ئهڤرۆنیوز:
پهرلهمانێ كوردستانێ ئهڤرۆ ئێكشهمبی 24/2/2019 داخوازم ژ ههموو پهرلهمانتاران كر بهرههڤی كۆمبوونا رۆژا سێشهمبیا داهاتی 26/2/2019 ببن ب مهرهما پێكئینانا لژنا قانوونی ل دووڤ حوكمی مادێن (28 و 29) ژ پهیرهوێ ناڤخوهیێ پهرلهمانێ كوردستانێ.
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى نووترين نووچه
رێڤەبەرەکی نوو بو پولیسێن هاتنوچونا ئامێدیێ هاتە دانان
ئامێدیێ، مهحموود نهێلی
د رێ و رەسمەکی دا و ب ئامادەبوونا عەمید فەخری رێڤەبەرێ پولیسێن هاتنوچونا دهوکێ ئەڤرۆ ۲٤/۲/۲۰۱۸ رائيد بەیار ئیبراهیم وەک بەرپرسێ پشکا پولیسێن هاتنوچونا ئامێدیێ هاتە دانان.
رائيد (بەیار ئیبراهیم) بەرپرسێ نوو یێ پشکا پولیسێن هاتنوچونا ئامێدیێ بو ئەڤرۆ نیوز دیارکر، کو ئەڤ گوهورينه د ئاسایی و کارگێری نە و گۆت : پشتی دانانا من وەک بەرپرسێ پشکا پولیسێن ئامێدیێ، موقەدم جلال بەرپرسێ بەرێ هاتە ڤەگوهاستن بو ریڤەبەریا هاتنوچونا دهوکێ .
ناڤهاتی دەست خوەشی ل بەرپرسێ بەرێ کرن کو شیای د هەیاما کارێ خوەدا خزمەتەکا باش یا دەڤەرێ بکەت، و هیڤی ژی خواستن کو ئەو ژی بشێت ل سەر وێ خزمەتێ بەردەوام بیت
بێهنا پتاتێن رزی گورستانا کەلەکچی یا داگیرکری
ئەڤرۆ نیوز،بارزان مزووری:
بەری ھەیڤەکێ دەوروبەرێن گورستانا ناحیا کەلکچی ببو جھێ کومکرنا پاشمایێن ئاڤاھیێن دھێن خراپکرن دناڤ سەنتەری پشتی دیفچوونەک ل روژناما ئەڤرو ھاتیە به لاڤكرن، ئەو پاشمایه ھاتن راکرن ژلایێ باژێرڤانیا ناحیێ ڤە ، بریار ھاته دان کو ھەرکەسێ پاشمایه کی بکەتە دەوروبەرێن گورستانێ بۆ دادگەھێ بھێت رەوانەکرن، بەلێ د نھا دا خودانێن کوگەھێن ھەلگرتنا پتاتا ھندەک ژوانا پتاتێن وان رزینە ب تەنا پتات کرینە دەوربەرێن گورستانێ کەسەک نەشێت ھاتنوچوونێ لێ بکەت ژبەر بھێنا وان .
وەزارەتا نافخو ١٣ ھزار چەکێن بێ مولەت ژ نافبرینە
ئەڤرۆ نیوز:
رێڤەبەرێ گشتی یێ دیوانا وەزارەتا نافخو یا حوکمەتا ھەرێما کوردستانێ دیارکر ئەوان ل ماوێ بوری دەست ب سەر ١٣ ھزار پارچێن چەکی دا گرتینە و ھاتینە ژناڤبرن.
زێدەتر د.سامی جەلال دیارکر پشتی بریارا وەزارەتا نافخو ل دۆر دەست ب سەرداگرتنا چەکێن بێ مولەت راگەھاندی ھەتا نوکە ئەو شیاینە دەست ب سەر ١٣ ھزار چەکێن بێ مولەت دا گرتینە، و ل دووڤ رێنمایێ، وەزارەتا نافخو یا ھەرێمێ بۆ ماوێ شەش ھەیڤان مولەت دایە خەلکی ئەو چەکێ، ھەین توماربکەن پێخەمەت وەرگرتنا مولەتێ بەروڤاژی دێ پێرابونێن قانوونی دەرھەقی وان وەرگرن.
ل دووماھیێ نافھاتی دیارکر ئەو چەکێن دھێنە وەرگرتن ژ خەلکی دھێنە ڤاڤارتن و ئەوێن جورێ وان یێ باش بیت دێ ب سەر ھێزێن نافخو دا ھێنە بەلاڤ کرن و یێن دی دێ ھێنە ژناف برن.
ل دووڤ ڤان رێنمایێن نوو یێن وەزارەتا نافخو پێدڤیە چەکێن سڤک وەک دەمانجە و کلاشینکوف د ماوێ شەش ھەیڤان دا بھێنە تومارکرن بەروڤاژی دێ پێرابونێن قانوونی دەرھەقی ھەلگرێن وان ھێنە وەرگرتن، دیسان ھەموو چەکێن دی قەدەغەیە دەستێ خەلکێ دا بیت.
ئاريشا كێشا کارەبا دھوکێ گەھشتە وەزارەتێ
ئهڤرۆ نيوز:
شاندەک ژ کارگێریا پارێزگەھا دھوکێ کو ژ (ماجد سەید سالح )سەروکێ لیژنا سوتەمەنی وزێ ل پارێزگەھا دھوکێ و (جەھوەر عەلی) قائیمقامێ قەزا دھوکێ وئەندازیار( کەمال محمەد سالح )رێڤەبەرێ گشتی یێ کارەبێ ل دھوکێ پێک دھاتن ل روژا(٢١/٢/٢٠١٩) سەرەدانا وەزارەتا کارەبا حکومەتا کوردستانێ کر وژلایێ( ھوگر شالی )بریکارێ وەزارەتێ ھاتنه پێشوازی کرن.
قائیمقامێ دھوکێ گوت مەرەم ژڤێ سەرەدانێ بەرچافکرنا رەوشا خرابا کارەبا دھوکێ ونەدادپەروەریا بەلاڤکرنا وێ کو دبیتە ئەگەرا کێم بونا وێ و زێدەبونا دەمژمێرێن کارەبا مولیدان وگرانبونا بھایێ کارەبێ وەلاتی ژی بڤێ رەوشێ دلگرانن.
بریکارێ وەزارەتا کارەبێ ئاماژە دا چارەسەریا دوم درێژ گوژمێ پازدە ملیون دولاران رێزدار نێچیرڤان بارزانی سەروکێ حکومەتا ھەرێما کوردستانێ رەزامەندی یا دستپێکی دیارکریە گوتژی نوکە مژیلی تەندەری نە پروژە ژلایێ تەکنیکی وکارگێری ڤە بکەڤێتە وارێ بجھ ئینانێ.
ھەروەسا دوپاتی لسەر وێ چەندێ ھاتە کرن حەتا پروژە جێ بەجێ دبت بەلانسەک بھێتە راگرتن دنافبەرا ھەمی پارێزگەھان ب ھەر شێوەێ ھەبت
فهوزى ئهترووشى وهغهرا دووماهيێ كر
ئهڤرۆ نيوز، نيوار محهمهد سهليم:
فهوزى ئهترووشى، كهساتيێ بهرنياسێ پارێزگهها دهۆكێ و بريكارێ وهزارهتا رهوشهنبيرى يا عيراقێ سپێده زوويا ئهڤرۆ ل بهغدا وهغهرا دووماهيێ كر.
د. داود ئهترووشى، ئێك ژ كهسێن خێزانێ بۆ ئهڤرۆ نيوز گۆت: “بهرى سالهكێ ل وهلاتێ ئهلمانيا نشتهرگهريهك بۆ گهوريا وى هاتبوو كرن و پشتى ماوهكى د نهخۆشخانێ ڤه ڤهگهريا ههرێما كوردستانێ و ل وى دهمى كو پێدڤى ب بهێنڤهدانێ بوو، بهلێ ژ بهر حهزا وى بۆ كارى، ڤهگهريا بهغدا سهر كارێ خوه”.
زێدهتر گۆت: “دوهى بێهنا فهوزى ئهترووشى تهنگ بوو و رهوشا ساخلهميا وى تێك چوو و ل دانێ ئێڤارى بۆ نهخۆشخانێ هاته ڤهگوهاستن، بهلێ ب مخانى ڤه، نێزيكى دهمژمێر 4:00ى سپێدێ وهغهرا دووماهيێ كر”.
فهوزى عهزيز ميرزا ئهترووشى ژ دايكبوويێ 1ى تيرمهها 1953 ههلگرێ باوهرناما بهكالريوسێ بوو ب قانوونێ، بهلێ ژ بهر حهزا وى بۆ وارێ ئهدهبياتێ، وهكو نڤيسهر و ههلبهستڤان و رۆژنامهڤان خزمهتهكا مهزن يا ڤى وارى كريه، سهرهراى وێ چهندێ كهساتيهكێ بهرنياسێ وارێ سياسى ژى بوويه و 1986 ههتا 2001ێ بهرپرسێ لقێ ئورۆپا يێ پارتى بوويه.
ئاشكهرا ژى كر كو ئهو يێ بزاڤێ دكهن ب رێيا فرۆكهكا لهشكرى تهرمێ وى ژ بهغدا ڤهگوهێزنه فرۆكخانا نێڤدهولهتى يا ههولێر و ژ وێرێ ژى ب ڤهگهريننه دهۆكێ دا كو ئهڤ شهڤه بهێته ڤهشارتن.
تۆماركرنا بايومهترى ل دهۆكێ دهسپێكرهڤه
ئهڤرۆ نيوز، نيوار محهمهد سهليم:
بهرپرسێ پشكا راگههاندن و پهيوهنديكرن ب جهماوهرى ل ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ راگههاند كوك ڤهگهراندنا كارتێن دهنگدانێ يا هێزن ناڤخۆ دهستپێكر ل تۆماركرنا بايومهترى.
سهگڤان حهسهن رهشيد، بهرپرسێ پشكا راگههاندن و پهيوهنديكرن ب جهماوهرى ل ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ، د داخۆيانيهكێ دا بۆ ئهڤرۆ نيوز گۆت: “10 بنگههێن تۆماركرن و بهلاڤكرنا كارتا بايومهترى يا تايبهت ل سنورێ پارێزگهها دهۆكێ بۆ 2019ێ هاتيه بهلاڤكرن”.
زێدهتر گۆت: “ل دهنگدانا گشتى 70% ژ خهلكێ پارێزگهها دهۆكێ پرۆسا بايومهترى ئهنجام دايه و كێمتر ژ 30%ێ ماينه نه تۆماركرى، ل دهنگدانا تايبهت ژى ژمارهكا گهلهك كێم مايه و بنگهههك بۆ ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ ب خوه هاتيه ڤهكرن دا كو خوه تۆمار كهن”.
بهرپرسێ پشكا راگههاندن و پهيوهنديكرن ب جهماوهرى ل ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ ئاشكهرا ژى كر كو بهلگهنامهكا فهرمى و پلێتا ئاهێن خوارنێ پێدڤى نه بۆ ههر كهسێ كارتا خوه يا دهنگدانێ چێنهكربيت و بڤێت ژنوو چێكهت.
ئهڤێن ل خوارێ ناڤێن وان بنگههێن تۆماركرنا و بهلاڤكرنا كارتا بايومهترى يا تايبهتن ل سنورێ پارێزگهها دهۆكێ بۆ 2019ێ.
پارتی دێ سەرەدانا کۆمەلا ئیسلامی کەت
ئەڤرۆ نیۆز، قائید میرۆ
بەرپرسەکێ کۆمەلا ئیسلامی ئاشکراکر، تێتە چاڤەڕێکرن شاندێ پارتی سەرەدانا کۆمەلا ئیسلامی بکەت و ھەردەمێ داخواز ژ کۆمەلێ بھێتەکرن پشکداریێ د حوکمەتێ دا بکەت دێ ب فەرمی بەرسڤا پارتی دەن.
شوان رابەر، ئەندامێ سەرکردایەتیا کۆمەلا ئیسلامی بۆ ئەڤرۆ نیۆز دیارکر” ھەتا نوکە ژڤانێ سەرەدانا شاندێ پارتی بۆ مەکتەبا سیاسیا کۆمەلا ئیسلامی دیارنینە ھەتا داخوازا پشکداریا کۆمەلێ د کابینا نوو یا حوکمەتا ھەرێمێ دا بکەت، بەلێ بەری نوکە دو کۆمبوون د ناڤبەرا پارتی و کۆمەلا ئیسلامی دا ھاتینە ئەنجامدان، لەوڕا پەیوەندیێن ناڤبەرا ھەردولا ئاسایی بووینەڤە، ئەڤە ژی ئەگەرەکە کو دەرگەھێ دانوستانان بھێتە ڤەکرن.
ئەڤی بەرپرسێ کۆمەلا ئیسلامی دیارکر” تێتە چاڤەڕێکرن شاندێ پارتی سەرەدانا کۆمەلا ئیسلامی بکەت و داخواز بکەت پشکداربین د حوکمەتێ دا.
شوان رابەر ئاماژەکر” ھەردەمێ شاندێ بلندێ پارتی بفەرمی سەرەدانا کۆمەلا ئیسلامی بکەت، داخواز بھێتەکرن پشکداربین د کابینا نوودا ئەڤە بێگومان کۆمەلا ئیسلامی دێ ب فەرمی بەرسڤا پارتی دیموکراتی کوردستان دەت.
كۆمسيۆنا عيراقێ ژڤانێ بهلاڤكرنا پاداشتێ كارمهندێن سهرسندوقان ئاشكهرا كر
ئهڤرۆ نيوز، نيوار محهمهد سهليم:
بهرپرسێ پشكا راگههاندن و پهيوهنديكرن ب جهماوهرى ل ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ راگههاند كو دهستپێكا حهفتيا بهێت دێ دهست ب بهلاڤكرنا پاداشتێ كارمهندێن سهرسندوقێن دهنگدانێ هێته كرن.
سهگڤان حهسهن، بهرپرسێ پشكا راگههاندن و پهيوهنديكرن ب جهماوهرى ل ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ، د داخۆيانيهكێ دا بۆ ئهڤرۆ نيوز گۆت: “رۆژا ئێكشهمبى رێكهفتى 3ى ئادارا 2019ێ دێ چهكێ پارهى گههيته دهست بهنكان و رۆژهكێ يان دويان پشتى وى ژڤانى دێ دهست ب بهلاڤكرنا وان پاران هێته كرن”.
پتر ژ 10 هزار كارمهندان ب شێوێ گرێبهست بۆ رۆژا دهنگدانێ بۆ ئوفيسا دهۆك يا كۆمسيۆنا بلندا سهربهخۆيا ههلبژارتن ل عيراقێ وهكو رێكخهر، رێڤهبهرێن ويستگههان و كارمهندێن ئاسايى كار كربوو كو زێدهترى دو مليار ديناران بۆ هاتينه تهرخانكرن ب رهنگهكى كو 300 هزار دينار بۆ رێكخهران، 250 هزار دينار بۆ بهرپرسێن ويستگههان و 200 هزار دينار ژى بۆ كارمهندێن ئاسايى.
بهرپرسێ پشكا راگههاندن و پهيوهنديكرن ب جهماوهرى ل ئوفيسا دهۆك يا كۆمسيۆنا بلندا سهربهخۆيا ههلبژارتنان ل عيراقێ ئاماژه ب وێ چهندێ ژى كر كو ئهڤ كهسێن پشكدار دشێن پاداشتنێن ل سهرانسهرى پارێزگهها دهۆكێ ب رێيا 10 بهنكان وهربگرن و گۆت: “چو كهس ژى نهشێت ل جهێ كهسێ وى پارهى وهربگريت”.
رهوشا سهقايێ سوبههى
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشهمبى رێکەفتی 25ی شوباتا 2019ێ ئەسمان دێ ساهى پاشان پشتى نيڤرۆ دێ بۆ ئهورهكێ ناڤهندى هێته گوهۆڕين.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان ساهى پاشان پشتى نيڤرۆ دێ بۆ ئهورهكێ ناڤهندى هێته گوهۆڕين.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ د ناڤبهرا 9 بۆ 10کم دا بیت، پلێن گەرمێ ژی دێ د ناڤبەرا 6 بۆ 16 پلان دا بن.
نيشاندان
WP Facebook Auto Publish Powered By : XYZScripts.com