ئهڤرۆ نيوز:
رێيا گهليێ بێسرێ ژ زاويته بۆ دهۆكێ هاتيه گرتن و هندهك كهڤر هاتينه خوار و لايهنێن شولهژێ ژى مژوولى چارهكرنا وێ كێشێ نه
نووترين نووچه
- ئیراق و ئەمریكا دوپاتیێ ل هنارتنا پەترۆلا هەرێما كوردستانێ دكەن
- ژ بەر پڕۆژە قانوونا حەشدا شەعبی دێ قەیرانەكا مەزن ل ئیراقێ پەیدا بیت
- پەترۆل ئاستەنگ بوو ل پێشبەری كێشەیا مووچەی ئەو ژی چارەسەر بوو
- بەغدا ب هێزبوونا هەرێما كوردستانێ ب لاوازبوونا خوە دزانیت
- ل گەل هەرێما كوردستانێ دووماهی خالا رێكا گەشەپێدانێ دێ دیار كەین
- حوكمەتا ئیراقێ مفا ژ ئەزموونا هەرێما كوردستانێ وەرگرتیە
- سیاسەتمەدارێن كورد و ئیراقی سالڤەگەڕا دامەزراندنا پارتی ل سەرۆك بارزانی پیرۆز دكەن
- رێككەفتن ل سەر پەترۆلێ هاتیە كرن و نابیت دادگەها فیدرال دەستێوەردانێ بكەت
- ل سەر پێكئینانا كابینەیا نوو یا حوكمەتا هەرێمێ رێككەفتین
- پارتی و ئێكەتی بزاڤێ دكەن بەری هەلبژارتنێن ئیراقێ كابینەیا دەهێ بهێتە پێئكینان
سهرهكى نووترين نووچه
سهرۆك بارزانی ل گهل شاهێ ئوردنێ كۆمبوو
ئهڤرۆ نیوز:
سهرۆك مهسعود بارزانی د سهرهدانهكێ دا بۆ وهلاتێ ئوردن ل گهل عهبدولایێ دویێ شاهێ ئوردنێ كۆمبوو.
سهرۆك مهسعود بارزانی ل سهر داخوازهكا فهرمی یا شاه عهبدوللا شاهێ ئوردنێ، ب ههڤالینیا شاندهكی ب رێیا فرۆكخانا نێڤدهولهتیا ههولێرێ ئهڤرۆ گههشته ئوردنێ.
سهرۆك بارزانی ل عهممانا پایتهختێ ئوردنێ ژ لایێ ئهمیر فهیسهل برایێ شاهێ ئوردنێ ڤه پێشوازی لێ هاته كرن و ل دووڤ دا سهرۆك بارزانی ژ ئالیێ شاه عهبدولا ڤه هاته پێشوازیكرن و د كۆمبوونهكێ دا ههردو ئالیان پهیوهندیێن د ناڤبهرا وان دا و رێیێن پتر پێشخستنا هاریكاریا د ناڤبهرا ئوردن و ههرێما كوردستانێ دا د وارێن جودا دا گهنگهشه كرن.
بریارهك ل دۆر تهكسیان دهێته دهركرن
ئهڤرۆنیوز:
وهزارهتا ناڤخو ل ههرێما كوردستانێ بریارهك ل دۆر رێكخستنا كارێ تهكسیان دهركر وژنوكه وپێڤه ههموو خودانێن تهكسیان دێ هێنه پێگیریكرن كو هژمارا تهلهفۆنێن ئاسایشێ وپۆلیسان وتوندوتیژیێ ل تهكسیێن خوه بدهن ومۆلهتێن وان ژی دێ هێنه گوهۆرین.
وهزارهتا ناڤخوه ل ههرێمێ بۆ رێكخستنا كارێ تهكسیان ل ههرێما كوردستانێ ل گهل ههموو رێڤهبهریێن هاتنوچوونێ كۆمبوویه وچهند بریار ژی دهركرینه.
د وێ كۆمبوونێ دا، ل دووڤ مالپهرێ كوردستان تی ڤی، بریار هاتیه دان كو ئهو كهسێن كارێ شوفێریا تهكسیان دكهن پێدڤیه دمۆلهتێن وان دا (شوفێرێ تهكسیێ) بهێته نڤیسین ول پاشهرۆژێ دا ههر كهسهك بخوازیت ژ دهستپێكێ كارێ تهكسیێ بكهت، ئهو مۆلهت دێ بۆ هێته دهركرن وئهوێن پێشتر مۆلهت ههی ددهمێ نووكرنا مۆلهتێن خوه، دێ ل سهر مۆلهتێن وان ژی (شوفێرێ تهكسیێ) هێته نڤیسین.
ههر د وێ كۆمبوونێ دا بریار هاتیه دان، دناڤ ههر تهكسیهكێ دا ستیكهرهك بۆ ههموو شوفێرهكێ تهكسیێ بهێته دروستكرن كو ل پشتا كوشنێ شوفێری بهێته هلاویستن وتێدا هژمارا هێلا گهرم یا توندوتیژیێ وپۆلیسان وئاسایشێ بهێته نڤیسین.
وهزارهتا ڤهگوهاستنێ وگههاندنێ ژی ل ههرێما كوردستانێ بریار دایه ب رێیا هێمایهكێ رهنگاورهنگ بۆ ههر پارێزگهههكێ جۆرێ كاركرنا تهكسیان بهێته دیاركرن.
مهسرور بارزانی: پێشڤهچوونا پهیوهندیێن بهغدا وههولێرێ قۆناغهكا ئهرێنی یه
ئهڤرۆنیوز:
شیرهتكارێ جڤاتا ئاسایشا ههرێما كوردستانێ، مهسرور بارزانی، ئهڤرۆ ئێكشهمبی 27/1/2019 پێشوازی ل ئهندرۆ پیك جێگرێ هاریكارێ وهزیرێ دهرڤهیێ ئهمریكا بۆ كاروبارێن عیراقێ وئیرانێ وشاندێ دگهلدا كر.
ددیدارهكێ دا دووپاتی ل سهر گرنگیا ئاساییكرنا رهوشا دهڤهرێن كوردستانی یێن دهرڤهی ئیدارا ههرێما كوردستانێ هاته كرن، ب مهرهما دهلیڤه نهدانێ و رێگرتن ل سهرهلدانا مهترسیا تیرۆرێ ونه سهقامگیریی، مهسرور بارزانی ب پێدڤی زانی كو پێنگاڤێن چارهسهریا رهوشا وان دهڤهران ب شێوهكێ ههڤپشك ب رێیا دامودهزگههێن فهرمی ودستووری یێن عیراقێ وههرێما كوردستانێ بیت.
ئهندرۆ پیك، پێگههێ ههرێما كوردستانێ دسهقامگیریا دهڤهرێ دا ب گرنگ هژمارت ودووپاتی ل پێشڤهبرنا پهیوهندیان وكارێ ههڤپشك دناڤبهرا ههردو لایهنان دا كر.
مهسرور بارزانی پێشڤهچوونا پهیوهندیێن دناڤبهرا بهغدا وههولێرێ ب قۆناغهكا ئهرێنی هژمارت وهیڤی خواست كو ئهمریكا ودۆستێن عیراقێ رۆلهكێ كاراتر و بهرفرههتر ببینن ژبۆ چارهسهریا ههموو كێشێن ههلاویستی.
سهرۆك بارزانى گههشته ئوردن
مەسرور بارزانی: کرستیان پشکەکن ژ ھەرێما کوردستانێ
ئەڤرۆ نیوز:
ئەڤرۆ رۆژا ئێکشەمبی ٢٧-١-٢٠١٩ مەسرور بارزانی شیرەتکارێ جڤاتا ئاسایشا ھەرێما کوردستانێ پێشوازی ل پاتریاک مار ئەگناتیوس ئەفرامێ دویێ پاتریکێ ئەنتاکیا و رۆژھەلات و سەرۆکێ کەنیسەیا سریانی ئەرتۆدوکس ل جیھانێ و شاندێ دگەل دا کر.
د دیدارەکێ دا شاندێ مێڤان سوپاسیا سەرکردایەتیا سیاسی و حوکمەتا ھەرێما کوردستانێ بەرامبەر حەواندن و پێشوازیا کرستیانێن عیراقێ ل ھەرێمێ کر، دیسان د ڤێ دیدارێ دا ئاماژە ب پەیوەندیێن مێژوویی یێن ناڤبەرا کرستیان و گەلێ کورد دا ھاتەکرن و تەکەست ل سەر پێکڤەژیانا ئاشتیانە و چارەنڤیسێ پێکڤە دگەل ھەموو گەلێ کوردستانێ کر و ئەڤ پەیوەندیە بوویە خالەکا بھێز بۆ ھەموو خەلکێ ھەرێما کوردستانێ.
دیسان پاتریاک مار ئەگناتیۆس حەواندنا کرستیانێن دەڤەرێ ل ھەرێما کوردستانێ ب بلند نرخاند و دلگرانیا خوە ھەمبەر ھندەک گروپێن چەکدار دیارکر کو کرستیانێن دەڤەرێ نەچارکرینە مال و حالێ خوە بجە بھێلن.
ل دووماھیێ ھیڤیا سەقامگیری و پێشکەفتنا زێدەتر بۆ ھەرێما کوردستانێ خاست و داخواز ژ کومەلگەھێن نێڤدەولەتی ژی کر پێدڤیە زێدەتر ھاریکاریا ھەرێما کوردستانێ بکەن بۆ چارەسەرکرنا رەوشا دەڤەرێ.
نێچيرڤان بارزانى ههلويستێ حوكمهتێ ل سهر بوودجێ راگههاند
ئهڤرۆ نيوز:
سهرۆكێ حوكمهتا ههرێما كوردستانێ د كۆنگرهكێ رۆژنامهڤانى دا راگههاند، تێبينيێن خوه د ددهربارهى بوودجێ 2019ێ يێ عيراقێ دا ههبووينه.
نێچيرڤان بارزانى گۆت: “مه ههموو بزاڤ كرينه دا كو كێشان ل گهل بهغدا د چارچۆڤێ دستوورى دا چاره بكهين و پێنگاڤێن باش ژى بۆ ڤێ چهندێ هاتينه هاڤێتن”.
دهربارهى روودانێن شێلادزێ ژى ههڤخهمى و ههڤسۆزيا خوه بۆ بريندار و قوربانێن روودانێ دهربرى و گۆت: “ئهوا رووداى تشتهكێ گهلهك نهخۆش بوو”. دووپاتى ل سهر سياسهتا حوكمهتا ههرێما كوردستانێ كر كو نهڤێت ئاخا كوردستانێ بۆ دژاتيكرن و هێرشكرنا سهر وهلاتێن ههڤسۆ بهێته بكارئينان.
روون ژى كر كو ئهڤا رووددهت ژ ئهگهرێ وێ چهندێ يه كو هندهك حزبان ل ناڤ ئاخا ههرێمێ دكهت و هێرشێ دكهته سهر وهلاتيێن ههڤسۆ، “لژنهك ژى بۆ ڤهكۆلينێ هاتيه پێكئينان”.
ل دۆر پێكئينانا كابينا نوو ژى گۆت: “نها دانوستاندنێن رژد ههنه و رۆژا سێشهمبيا داهاتى ژى كۆمبوونهكا دى دێ بۆ ڤێ مهرهمێ ههبيت”.
زيانڤێكهفتيێن دهستێ داعش دێ هێنه قهرهبووكرن
ئهڤرۆ نيوز:
ئهندامهكا لژنا شههيدان ل جڤاتا نوونهرێن عيراقێ دياركر كو لژنا قهرهبووكرنا زيانڤێكهفتيێن شهرێ داعش دهست ب كار بوو و د پرۆژێ قانوونا بوودجهى ژى دا پاره بۆ هاتينه تهرخانكرن، ژ بهر هندێ ههر كهسهكێ زيان ب بهركهفتى دێ هێته قهرهبووكرن.
ههدار بارزانى بۆ مالپهرێ فهرميێ پارتى ديموكراتى كوردستان راگههاند كو ئهو كهسێن ل شهرێ تيرۆرستێن داعش زيان ب بهركهفتين وهكو شههيد و بريندار و بێسهروشوونان، ب گۆرهى قانوونا ژماره 20 دێ هێنه قهرهبووكرن و د پرۆژێ قانوونا بوودجێ دا پاره بۆ هاتينه تهرخانكرن.
ئاشكهرا ژى كر كو پێشتر ژى ئهو لژنه ههبوويه، بهلێ يا كارا نهبوو، “مه ل گهل وهزارهتا شههيد و كاروبارێن ئهنفالكريان و وهزارهتا پێشمهرگهى بزاڤێ دكهين رێيێن قانوونى ببينين دا كو زيانڤێكهفتين ب رهنگهكێ ب ساناهى قهرهبوو بكهن”.
گۆتژى: “ههر كهسهكێ زيان ب بهركهفتى، دشێت دوسيا خوه پێش كێش بكهت، پاشان ژى لژنێ بڕيار دايه كا كى بهێته قهرهبووكرن و چاوان بهێته قهرهبووكرن و دێ كێ ڤهگريت، بهلێ ئهوا گرنگ، بڕيارا قهربووكرنێ دهركهفتيه”.
رێڤهبهرێ پۆليسێن كهركووك و 23 ئهفسهر و كارمهندێن پۆليسان هاتنه دهستهسهركرن
ئهڤرۆ نيوز:
ژێدهرهكێ ئهمنى ئهڤرۆ رۆژا ئێكشهمبى راگههاند كو نڤيسينگهها سهرپهرشتيارێ گشتى ل وهزارهتا ناڤخۆ يا عيراقێ، رێڤهبهرێ پۆليسێن هاتنوچوونا كهركووك و 23 ئهفسهر و كارمهندێن ژ پۆليسێن كهركووك دهستهسهركرن.
ئهوى ژێدهرى بۆ سومهريه نيوز گۆت: “نڤيسينگهها سهرپهرشتيارێ گشتى ل وهزارهتا ناڤخۆ يا عيراقێ، عهقيد شێرزاد ئهحمهد محهمهد، رێڤهبهرێ پۆليسێن هاتنوچوونا كهركووك ب تاوانا تۆماركرنا ترۆمبێللان ب رهنگهكێ نهيێ قانوونى دهستهسهركريه”.
ئهوى ژێدهرى ئاماژه ب وێ چهندێ ژى كريه كو نڤيسينگهها سهرپهرشتيارێ گشتى، رێڤهبهرێ پۆليسێن رهحيماوا و ئهفسهرهكێ نههێلانا تاوانان ل بنگههى و دو ئهفسهرێن دى و 19 كارمهندێن دى يێن پۆليسان دهستهسهركرن.
دهستهسهركرنا رێڤهبهرێ و ئهفسهر و كارمهندێن بنگههێ پۆليسێن رهحيماوا، پشتى وێ چهندێ دهێت كو دوهى راگرتيهكێ تۆمهتبار ب كوشتن و دزيكرنێ ل باژێرێ كهركووك ژ وى بنگههى رهڤى يه.
تهقينا دويێ ل سهلاحهدين پهقى و ژمارا قوربانيان زێدهتر لێ كر
ئهڤرۆ نيوز:
تهقينا دويێ ئهڤرۆ رۆژا ئێكشهمبى ل قهزا شرگات يا سهر ب پارێزگهها سهلاحهدين ڤه پهقى و ژمارا قوربانيان زێدهتر لێ كر.
ژێدهرێن ئهمنى ژ وێ پارێزگههێ راگههاند كو چار ژ پۆليسێن ناڤخۆ گيانێ خوه ژ دهست دا و شهش ژى بريندار بوون ژ ئهنجامێ بۆمبهكا چاندى ل سهر رێيا د ناڤبهرا ههردو گوندێن خانوكه و مسيحلى ل باشوورێ قهزا شرگات.
سپێدههيا ئهڤرۆ ژى بۆمبهكا دى يا چاندى ل گوندێ خانوكه تهقى بوو و دو پۆليسێن ناڤخۆ هاتبوونه كوشتن و پێنج كهسێن دژى بريندار ببوون.
نيشاندان
WP Facebook Auto Publish Powered By : XYZScripts.com