ئەڤرۆ نیوز:
د چارچۆڤێ کۆنفرانسێ ئاسایشێ ل میونشن بەری دەمەکێ شیرەتکارێ جڤاتا ئاسایشا هەرێما کوردستانێ مەسرور بارزانی ل گەل جێمز جێفری نوونەرێ تایبەتێ سەرۆکێ ئەمریکا بۆ کاروبارێن سووریا کۆمبوون و د کۆمبوونێ دا بەحسێ رەوشا سووریێ و رۆژئاڤایێ کوردستانێ هاتە کرن.
مەسرور بارزانی د کۆمبوونێ دا داخواز ژ ئەمریکا کر کو د چارەکرنا پرسا سووریێ دا دڤێت مافێن گەلێ کورد نەهێنە پشتگوه خستن.
هەژی ئاماژەپێدانێ یە کو ئەڤرۆ مەسرور بارزانی ل گەل گەلەک وەزیر و بەرپرسێن وەلاتێن جیهانێ کۆمبوو و د پرانیا کۆمبوونان دا ژی بەحسێ رەوشا رۆژهەلاتا ناڤین، سووریا، عیراقێ و کوردستانێ هاتە کرن.
ئەڤرۆ نیوز:
د چارچۆڤێ کۆنفرانسێ ٥٥ یێ میونشن ل ئەلمانیا شیرەتکارێ جڤاتا ئاسایشا هەرێما کوردستانێ مەسرور بارزانی ل گەل محەمەد جەواد زەریف وەزیرێ دەرڤە یێ ئیرانێ کۆمبوو و پشتی کۆمبوونێ وەزیرێ دەرڤە یێ ئیرانێ راگەهاند کو مە دڤێت پەیوەندیێن خوە یێن ئابووری و سیاسی ل گەل هەرێما کوردستانێ باشتر بکەین.
ژ ئالیێ خوە ڤە مەسرور بارزانی ژی راگەهاند کو مە کۆمبوونەکا باش ل گەل وەزیرێ دەرڤە یێ ئیرانێ ئەنجام دا و مە بەحسێ گەلەک بابەتێن گرنگ یێن گرێدای رەوشا سووریێ و عیراقێ و پەیوەندیێن کوردستانێ و ئیرانێ کر.
ئه‌ڤرۆنيوز:
برياره ل حه‌فتيا داهاتى، وه‌زاره‌تا دارايى وئابوورى ل هه‌رێما كوردستانێ ده‌ست ب به‌لاڤكرنا مووچێ هه‌يڤا 11 سالا 2018 يێن وه‌زاره‌تێن هه‌تا نوكه وه‌رنه‌گرتين بكه‌ت. ب ڤى شێوێ ل خوارێ دياركرى:
وه‌زاره‌تا ناڤخوه
وه‌زاره‌تا سامانێن سروشتى
وه‌زاره‌تا ئه‌وقاف وكاروبارين ئايينى
ريڤه‌به‌ريا گشتى يا ره‌گه‌زنامێ ل هه‌رێمێ
جڤاتا ئاسايشێ
ده‌زگه‌هێ گشتى يێ ئاسايشێ
هێزا زێره‌ڤانيێ
هێزا به‌رگريا فرياكه‌وتن
پۆليسێن په‌ترۆلێ وغازێ
وه‌زاره‌تا باژێرڤانيان وگه‌شتوگوزارێ
وه‌زاره‌تا چاندنێ
وه‌زاره‌تا كاره‌بێ
وه‌زاره‌تا پلاندانانێ
وه‌زاره‌تا ڤه‌گوهاستن وگه‌هاندنێ
ديوانا چاڤدێريا دارايى
ده‌سته‌يا مافێن مرۆڤ
ده‌سته‌يا وه‌به‌رئێنانێ
ده‌سته‌يا ده‌ستپاكيێ
ده‌سته‌يا ژينگه‌هێ
ده‌سته‌يا گشتى يا ده‌ڤه‌رێن كوردستانى يێن ده‌رڤه‌ى ئيدارا هه‌رێمێ
كۆمسيۆنا هه‌لبژارتن وراپرسيێ
ده‌زگه‌هێ گشتى يێ كاروبارێن مينان
وه‌زاره‌تا پيشه‌يازى وبازرگانى
وه‌زاره‌تا ره‌وشه‌نبيرى
وه‌زاره‌تا ئاڤه‌دانكرنێ
سه‌رۆكايه‌تيا هه‌رێمێ
سه‌رۆكايه‌تيا په‌رله‌مانى
جڤاتا وه‌زيران
خانه‌نشينێن له‌شكرى
خانه‌نشينێن مه‌ده‌نى
ئه‌ڤرۆنيوز:
ل درێژيا كۆمبوون ودانوستاندنێن ل دۆر پێكئينانا كابينا نوو يا حوكمه‌تا هه‌رێما كوردستانێ، سوباهى شه‌مبيێ 16/2/2019 شاندێ مه‌كته‌با سياسى يا پارتى ديموكراتى كوردستان وبزاڤا گۆران دێ جاره‌كادى ل سلێمانيێ كۆمبن.
برياره د وێ كۆمبوونێ دا هه‌ردو شاندێن پارتى وگۆران دووماهى پێشهات وگوهۆريێن تايبه‌ت ب پێكئينانا كابينا نوو يا حوكمه‌تا هه‌رێما كوردستانێ به‌حس بكه‌ن.
دوهى پێنجشه‌مبى 14/2/2019 شاندێ مه‌كته‌با سياسى يا پارتى وبزاڤا گۆران ل پيرمام كۆمببون وپشتى كۆمبوونێ په‌يڤدارێن هه‌رد لايه‌نان بۆ رۆژنامه‌ڤانان راگه‌هاندبوو كو لێكنێزيكبوونه‌كا باش ل دۆر پرسا پێكئينانا كابينا نوو يا حوكمه‌تا هه‌رێما كوردستانێ دناڤبه‌را هه‌ردو لايه‌نان دا هه‌يه.
ئەڤرۆنیۆز، سالار دۆسكی
پشتی ده‌مه‌كێ درێژ ژ بەرهەمێن نوو دووركەفتی، هونەرمەندێ سترانبێژ هەڤال ئیبراهیم نووترین سترانا خوە یا ب ناڤێ (رحا من گەلەك شرینە د دەستێ تەدا) ب دووماهی ئینایە و ژڤانە نێزیكترین دەم بەلاڤ بكەت
هونەرمەندێ ئاوازدانەر، یوسف رەمەزان كو خودانێ پەیڤ و ئاوازێن نووترین سترانا هونەرمەند هەڤال ئیبراهیمی یە یا بناڤێ (رحا من گەلەك شرینە د دەستێ تەدا) ل پەیجێ خوەیێ تایبەتێ فەیسبووكێ پارچەك ژ سترانا هەڤال ئیبراهیم یا نوو بەلاڤەكریە و تێدا ئاماژە كریە وێ چەند كو پەیڤ و ئاوزاێن ڤێ سترانێ یێن وی نه.
ئه‌ڤرۆنيوز:
كۆمسيۆنا بلند يا هه‌لبژارتنان وراپرسيێ ل هه‌رێما كوردستانێ دبه‌رپه‌رێ خوه يێ فه‌رمى دا ل سه‌ر تۆرا جڤاكى يا فه‌يسبووكى به‌لاڤكر، پشتى تمامبوونا هه‌موو پێرابوونان وده‌رچوونا فه‌رمانا خه‌رجكرنا پارێ كارمه‌ندێن گرێبه‌ستێن كۆمسيۆنێ بۆ رۆژا ده‌نگدانا په‌رله‌مانێ كوردستانێ، نوكه به‌لاڤكرنا پاره‌ى دقۆناغا دووماهيێ دايه.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ ئه‌ينيێ 15/2/2019 دچارچۆڤێ كۆنگرێ ئاسايشا جيهانى ل مونشن ل ئه‌لمانيا ل گه‌ل فالح فه‌ياز شيره‌تكارێ ئاسايشا نيشتمانى يا عيراقێ كۆمبوو.
دديداره‌كێ دا، مه‌سرور بارزانى دووپاتى ل سه‌ر پێدڤيا به‌رده‌واميا هاريكاريا ئه‌منى دناڤبه‌را هه‌ولێرێ وبه‌غدا كر.
هه‌ر د وێ كۆمبوونێ دا گرنگيا زڤرينا كاركرنێ ب ميكانيزما ئه‌منى يا هه‌ڤپشك دناڤبه‌را هێزێن پێشمه‌رگه‌ى وهێزێن عيراقى ل ده‌ڤه‌رێن تايبه‌ت ب مادێ 140 ڤه هاته به‌حسكرن ول دۆر زێده‌بوونا لڤين وكريارێن داعشێ ل پارێزگه‌هێن كه‌ركووك، نه‌ينه‌وا، سه‌لاحه‌دين، ديالا وپشكه‌ك ژ ئه‌نبار دلته‌نگى هاته نيشاندان.
مه‌سرور بارزانى دووپاتكر كو راوه‌ستاندنا داعشێ وئايديولۆژيا وێ پێدڤى ب هاريكاريا به‌رده‌وام دناڤبه‌را حوكمه‌تا هه‌رێما كوردستانێ وحوكمه‌تا فيدرال هه‌يه.
هه‌ر د وێ كۆمبوونێ دا هه‌ڤرايى هه‌بوو ل دۆر گرنگيا ئاساييكرنا ره‌وشا كه‌ركووكێ ل سه‌ر بنه‌مايێ وێ نه‌خشه‌رێيا دمادێ 140 يێ دستوورى هاتى.
ئەڤرۆ نیوز، نەوزاد هلۆری:
دو گەنجێن دەڤەرا بارزان پشتی ماندوبوونەکا زۆر و مەترسیا رێ ژبەر بەفر و سەرمایێ، گەهشتنە سەرێ چیایێ میسەکا و دولا هورێ کو چیایێن تژی بەفر و ئاسێ و بلند ل کوردستانێ دهێنە هژمارتن و گەشتەکا فوتوگرافی ئەنجامدا.
عەلی زوبێر، ئێک ژ وان گەنجایە بۆ ئەڤرۆ نیوز گوت: (ب مەرەما گەشتەکا فوتوگرافی، ئەڤرۆ ئه‌ينيێ 15/2/2019 مە قەستا چیایێ میسەکا و دولا هورێ کر کو ژ چیایێن مەزن و بلند و پر بەفرترین یێن کوردستانێ دهێنە هژمارتن، زێدەباری کو رێیەکا ب زەحمەت و دور و ب مەترسی بو ژبەر بەفرێ، بەلێ مە شیا کومەکا دیمەن و ڤیدیۆ و وێنەییێن جوان و نایاب بگرین و بکەینە ئەرشیف).
ئه‌ڤرۆنيوز:
پشتى ب دووماهى هاتنا كۆمبوونا دناڤبه‌را هه‌ردو شاندێن پارتى وئێكه‌تيێ ل سلێمانيێ، په‌يڤدارێن هه‌ردو لايه‌نان كونفرانسه‌كێ رۆژنامه‌ڤانى ئه‌نجامدا.
مەحمود محەمەد، په‌يڤدارێ فه‌رميێ پارتى ديموكراتى كوردستان گۆت” هه‌ردو حزب ب حوكمێ ديرۆكێ وخه‌باتێ، هه‌ست ب به‌رپرسياره‌تيێ دكه‌ن ولژنه بۆ چاره‌كرنا كێشان هاتنه پێكئينان”.
گۆت ژى” هه‌موو كێشێن مه كو گرێداى پێكئينانا حوكمه‌تێ وسه‌رۆكايه‌تيا هه‌رێمێ وكه‌ركووكێ هاتنه چاره‌كرن”.
دياركر ژى” ئه‌ڤ ره‌شنڤيسێ هاتيه به‌رهه‌ڤكرن سوباهى ژلايێ پارتى وئێكه‌تيێ ڤه دێ دانوستاندن ل سه‌ر هێته كرن وپاشى هه‌كه هاته په‌سه‌ندكرن، درێ وره‌سمه‌كى دا رێككه‌فتنا دناڤبه‌را پارتى وئێكه‌تيێ دێ هێته ئيمزاكرن”.
ژلايێ خوه‌ڤه سه‌عدى ئه‌حمه‌د پيره، په‌يڤدارێ فه‌رميێ ئێكه‌تيێ راگه‌هاند كو ئێكه‌تى دێ پشكداريێ دكۆمبوونا 18 ڤێ هه‌يڤێ يا په‌رله‌مانێ كوردستانێ دا كه‌ت.
گۆت ژى” ئه‌م رێككه‌فتين كو پارێزگه‌رێ كه‌ركووكێ ب رێككه‌فتن بهێته دانان وبۆ پرسا وه‌زاره‌تا داد يا عيراقێ بريار هاته دان كو ئه‌و پرسه بهێنه چاره‌كرن ب شێوه‌كى كو ل سه‌ر وى بابه‌تى ژى رێككه‌فتن هه‌بيت”.
نيشاندان