ئەڤرۆ نیوز:
ئەڤرۆ رۆژا ئەینی ل دەمێ سپێدی ١٠-٥-٢٠١٩ ل ناف سەنتەرێ قەزا ئاکرێ ل نزیک سەرێ گری ترومبیلەک وەرگەریا و چو زیانێن گیانی نەبوون.
موقەدەم ئازاد تاھا بەرپرسێ راگەھاندنا ھاتن و چوونا پارێزگەھا دھۆکێ دیارکر کو ئەڤ رۆدانە ئەڤرۆ ل رۆژا ئەینی ل دەمژمێر ١١:٢٥ سپێدێ ل سەنتەرێ قەزا ئاکرێ پەیدابوویە دەمێ ترومبیلەک ژبن کونترولا شوفێری وەرگەریای، لێ خوشبەخاتە چو زیانێن گیانی نەبوون تنێ زیانێن مادی بەر ب ترومبیلێ کەفت.
ئەڤرۆ نیوز:
دادگەھا بروملی یا باشوری لەندەن دوھی بریار دا ستێرا بەرێ یا ئنگلیزی دێڤد بیکھام بۆ ماوێ شەش ھەیڤان ژ ھاژوتنا ترومبیلێ قەدەغە کر.
ئەڤ بریارا دادگەھێ دەرھەقی بێکھام دا ھات پشتی یاریزانێ ناڤبری ل ماوێ بوری موبایل بکارئینای د دەمێ ھاژوتنێ دا و پشتی دانپێدان ب ڤێ تومەتێ کر بەرامبەر دادوەری، دیسان دادگەھێ بریار دا ب کوژمێ ٧٥٠ جونیە ئسترلینی(٨٦٨) یورویا سزا بدەت دگەل مەزاختیێن پێرابوونێن دادوەری.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل شاندەکێ بالا یێ ئەمریکا کر کو پێکهاتبوون ژ دێیڤید ساترفیلد جێگرێ وەزیرێ دەرڤە یێ ئەمریکا بۆ کاروبارێن رۆژهەلاتا ناڤین ب وەکالەت و جەنەرال پاول لاکامێرا بەرپرسێ ئۆپەراسیۆنێن ل دژی داعشێ و بالیۆزێ ئەمریکا ل عیراقێ ژی د ناڤ شاندێ ئەمریکا دا جه گرتبوو.
د هەڤدیتنێ دا بەحسێ گوهۆرینێن دووماهیێ ل عیراقێ و کوردستانێ هاتنە کرن و شاندێ ئەمریکا کەیفخوەشیا خوە بۆ باشبوونا پەیوەندیێن هەرێما کوردستانێ و عیراقێ دیار کرن، شەرێ ل دژی داعشێ و مەترسیا وێ ل سەر عیراقێ و دەڤەرێ ب گشتی ژی تەوەرەکا دی یا هەڤدیتنا سەرۆک بارزانی و شاندێ ئەمریکی بوو.
ئەڤرۆ نیوز، بارزان مزووری:
ئەڤرۆ دەمژمێر ٢ پشتی نیڤرۆ رێککەفتی ٩ی ئایارێ ٢٠١٩ی دناڤ کومەلگەھا چرە سەر ب ناحیا قەسرۆک ڤە دناڤبەرا زێدەتری ٧٠ مەلاکێن کومەلگەھێ و جوتیارێن کومەلگەھێ شەرەک دروست بوو و بۆ ماوێ زێدەتری ٥٠ خولەکا شەر یێ بەردەوام بوو و پشتی گەھشتنا ھێزەکا مەزن ژ پولیس و ئاسایشێ ڤە شەر دناڤبەرا ھەردوو لایان ھاتە کۆنترۆلکرن.
موقەدمێ ماف پەروەر ھێمن سلێمان بەرپرسێ پشکا پەیوەندی و راگەھاندنێ ل رێڤەبەریا پولیسێن پارێزگەھا دھۆکێ راگەھاند پشتی ل کومەلگەھا چرە سەر ب قەزا شێخان ڤە تەقە دناڤبەرا مەلاک و جوتیارێن وێ کومەلگەھێ ڤە دروست بووی سەرا کێشەیەکا عەردێ چاندنێ ئێکسەر پولیسێن شێخان و دھۆک ل جھێ روودانێ بەرھەڤ بوون شەر ھاتە کۆنترۆل کرن، حەفت کەسێن تەقەکەر ھاتنە دەستەسەرکرن د ئەنجام دا بتنێ کەسەک ب سڤکی بریندار بوویە.
ناڤھاتی ئەو یەک ژی دیار کر د نھا دا رەوشا کومەلگەھێ یا ئارامە ژلایێ پولیسان ڤە یا ھاتیە کۆنترۆلکرن، ھەر کەسەکەکێ ب چەک ڤە ل وێ کومەلگەھێ بھێتە دیتن دێ ھێتە دەستەسەکرن ژ لایێ پولیسان ڤە.
ژلایەکێ دی ڤە ژێدەرەک دناڤ کومەلگەھا چرە کو نەڤیا ناڤێ وی دیار بیت بۆ ئەڤرۆ نیوز گوت: (خانیەک ھاتیە سوتن ھندەک ترۆمبێل ژی جامێن وان کەفتینە بەر گوللەیێن شەرکەرا).
ئەڤرۆ نیوز:
حەسیپ کاپلان ئەندامێ بەرێ یێ پەرلەمانێ تورکیا سەر ب پارتیا دیموکراتی یا گەلان راگەهاند کو پەیاما ئۆجەلانی و دوبارەکرنا هەلبژارتنان ل ئستەنبولێ ژێک جودا نینن، چونکو هەڤدیتنا پارێزەران ل گەل ئۆجەلانی ل ٢ مەهێ بوویە و ل شەشێ مەهێ هاتە بەلاڤکرن، ئەو یەک ژی جهێ گومانێ یە.
ناڤهاتی راگەهاند کو د بەرنامێ ئەردۆگانی و ئاکپارتیێ دا چارەکرنا پرسا کوردی نینە و ئەردۆگان و پارتیا وی نەشێن پرسا کوردی چارە بکەن.
ئەڤرۆ نیوز:
چاڤەرێ دھێتەکرن ب رێژەیا ھەرە مەزن ل مێرکاتویا بھێت ستێرا بەرازیلی و یاریزانێ ھێلا ناڤینا یانا بەرشەلۆنا ڤلپیپ کوتینھو بەر ب یانەکا دیڤە بچیت .
مالپەرێ “ESPN”: یێ ئیسپانی ئاشکراکریە یانا بەرشەلۆنا دخوازیت ل ھاڤینا بھێت یاریزانێ خوە یێ بەرازیلی بفروشیت ژبەرکو ئەو یاریزان ھەتا نوکە نەشیا وی ئاستێ چاڤەرێکری پێشکێش بکەت ھەر ژ ھاتنا خوە و ھەتا نوکە تایبەت ل وەرزێ ئەڤ سالە .
ئەوی مالپەری ئاماژە ب وێ چەندێ ژی کریە ھەڤبەستا کوتینھو ل سەر یانا لیڤەرپول گەھشتی یە ١٦٠ ملیون یورۆیا و یانا بەرشەلۆنا نوکە یا بەرھەڤە ب کوژمێ ١٠٥ ملیون یورۆیا ئەوی یاریزانێ خوە بفروشیت .
ھەژی گوتنێ یە ھەڤبەستا کوتینھو ل یانا بەرشەلۆنا د ھاتە ھژمارتن بھاترین ھەڤبەست د مێژویا یانێ دا دەمێ ژ یانا لیڤەرپول ھاتیە ڤەگوھاستن بوو یانا بەرشەلۆنا بەرامبەر ١٦٠ ملیون یورۆیا و نوکە ئەو یاریزان بوویە جھێ گرنگیا چەندین یانێن ئورۆپی.
ئه‌ڤرۆ نيوز:
یا باش ئەوە ھەموو رۆژیگر ل دەمێ پاشیڤێ چەرەزان بخۆن، ژبەرکو گەلەک ریشالۆک و کانزایێن ب مفا بۆ لەشی تێدا ھەنە.
ھەموو جۆرێن چەرەزان بۆ رۆژیگران ب مفانە یێن ب رۆژێ ھەست ب برسێ دکەن، ژبەرکو چەرەز عیرکێ مرۆڤی دادگرن و ل دەمێ پاشیڤێ دباشن.
چەرەزێن گەلەک باش ژی، فستەق یا دەولەمەندە ب پۆتاسیۆم و فسفۆر و مەگنیزیۆم و ریشالۆکێن خوارنێ، ھەروەسا رێژەیەکا کێم یا سۆدیۆمی تێدا ھەیە و بۆ نەخۆشێن فشارا خوینێ باشە، ھەروەسا رێژەیەکا کێم یا شەکرێ تێدا ھەیە و دبیتە خوارنەکا باش بۆ نەخۆشێن شەکرێ، ھەروەسا تڕشیێ ئەمینی و ھەژمارەکا جۆرێن دژەئەکسیدێ یێن بۆ ساخلەمیا دلی و دەمارێن خوینێ باش د ناڤ دا ھەنە.
ھەروەسا باھیڤ دەلیڤا تووشبوونێ ب جەلتێن دلی کێم دکەت و کولیسترۆلێ خراب د ناڤ خوینێ دا کێم دکەتو یا ھاریکارە بۆ بھێزکرنا ھەستی و ددانان.
زانا شیرەتان د کەن کو چەرەزێن سوور نەخۆن و ب شێوەیەکێ ناڤنجی بخۆن.
ئەڤرۆ نیوز:
یانێن ئنگلیزی ل سەر ریمونتادایا د بەردەوامن پشتی یانا لیڤەرپول شیای سەرکەفتنەکا مەزن ل سەر یانا بەرشەلۆنا توماربکەت ب چار گولان بێ بەرامبەر و ل شەڤا بوری یانا توتنھام شیا ریمونتادایەکا دی بوو یانێن ئنگلیزی ل وەرزێ ئەڤ سالە توماربکەت پشتی شیای پاشکەفتنا خوە ل گەل ئەیاکس ئەمستردام یا ھولەندی ب دو گولا بێ بەرامبەر بکەتە سەرکەفتن ب سێ گولان بەرامبەر دو گولان .
پشتی یاریێ راھێنەرێ ئەرژەنتینێ و یانا توتنھام پوچتینو بۆ دەزگەھێن راگەھاندنێ دیارکر ئەوی بەری یاریێ باوەریەکا مەزن ب یاریزانێن خوە ھەبوو دێ شێن سەرکەفتنێ و پلێتا دەربازبوونێ ب دەستخوڤە ئینن کو پشتی یاریا ئێکێ ل ئنگلتەرا ب دووماھیی ھاتی ئەوی دیارکر بوو ئەو دێ پلێتا دەربازبوونێ بۆ یاریا دووماھیا قارەمانیا چامپیونیز لیگ ل ھولەندا ب دەستخوڤە و سوپاس بوو ھەموو یاریزانان شیان وەکو قارەمان یاریێ بکەن و پشتی یاریێ ئەوی ب ئەوان گوت ھون قارەمانن تایبەت لوکاس مورا.
زێدەتر ناڤبری دیارکر گەھشتن بوو یاریا دووماھیا قارەمانیا چامپیونیز لیگ ب دەستکەفتیەکا مەزن دبینت و دێ بزاڤێ کەن بەردەوام بن ل سەر ڤێ دەستکەفتیا خوە ب دەستڤە ئینانا قارەمانیا چامپیونیز لیگ نوکە بوویە ئارمانجا ئەوان .
ل دووماھیێ ناڤبری ئاماژە ب وێ چەندێ ژی کر یانا ئەوان و لیڤەرپول ھەژی گەھشتنێ بوون بۆ یاریا دووماھیا قارەمانیێ .
ھەژی گوتنێ یە ل یاریا شەڤا بوری دناڤبەرا توتنھام و ئەیاکس ئەمستردام ئەوا ل یاریگەھا یوھان کریڤ ھاتنە کرن ل ھولەندا دەستپێکێ یانا ئەیاکس ل نیڤا ئێکێ ب دو گولان یا پێشکەڤتی بوو کو ب رێیا یاریزانێن خوە دی لینگیت ل دەقیقا ٥ و حەکیم زیاش ل دەقیقا ٣٥ پێشکەڤت و ل نیڤا دوێ یانا توتنھام شیا ریمونتادایەکێ توماربکەت و شیا سێ گولان ب رێیا ستێرا خوە یا بەرازیلی لوکاس مورا توماربکەت ٥٥ و ٥٩ و ٩٠+٦ و ب وی ئەنجامی یانا توتنھام شیا پلێتا دەربازبوونێ بوو یاریا دووماھیا قارەمانیێ ب دەستخوڤە بینت پشتی ل یاریا ئێکێ خوسارەت بووی ب گولەکێ بێ بەرامبەر و ل یاریا دوێ ب سێ گولان بەرامبەر دو گولان ب سەرکەفتی.
نيشاندان