ئەڤرۆ نیوز، لەزگین جوقی

نوونەری دەزگەهی دمدم بۆ هاریكاریا مرۆڤایەتی ژجنیف بۆ ئەڤرۆ نیوز دیاركركو ئەڤرۆ 30/11/2018 روونشتنەكا دی ل جنیف ل وەلاتی سویسرا ل سەر كیشەیا ئێزدیان وهەموو پێكهاتێن دی یێن ئاینی وئۆلی هاتە ئەنجامدان.

حسین كورو قائیدی، نوونەری دەزگەهی دمدم بۆ هاریكاریا مرۆڤایەتی ژجنیف بۆ ئەڤرۆ نیوز دیاركركو مە وەكو نوونەرێ دەزگەهی دمدم پەیڤەك ل سەر رەوشا ئێزدیان پێشكیشكر كو ل 3تەباخا سالا 2014 تووشی جینوسایدی بوون ول دووڤ ئامارێن رێڤەبەریا گشتی یا كاروبارین ئێزدیان ل وه‌زاره‌تا ئه‌وقافێ وكاروبارێن ئايينى ل هه‌رێمێ ونڤیسینگەها رزگاركرنا رەڤاندیێن ئێزدی دڤێ‌ جینوسایدی دا دۆرین 70 گۆرێن بكۆم هاتینە دیتن كو ئیزدی تێدا هاتینە كوللەبارانكرن ژلایێ تیرۆرستێن داعشێ ڤە ودۆرین 400 هزار كەسان ئاوارە بووینە و پتر ژ 100 هزار كەسان مشه‌خت بووینە و2745 زارۆك بووینە ئێتیم وهەتا نوكە ژی شوونوارێن جینوسایدێ ل سەر ئێزدیان دیار دبن وهێشتا ئەو ترس ددلێ خەلكێ‌ ئێزدی دایە ب تایبەتی ژی كچ وژن وزارۆكێن رەڤاندی هەتا نوكە ژی هێشتا هندەك دناڤ دەستێن تیرۆرستێن داعشێ دا ماینە.

گۆت ژى” چەندین پەیڤ ل جینف هاتنە خواندن ل سەر رەوشا پێكهاتێن ئاینی وئۆلی ل هەموو دەڤەران وهەتا نوكە خەلكێ‌ بن خیڤەتاندانە تووشی ئاریشەیان دبن وداخوازێ دكەین جڤاكی نێڤدەولەتی هەڤكاریا ئیزدیان بكەت بۆ رزگاركرنا كچ وژن وزارۆكێن هەتا نوكە ماینە ددەستی تیرۆرستێن داعشێ دا”.

ئەڤرو نیوز , ئێقبال عومەر:

په‌يڤدارا تەڤگەرا ئازادی تارا حسێن بۆ ئەڤرۆنيوز دیاركر, بریارا گرتنا بارەگایێن تەڤگەرا ئازادی ل سلێمانيێ بریارەكا سیاسیە و ئەو بریار ژلایێ‌ قوباد تالەبانی ڤه‌ هاتیە دەركرن و گۆت: ئەڤ بریارە یا ژلایێ‌ وەلاتێن جیران هاتیە دان ژبەركو ئەوێ‌ ئەڤ بریارە دەركری گرێدای حوكمەتەكا جیرانە و بریارەكا نەقانوونى و نە دیموكراسیە و دژی ئازاديا رادەربرینێ يه‌ و ئەڤە بریارا وەلاتێن هەرێمی يە دخوازن بیرو باوەر و ئیرادا تەڤگەرا ئازادی بشكێنن و نەهێلن.

تارایێ‌ گوت” هه‌موو بارەگایێن مە هاتینە گ داخستن كو تنێ‌ ل سنورێ‌ پارێزگەها سلێمانیێ‌ هەبون, دیسان چو كەسەك ژ تەڤگەرا ئازادی نەهاتیە ده‌سته‌سه‌ركرن ژلایێ‌ ئاسایشا سلێمانیێ‌ ڤە و هەبوونا بارەگایێن مە ب شێوه‌كێ قانوونى بوو ژبەركو مۆله‌تا كارێ‌ سیاسی مە ژ بەغدا وەرگرتبوو، لەوما ژی مە مافێ‌ وێ‌ یەكی هەبوو هەر ژ زاخۆ تاكو بەغدا مه‌ بارەگایێن خوە هەبن”.

زێدەتر گوت” ئەم دگەل پەكەكێ‌ هه‌ڤپشكين و هەرئێك ژمە كارێ‌ خوەیێ‌ سیاسی جودا دكەت و هەموو ئەندامێن مە خەلكێ‌ باشوورن و هەموویان ناڤ ل كۆمسیۆنا عیراقێ‌ توماركرینە, هه‌كه‌ تەڤگەرا ئازادی پێتڤی خوە پاراستنێ‌ بو ئەم دشێن خوە ب پارێزین تاكو نها چو چەكدارێن پەكەكێ‌ ژ قەندیل نەهاتینە مە بپارێزن و مە كەلوپەلێن خوە نەڤەگوهاستینە قەندیل”.