ئهڤرۆ نيوز:
بهرپرسێ پهيوهندى و راگههاندنێ ل رێڤهبهريا بهرهڤانيا باژێرى ل دهۆكێ پلانا رۆژانێن نهورۆزێ راگههاند.
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى نووترين نووچه
جهبار ياوهر: ئهو پارێ بهغدا بۆ پێشمهرگهى د هنێرێت بههرا مووچێ نيڤا پێشمهرگهى ناكهت
ئهڤرۆ نيوز:
ئهميندارێ گشتى يێ وهزارهتا پێشمهرگهى راگههاند، ههيڤانه حوكمهتا عيراقێ بودجهكێ تايبهت كو 68 مليار دينارن بۆ مووچێ وهزارهتا پێشمهرگهى تهرخان كريه، بهلێ ئهو كۆژمێ پارهى بههرا مووچێ نيڤا هێزێن پێشمهرگهى ناكهت ههكه ب گۆرهى سيستهمێ مووچهى يێ پهيرهوكرى بدهنه هێزێن پێشمهرگهى.
جهبار ياوهر، ئهميندارێ گشتى يێ وهزارهتا پێشمهرگهى بۆ دهنگێ ئهمريكا راگههاند كو ماوێ نێزيكى دوسالايه ئهمريكا ههيڤانه 20 مليار ديناران ددهته وهزارهتا پێشمهرگهى بۆ مووچێ هێزێن پێشمهرگهى، حوكمهتا عيراقێ ژى ژبلى پشكا بوودجا ههرێمێ، ههيڤانه بودجهكا تايبهت ب 68 مليار ديناران بۆ مووچێ وهزارهتا پێشمهرگهى تهرخان كريه، بهلێ ئهو كۆژمێ پارهى بههرا نيڤا مووچێ هێزێن پێشمهرگهى ناكهت ههكه ب گۆرهى سيستهمێ مووچهى يێ پهيرهوكرى بدهنه هێزێن پێشمهرگهى.
ئاماژه ب وێ چهندێ ژى كر كو دڤێت ههيڤانه كۆژمێ نێزيكى 140 مليار ديناران بودجه ههبيت، “بهلێ ههكه مه بڤێت ب گۆرهى سيستهمێ بهرهڤانيا عيراقێ مووچهى بدهينه هێزێن پێشمهرگهى دڤێت ههيڤانه نێزيكى 280 مليار ديناران مه بودجه بۆ هێزێن پێشمهرگهى ل بهر دهست ههبيت”.
جهبار ياوهر دا زانين ژى كو د دو قانوونێن بودجا ئهمريكا دا كۆژمهكێ پارهى هاتيه تهرخانكرن بۆ هاريكاريكرنا پشكهكێ ژ هێزێن پێشمهرگهى كو شهرێ دژى داعش كريه ئهڤه ژى نێزيكى 26 هزار پێشمهرگايه كو مووچێ وان ژ وى كۆژمێ پارهى دهێته دان كو ههيڤانه 20 مليار ديناره.
كۆلبهرهكێ كورد ژ سهرمادا گيانێ خوه ژ دهست دا
ئەڤرۆ نیوز:
رێکخراوا مافێ مرۆڤی یا ھەنگاو راگەھاند کو کۆلبەرەکێ خەلکێ ئورمیێ ل سنورێن سەردەشت ژ ئەگەرێ سەرمایێ گیانێ خوە ژ دەست دا.
رێکخراوێ د راپۆرتەکێ دا کو دوھی ئێڤاری بەلاڤکریە ئاماژە ب وێ چەندێ کریە کو کۆلبەرەکێ خەلکێ دزە یا مەرگەوەری یا ئورمیێ ب ناڤێ شاکر میاوەقی، ل دەمێ کۆلبەریێ ل سنورێ سەردەشت گیانێ خوە ژ دەست دایە.
ئاماژە ب وێ چەندێ ژی کریە کو ئەو کۆلبەر ل سنورێ گۆندێن بێتوش و دەرماناوێ ژ ئەگەرێ سەرمایێ رەق بوویە.
ب گۆرەی ئامارێن رێکخراوا مافێ مرۆڤی یا ھەنگاو ژ دەستپێکا ئەڤ سالە ب کێمی 10 کۆلبەرێن کورد ژ ئەگەرێ سەرمایێ مرینە.
ھوشداریەک ل دۆر رێيا سێمێلێ
ئهڤرۆ نيوز:
راگە هاندنا دلشاد محمد طاهر،راگههاند ژبەر پێلا بارانێ ئەوا ئەڤرۆ پارێزگەھا دھوکێ ڤەگرتی و قە زا سێمێل ب تایبەتی داخاز ژ شوفێران دکەت
کو ژبهر كو سێمێل ـ جادا پرا سێمێل مهرینا پر بوویە ژ ئاڤا بارانان ئەفجا داخازێ ژ هەمی شوفێرا دکەین کو پێگیریێ ب رێنماین هاتن و چوونی بکەن و لەزاتیا ترومبێلێن خو کیم بکەن دا توشی چ گرفتین هاتن و چوونێ نە بن و سەر و مال سامانێ ھەوە یێ پاراستی بیت,
لهشكرێ عیراقێ وهێزێن یهپهشه ب شهر چوون
ب ڤیدیۆ- مامۆستایەک ب شێوهكێ جودا وانا هونەری ل قوتابخانێ دبێژیت
دو هاریكارێن نوو بۆ رێڤهبهرێ گشتی یێ پهروهردێ دهست بكاربوون
ئهڤرۆ نيوز:
وهزارهتا پهرهوهردێ ل ههرێما كوردستانێ سهرپهرشتیارهكا بسپۆرێ وهكو هاریكارا رێڤهبهرێ گشتی یێ پهروهردێ دياركر.
ل دووڤ بريارهكا وهزارهتا پهروهردێ (ساهره محهمهد حهسهن) وهكو هاریكارا رێڤهبهرێ گشتی يێ پهروهردا پارێزگهها دهۆكێ بۆ كاروبارێن كارگێری و دارایی ب وهكالهت هاته دياركرن.
ههروهسا سهرپهرشتیارێ كارگێری (سامان مستهفا) وهكو هاریكارێ رێڤهبهرێ گشتی يێ بۆ كاروبارێن تهكنیكی ب وهكالهت هاته دانان.
حوكمهت پێزانینێن نوو سهبارهت سێ مووچێن فهرمانبهران ئاشكرا دكهت
ئهڤرۆ نيوز:
پهیڤدارێ حوكمهتا ههرێما كوردستانێ سهفین دزهیی سهبارهت هنارتنا سێ مووچێن فهرمانبهرێن ههرێمێ ژ ئالیێ بهغدا ڤه، دیاركر ههتا نوكه بهغدا ب تنێ مووچێ ههیڤا سێ یێ فهرمانبهران یێ هنارتی، ژبلی 522 ملیاران، چو پارێ دی نههنارتیه.
سهفین دزهیی دیاركر ههر دهمێ بهغدا كوژمهكێ دی یێ پارهی هنارت، ئێكسهر دێ ب سهر مووچهخوران دا هێته بهلاڤكرن.
ئاگر بهردبیته كوگهههكێ ل زاخۆ
ئهڤرۆ نیوز ، عهلی حاجی :
ئهڤرۆ رۆژا ئێكشهمبێ 17/3/2019 ژئهگهرهكێ نهدیار دووردانهكا ئاگربهربوونێ دا ل زاخۆ ، ئاگر بهردبیته كوگهههكا كهلوپهلێن مالێ دا و پشكهكا وان كهلوپهلان دهێنه سوتن و پشكهكا دی ژی دهێنه رزگار كرن ژلایێ بنگههێ بهرهڤانیا باژێری ل زاخۆ .
بێوار عهبدولعهزیز ، بهرپرسێ راگههاندنا بههرڤانیا باژێرێ دهوكێ بۆ ئهڤرۆ نیوز گوت : پشتی ئهڤرۆ بهرهڤانیا باژێری ل زاخۆ هاتیه ئاگههدار كرن ل سهر ههبوونا روودانهكا ئاگربوونێ ل كوگهههكێ كهلوپهلێن ناڤ مالێ ل تاخێ ركاڤا نوو ل زاخۆ ، پشتی دهمهكێ كێم تیمێن مه گههشتنه جهێ روودانێ وشیان ههر زوو كونترولا وی ئاگری بكهن .
زێدهتر گوت : دوێ روودانێ دا بتنێ زیانێن ماددی ههبوون ، ب خوهشحالی ڤه تیمێن مه شیان چهندین كهلوپهلان ژناڤ وێ كوگههێ دا بیینه دهر و ب ڤێ چهندێ ژی زیانێن ماددی ل خودانێ وێ كوگههێ كێمتر بون .
بەرگریا شارستانی: ب کوژمێ ٢٢٠ ملیۆن دیناران زیان ب ھاولاتیان کەفتینە
ئەڤرۆ نیوز، عەلی حاجی :
د داخویانیەکێ دا بەرپرسێ راگەھاندنا بەرگریا شارستانیا پارێزگەھا دھۆکێ بۆ ئەڤرۆ نیوز دیارکر ژ ئەگەرێ ھاتنا بارانەکا زور و پەیدابوونا لەھیان ل پارێزگەھا دھوکێ ل دەمژمێر ٣:٠٠ی سپێدێ پروژەیەکێ خودانکرنا ماسیان ل گوندێ بێتاسێ ھەرفتی یە.
رائید بێوار عەبدولعەزیزی زێدەتر گۆت: پشتی ئەم ل دەمژێر ٣:٠٠ی سپێدێ ھاتینە ئاگەھدار کرن ل سەر ھەبونا روودانەکێ ل گوندێ بێتاسێ ، ئێکسەر تیمێن مە یێن بەرەڤانیا باژێری ل زاخۆ گەھشتنە جھێ روودانێ دیاربوو پروژەیەکێ خودان کرنا ماسیان ل بێتاسێ ھەرفتیە و بتنێ زیانێن ماددی بەر ب خودانێن پروژەی کەفتیە و چو زیانێن گیانی دوێ روودانی دا نەبون.
ناڤبری زێدەتر گۆت : نێزیکی ١٥ تەنێن ماسیا بەر ب خودانێ پروژەی کەفتینە و ھەر دیسان زیان ب بیستانێن دەروبەری وی پروژەی کەفتینە ، ل سەرانسەر پارێزگەھا دھوکێ ھەتا نوکە ٣٩ روودان ژئەگەرێ بارینا بارانێ دروست بوینە و نێزیکی کوژمێ ٢٢٠ ملیون دینارێن عێراقی زیان بەر ب ھاولاتیان کەفتینە و چو رووردانێن گیان ژدەست دانێ ژی نەھاتینە تومار کرن .
ل گورەی زانیاریێن ب دەست ئەڤرۆ نیوز کەفتین ئەڤرۆ ل روژا ئێک شەمبێ ل باژێرێ زاخۆ ٣ چایخانە و خارنگەھەکا ل بەر لێڤێن خابیری ژ ئەگەرێ بارینا رێژەیەکا زور یا بارانێ ئاڤ چوویە دوان جھان ڤە و زیانێن ماددی بەر ب خودانێن وان ژی کەڤتتیە.
نيشاندان
WP Facebook Auto Publish Powered By : XYZScripts.com