
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
سه‌ره‌كى Facebook
ب هه‌لكه‌فتا نه‌ورۆزێ مۆله‌تا چه‌ند رۆژى ب هژمارەکا دادگەهکریان دهێته دان
ئەڤرۆنیوز، نەوزاد هلۆری:
ب هەلکەفتا جەژنا نەورۆزێ، رێڤەبەریا چاکسازیا مەزنان ل دهۆکێ، مولەتا چەند رۆژێ ب هژمارەکا دادگەهکریان ددەت.
عیرفان بەرواری، بەرپرسێ راگەهاندنا چاکسازیا مه‌زنان ل دهۆكێ بۆ ئەڤرۆ نیوز گۆت: (ب هەلکەفتا جەژنا نەورۆزێ، رێڤەبەریا چاکسازیا مه‌زنان مولەت بۆ 33 دادگەهکریان دایە کو بچنە مال و جەژنا نەورۆزێ بگێرن و سەیرانان دناڤ کەسوکارێن خوەبکەن).
زێدەتر گوت: (مولەتا وان بو حەفت رۆژایە و ب گۆرەی هندەک مەرج و رێنمایێن تایبەت ئەو دادگەهکری دێ مولەت پێ هێتەدان).
به‌غدا: %17 زه‌مالێن خواندنێ ل ده‌رڤه‌ى عیراقێ دێ بۆ قوتابیێن كورد بیت
ئه‌ڤرۆ نیوز:
وه‌زاره‌تا خواندنا بلند وڤه‌كۆلینێن زانستى ل عیراقێ راگه‌هاند، قوتابیێن كورد بۆ تمامكرنا خواندنێ دێ هێنه هنارتن بۆ ده‌رڤه‌ى وه‌لاتى.
قوسەی سوهێل، وەزیرێ خواندنا بلند وڤه‌كۆلینێن زانستى ل عیراقێ راگه‌هاند كو به‌هرا 17% ژ تۆرێن ره‌وشه‌نبیرى یێن بالیۆزخانێن عیراقێ كو نوونه‌راتیا وه‌زاره‌تا خواندنا بلند دكه‌ن دێ ب كوردان هێته دان.
وى وه‌زیرێ عیراقى، ل دووڤ مالپه‌رێ كوردستان تى ڤى، گۆت ژى”رێژا 17% زه‌مالێن خواندنێ ل ده‌رڤه‌ى وه‌لاتێ دێ ب قوتابیێن كورد هێته دان ول زانكۆیێن عیراقێ ژى دێ كورسى بۆ كه‌سوكارین شه‌هیدێن كوردستانێ هێنه دابینكرن”.
سینەماکارەکێ کورد بۆ کۆچکا کۆماری یا کوریا باكوور دهێتە گازیکرن
ئەڤرۆ نیوز ، زنار تۆڤی:
سینەماکارەکێ کورد ل سەر داخوازیا فەرمی یا کوریا باکوور سەرەدانا کۆچکا وی وەلاتی کریە و فلمێ 16/3 کو دەربرینێ ژ کیمیابارانکرنا هەلەبجە دکەت، هەشت جاران ل پایتەختێ کۆریا باکوور هاتە نیشاندان.
دانی دارین ئەو سینەماکارێ کوردە بۆ ئەڤرۆ نیوز راگەهاند: ل سالا بوری فلمێ 16/3 ب باشترین فلم ل فیستەڤالا سینەمایی ل مۆسکۆ هاتبوو هەلبژارتن، نوونەرێ وەلاتێ کوریا باکوور ل وێرێ یێ ئامادە بوو، وی گۆتە من دڤێت ئەڤ فلمە ل کوریا باكوور ژی بهێتە نیشاندان، هەروەسا سالانە ل گەل ١٥ دەرھێنەر و ئەکتەرێن دیتر د بۆنەیەکا تایبەتدا گازی دکەن، ئەڤ سالە ئەز ژی گازی کرم و ماوێ گەشتا من ژی 15 رۆژان ڤەکێشا.
ئەو ژی گۆت: ئەڤ فلمە د دەمێ دو رۆژان دا ل ٨ سینەمایێن جۆدا ل باژێرێن بیونگیانگ یێ پایتەختێ ڤی وەلاتی هاتە نیشاندان، بینەرەکێ ئێکجار زۆر هەبوو، بەلێ بەری نیشاندانا ڤی فلمی، چ کەسێن ڤی وەلاتی زانیاری ل سەر کوردان نەبوون، بەلێ فلمێ 16/3 دەنگڤەدانەکا مەزن و کاریگەر هەبوو.
دیار کر ژی: د ماوێ وان چەند رۆژان دا مێهڤانێن کۆچکا سەرۆکاتیا کۆریا باکوور بووین، سەرۆکێ کۆریا باکوور هاتە دەف مە و بخێرهاتنا مه کر، فلمێ 16/3 هەتا نوکە 31 خەلات و 42 نۆمینەیشنێن نێڤدەولەتی وەرگرتینە، نوکە ئەڤ فلمە د پێشبرکێدایە بۆ وەرگرتنا چار خەلاتان ل نەشنال فلم ئەورد ل لەندەن، کو ئەڤ فلمە مل ب ملێ فلمێن ھۆلیوودێ پشبرکێ دکەت ل سەر ڤان خەلاتان:
باشترین سیناریۆ نڤیس و باشترین فلمێ پۆلیسی و باشترین فلمێ درێژ و باشترین فلمێ سەربەخۆ.
دانی دارین ناڤێ وی هەلمەت سەلاحە، ل سالا 1980 ل گوندێ كاله‌كانی قەڵادزێ ژ دایك بوویه، ل سالا 2002 چوویە بریتانیا، هەروەسا فلمێ 16/3 کو ل سه‌ر مەرگەساتا هه‌له‌بجه یە، کو ژ ده‌رهێنانا وی و پۆل لان یە، ئەکتەرێ سەرەکی ژی دڤی فلمی دا ئەوە.
جاره‌كادى شه‌ر د ناڤبه‌را له‌شكرێ عیراقێ وپه‌كه‌كێ ده‌ستپێكر
ئه‌ڤرۆ نیوز:
ل سنورێ باژێركێ سنوونێ ل نێزیك شنگالێ، ئه‌ڤرۆ سێشه‌مبى 19/3/2019 جاره‌كادى شه‌ر د ناڤبه‌را له‌شكرێ عیراقێ وهێزێن ب سه‌ر پارتیا كاركه‌رێن كوردستانێ (په‌كه‌كه) ده‌ستپێكر.
ل دووڤ هنده‌ك پێزانینان، هێزه‌كا له‌شكرێ عیراقێ كو فه‌رمانده‌یا هێزێن هشكاتى وفه‌رمانده‌یا ئۆپه‌راسیۆنێن نه‌ینه‌وا دگه‌لدابوون، چوونه سنوورێ شنگالێ وبزاڤ كریه ل گوندێ (باب شلۆ) سه‌ر ب ناحیا سنوونێ هێزه‌كا په‌كه‌كێ ده‌ربكه‌ن، به‌لێ وێ هێزا په‌كه‌كێ ئه‌و ده‌ڤه‌ر چۆل نه‌كر وشه‌ر وپێكدادان روودا.
ئیدریس زۆزانى، كارگێرێ لقا 17 یا پارتى دیموكراتى كوردستان ل شنگالێ بۆ باسنیوز گۆت” ئه‌ڤرۆ شه‌ر د ناڤبه‌را یه‌كینه‌یێن به‌رخوه‌دانا شنگالێ (یه‌په‌شه) وله‌شكرێ هعیراقێ روودا ول دووڤ پێزانینان كوشتى وبریندار ژ هه‌ردو لایه‌نان یێن هه‌ین”.
گۆت ژى” هێشتا ره‌وش یا ئالۆزه ونه‌هاتیه كونترۆلكرن”. دیاركر ژى كو پشتى په‌كه‌كێ هێرش كرى وباره‌گایێ لیوایه‌كا له‌شكرێ عیراقێ كونترۆلكرى، ئه‌ڤرۆ له‌شكری عیراقێ هێرشا به‌رۆڤاژى ئه‌نجامدا وباره‌گایێ خوه ژده‌ستێ په‌كه‌كێ ئیناده‌ر وكونترۆل ل سه‌ر كر”.
كه‌نالێ ( كوردستان 24) ژزارده‌ڤێ فه‌رمانده‌كێ یه‌كینه‌یێن به‌رخوه‌دانا شنگالێ (یه‌په‌شه) به‌لاڤكر كو سێ لیوایێن له‌شكرێ عیراقێ كو ژ مووسلێ هاتبوون، چوونه سه‌ر باره‌گایێ یه‌په‌شێ ل گۆندێ باب شلۆ وداخوازا چه‌ك دانانێ كر وباره‌گا وزالگه‌هێن خوه چۆل بكه‌ن وراده‌ستى له‌شكری عیراقێ بكه‌ن، به‌لێ ئه‌و ب چو شێوه‌كێ رازى نه‌بوون، له‌وما شه‌ر روودا”.
هه‌ڤده‌م به‌حس ل وێ چه‌ندێ دهێته كرن كو ل ده‌ڤه‌را (ئوم دیبان) ل سه‌ر سنوورێ د ناڤبه‌را عیراقێ وسووریێ شه‌ر دروست بوویه وسه‌ربازه‌كێ عیراقى هاتیه كوشتن وترومبێله‌كا له‌شكرێ عیراقێ ژى هاتیه سوتن وبریندار ژ هه‌ردو لایه‌نان یێن هه‌ین.
پێشتر ل 17/3/2019 شه‌ر ل سنوورێ شنگالێ د ناڤبه‌را له‌شكرێ عیراقێ وهێزێن ب سه‌ر په‌كه‌كێ ڤه روودا بوو.
سەرۆك بارزانی ل گه‌ل كه‌سایه‌تى ونوونه‌رێن ده‌ڤه‌را زومار كۆمبوو
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ سێشه‌مبى 19/3/2019 ب مه‌ره‌ما به‌حسكرن ودانوستاندنێ ل سه‌ر كێشه وگرفتێن ده‌ڤه‌را زومار، ل گه‌ل كه‌سایه‌تى وریهسپى ونوونه‌رین پێكهاتان وجه‌ماوه‌ر وئاكنجیێن ده‌ڤه‌را زومار كۆمبوو.
سه‌رۆك بارزانى په‌یڤه‌ك پێشكێشكى به‌رهه‌ڤبوویان كر وئاماژه ب قوربانیدان وخۆراگریا جه‌ماوه‌رێ ده‌ڤه‌را زومار ل به‌رانبه‌ر هێرشێن تیرۆرستان وهێرشێن نه‌حه‌زان د سالێن بۆرى دا كر، ل دۆر گرنگیا ده‌ڤه‌را زومار ژى د شه‌رێ دژى تیرۆرستان راگه‌هاند كو كلیلا شكه‌ستنا داعشێ ل زومار بوو وشكاندنا تیرۆرستان ل زومار ده‌ستپێكربوو.
سه‌رۆك بارزانى ئاماژه ب فه‌رهه‌نگا پێكڤه‌ژیانێ ل وێ ده‌ڤه‌رێ كر وراگه‌هاند كو جهێ خوه‌شحالیێ یه تیرۆرست ونه‌حه‌ز نه‌شیان فه‌رهه‌نگا پێكڤه‌ژیانێ ل وێ ده‌ڤه‌رێ تێك بده‌ن، هه‌روه‌سا دووپات كر كو ناكۆكیا سیاسى ل گه‌ل ده‌ستهه‌لاتێ وحوكمه‌تان نابیت ببیته ئه‌گه‌رێ ناكۆكیێ د ناڤبه‌را نه‌ته‌وه وئایینان.
سه‌رۆك بارزانى به‌حسێ گه‌فێن تیرۆرێ كر ودووپاتى ل وێ چه‌ندێ كر كو فه‌رهه‌نگا پێكڤه‌ژیانێ باشترین چه‌كه بۆ ژناڤبرنا هزرا توندره‌ویێ وتیرۆرێ وبه‌رچاڤكر كو پێدڤیه هزرا تیرۆرێ ژ رێهوریشال ڤه بهێته راكێشان ول كوردستانێ ئه‌م هه‌موو د مروڤبوونێ دا براینه وجوداهیا نه‌ته‌وى وئایینى كێشه نینه، هه‌لسه‌نگاندنا مرۆڤى ژى ل سه‌ر بنه‌مایێ ره‌فتارێن وى نه نه‌كو بیروباروه‌رێن وى.
سه‌باره‌ت چاره‌نڤیسێ ده‌ڤه‌رێن مادێ 140، سه‌رۆك بارزانى دیاركر هه‌كه دستوور هاتبا بجهئینان نوكه ره‌وشا عیراقێ ب شێوه‌كێ باشتر با وب پێدڤى ژى زانى كو مادێ 140 ب لێكتێگه‌هشتنێ وئاشتیێ بهێته بجهئینان، دووپاتى ل وێ چه‌ندێ ژى كر كو هه‌ر بزاڤه‌ك بۆ سه‌پاندنا واقعه‌كى کو به‌رۆڤاژى جوگرافیا ودیرۆك وره‌وشا جڤاكى یا ده‌ڤه‌ران بیت دێ گرفتان كوورتر كه‌ت وجهێ قبوولكرنێ ژى نینه.
سه‌رۆك بارزانى به‌حسێ ره‌وشا سیاسى یا عیراقێ وروودانێن پشتى ریفراندۆمێ كر ودیاركر كو پشتى هه‌لبژارتنێن عیراقێ قۆناغه‌كا دى یا هاتى وهه‌موو لایه‌ك بزاڤێ دكه‌ین كو مفاى ژ وى سه‌قایێ ئه‌رێنى وه‌ربگرین بۆ بجهئینانا پره‌نسیبێن برایه‌تیێ وپێكڤه‌ژیانێ ونه‌هێلانا تیرۆرێ.
ب ڤیدیۆ – هه‌وه‌كا پاقژكرنا جهێن سه‌یرانێن نه‌ورۆزێ ب رێڤه‌چو
ئه‌ڤرۆ نیوز، نه‌وزاد هلۆرى:
ب مه‌ره‌ما پاراستنا ژینگه‌هێ و خزمه‌تكرنا سه‌یرانیێن نه‌ورۆزێ، رێكخراوا سه‌رمه‌ند ب هه‌ڤكارى ل گه‌ل ئافره‌ت و گه‌نجێن ناحیا دێره‌لوك و شێلادزێ و كومه‌لگه‌ها هێتوت رابوون ب هه‌وه‌كا پاقژكرنا به‌رمایكێن وه‌لاتیان دناڤبه‌را شێلادزێ و دێره‌لوكێ دا كو ل رۆژا نه‌ورۆزێ وه‌لاتى و سه‌یرانڤان بشێن سه‌یران و ده‌مێن خوه لێ ببورینن و رێژه‌كا مه‌زن به‌رمایكان هاتنه كۆمكرن وراكرن.
سه‌رۆكێ په‌رله‌مانێ عیراقێ دێ پشكداریێ د نه‌ورۆزا ئاكرێ دا كه‌ت
ئه‌ڤرۆ نیوز، نه‌وزاد هلورى:
ب مه‌ره‌ما پیروزباهیا نه‌ورۆزێ، بریاره سوبه‌هى سه‌رۆكێ په‌رله‌مانێ عیراقێ پشكداریێ د نه‌ورۆزا ئاكرێ دا بكه‌ت.ل قه‌زا ئاكرێ جودا ژ سالێن بورى دێ ئاگرێ نه‌ورۆزێ هێته هه‌لكرن.
ژێده‌ره‌كێ ل قه‌زا ئاكرێ كو نه‌ڤیا ناڤێ وى بهێته ئاشكراكرن بۆ ئه‌ڤرۆ نیوز گۆت: (سوبه‌هى ئێڤارى دێ رێورسمێن هه‌لكرنا ئاگرێ نه‌ورۆزێ قه‌زا ئاكرێ ب ره‌نگه‌كێ جیاواز هێنه‌كرن ئه‌و ژى ب روپێڤا خه‌تیرا بو سه‌ر كه‌لها ئاكرێ و كه‌له كه‌ڤنێ، دیسان بریاره سه‌رۆكێ په‌رله‌مانێ عیراقێ محه‌مه‌د حه‌لبوسى به‌رهه‌ڤى ئاهه‌نگا نه‌ورۆزێ بیت).
زێده‌تر گۆت: (ئه‌ڤ ساله نه‌ورۆزا ئاكرێ دێ ب ره‌نگه‌ك گه‌له‌ك جودابیت ژ سالێن بورى، داخوازێ ل هه‌موو گه‌شتیار و خه‌لكێ كوردستان و ئاكرێ دكه‌ین كو هاریكاریا هێزێن ئه‌منى بكه‌ن داكو كه‌ش و هه‌وایه‌كێ خوش و گونجاى بو گه‌شتیاران بهێته دابینكرن و نه‌ورۆز ب شێوازه‌كێ باش ب رێڤه‌بچیت).
ره‌وشا زێر و زيڤى ل بازارێن دهۆكێ
گوهۆڕين كه‌فتنه ره‌وشا دراڤى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى ئادارا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.500 دينار |
| 100 يۆرۆيێ ئه‌ورۆپى | 136.000 دينار |
| 100 ليرێ توركى | 22.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
WP Facebook Auto Publish Powered By : XYZScripts.com