ئەڤرۆ نیوز:
بەری دەمەکی ژ یاریێن گەرا ٢١ یا خولا ئنگلیزی یانا مانچستەر ستی شیا سەرکەفتنێ ل سەر یانا لێڤەرپول تومار بکەت ب دو گۆلان بەرامبەر گۆلەکێ کو دبیتە خوسارەتیا ئێکێ یانا لێڤەرپول تووش دبیت ل ڤی وەرزێ پرێمەرلیگێ.
نووترين نووچه
- سەرۆك بارزانی پێشوازی ل قونسلا نوو یا ئەمریكا و قونسلێ بەرێ ل هەولێرێ كر
- دەمێ نەجمەدین كەریم پارێزگەرێ كەركووكێ تو ل دهۆكێ ئاوارە بووی
- هەتا داخوازیێن مە نەهێنە بجهئینان پشكداریێ د كۆمبوونێن جڤاتا پارێزگەها كەركووكێ دا ناكەین
- ئەمریكا گەفێن دەستێوەردانا نێڤدەولەتی كریە هەكە پڕۆژە قانوونا حەشدا شەعبی بهێتە دەربازكرن
- پەرلەمانتارەك: دڤێت د ڤێ حەفتیێ دا بڕیار ل چارەنڤیسێ مووچەی بهێتە دان
- رێژەیەکـا زێدە ژ خەلکـێ عـەفرینێ ڤەگـەڕاینە دەڤـەرێن خـوە
- سەرۆك بارزانی پیرۆزباهییا سالڤەگەڕا دامەزراندنا حزبا سۆسیال دیموكراتا كوردستانی كر
- كوردستان هەردەم دێ وەلاتێ هەموو پێكهاتەیان مینیت
- حوكمەتا هەرێمێ هەموو ئاسانكاری بۆ سەرەدانكەرێن شیعە كرینە
- عەلی دۆلەمەری: فرەنسا دخوازیت هەرێما كوردستانێ یا ئارام بیت
سه‌ره‌كى نووترين نووچه
عه‌بدولمه‌هدى دێ 13 هزار كه‌يسێن گه‌نده‌ليێ ڤه‌كه‌ت
ئه‌ڤرۆنيوز:
ژێده‌ره‌كێ سياسى يێ عيراقى يێ ئاگه‌هدار ئاشكراكر كو سه‌رۆك وه‌زيرێن عيراقێ عادل عه‌بدولمه‌هدى ل به‌ره 13 هزار كه‌يسێن گه‌نده‌ليێ ڤه‌كه‌ت كو ئه‌و كه‌يسه ل ده‌سته‌يا ده‌ستپاكيێ نه وفه‌رمانێن راكێشانا گه‌نده‌لكارێن دوان كه‌يسان دا بۆ به‌رده‌م دادگه‌هێ ده‌ربكه‌ت، ئاماژه كر ژى كو ب مليارا دۆلاران دوان كه‌يسێن گه‌نده‌ليێ دا چووينه ژده‌رڤه‌ى عيراقێ.
وى ژێده‌رى بۆ مالپه‌رێ (الغد برس) يێ عيراقى گۆت” نوكه بزاڤ دهێنه كرن بۆ ڤه‌گه‌راندنا پارێن عيراقێ ل هنده‌ك وه‌لاتان وه‌كو لوبنان وئوردن وئيمارات وهاتينه ده‌سته‌سه‌ركرن، ب مه‌ره‌ما زڤراندنا وان بۆ عيراقێ”.
گه‌شتێن ئه‌سمانێ دناڤبه‌را هه‌وليرێ وئامه‌دێ دێ ده‌ستپێكه‌ن
ئه‌ڤرۆنيوز:
سه‌رۆكێ ژۆرا بازرگانى يا ئامه‌دێ، محه‌مه‌د قايا، راگه‌هاند، ل هه‌يڤا داهاتى گه‌شتێن ئه‌سمانى يێن راسته‌وخوه دناڤبه‌را هه‌ردو فرۆكخانێن هه‌ولێرێ وئامه‌دێ ده‌ستپێكه‌ن.
ناڤبرى بۆ كه‌نالێ كوردستان 24 گۆت ژى” ده‌ستپێكرنا گه‌شتێن ئه‌سمانى دناڤبه‌را هه‌ولێرێ وئامه‌دێ دێ مفايه‌كێ مه‌زن بيت بۆ كه‌رتێ بازرگانى ل ئامه‌دێ، چونكى هه‌ولێر ده‌رگه‌هه‌كێ گرنك يێ بارزگانيێ يه ل گه‌ل ئامه‌دێ”.
وه‌زاره‌ته‌ك دێ ده‌رچوويێن ڤان كوليژان دامه‌زرينيت
ئه‌ڤرۆنيوز:
په‌يڤدارێ وه‌زاره‌تا ساخله‌ميێ ل هه‌رێما كوردستانێ بۆ ئه‌ڤرۆنيوز دياركر كو وه‌زاره‌تا وان ل به‌ره دئه‌ڤ ساله‌دا 720 ده‌رچوويێن كوليژێن نوشدارى ل هه‌رێما كوردستانێ ل سه‌ر ميلاكێ خوه دامه‌زرينيت.
خالس قادر، په‌يڤدارێ وه‌زاره‌تا ساخله‌ميێ ل هه‌رێما كوردستانێ بۆ ئه‌ڤرۆنيوز گۆت” وه‌زاره‌تا ساخله‌ميێ ل به‌ره نێزيكى 720 ده‌رچوويێن كوليژێن نوشدار وده‌رمانسازى ونوشداريا ددانان يێن زانكۆيێن هه‌رێما كوردستانێ دابمه‌زرينيت”.
گۆت ژى” دامه‌زراندنا وێ هژمارا ده‌رچوويێن وان كوليژان يا گرێداى پرسا په‌سه‌ندكرا بۆدجا هه‌رێما كوردستانێ يا سالا 2019 يه”.
گوارديۆلا به‌حسێ ياريا ئه‌ڤ شه‌ڤه دكه‌ت
ئه‌ڤرۆنيوز:
پشتى كێمتر ژ ده‌مژمێره‌كێ دێ ياريه‌كا ب هێز دناڤبه‌را يانا مانشسته‌ر ستى ومێهڤانا وێ لێڤه‌رپۆل دچارچۆڤێ خۆلا ئينگليزى دا هێته ئه‌نجامدان.
بيب گوارديۆلا، راهێنه‌رێ ئيسپانى يێ مانشسته‌ر ستى دكۆنگره‌كێ رۆژنامه‌ڤانى دا گۆت” گه‌له‌ك وێ پرسيارێ دكه‌ت كا دێ چ رووده‌ت هه‌كه مانشسته‌ر ستى ل گه‌ل لێڤه‌رپۆل هاته دوراندن، به‌لێ ئه‌م دێ هه‌موو بزاڤێن خوه كه‌ين بۆ هه‌ڤركيێ ل سه‌ر ناسناڤێ خۆلا ئينگليزى، هه‌رچه‌نده لێڤه‌رپۆل ومانشسته‌ر يونايتد باشترێن تيمن دديرۆكا ئينگلته‌را دا”.
گۆت ژى” دێ بزاڤێ كه‌ين سه‌ركه‌فتنێ ل سه‌ر لێڤه‌رپۆل دياريگه‌ها خوه دا تۆمار بكه‌ين ژبۆ كێمكرنا جوداهيا خالان دگه‌لدا”.
يانا لێڤه‌رپۆل نوكه ل رێزا ئێكێ دهێت درێزبه‌ندا خۆلا ئينگليزى دا ب 54 خالان ويانا مانشسته‌ر ستى ب 47 خالان ل رێزا سيێ دهێت.
ياريا قۆناغا ئێكێ دناڤبه‌را هه‌ردو يانان دا ب ئه‌نجامێ وه‌كهه‌ڤيێ بێ گۆل ب دووماهى هاتبوو,
ژێده‌ره‌ك:پێدڤيه دووباره نه‌خوه‌شخانێن به‌غدا بهێنه ئاڤاكرن
ئه‌ڤرۆنيوز:
ئه‌ندامه‌كێ جڤاتا پاريزگه‌ها به‌غدا بۆ ئه‌ڤرۆنيوز دياركر كو به‌غدا پێدڤى وێ چه‌ندێ يه نه‌خوه‌شخانێن وێ بهێنه خرابكرن ودووباره ب شێوه‌كێ مودرێن بهێنه ئاڤاكرن.
دياركر ژى” پتريا نه‌خوه‌شخانێن پارێزگه‌ها به‌غدا دكه‌ڤنن ول سالێن شێستان وحه‌فتيان يێن هاتينه ئاڤاكرن وئاڤاهيێن وان يێن كه‌ڤن بووين وبكێر وێ چه‌ندێ ناهێن كو خزمه‌تێن ساخله‌مى پێشكێش بكه‌ن”.
گۆت ژى”قه‌ره‌بالغه‌كا مه‌زن يا ل سه‌ر نه‌خوه‌شخانێن به‌غدا هه‌ى وئه‌ڤه ژ ئه‌نجامێ سياسه‌تا شاش ئه‌وا وه‌زيرێن به‌رێ يێن ساخله‌ميێ ل عيراقێ بكارئيناى ب تايبه‌تى ل چار سالێن بۆرى دا ونه‌چاره‌كرنا ره‌وشا وان نه‌خوه‌شخانان”.
خوياكر ژى”به‌غدايا پايته‌حت نوكه پێدڤى ب ئاڤاكرنا دو نه‌خوه‌شخانێن مه‌زن و 20 بنگه‌هێن ساخله‌مى يا هه‌ى”.
فه‌رسه‌ت سوفى بۆ ئه‌ڤرۆنيوز:ل هه‌فتيا داهاتى دێ ده‌ست ب كارێ خوه كه‌م
ئه‌ڤرۆنيوز:
ئه‌ندامه‌كێ خۆلا بۆرى يا په‌رله‌مانێ كوردستانێ بۆ ئه‌ڤرۆنيوز دياركر پشتى ب دووماهى هاتنا خۆلا چارێ يا په‌رله‌مانێ كوردستانێ وى خانه‌نشينكرن وه‌كو په‌رله‌مانتار ره‌تكريه ودێ ده‌ست ب كارێ خوه يا به‌رێ كه‌ت وه‌كو مامۆستايێ زانكۆيێ.
فه‌رسه‌ت سوفى ئه‌ندامێ خۆلا بۆرى يا په‌رله‌مانێ كوردستانێ ژ فراكسيۆنا پارتى ديموكراتى كوردستان بۆ ئه‌ڤرۆنيوز گۆت” دێ ل هه‌فتيا داهاتى زڤرم بۆ كارێ خوه يێ به‌رى په‌رله‌مانتاريێ ئه‌وژى مامۆستا ل كوليژا قانوونێ ل زانكۆيا پۆليته‌كنيك ل هه‌ولێرێ”.
فه‌رسه‌تى زێده‌تر گۆت” به‌رى په‌رله‌مانتاريێ من 9 سال خزمه‌ت هه‌بوون وه‌كو مامۆستايێ زانكۆيێ وهه‌ر چار سالێن په‌رله‌مانتاريێ ژى دێ بۆ من وه‌كو خزمه‌ت هێنه هژمارتن ل سه‌ر وان 9 سالان دا”.
په‌رله‌مانتاره‌ك پێشنيازا چاره‌كێ بۆ بودجا هه‌رێمێ دكه‌ت هه‌كه 17% نه‌هاته زڤرين
ئه‌ڤرۆنيوز:
په‌رله‌مانتاره‌كێ پارتى ديموكراتى كوردستان ل په‌رله‌مانێ عيراقێ ئاشكراكر كو پێشنيازه‌ك يا هه‌ى كو دشاندايه په‌نا بۆ بهێته برن دپرسا رێژا هه‌رێما كوردستانێ دبودجا گشتى عيراقێ دا هه‌كه سه‌رژمێريا گشتى يا ئاكنجيێن عيراقێ نه‌هێته ئه‌نجامدان يان ژى زڤرين بۆ رێژا 17%.
دانا محه‌مه‌د، ئه‌ندامێ په‌رله‌مانێ عيراقێ ژ فراكسيۆنا پارتى ديموكراتى كوردستان گۆت” هه‌لويستێ لايه‌نێن كوردستانى ژ رێژا هه‌رێما كوردستانێ ژ بودجا گشتى يا عيراقێ يێ دياره، ئه‌وژى كو مه ب رۆهنى رێژا 12.67% يا ره‌تكرى كو ژلايێ حوكمه‌تا ناڤه‌ندى هاتيه دياركرن كو ئه‌ڤ رێژه پشت به‌ستنێ ب چو به‌لگه‌نامێن فه‌رمى يان سه‌رژمێريه‌كێ نه‌هاتيه كرن تاكو رازيبوون ل سه‌ر بهێته كرن”.
داناى گۆت ژى” دو رێ يێن هه‌ين بۆ چاره‌كرنا ڤێ كێشێ، يا ئێكێ زڤرين بۆ رێككه‌فتنا به‌رێ كو ل ده‌مێ حوكمه‌تا ئه‌ياد عه‌لاوى هاتيه كرن ئه‌وژى دياركرنا رێژا 17% يه يان ژى ئه‌نجامدانا سه‌رژمێريا گشتى يا ئاكنجيبوونێ عيراقێ يه وئه‌و رێژه بهێته دياركرن يا كو ل دووڤ ئاكنجيێن هه‌رێما كوردستانێ بيت”.
ئاماژه كر” هه‌كه رازيبوون ل سه‌ر رێككه‌فتنا بۆرى ئه‌وا ل سه‌رده‌مێ حوكمه‌تا عه‌لاوى كو 17% يان ژى دشيان دا نه‌بوو سه‌رژمێريا گشتى ل عيراقێ بهێته ئه‌نجامدان، ل وى ده‌مى به‌لگه‌نامه‌كا فه‌رمى يا هه‌ى كو ژلايێ وه‌زاره‌تا پلاندانانێ ل عيراقێ هاتيه ده‌ركرن وتێدا ئاماژه دده‌ت كو رێژا ئاكنجيێن هه‌رێما كوردستانێ ل عيراقێ 9.13% وب ڤێ چه‌ندێ رێژا هه‌رێما كوردستانێ دبودجێ گشتى يێ عيراقێ دا دبيته 14% ودشيان دايه ئه‌و رێژه بۆ بودجا هه‌رێمێ بهێته دياركرن تاكو ئه‌نجامدانا سه‌رژمێريا گشتى ل عيراقێ”.
بۆردێ کاروبارێن مرۆڤایەتی و رێکخراوێن دەولی ل سەر پلانا سالا ٢٠١٩ ل دۆر ئاواران كۆمبوون
ئه‌ڤرۆنيوز:
به‌رپرسێ راگه‌هاندنا بۆردێ كاروبارێن مرۆڤايه‌تى بۆ ئه‌ڤرۆنيوز راگه‌هاند، ئه‌ڤرۆ پێنجشه‌مبى 3/1/2019 كۆمبوونه‌ك ل دۆر رەوشا ئاواران و پەنابەران ل پارێزگه‌ها دهۆكێ و پلانا سالا ٢٠١٩ هاته ئه‌نجامدان.
سالم سه‌عيد، به‌رپرسێ راگه‌هاندنا بۆردێ كاروبارێن مرۆڤايه‌تى بۆ ئه‌ڤرۆنيوز گۆت” دکۆمبوونێ دا ب ئامادەبوونا ھاریکارێ پارێزگارێ دھۆکێ بۆ کاروبارێن مرۆڤایەتی و رێڤەبەرێ جێ بەجێ کار یێ بۆردێ کاربارێن مرۆڤایەتى و رێکخروێن دەولی یێ ل پارێزگەھا دھۆکێ، به‌حس ل نووترین پێشھات دەربارەی رەوشا ئاواران و ب تایبەت یا پەنابەران ھاته کرن و چاوانیا دابینکرنا گرنگترین پیدڤیێن ژیانێ و پێشڤەبرنا سەکتەرێن (پاراستن، ساخلەمی و دابینکرنا پیدڤیێن ژیانێ)، دیسان کۆمبوونێ داکوکی ل پالان و بەرھەڤیا رێکخراوان کر و چاوانیا پێشکێشکرنا ھاریکاریان بۆ ئاواران و پەنابەران ل سالا ٢٠١٩ دا، پێخەمەت بتر خوه‌شکرنا رەوشا وان ل پارێزگەھا دھۆکێ”.
پەرتۆكەكا نوو ل سەر ژیانا رزگاربوویەكا ئێزدی دهێتە نڤێسین
ئەڤرۆ نیۆز، ئەمیر ئەترووشی
پەرتۆكەكا نوو ل سەر جینۆسایدا ئێزدیان ل شنگالێ هاتە بەلاڤكرن و ناڤەرۆكا وێ بەحس ل چیرۆكا كچەكا رزگاربوویا ئێزدی دكەت، كو بۆ ماوێ زێدەتر ژ سێ سالان كەفتیە ژێر دەستێ داعش و گەلەك ئێش و ئازار دیتینە.
حسێن حاجی باعەدری، نڤیسكارێ پەرتۆكێ بۆ ئەڤرۆ نیۆز گۆت: “ئەڤ پەرتۆكە ب زمانێ عه‌ره‌بى يه بناڤێ (گازیا ئیمانێ) یا كچەكا 10سالی یە بۆ ماوێ سێ سال و 2 هەیڤان د دەستێ داعشێ بوو، بەحس ل چیرۆكا وێ دكەت و ئێشوئازارێن تووشبوویێ ل دەمێ د دەستێ داعشێ دا، پەرتۆك ژ 92 لاپەران پێك دئێت و ب زمانێ عەرەبی یە و گۆتیشی: ڤێ كچا رزگاربووی گەلەك نەخۆشی و ئازار ل ژێر دەستێ داعشێ دیتینە و ژیانا وێ یا پڕ نەخۆشی یا هەژی هندێ بوویە بهێتە تۆماركرن وەكو بەلگەیەك بۆ جینۆساید ناساندنا كوردێن ئێزدی ل ژێر دەستێ تیرۆرستێن داعش.
باعەدری دیار كر ژی: “من ئەڤە پەرتۆكە لسەر ئەركێ خۆ یێ تایبەت دروستكریە و چاپكریە و دووەم پەرتۆكە لسەر چیرۆكێن كچێن رزگاربوویێن ئێزدی چێ دكەم، بەری نها ژی من پەرتۆكەكا دی ل سەر كچەكا رزگاربوویا ئێزدی نڤێسیە”.
نيشاندان
WP Facebook Auto Publish Powered By : XYZScripts.com