ئه‌ڤرۆنيوز:
وه‌زاره‌تا ده‌رڤه‌يا ئه‌مريكى دبه‌ياننامه‌كێ دا ئاشكرا دكه‌ت كو ل كۆمبوونا دناڤبه‌را وه‌زيرێ ده‌رڤه‌ى ئه‌مريكى وبه‌رهه‌م سالحى دا ل به‌غدا، ره‌خنه ل هنارتنا په‌ترۆلا كه‌ركووكێ بۆ ئيرانێ ژلايێ ئێكه‌تيێ هاتيه كرن، به‌لێ به‌رهه‌م سالحى دبه‌ياننامه‌كێ دا ئه‌و بابه‌ته ڤه‌شارتيه.
وه‌زاره‌تا ده‌رڤه‌يا ئه‌مريكى دبه‌يانناما خوه دا دبێژيت” مايك پۆمبيۆ وه‌زيرێ ده‌رڤه‌يێ ئه‌مريكا ره‌خنه ل به‌رهه‌م سالح كر كو حزبا وى درێژيێ ب هنارتنا په‌ترۆلا كه‌ركووكێ بۆ ئيرانێ دده‌ت”.
دهێته زانين دبه‌يانناما ئه‌ڤرۆ چارشه‌مبى 9/1/2018 يا به‌رهه‌م سالحى دا كو پشتى كۆمبوونێ ل گه‌ل پۆمبيۆى به‌لاڤكرى، ب چو شێوه‌كى به‌حس ل ڤى بابه‌تى نه‌هاتيه كرن.
به‌رى چه‌ند رۆژان ژى دۆنالد ترامپ سه‌رۆكێ ئه‌مريكى دپه‌يڤه‌كێ دا ل دۆر ب قاچاخ فرۆتنا په‌ترۆلا كه‌ركووكێ، ره‌خنه ل كوردان گرتبوو كو هنده‌ك په‌ترۆل يا هه‌ى وێ ژى بۆ ئيرانێ دهنێرن.
نيشاندان
