ئه‌ڤرۆنيوز:
سه‌رۆكێ ئه‌مريكى دونالد ترامپ دسه‌ره‌دانا خوه يا ئه‌ڤرۆ چارشه‌مبى 26/12/2018 دا بۆ بنگه‌هێ (عين الاسد) يێ له‌شكرێ ئه‌مريكى ل پارێزگه‌ها ئه‌نبار ل دووڤ ئاژانسا رويته‌رز بۆ سه‌ربازێن ئه‌مريكى گۆت” مه چو پلان نينن بۆ ڤه‌كێشانا هێزێن ئه‌مريكى ژ عيراقێ”.
ترامپى گۆت ژى” چو پلان نه‌بوون كو هه‌بوونا له‌شكرێ ئه‌مريكى ل سووريێ هه‌بوونه‌كا به‌رده‌وام بيت”.
ئه‌ڤرۆنيوز:
سه‌رۆكێ ئه‌مريكى دونالد ترامپ ب نهێنى هاته عيراقێ وپشتى زڤريى هاتنا خوه ئاشكراكر.
سارا سانده‌رز، په‌يڤدارا كوچا سپى گۆت” دونالد ترامپى سه‌ره‌دانا عيراقێ كر ول وێرێ سه‌ره‌دانا شيره‌تكار وسه‌ربازێن ئه‌مريكى كر”.
كه‌نالێ ئێن بى سى نيوز يێ ئه‌مريكى ژى وێنێن ترامپى ل عيراقێ به‌لاڤكرن ونڤيسى ( سه‌رۆك ترامپ ل عيراقێ).
ئه‌ڤرۆنيوز:
شاره‌زايه‌كێ سه‌قاى يێ عيراقى دياركر كو سپێده‌يا سوباهى پێنجشه‌مبى 27/12/2018 پێله‌كا بارانێ دێ هه‌موو ده‌ڤه‌رێن عيراقێ ب خوه‌ڤه‌گريت ول سپێده‌يا ئه‌ينيێ 28/12/2018 دێ ب دووماهى هێت.
ساده‌ق عه‌تيه، شاره‌زايێ سه‌قاى يێ عيراقى زێده‌تر گۆت” ل رۆژا شه‌مبيێ 29/12/2018 پێله‌كا سه‌رمايێ دێ عيراقێ ڤه‌گريت ب تايبه‌تى هه‌رێما كوردستانێ كو پلێن گه‌رمێ ل كوردستانێ دێ چنه دبن سفرێ دا ودێ به‌فر باريت”.
گۆت ژى” ل رۆژێن پێنجشه‌مبى وئه‌ينيێ دێ بارانێن زۆر ل دهۆكێ وهه‌ولێرێ وسلێمانيێ وكه‌ركووكێ وباكوورێ مووسلێ بارن”.
ئه‌ڤرۆنيوز:
يانا يوڤه‌نتوس سه‌ركێشا خۆلا ئيتالى ئه‌ڤرۆ ل گه‌ل يانا ئه‌تلانتا ب ئه‌نجامێ 2-2 وه‌كهه‌ڤ بوو.
گۆلێن يانا يوڤه‌نتوس ژلايێ ياريكه‌ران ديمسيتى ( ياريكه‌رێ ئه‌تلانتا ب شاشى ڤه) ل خۆله‌كا 2 و كريستيانو رونالدۆ ل خۆله‌كا 78 هاتن تۆماركرن وگۆلێن ئه‌تلانتا ل خۆله‌كێن 24 و56 ژلايێ ياريكه‌رێ وێ زاباتا هاتن تۆماركرن.
ب ڤى ئه‌نجامى يانا يوڤه‌نتوس مانا خوه ل رێزا ئێكێ ل رێزبه‌ندا خۆلا ئيتالى ب 50 خالان پاراست ويانا ئه‌تلانتا ب 25 خالان ل رێزا 7 دهێت.
ئه‌ڤرۆنيوز:
ژ ئه‌نجامێ شه‌ر ونه‌سه‌قامگيريێ ل عيراقێ، نێزيكى 5 مليۆن و600 هزار زارۆك بێ دايك وباب ماينه و9% ژ وان زارۆكان كو دبن 10 ساليێ دانه ل سه‌ر جاده‌يان كاردكه‌ن، ژبلى وێ 31% خه‌لكێ عيراقێ دبێ كارن و35% ژى دبن هێلا هه‌ژاريێ دانه.
رێكخراوه‌كا مافێن مرۆڤى ل عيراقێ به‌لاڤكر ژى كو 2 مليۆن ژن ل عيراقێ پشتى شه‌ر وكاڤلكرنێ بێ هه‌ڤژين ماينه.
ل دووڤ راپۆرته‌كا رێكخراوا ناڤبرى 6 مليۆن عيراقێ ژنڤيسينێ وخواندنێ دبێ به‌هرن و6% مادێن بێهوشكه‌ر بكاردئينن.
دياركر ژى كو نێزيكى 40 نه‌خوه‌شيێن مه‌ترسيدار دناڤ خه‌لكێ عيراقێ دا يێن به‌لاڤ بووين ژوان ژى كۆلێرا وئيفلجبوونا زارۆكان وپه‌نجه‌شێر.
ئه‌ڤرۆنيوز:
يانا مانشسته‌ر سيتى د ياريا دويێ ل سه‌رئێك تووشى دووراندنێ بوو، پشتى ئه‌ڤرۆ ل گه‌ل مێهڤاندارا خوه ليسته‌ر سيتى ب ئه‌نجامێ 1-2 هاتيه دوراندن.
گۆلێن ليسته‌ر سيتى ل خۆله‌كێن 19 و81 ژلايێ ياريكه‌ران ئالبرايتون وبيريرا هاتن تۆماركرن وگۆلا ئێكانه يا مانشسته‌ر سيتى ل خۆله‌كا 14 ژلايێ برناردۆ سيلڤا هاته تۆماركرن.
ب ڤى ئه‌نجامى يانا مانشسته‌ر سيتى پاشڤه هاته رێزا سيێ ب 44 خالان ورێزا دويێ بۆ يانا توتنهام بجه هێلا ئه‌وا سه‌ركه‌فتنه‌كا مه‌زن ل سه‌ر بۆرنموس ب ئه‌نجامێ 5-0 تۆماركرى.
ئه‌ڤرۆنيوز:
پشتى حه‌فتيه‌كێ ژ بريارا سه‌رۆكێ ئه‌مريكى ب ڤه‌كێشانا هێزێن ئه‌مريكى ژ سووريێ، به‌رپرسه‌كێ عيراقێ ئاشكرا دكه‌ت كو له‌شكرێ ئه‌مريكى دو بنگه‌هێن دى يێن له‌شكرى ل رۆژئاڤايێ عيراقێ ونێزيكى سنورێ سووريێ دروست دكه‌ت.
فه‌رحان دلێمى، ئه‌ندامێ جڤاتا پارێزگه‌ها ئه‌نبار گۆت” له‌شكرێ ئه‌مريكى دو بنگه‌هێن نوو ل ده‌ڤه‌رێن ده‌شتێ ل ئه‌نبار دروست دكه‌ت”.
گۆت ژى” بنگه‌هێ له‌شكرى يێ ئێكێ ل باكوورێ باژێركێ رومانه يه يێ سه‌ر ب قه‌زا قايم ڤه ل سه‌ر سنورێ سووريێ ب دووراتيا 360كيلۆمه‌تران ژ رۆژئاڤايێ رومادى سه‌نته‌رێ پارێزگه‌ها ئه‌نبار وبنگه‌هێ له‌شكرى يێ دويێ ژى ل رۆژهه‌لاتا باژێرێ روتبه دهێته دروستكرن ب دووراتيا 310 كيلۆمه‌تران ژ رۆژئاڤايێ رومادى كو تنێ 100 كيلۆمه‌تران ژسنورێ سووريێ دووره”.
دياركر” دروستكرنا وان هه‌ردو بنگه‌هێن له‌شكرى بۆ هاريكاريا هێزێن عيراقى يه دكونترۆلكرنا سنورانه ورێگرتنه ژهاتنا چه‌كدارێن داعشێ بۆ ناڤ ئاخا عيراقێ”.
ئەڤرۆ نیوز:
بریارە ئەڤرۆ ھژمارەکا یاریان ژ خولا ئنگلیزی و ئیتالی بھێنە کرن ب ڤی شێوەی.
خولا ئنگلیزی گەرا ١٩
٦:٠٠ لێستەر ستی VS مانچستەر ستی
٦:٠٠ لێڤەرپول VS نیوکاسل
٦:٠٠ مانچستەر یونایتد VS ھیدیرسفێلد تاون
٦:٠٠ توتنھام VS بورنموس
٦:٠٠ کریستال پالاس VS کاردیف ستی
٦:٠٠ بێرنلی VS ئێڤرتون
٨:١٥ برایتون VS ئارسنال
١٠:٣٠ واتفورد VS چێلسی
خولا ئیتالی گەرا ١٨
٥:٠٠ ئەتلانتا VS یوڤانتوس
٥:٠٠ بولونیا VS لازیو
٥:٠٠ فیورنتینا VS پارما
٥:٠٠ سامبدوریا VS کیێڤو ڤیرونا
٥:٠٠ کالیاری VS جەنەوا
٨:٠٠ روما VS ساسولو
٨:٠٠ تورینو VS ئیمپولی
٨:٠٠ سیال VS ئودونیزی
١٠:٣٠ ئەنترمیلان VS ناپولی
ئەڤرۆ نیوز، هۆشەنگ تاجر:
د. رەزوان بادینی سیاسەتمەدارێ رۆژئاڤایێ کوردستانێ بۆ ئەڤرۆ نیوز دیار کر کو تورکیا دخوازیت هەموو دەستهەلاتا کوردان ل رۆژئاڤایێ کوردستانێ و باکورێ سووریێ ژناڤ ببەت، ژ بەر هندێ ژی پشتی بریارا ترامپی تورک هەست دکەن کو سەرکەفتیێ ڤان روودانانن و دخوازن هەر زوو ئەنجامەکێ ب دلێ خوە بدەستڤە بینن.
ناڤهاتی هەروەسا دیار کر کو هەلویستێ روسیا وەکو یێ تورکیا نینە و روسیا دخوازیت کورد بگەهنە هندەک مافێن خوە و کورد د پاشەرۆژا سووریێ دا خوەدان رۆل بن، چونکو روسیا دزانیت هەتا کورد نەگەهنە مافێن خوە رەوشا سووریێ ژی ئارام نابیت.
ل دۆر پەیوەندیێن تورکیا و روسیا پشتی ڤەکێشانا هێزێن ئەمریکا ژ سووریێ ژی سیاسەتمەدارێ رۆژئاڤایێ کوردستانێ دیار کر کو رەنگە پشتی ڤەکێشانا هێزێن ئەمریکا هەلویستێ روسیا ل هەمبەر تورکیا ژی وەکو بەرێ نەبیت و بهێتە گوهۆرین. هندەک بەرپرسێن روسیا نها دبێژن تورکیا ل دۆر روودانێن ل سوووریێ راستیان بۆ مە ئاشکرا ناکەت، بابەتێ هەڤدیتنا پوتین و ئەردۆگانی ژی راست نەبوو و روسیا ژ هندەک تشتێن تورکیا دلگرانە.
ل دۆر هەڤدیتنێن شاندەکێ رێڤەبەریا باکورێ سووریێ و بەرپرسێن روسیا ژی دکتوری دیار کر کو هەڤدیتن هەنە لێ هەتا نها ناڤەرۆکا هەڤدیتنان ئاشکرا نەبوویە و رەوش ب گشتی ئالۆزە و مرۆڤ نزانیت کا دێ چ روو دەت.
ناڤهاتی د دووماهیا ئاخڤتنا خوە دا ئەو یەک ژی دیار کر کو هەموو دەمەکێ روسیا ژ هەلویستێ تورکیا ب گومان بوویە، هەبوونا هێزێن ئەمریکا ل سووریێ وەسا کربوو کو روسیا پێدڤی ب تورکیا بیت، لێ نها ئەو یەک نەما و ئەز ب باوەرم دێ ساربوون د پەیوەندیێن روسیا و تورکیا دا دروست بن و رەنگە ئەو یەک د بەرژەوەندیا کوردان دا بیت.
ئه‌ڤرۆ نیوز:
ئه‌ڤرو سپێدێ 26-12-2018ل هولا رێڤه‌به‌ریا پولیسان ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ وسه‌روكێ دادگه‌ها تێهه‌لچونێ وسه‌روكێن زانكویێن دهوكێ ونه‌وروز وچه‌ند به‌رپرسێن حزبی وئیداری وله‌شكری رێ ورسمێن ڤه‌كرنا تاقیگه‌هێن به‌لگێن گونه‌هان هاتنه گێران.
لبه‌راهیێ لیوا تارق احمد رێڤه‌به‌رێ پولیسێن پارێزگه‌ها دهوكێ په‌یڤه‌ك پێشكێشكر وگرنگیا ڤه‌كرنا تاقیگه‌هێن به‌لگێن گونه‌هان به‌رچاڤكر وگوت: به‌ری نوكه بو ئاشكرنا به‌لگێن گرنگ مه به‌لگه بو تاقیگه‌ها مه‌لبه‌ندی ل هه‌ولێرێ دهنارتن وهنده‌ك جارا دناڤبه‌را 20 -50روژا ئه‌نجام گیروودبو لێ ب ڤه‌كرنا تاقیگه‌هێن به‌لگێن گونه‌هان ل دهوكێ هه‌موو كار ئاسانتر لێ دهێن وب كێمتر ژ48ده‌م ژمێرا به‌لگێن تاوانێ دێ هێنه ئاشكراكرن.
هه‌روه‌سا ئاماژه دا به‌رنامێن پێشئێخستنا كار وئه‌ركێن پولیسا وسیسته‌مێ نووی یێ ئه‌لكترونی یێ رێڤه‌به‌ریێن پولیسا پێ كاردكه‌ن وسوپاسیا وه‌زاره‌تا نافخو وپارێزگه‌ها دهوكێ كر بو پشته‌ڤانیا به‌رده‌وام بو سازیێن پولیسا ل سنورێ پارێزگه‌هێ.
پاش فلمه‌كێ دیكیومه‌نتاری ل دور دانان وب كارئینانا ئامیره‌تێن تاقیگه‌هێن به‌لگێن گونه‌هان هاته نمایشكرن.
هه‌ر بڤێ هه‌لكه‌فتێ پارێزگه‌رێ دهوكێ دپه‌یڤه‌كێدا پیروزباهی ل رێڤه‌به‌ریا پولیسان كر بو ڤه‌كرنا تاقیگه‌ها وده‌ست خوشی ل وان هه‌موو سازی وئه‌فسه‌ر وپولیسان كر یێن مه‌شق وراهێنان ل سه‌ر ب كارئینانا ئامیره‌تێن تاقیگه‌هان كرین وسه‌ركه‌فتن بو خواست .
هه‌روه‌سا گوت: ئه‌ركێ حكومه‌تێ وسازیێن ئێمناهیێ یه ئاسایش وئارامیێ بو وه‌لاتیان په‌یداكه‌ت وب ڤه‌كرنا ڤان تاقیگه‌هان ئاسایش وئارامی پتر دێ هێته به‌رقراكرن.
ل دوماهیێ ته‌كه‌زی ل سه‌ر پتر هه‌ڤكاریێ كر دناڤبه‌را سازیێن ئێمناهیێ ودادگه‌هان بو وێ یه‌كێ پتر ئارامی وئاسایشا وه‌لاتیان ل سنورێ پارێزگه‌هێ بهێته پاراستن وپششته‌ڤانیا كارگێریا پارێزگه‌هێ نیشاندا بو هه‌ر هاریكاریه‌كێ .
نيشاندان