ئەڤرۆنیوز، نەوزاد هلۆری:

رێڤەبەریا راگەهاندن و چاپ و بەلاڤكرنێ‌ ل دهوكێ‌ ب هەڤكاری ل گەل دو پەرتوكخانێن دهۆكێ‌ دێ‌ رابیت ب ڤەكرنا پێشانگەهەكا په‌رتۆكێ ل زانكۆیا جیهان.

بورهان یەحیا، پەیڤدارێ‌ رێڤەبەریا راگەهاندن و چاپ و بەلاڤكرنێ‌ بۆ ئەڤرۆنیوز گۆت: (ب مەرەما گرنگیدان ب خواندنا پەرتۆكێ‌ و خواندنێ‌، رێڤەبەریا مە ب هەڤكاری ل گەل هه‌ردو پەرتۆكخانێن جزیری و ناڤیان دێ‌ رابیت ب ئەنجامدانا پێشانگەهەكا پەرتۆكێ ل زانكۆیان جیهان).

زێدەتر گۆت: (پێشانگەهـ سوبەهی 25 شوبات 2019 ل دەمژمێر 10:00ێ‌ سپێدێ‌ دێ هێته‌ ڤه‌كرن و هەتا رۆژا 27ێ‌ شوبات 2019 دێ یا بەردەوام بیت، رۆژانە ل دەمژمێر 9:00ێ‌ سپێدێ‌ هەتا 3:00ێ‌ پشتی نیڤرۆ دێ‌ یا ڤەكری بیت، د پێشانگەهێ‌ دا دێ‌ دەهان ناڤ و نیشانێن پەرتوكێن جوراوجۆر هێنە نیشاندان ب زمانێن كوردی و عەرەبی و ئینگلیزی).

ئەڤرۆ نیۆز:
لیژنا دووڤچوونا دەرمان وکەرستێن ساخلەمیێ ب سەروکاتیا( جەھوەر عەلی)قائیمقامێ دھوکێ،ئەڤرو(2019/2/24)سەرەدانا نەخوشخانە وکومەلگەھ وکلینیکێن پزیشکی ل دھوکێ کرن.
قایمقامێ دھوکێ دیارکر لیژنا ناڤبری ژ چەندین رێڤەبەریان پێک دھێت وگوت لدیف راسپاردێن سەروکێ حکومەتا کوردستانێ ئەڤ لیژنە ھاتیە درستکرن ودوفچوونا دەرمان ونەخوشخانە وکومەلگەھێن پزیشکی دکەت ھەر جھەکێ پێگریێ ب رێنمایان نەکەت دێ روی ب روی سزایان بێت.
لدوماھیا ڤێ سەرەدانێ دا، کلینیکا ھندرین یا پزیشکی ل تاخێ رزکا ھاتە داخستن ژبەر نەپێگریا وان ب رێنمایان.

ئامێدیێ، مه‌حموود نهێلی

د رێ و رەسمەکی دا و ب ئامادەبوونا عەمید فەخری رێڤەبەرێ پولیسێن هاتنوچونا دهوکێ ئەڤرۆ ۲٤/۲/۲۰۱۸ رائيد بەیار ئیبراهیم وەک بەرپرسێ پشکا پولیسێن هاتنوچونا ئامێدیێ هاتە دانان.

رائيد (بەیار ئیبراهیم) بەرپرسێ نوو یێ پشکا پولیسێن هاتنوچونا ئامێدیێ بو ئەڤرۆ نیوز دیارکر، کو ئەڤ گوهورينه د ئاسایی و کارگێری نە و گۆت : پشتی دانانا من وەک بەرپرسێ پشکا پولیسێن ئامێدیێ، موقەدم جلال بەرپرسێ بەرێ هاتە ڤەگوهاستن بو ریڤەبەریا هاتنوچونا دهوکێ .

ناڤهاتی دەست خوەشی ل بەرپرسێ بەرێ کرن کو شیای د هەیاما کارێ خوەدا خزمەتەکا باش یا دەڤەرێ بکەت، و هیڤی ژی خواستن کو ئەو ژی بشێت ل سەر وێ خزمەتێ بەردەوام بیت

ئەڤرۆ نیوز،بارزان مزووری:
بەری ھەیڤەکێ دەوروبەرێن گورستانا ناحیا کەلکچی ببو جھێ کومکرنا پاشمایێن ئاڤاھیێن دھێن خراپکرن دناڤ سەنتەری پشتی دیفچوونەک ل روژناما ئەڤرو ھاتیە به لاڤكرن، ئەو پاشمایه ھاتن راکرن ژلایێ باژێرڤانیا ناحیێ ڤە ، بریار ھاته دان کو ھەرکەسێ پاشمایه کی بکەتە دەوروبەرێن گورستانێ بۆ دادگەھێ بھێت رەوانەکرن، بەلێ د نھا دا خودانێن کوگەھێن ھەلگرتنا پتاتا ھندەک ژوانا پتاتێن وان رزینە ب تەنا پتات کرینە دەوربەرێن گورستانێ کەسەک نەشێت ھاتنوچوونێ لێ بکەت ژبەر بھێنا وان .