ئه‌ڤرۆ نيوز:
بڕياره سوبه‌هى رۆژا پێنجشه‌مبى رێكه‌فتى 20ى كانوونا ئێكێ 2018 دێ مووچێ وه‌زاره‌تێن ئاڤه‌دانكرن، ره‌وشه‌نبيرى، بازرگانى و هه‌رسێ سه‌رۆكاتيێن هه‌رێمێ هێته به‌لاڤكرن.
ئه‌ڤ جهه دێ ئه‌ڤرۆ مووچه‌ى وه‌رگرن
سه‌ره‌كى نووترين نووچه
ژێده‌ره‌ك: برياره‌كا دى يا عه‌بادى دهێته هه‌لوه‌شاندن
ئه‌ڤرۆنيوز:
ژێده‌ره‌كى ئاگه‌هدار ل به‌غدا بۆ ئه‌ڤرۆنيوز دياركر كو دادگه‌ها كارگێرى ل عيراقێ برياره‌كا دى يا سه‌رۆك وه‌زيرێن عيراقێ حه‌يده‌ر عه‌بادى هه‌لوه‌شاند.
وى ژێده‌رى بۆ ئه‌ڤرۆنيوز دياركر كو پشتى حه‌يده‌ر عه‌بادى ل شوباتا 2018 سێ ئه‌ندامێن جڤاتا ئه‌ميندارێن تۆرا راگه‌هاندنا عيراقى يا فه‌رمى ژكارێن وان دوورخستين، جاره‌كادى ب بريارا دادگه‌ها كارگێرى ل عيراقێ هاتنه زڤراندن بۆ سه‌ر كارێن وان.
دياركر ژى كو ل دووڤ وێ بريارێ هه‌ر ئێك ژ فه‌زل فه‌ره‌ج الله ورومێل ئيشۆ و عه‌لى شلاه
هاتن زڤراندن بۆ سه‌ر كارين وان وه‌كو ئه‌ندامێن جڤاتا ئه‌ميندارێن تۆرا راگه‌هاندنا عيراقى.
وى ژێده‌رى ئاشكراكر ژى كو فه‌زل فه‌ره‌ج الله ل شوباتا 2018 هاتبوو هه‌لبژارتن وه‌كو سه‌رۆكێ تۆرا راگه‌هاندنا عيراقێ، به‌لێ عه‌بادى ئه‌و دوورخست وئه‌بولهێل ل شوونا وى ل وى پۆستى دانا. له‌وما دوور نينه عادل عه‌بدولمه‌هدى سه‌رۆك وه‌زيرێن عيراقێ، سه‌رۆكێ نوكه يێ تۆرا راگه‌هاندنا عيراقى ( موجاهد ئه‌بولهێل) ژ كارێ وى بهێته دووربێخيت وفه‌زل فه‌ره‌ج الله ل جهێ وى ده‌ست بكاربيت.
يانه‌كا ئيماراتى گه‌هشته ياريا دووماهيا جاما جيهانى يا يانا
ئه‌ڤرۆنيوز:
يانا ئه‌لعه‌ين يا ئيماراتى حنێره‌كا مه‌زن تۆماركر وگه‌هشته ياريا دووماهيا جاما جيهانى يا يانا پشتى ب ئه‌نجامه‌كێ نه‌چاڤه‌رێكرى ل سه‌ر يانا رێڤربليت يا ئه‌رجه‌نتينى قاره‌مانا يانێن ئه‌مريكا باشوور ب لێدانێن په‌نه‌لتيا 6-5 ب سه‌ركه‌فتى.
ب ڤى ئه‌نجامى يانا ئه‌لعه‌ين يا ئيماراتى بۆ ياريا دووماهيێ دێ چاڤه‌رێ يانا سه‌ركه‌فتى بيت ژ ياريا سوباهى دناڤبه‌را ريال مه‌دريد قاره‌مانا يانێن ئورۆپا وكاشيما ئه‌نتلز يا يابانى قاره‌مانا يانێن ئاسيا.
قاره‌مانيا جيهانێ يا يانا ئه‌ڤ ساله ل وه‌لاتێ ئيماراتێ هاته كرن ويانا ئيماراتى كو هه‌لگرا ناسناڤێ خۆلا ئيماراتێ يه پشكدارى تێدا كريه ل گه‌ل يانێن قاره‌مانێن كێشوه‌ران.
ل زاخۆ سه‌نته‌ره‌ك بۆ خودان پێتڤيێن تايبه‌ت هاته ڤه‌كرن
زاخۆ، عەلی حاجی
سەنتەرێ دەنگ بۆ خودان پێتڤیێن تایبەت ژلایێ قايمقامێ زاخۆ بوتان محسن ڤە هاتە ڤەكرن كو دێ یێ تایبەت بیت ب كەسانێن خودان پێتڤیێن تایبەت .
هەژین شەوكەت، رێڤەبەرا سەنتەری بۆ ئەڤرۆ نيوز گۆت : مەرەم ژ ڤەكرنا سەنتەری ئەوە ئەم كەسانێن هەلگرێن ئامیرێن گوهلێبوونێ و كەسێن ئاریشێن ئاخڤتنێ هەین و ل سەنتەرێ مە بتنێ ئەم زارۆكان وەردگرین تاكو ئەم ره‌فتاره‌كا دروست دكەین دەنگ ب رێيا وان ئامیران بگەهیتە گوهێ زارۆكی تا فێری دەنگی ببیت و سەنتەرێ مە گەلەك گرنگیێ ب دەروونێ زارۆكی دەت و پاشى ئەم فێری ئاخڤتن و دانوستاندنێ دكەین.
هەژینێ گۆت ژى : سەنتەرێ مە ب هاریكاریا رێكخراوا باوەری یا خودان پێتڤیێن تایبەت و سەمیانێن قوتابیان دهێتە ب رێڤەبرن و مە داخوازی ژحكومەت و لایەنێن پەیوەندیدار كریە كو هاریكاریێ دگەل مە دا بكەن.
سەنتەرێ زاخۆ بۆ ڤەكۆلینێن كوردى هاتە ڤەكرن
زاخۆ ، عەلی حاجی
سەنتەرێ زاخۆ بۆ ڤەكولینێن كوردی ئه‌ڤرۆ سێشه‌مبى 18/12/2018 ل زانكویا زاخۆ هاتە ڤەكرن ، ل ڤەكرنا سەنتەرێ ناڤبری دا 9 پەرتۆك ژبابەتێن جودا ب زمانێن كوردی و عەرەبی هاتنە نیشاندان .
فاخر گولی مامۆستایێ زانكویا زاخۆ و ئەندامێ سەنتەرێ ناڤبری بۆ ئەڤرۆنيوز گۆت : زێدەتری سالەكێ یە ئەم كار ل سەر چاپكرنا وان پەرتۆكان دكەین و سێ پەرتۆك ب زمانێ كوردی نە و 6 پەرتوك ژی ب زمانێ عەرەبی نە و پتريا وان پەرتوكان ديرۆكى نه.
زێدەتر گۆت : نێزیكی 10 پەرتۆكێن دی مە ل بەر دەست هەنە كو دێ هەیڤا 4 یا سالا بهێت كەڤنە بەر دەستێ خواندەڤانان و پەرتوكێن مە دێ ل عێراقێ و وەلاتێن عەرەبی هێنە بەلاڤكرن .
رۆژین چەلەبی، خودانا ئێك ژپەرتوكان دبێژیت : پەرتۆكا من ب زمانێ كوردی هاتیە چاپكرن ل ژێر ناڤ و نیشانێن زاخۆ 14ی تیرمەها 1958 – 6ی ئادارا 1975ێ یە ڤەكۆلینەكا ديرۆكى و سیاسی یە كو ناما ماستەرێ یە و ل ڤێ پەرتۆكێ دا هەلویستێ زاخۆ ددەتە دیار كرنێ ژ وان روودان و پێشهاتێن ل وی دەمی دا هاتینە روویدان كو گەلەك روویدانێت گرنگ روویدانە ل كوردستانێ و عێراقێ مینا شورەشا 14ی تیرمەها 1958 و شورەشا ئەیلولا 1961.
رۆژین زێدەتر دبێژیت : ل ڤێرێ دا رۆلەك گرنگ ل زاخۆ دا پەیدا دبیت كو ل زاخۆ ملمانێیەك دناڤبەرا 3 حزبان پەيدا بیت ئەو ژی ململانێیەكا حزبی دناڤبەرا حزبا كومونیستا عێراقێ و پارتی دیموكراتی كوردستان و كۆمەلا ئیخوانێن موسلمین دا ل دووماهیێ كو پارتا سەرەكی ل زاخۆ دا دمینیت بتنێ پارتی دیموكراتی كوردستان بوو .
ماجد محمد دبێژیت : پەرتۆكا من ب زمانێ عەرەبی یە ل ژێر ناڤ و نیشانێن(امارة بدليس في العهد العثماني) یە كو ب رێيا ڤێ پەرتۆكێ مە ڤیایە ب شێوەكێ زانستی ديرۆكا كوردی بگەهینين دەرڤەی كوردستانێ .
گوت ژى : پشت بەستا وێ پەرتوكێ ل سەر دیكومێنتێن عوسمانی يە و دەلیڤا شاشيێ تێدا نینە كو ژ ژێدەرێن رەسەنن و هەر دیسان ژی ل ڤێ پەرتوكێ مێژوویەكا گەلەك هەستیار تێدا هاتیە بەحس كرن .
خودانێن موه‌لیدان بڕیاره‌كا نه‌چاڤه‌رێكرى دده‌ن
ئەڤرۆنیۆز، سالار دۆسكی:
خودانێن موه‌لیدان ل قەزا زاخۆ ئێدی پێگریێ ب خشتێ لژنا موه‌لیدا ناكەن و بتنێ دێ كارەبا موه‌لیدان ل زاخۆ ژ پێنجی ئێڤاری بۆ ئێكی شەڤێ هەبیت.
محەمەد عەلی، خودانێ موه‌لیدێ تاخێ كارێز ل زاخۆ بۆ ئەڤرۆ نیۆز ئاشكراكر كو ل دووڤ بریارا پارێزگەرێ دهۆكێ پێشتر ل دانێ سپێدێ ژده‌مژمێر حەفتێ هەتا نەهێ و دو پشتی نیڤرۆ هەتا دوی شەڤێ، لێ بریار دایە سوباهی 19/12 ئێدی موه‌لیدێن خوە ب رۆژ ناهەلكەن بتنێ دێ پێنجی ئێڤاری بۆ ئێكی شەڤێ هەلكەن، چنكو ڤەكۆلین بەری بریارا پارێزگەری هاتبوونە ئه‌نجامدان ژلایێ لژنا موه‌لیدان و رێڤەبەریا گشتی یا كارەبێ كو بتنێ شەش بۆ حەفت دەمژمێران كارەبا گشتی نابیت، لێ پشتی بریارا پارێزگەری هاتیەدان كو ئەمپێرێ كارەبێ ب هەشت هزار و نیڤان بيت، كارەب پتر ژ 10 دەمژمێران نینە وب ڤی رەنگی دێ زيان ل مەبیت.
خودانێ هەمان موه‌لیدە ل زاخۆ ئاشكراكر كو ئەڤرۆ هژمارەكا خودانێن موه‌لیدان سەره‌دانا قايمقاميا دهۆكێ كربوو، ل گەل لژنا مولیدان كومبوون ئەنجامدابوو و هاتە زانین كو چەند بۆچوونێن دی بۆ پارێزگەهی دهێنە بلندكرن، گۆت ژی” دڤێت پارێزگەر پشتەڤانیێ بكەت پشتی بریارا خوە و مە پێزانين يێن هه‌ين گازوایل بۆمە هاتیە و ناهێتە بەلاڤكرن.
ناڤبری ئەو ژی ئاشكراكر كو پێداچوون دكاركرنا موه‌لیدان كریە و دیاربوو كو د زياندارن، لەوما بریار دا ئێدی موه‌لیدە ب رۆژ كار نەكەت و بتنێ پێنجی ئێڤاری بۆ ئێكی شەڤێ بیت، سوباهی دێ خودانێن موه‌لیدان هەموو بریارێ بجهئينن.
خویاركر كو بۆ دەست نادەت ئێدی سپێدێ موه‌لیدە كاربكەت و ل ده‌مێ 15 رۆژێن بۆری گەلەك قه‌ردار بووینە، پێشتر لژنا موه‌لیدان ل زاخۆ خودانێن موه‌ليدان ئاگەهدار كربوون كو دێ حوكمەتا هه‌رێمێ پشتەڤان بیت بۆ دانا گازوایلێ بۆ موه‌لیدان و پێزانين يێن هه‌ين گازوایل بۆ هاتیە و ناهێتە بەلاڤكرن.
ئەڤرۆ نیۆز پەیوەندی ب لاوین شێرزاد سەرۆكێ لژنا موه‌لیدان ل قەزا زاخۆ كر، لێ پەیوەندیا وی ل بەر دەست نەبوو.
خوەنیشاندانەک بۆ ڤەکرنا ریێا رۆژئاڤایی کوردستانێ و شنگال ھاتە کرن
ئەڤرۆ نیوز، لەزگین جوقی:
ھندەک وەلاتیان ل قەزا شنگال ئەڤرۆ ١٨/١٢/٢٠١٨ خوەنیشاندانەک ئەنجامدان بۆ ڤەکرنا دەرگەھێ ناڤبەرا رۆژئاڤایێ کوردستانێ و قەزا شنگالێ دا.
وەلاتی ( تەحسین شنگالێ ) ل قەزا شنگال بۆ ئەڤرۆ نیوز دیارکر کو دناڤبەرا رۆژئاڤایی کوردستانێ و قەزا شنگالێ دا دەرگەھەکێ بازرگانیی ھەبوو خەلکێ تێدا کارێن بازرگانیی و ھاتن وچوون دکرن نوکە ژلایی حکومەتا عیراقی ڤە ئەڤ دەرگەھە ھاتیە داخستن لەورا ھندەک ژ خەلکێ شنگال خوەنیشاندانەک سازکر و داخوازکرن دەرگەھێ ناڤبەرا رۆژئاڤایی کوردستانێ و شنگالێ دا بھێتە ڤەکرن ژبەر کارێن بازرگانیی ل سەر وێ رێکێ دھاتە کرن وکچ وژنێن ئێزدیان وی رێکی را رزگاردبوون.
ژلایێ خوە ڤە نایف سەیدۆ رێڤەبەرێ ناحیا سنۆنێ بۆ ئەڤرۆ نیوز دیارکربوو ئەڤ ریێا ناڤبەرا شنگال و رۆژئاڤایی کوردستانێ دا ژلایی بەغدا ڤە ھاتیە داخستن ھەکە ببیتە دەرگەھەکێ فەرمی باشە لێ نە دەرگەھەکی فەرمی یە لەورا یێ ھاتیە گرتن نوکە رییا سحێلا بۆ شنگال یا ڤەکریە خەلک دشین بۆ دەستڤە ئینانا کەرەستێن وپێدڤین خوە قەستا پارێزگەھا دھۆکێ بکەن.
پارتی و ئێکەتی داخۆیانیەکا هەڤپشک بەلاڤ دکەن
ئەڤرۆ نیوز:
ئەڤرۆ شاندەکێ پارتی دیموکراتی کوردستانی سەرەدانا مەکتەبا سیاسی یا ئێکەتیێ کر و ل دۆر کابینا نوو یا حوکمەتێ دانوستاندن هاتنە کرن و هەر دو ئالیان داخۆیانیەکا هەڤپشک بەلاڤ کرن.
د داخۆیانیێ دا هاتیە کو کۆمبوونا ڤێجارێ کۆمبوونەکا باش بوویە و هەموو بابەت ب رەنگەکێ ڤەکری هاتنە گەنگەشە کرن، بەحسێ قۆناغا پشتی هەلبژارتنان ل هەرێما کوردستانێ و رەوشا سیاسی یا ناڤخوە و دەڤەرێ هاتە کرن.
هەروەسا هەر دو ئالیان ئەو یەک ژی دیار کرینە کو د کۆمبوونێ دا بەحسێ بهێزکرنا سازیێن حوکمی و ئیداری ل هەرێما کوردستانێ هاتیە کرن دا پتر خزمەتا گەلێ کوردستانێ بهێتە کرن و پێنگاڤێن پێدڤی ژی د ڤێ دەربارێ دا دێ هێنە هاڤێتن.
د دووماهیا داخۆیانیێ دا هەر دو ئالیان دیار کرینە کو دێ د دەمەکا نێزیک دا کۆمبوونەکا دی هێتە کرن.
مانجسته‌ر يونايت جوزێ مورينهۆ ده‌رخست
كۆمبوونا جڤاتا نوونه‌ران هاته پاشخستن
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ روونشتنه‌كا دى يا جڤاتا نوونه‌رێن عيراقێ برێڤه بچت و تێدا سێ ته‌وه‌ر بهێنه گه‌نگه‌شه‌كرن كو گرنگترين ته‌وه‌ر ژى ده‌نگدانه ب وه‌زيرێن نوو يێن كابينا عادل عه‌بدولمه‌هدى، ده‌مێ وێ ژى ژ 12:00 نيڤرۆ بۆ 13:00 هاته پاشخستن.
ب گۆره‌يى كارناما جڤاتا نوونه‌رێن عيراقێ، بڕياره سێ ته‌وه‌ر ئه‌ڤرۆ بهێنه گه‌نگه‌شه‌كرن كو يا ئێكێ دێ ته‌ماشه‌كرن بيت د كه‌يسێ چه‌ند په‌رله‌مانتاران دا كو چه‌ند تان ل سه‌ر هه‌بووينه. ته‌وه‌رێ دويێ ژى دێ ده‌نگدان بيت ل سه‌ر په‌يره‌وێ ناڤخۆ يێ جڤاتا نوونه‌رێن عيراقێ و ته‌وه‌رێ سيێ ژى دێ ده‌نگدان بيت ل سه‌ر وه‌زيرێن نوو يێن جڤاتا نوونه‌رێن عيراقێ.
د. ئارام باله‌ته‌يى، ئاخفتنكه‌رێ ب ناڤێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ ئاشكه‌را كر كو هێشتا چو ژ ناڤێن وان وه‌زيران نه‌هاتينه گۆهۆڕين يێن بۆ وان هاتين و گۆت: “هه‌كه نوونه‌رێن مه‌سيحى رازى بوون كو ده‌نگى ب وه‌زيرا مه‌سيحى بهێته دان، پارتى ژى دێ ده‌نگى پێ ده‌ت، به‌لێ هه‌كه ده‌نگى پێ نه‌ده‌ن و نوونه‌راتيا وان نه‌كه‌ت، پارتى دێ رێزێ ل نوونه‌رێن مه‌سيحى ل جڤاتا نوونه‌ران گريت”.
ئه‌ندامه‌كێ دى يێ جڤاتا نوونه‌رێن عيراقێ دياركر كو ئه‌وان چو هيڤى نينن كو ئه‌ڤرۆ دووماهى ب كابينا عادل عه‌بدولمه‌هدى بهێت.
هندرين له‌زگين دۆسكى، ئه‌ندامێ جڤاتا نوونه‌رێن ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “هه‌كه برگا سيێ بهێته برێڤه‌برن و ده‌نگدان بهێته كرن ژى بۆ هه‌موو وه‌زاره‌تان ناهێته كرن”.
ئاشكه‌را ژى كو سه‌رۆك وه‌زيران سێ بژارده داناينه به‌ر سينگێ سه‌رۆكێ جڤاتا نوونه‌رێن عيراقێ كو بۆ وێ چه‌ندێ ره‌وش باشتر لێ بهێت و گۆت: “يا ئێكێ ئه‌وه كو هه‌موو وه‌زيران بێخنه به‌ر ده‌نگدانێ و كيش وه‌زير ده‌رباز بوو بهێته په‌سه‌ندكرن و يێن دى بهێنه گوهۆڕين، يا دويێ ژى ئه‌وه كو هنده‌ك وه‌زير بكه‌ڤنه به‌ر ده‌نگدانێ و يێن دى بۆ دو سێ حه‌فتيێن دى بمينن و يا سيێ ژى ئه‌وه كو ئه‌ڤ هه‌موو وه‌زيره بهێنه گوهۆڕين”.
عه‌بدولمه‌هدى دێ هه‌ر ئێك ژ فالح فه‌ياز وه‌كو وه‌زيرێ ناڤخۆ و فه‌يسه‌ل فه‌نه‌ر جه‌ربا وه‌زيرێ به‌ره‌ڤانيێ و دادوه‌ر دارا نوره‌دين وه‌زيرێ داد و سه‌با تائى وه‌زاره‌تا په‌روه‌ردێ و قوسه‌ى سه‌هيل وه‌زيرێ خواندنا بلند و ڤه‌كۆلينێن زانستى و عه‌بدولئه‌مير حه‌مدانى وه‌زيرێ ره‌وشه‌نبيرى و نورى دلێمى وه‌زيرێ پلاندانانێ و هه‌نا كوركيس وه‌زيرا كوچ و كۆچبه‌ران.
نيشاندان
WP Facebook Auto Publish Powered By : XYZScripts.com