ئەڤرۆ نیوز. نەوزاد ھلوری:
ئەڤرۆ نیوز وەکو ئێکەم دەزگەھێ راگەھاندنێ، زێدەبارێ مەترسیێ پشتی دو دەمژمێران ب پیا ب شێوازەکێ مەیدانی دیمەنێن بوردومانا فروکێن تورکیا بۆ گەلیێ رەشاڤە بەلاڤ دکەت کو تێدا چوار کەس ھاتینە شەھیدکرن.
د دووڤچوونێ دا ئێک ژ کەس و کارێن قوربانیان دووماھی زانیاری ل جھێ روودانێ بۆ ئەڤرۆ نیوز بەحس دکەت.
ئه‌ڤرۆ نيوز:
ئه‌ندامه‌كا فراكسيۆنا پارتى ديموكراتى كوردستان ل جڤاتا نوونه‌رێن عيراقێ ئه‌و خالێن ئه‌رێنى ئاشكه‌را كرن كو د بوودجێ 2019ێ يێ عيراقێ دا ب خوه ڤه گرتينه و به‌رژه‌وه‌نديا خه‌لكێ كوردستانێ تێدايه.
هه‌دار بارزانى، ئه‌نداما فراكسۆنا پارتى ديموكراتى كوردستان ل جڤاتا نوونه‌رێن عيراقێ ل پێگه‌هێ خوه يێ تايبه‌ت ل تۆڕا جڤاكيا فه‌يسبۆكى به‌لاڤ كريه كو بوودجێ 2019ێ يێ عيراقێ كو شڤێدى ده‌نگ ل سه‌ر دا، د چه‌ند خالان دا د به‌رژه‌وه‌نديا خه‌لكێ كوردستانێ دايه.
هه‌دار بارزانى دده‌ت ئاشكه‌را كر كو هنارتنا مووچێ فه‌رمانبه‌ران و هێزێن پێشمه‌رگه‌ى بێ پاشكه‌فت، د سه‌ر هندێ دا هه‌كه كێشه ژى بكه‌ڤنه ناڤبه‌را هه‌ولێر و به‌غدا، ئه‌ڤه ژى ب گۆره‌ى برگا (ج) ژ ماددێ 10 يێ قانوونا بوودجێ.
دايه زانين ژى كو مه‌زاختنا شايسێن جوتيارێن هه‌رێما كوردستانێ يێ سالێن ناڤبه‌را 2014ێ هه‌تا 2016ێ ب گۆره‌يى ماددێ 30 يێ قانوونێ.
ئه‌نداما فراكسيۆنا پارتى ديموكراتى كوردستان ل جڤاتا نوونه‌رێن عيراقێ دبێژيت: “كه‌سوكارێن شه‌هيدان دێ هێنه قه‌ره‌بووكرن و بێسه‌رشوون بوويێن شه‌رێ داعش كو ئه‌و ژى ب گۆره‌ى ماددێ ژماره 20 يێ سالا 2009ێ و قانوونا ژماره 16 يا سالا 2010ێ و ماددێ (3، 5 و 7) يێن قانوونا بوودجا 2019ێ.
هه‌دار بارزانى ئاماژه ب وێ چه‌ندێ ژى كريه كو د بوودجا عيراقێ دا چه‌ندين پرۆژێن دى ژى بۆ باژارێن هه‌رێما كوردستانێ دێ هێنه ئه‌نجام دان.
هه‌ر ب گۆره‌ى پێزانينێن ئه‌ڤرۆ نيوز بڕياره ژ دەرڤەی بوودجەیێ شەش ملیار دینار بۆ هندەک باژێرێن کوردستانێ ب دەست ڤە هاتينه كو ئه‌وى پارەى چ پەیوەندی ب بووجەدیا گشتی یا عيراقێ ڤه نینە ب تنێ دێ تایبەت بن بۆ پڕۆژێن جودا یێن ئاڤەدانکرنێ ب ره‌نگه‌كى هەڵەبجە دو ملیار دینار و قەڵادزێ دو ملیار دینار و دهۆک ئێک ملیار دینار و سۆران ژی ئێك ملیار دینار.
ئه‌ڤرۆ نيوز، نه‌وزاد زاده:
فروكه‌یێن له‌شكه‌رێ توركیا دوهى 23ى كانوونا دويێ 2019 گه‌لیێ ره‌شاڤه ل سنورێ ناحیا دێرالۆك بوردومانكر و چار كه‌س هاتينه شه‌هيد كرن كو هێشتا ته‌رمێ دو كه‌سان نه‌هاتيه ديتن و دو كه‌سێن دژى دبێ سه‌روشوونن.
د به‌ياننامه‌كا نه‌رازيبوونێ دا، فراكسيۆنا پارتى ديموكراتى كوردستان ئيدانا بۆردۆمانا توركيا ل ده‌ڤه‌را دێرالۆك ل قه‌زا ئامێديێ دكه‌ت و رادگه‌هينيت كو بۆردۆمانا خه‌لكێ سڤيل ل هه‌رێما كوردستانێ چو به‌هانه نينن.
عومه‌ر ئوره‌ى به‌رپرسێ لقا 18 يا پارتى ديموكراتى كوردستان ئاشكه‌را كر كو هه‌تا نها 16 كه‌س ل سنورێ قه‌زا ئامێديێ ژ ئه‌نجامێ بۆردۆمانێن فرۆكێن توركيا گيانێ خوه ژ ده‌ست دايه.
د رێ و ره‌سمه‌كى دا، به‌رى ده‌مه‌كێ كێم ل ناحيا دێرالۆك ته‌رمێ وان هه‌ردو شه‌هيدان هاتنه ڤه‌شارتن.
ئه‌ڤرۆ نيوز:
فراكسيۆنا پارتى ديموكراتى كوردستان ئيدانا بۆردۆمانا توركيا ل ده‌ڤه‌را دێرالۆك ل قه‌زا ئامێديێ دكه‌ت و رادگه‌هينيت كو بۆردۆمانا خه‌لكێ سڤيل ل هه‌رێما كوردستانێ چو به‌هانه نينن.
ده‌قێ راگه‌هاندنێ:
ب مخابنى ڤه جاره‌كا دى ژ ئه‌گه‌رێ بۆردۆمانا توركيا ل ده‌ڤه‌رێن سنورى يێن نێزيك باژێركێ دێرالۆك يا سه‌ر ب قه‌زا ئامێديێ دو وه‌لاتى شه‌هيدبوون و دو كه‌س ژى دبێ سه‌روشوونن.
سه‌ره‌راى سه‌ره‌خۆشيا فراكسيۆنا پارتى بۆ بنه‌مالا شه‌هيدان، هيڤيا دياربوونا چاره‌نڤيسێ بێسه‌روشوون بوويان دخوازين، جاره‌كا دى ته‌كتس ل سه‌ر هه‌لويستێ خوه يێ نه‌گۆڕ دكه‌ين كو بۆردۆمانا خه‌لكێ سڤيلێ هه‌رێما كوردستانێ چو به‌هانه نينن و ب دژوار ئيدانه دكه‌ين و پێدڤيه ئه‌و هێزێن بووينه ئه‌گه‌رێ بۆردۆمانێ ململانێ يا خوه نه‌كه‌ن دا كو خه‌لكێ سڤيل و گۆندێن هه‌رێما كوردستانێ نه‌بنه قوربانى.
فراكسيۆنا پارتى
ل په‌رله‌مانێ كوردستانێ
23ى كانوونا دويێ 2019
ئه‌ڤرۆ نیوز:
پشتی د روونشتنا دوهی یا په‌رله‌مانی دا بودجا گشتی یا عیراقێ هاتیه په‌سه‌ند كرن، بڕیاره ئه‌ڤرۆ ب به‌رهه‌ڤبوونا عادل عه‌بدولمه‌هدی سه‌رۆك وه‌زیرێن عیراقێ، په‌رله‌مان ده‌نگی ل سه‌ر به‌ربژارێن وه‌زاره‌تا په‌روه‌ردێ و داد بده‌ت، ئه‌ڤه د ده‌مه‌كی دایه پشتی كو د رووشنتنا دوهی دا نه‌شیای ده‌نگی ل سه‌ر بده‌ت.
به‌ربژارێ وه‌زاره‌تا داد ئه‌ركان قادره كو دادوه‌ره‌كێ خه‌لكێ كه‌ركووكێ یه و سه‌ڤانه حه‌مدان ژی بۆ وه‌زاره‌تا په‌روه‌ردێ.
ئەڤرۆ نیوز٬ عەلی حاجی:
ئەڤرۆ ل روژا چارشەمبێ رێکەفتی ۲۳/۱/۲۰۱۹ پێشمەرگەیەکێ فەرماندا دهوکێ بناڤێ ( ئەمین عیسا رەشو) خەلکێ ناحا دەرکارێ ل روویدانەکا نەدیار دا گیانێ خوە ژدەست دا.
رەشید عیسا رەشو٬ برایێ پێشمەرگەیێ گیانێ خوە ژدەست دای بۆ ئەڤرۆ نیۆز گوت : سەرەرای برایێ من پێشمەرگە بوو ل فەرماندا دهوک بەلێ کارێ شڤانیێ ژی دکر و تەرش و تەوال خودان دکر و روژانە کارێ خوەدکر پشتی ئەڤرو ب کارێ شڤانیێ چویە گوندێ نوردینا ئەڤرو ئێڤاری ل دەمژمێر ۳:۰۰ی ئێڤاری دەنگ و باسێ گیان ژدەست دانا برایێ من گەهشتە من پشتی ئەم گەهشتینە جهێ روویدانێ هندەک کەسان لەشێ وی گەهاندن بونە نەخوشخانێ .
ناڤبری زێدەتر گوت : هەتا نوکە ئەم ئەگەرێ سەرەکیێ مرنا برایێ خوە نزانین بەلێ ل هندەک کەس وەسا بو مە دیار کر کو ژ ئەگەرێ هەبونا مینەکێ گیانێ خوە ژدەست دایە و هندەک ژی دبێژن ژئەگەرێ بوردومانا فروکێن بێ روکەڤانێت تورکیا گیانێ خوە ژدەست دایە و هتا نوکە ئەم چاڤەرێ ئەگەرێن مرنا برای خوەنە .
ئه‌ڤرۆ نيوز:
په‌رله‌مانێ عيراقێ ده‌نگ ل سه‌ر ماددێ، گرێداى ب هنارتنا مووچێ پێشمه‌رگه و فه‌رمانبه‌ران د بودجێ عيراقێ دا دا و ئه‌و ماده هاته په‌سه‌ندكرن، كو ل گور مادێ 10 ژ پرۆژه قانوونا بودجێ عيراقێ ،حوكمه‌تا عيراقێ هاتيه پابه‌ندكرن ب هنارتنا مووچێ فه‌رمانبه‌ر و پێشمه‌رگه‌ى ئه‌گه‌ر حوكمه‌تا هه‌رێمێ پابه‌ند نه‌بيت ب راده‌ستكرنا هه‌يڤانه يا 250 هزار به‌رميلێن نه‌فتێ ب كومپانيا سومو.
ئه‌ڤرۆ نیوز، مه‌حمود نهێلى
فروكه‌یێن له‌شكه‌رێ توركیا ئێڤاریا ئه‌ڤرۆ 23/1/2019 گه‌لیێ ره‌شاڤه ل سنورێ ناحیا دێره‌لۆك بوردومانكر و ل گور زانیاریێن ده‌سپێكى د ئه‌نجامێ دا شه‌هید و بریندار هه‌نه.
ئێك ژ كه‌س و كارێن قوربانیان ب ناڤێ (ش . ش) بۆ ئه‌ڤرۆ نیوز دیار كر، كو ئه‌ڤرۆ زارۆیێن وانا چوونه پشتا گه‌لیێ ره‌شاڤه بۆ مه‌به‌ستا نێچیرا ماسیان و گۆت: ( ئێڤاریا ئه‌ڤرۆ ئه‌و ژ لایێ چه‌كدارێن په‌كه‌كى ڤه هاتینه ئاگه‌هداركرن كو زارۆیێن وانا ژلایێ فرۆكه‌یێن توركیا ڤه هاتینه بوردومانكرن و شه‌هید و بریندار ژى هه‌نه.
وى كه‌سى دیار ژى كر كو نوكه ئه‌و ل گه‌لیێ ره‌شاڤانه و چاڤه‌رێ لژنا ته‌نسیقێ نه بۆ وێ یه‌كێ ده‌رباز ببن و بشێن ب زانن چه‌ند شه‌هید و بریندار هه‌نه لێ بۆ وان وه‌سا هاتینه دیار كرن كو تا نوكه دو كه‌س ژ وانا شه‌هید بووینه.
قایمقامێ قه‌زا ئامێدیێ بۆ ئه‌ڤرۆ نیوز دياركر ئه‌و هێشتا نه‌شیانه بچنه جهێ روودانێ لێ ل دووڤ زانیاریێن ده‌سپێكى تا نوكه بۆ وان دیار بوویه كو دوو هاولاتى شه‌هید دوو ژى بریندار بوونه.
:ئه‌ڤرۆ نیوز، نه‌وزاد هلۆرى
رێڤه‌به‌رێ ناحیا كانى ماسێ دیاركر كو ئه‌ڤه دوو روژه خالا سنوورى یا سه‌ر زێر هاتیه گرتن و بزاڤا بازرگانیا سنوودار و هاتنووچۆنا گه‌شتیار و جڤاكى راوستایه، به‌لێ بزاڤێن خورت هه‌نه كو چه‌ند روژێن بهێت بهێته‌ڤه‌كرن و دووباره بكه‌ڤیته دخزمه‌تا گه‌شتیار و وه‌لاتیان دا.
سه‌ربه‌ست ئاكره‌ى زێده‌تر گۆت: (ل نێزیك خالا سنوورى یا سه‌ر زێر دێ بیته ئێك ژ ده‌رگه‌هێن نیڤده‌وله‌تى و بریاره هه‌یڤا شوباتا داهاتى دیزانیا وێ ته‌مام ببیت كو ئه‌و ژى چێكرنا رێكێ و به‌رفره‌هكرنێ بخوڤه دگریت ل سه‌ر زێر تا دگه‌هیته تونێلا مه‌تینى دێ بخوڤه گریت و ب رێژا 75% ژ لایێ توركیاڤه دوماهى هاتیه و كوژمێ 500 ملیون دینار ژلایى حوكمه‌تا هه‌رێما كوردستانێ دێ بو هێنه مه‌زاختن و ده‌مه‌كێ نێزیك دێ ژلایێ هه‌رێما كوردستانێ ژى كه‌ڤیته دوارێ بجهكرنێ دا
ئه‌ڤرۆ نیوز:
ئه‌حمه‌د سه‌فار ئه‌ندامێ لژنا دارایى ل په‌رله‌مانێ عیراقێ بۆ ئه‌ڤرۆ نیوز دیاركر وان ده‌نگێن پێدڤى بۆ ده‌ربازكرنا مادێ 10 ژ پرۆژه قانوونا بودجه‌ى كو گرێدایه ب مووچێن فه‌رمانبه‌ران و پێشمه‌رگه‌ى ڤه خرڤه‌كرینه و دێ بودجه د به‌رژه‌وه‌ندا خه‌لكێ كوردستانێ دا ده‌رباز بیت و گۆت: شڤێدى هنده‌ك نه‌رازیبوون ل سه‌ر ڤێ برگێ هه‌بوو، به‌لێ تا ده‌مژمێر 3 ى شه‌ڤ ئه‌م ددانوستاندنان دابووین و ئه‌م شیاین ره‌وتا حكمه و ده‌وله‌تا قانوون ژى رازى كه‌ن كو ده‌نگى بده‌نه ڤێ ماده‌ى.
مادێ 10 ژ پرۆژه بودجێ عیراقێ به‌حسێ وێ یه‌كێ دكه‌ت كو حوكمه‌تا عیراقێ مووچێ فه‌رمانبه‌ران ب پرسێن سیاسى ڤه گرێنه‌ده‌ت و هه‌رێم مولزم نه‌كه‌ت ب هنارتنا 250 هزار به‌رمیلێن رۆژانه.
ئه‌حمه‌د سه‌فار دیاركر ژى ئه‌گه‌ر خوه ئه‌ڤ ماده ده‌نگان ژى نه‌ئینیت، ل دووڤ نه‌سێ حوكومى كو بودجێ بۆ هه‌رێمێ هاتیه دیاركرن و بهایێ 250 هزار به‌رمیلێن رۆژانه ژبه‌ر هه‌رێمێ ببرن ل سه‌ر 56 دولاران،دێ هه‌ر د به‌رژه‌وه‌ندا مووچه‌خورێن هه‌رێما كوردستانێ دا بیت و دشیاندابیت ل گه‌ل هه‌رێمێ مووچه پێ بهێنه دابینكرن.
نيشاندان