ئەڤرۆ نیوز، نەوزاد هلۆری:
دەڤەرا نهێلێ ب گشتی و گوندێن گوهەرز و بالاڤا ب تایبەتی ژ وان گوندێن کوردستانێ نە کو دناڤدارن ب یاریێن کەلتووری ب تایبەتی د وەرزێ زڤستانێ دا و ل دەمێ بارینا بەفرێ.
ئەوێن ل خوارێ چەند دیمەنێن خلیسکانا سەر بەفرێ یە دناڤبەرا هەردو گوندێن گوهەرز و بالاڤا، هژمارەکا مه‌زن یا خەلکێ دەڤەرێ ب کچ کور ڤە دچنه زیرێن گوهەرزێ و بالاڤا و یاریێن کەلتوری مینا خلیسکان و گولمشکانێ و چەند یاریێن دى ئەنجام ددەن.
ئه‌ڤرۆنيوز:
راگه‌هاندنا به‌شێ هاتنوچوونا قه‌زا دهۆكێ بۆ ئه‌ڤرۆنيوز دياركر دده‌مێ 48 ده‌مژمێرێن بۆرى دا 10 روودانێن هاتنوچوونێ ل سنورێ بنگه‌هێ هاتنوچوونا ناحيا زاويته رووداينه.
سالح جه‌ميل، ژ راگه‌هاندنا به‌شێ هاتنوچوونا قه‌زا دهۆكێ بۆ ئه‌ڤرۆنيوز گۆت” ئه‌گه‌رێن په‌يدابوونا وان روودانان دزڤريت بۆ دروستبوونا جه‌مه‌دێ ل سه‌ر جاده‌يان، هه‌روه‌سا نه‌پێگيرى ب رێنمايێن هاتنوچوونێ”.
گۆت ژى” ژ ئه‌نجامێ وان روودانێن هاتنوچوونێ 9 كه‌س بريندار بووينه”.
ئه‌ڤرۆنيوز:
ژێده‌ره‌كێ ئه‌منى ل پارێزگه‌ها ئه‌نبار ل رۆژئاڤايێ عيراقێ ئه‌ڤرۆ پێنجشه‌مبى 10/1/2019 راگه‌هاند، هێزه‌كا ئه‌مريكى ده‌ست ب پيڤانا بيابانا ئه‌نبار كريه بۆ دانانا هژماره‌كا بنگه‌هێن له‌شكرى يێن نوو ول ئه‌سمانى ژى رومالا ئه‌منى ئه‌نجام دده‌ن.
ئه‌ڤ پێشڤه‌چوونا له‌شكرى يا يا ئه‌مريكى پشتى سه‌ره‌دانا ژ نشكه‌كێ ڤه يا سه‌رۆكێ ئه‌مريكى دۆنالد ترامپى بۆ بنگه‌هه‌كێ له‌شكرى يێ ئه‌مريكى ل پارێزگه‌ها ئه‌نبار دهێت ل دووماهيا سالا 2018 ده‌ما راگه‌هاندى دبيت ژنوكه ووێڤه ژ ڤى بنگهى هێرش ل سه‌ر ئارمانجان ل سووريێ بهێنه كرن.
چه‌ند ده‌زگه‌هێن راگه‌هاندنێ يێن عيراقى به‌لاڤكر كو ژبه‌ر ڤێ ئه‌گه‌رێ هژماره‌كا مه‌زن يا هێزێن ئه‌مريكى ئه‌ڤرۆ پێمجشه‌مبى ل رێيا دناڤبه‌را باژێرێ رومادى سه‌نته‌رێ پارێزگه‌ها ئه‌نبار وده‌ڤه‌رێن رۆژئاڤايێ پارێزگه‌ها ئه‌نبار يێن هاتينه ديتن.
وان ده‌زگه‌هێن راگه‌هاندنێ ژ ژێده‌ره‌كى هه‌والگيريا عيراقى ڤه‌گوهاست كو ئه‌ڤ لڤينێن له‌شكرى يێن ئه‌مريكى بێ ئاگه‌هداريا هێزێن ئه‌منى يێن عيراقى دهێنه ئه‌نجامدان وهێزێن عيراقى چو ده‌ستهه‌لات ل سه‌ر لڤينێن هێزێن ئه‌مريكى نينه.
ئەڤرۆ نیوز ٬ عەلی حاجی
تیماخوەلێکدانا یانا زاخۆ پشتی ب سێ یاریزانان پشکداری ل قارەمانیا دەربازبوونێ بۆ قارەمانیا ئاسیا کرین بێ پشتەڤانیا کارگێریا یانا زاخۆ، شیان ئەنجامێن باش ب دەستخوەڤە بینن.
ل رەمەزان حەسەن، راهێنەرێ تیما خوەلێکدانا یانا زاخۆ بۆ ئەڤرو نیوز گۆت : یاریزان (شەهید حسنی) ل سەر کێشا ٦۱کگم شیا پلا ئێکێ ل سەر ئاستێ عێراقێ ب دەستخوەڤە بینیت وەکو ئێکەم یاریزانێ کورد ل هەرێما کوردستانێ شیا ڤی دەستکەفتی ب دەستخوەڤە بینیت و یاریزانێ ناڤبری دێ دگەل هەلبژارتیێ عێراقێ پشکداریێ دقارەمانیا ئاسیا دا کەت ئەوا دێ ل وەلاتێ کوریا باشوور هێتە ئەنجامدان و هەروه‌سا (وەلات محەمەد) ب کێشا ٦۵ کگم ل رێزا دويێ هات و (محەمەد سەمیر) ل سەر کێشا ۷٤ کگم ل رێزا سیێ هات ل سەر ئاستێ عيراقێ .
زێدەتر گۆت : هەر چەندە دەستەکا کارگێریا یانا زاخۆ چو پشتەڤانی ل تیما مە و یاریزانێن مە نەکر، بەلێ مە بۆ هەموويان دیارکر بێ پشتەڤانیا وان ژی دشێين دەستکەڤتیان ب دەستخوەڤە بینن و یاریزانێن مە ل بلندترین ئاست دانە و دشێن ببنە نوونەرێ راستەقینەیێ ناڤێ زاخۆ و کوردستانێ و هەروه‌سا ئەڤە نەدەستکەفتیێ ئێکێ یە ب دەستخوەڤە دئینن، بەلێ بلا بۆ هەموويان دیار بیت ئاستێ یاریزانێن مە ژهەژی قارەمانیێن ئاسیا وجیهانی یە .
ئەڤرۆ نیوز، مەحمود نهێلی
ب دەهان ترۆمبێل ژ ئەنجامێ دروستبوونا بەستیێ ل سیریانا (ئامێدیێ – دێرەلۆک – سیلاڤێ ) ئاسێ بووینە و شوفێر دخوازن بهێنە قورتالكرن.
خانم نەشمین سلاح ،بۆ ئەڤرۆ نیوز دیاکر، کو ئەو ژ دهوکێ بەر ب دێرەلۆکێ دچون، لێ ئەڤە نێزیکی ئێک دەمژمێرە ل ئەڤرازیێ دیکلوکی ئاسێ بووینە و ژ بەر دروستبوونا بەستیێ نەشێن ب سەرکەڤن.
ناڤهاتیێ داخواز ژ لایەنێن پەیوەندیدار کر، کو ب هانا وانا بچن و قورتال بکەن.
ئەندازیار ئەڤراز، سەروکێ باژێرڤانیا ئامێدیێ دیارکر، کو ئەو هاتینە ئاگەهدارن ل سەر وێ ئاریشێ و کرێکارێن وان سەرا جهێ بەستی دایە و دێ رێیەکی بۆ بینن و دبيت ب رێيا خوێ وێ بەستیێ نەهێلن.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى ئه‌ڤرۆ پێنجشه‌مبى 10/1/2019 پێشوازى ل جه‌نه‌رال جۆن لۆريمێر مه‌زنه شيره‌تكارێ وه‌زاره‌تا به‌رگرى يا بريتانى بۆ رۆژهه‌لاتا ناڤه‌راست وشاندێ دگه‌لدا كر.
دكۆمبوونه‌كێ دا دووماهى پێشهاتێن ده‌ڤه‌رێ وپێشڤه‌برنا په‌يوه‌نديێن دو قۆلى دناڤبه‌را هه‌رێما كوردستانێ وبريتانيا وميكانيزما هه‌ماهه‌نگيا زێده‌تر دبوارێ دژه تيرۆرێ دا هاته به‌حسكرن.
مه‌سرور بارزانى هاريكاريێن بريتانيا بۆ هه‌رێما كوردستانێ ب بلند نرخاند وپێشوازى ل پشته‌ڤانيا بريتانيا بۆ گاڤێن چاكسازيێ ورێكخستنا هێزا پێشمه‌رگه كر وداخوازكر بريتانيا يا به‌رده‌وام بيت دمه‌شق وراهێنانا پێشمه‌رگێ كوردستانێ دا وهه‌رێما كوردستانێ ژى مفاى ژ وان پرۆگرامێن پێشكه‌فتى يێن راهێنانێ وه‌ربگيريت كو بۆ هێزێن عيراقى هاتيه دياركرن.
جه‌نه‌رال لۆريمێر به‌رهه‌ڤيا وه‌لاتێ خوه بۆ پێشڤه‌برنا په‌يوه‌نديان وهاريكارى وپشته‌ڤانيا زێده‌تر بۆ هه‌رێما كوردستانێ ب تايبه‌تى دبوارێ مه‌شق وراهێنانا هێزا پێشمه‌رگه‌ى دووپاتكر.
ئه‌ڤرۆنيوز:
وه‌لاتيه‌ك پشتى دوهى چارشه‌مبى 9/1/2019 ژ مال ده‌ركه‌فتى، ئه‌ڤرۆ ته‌رمى وى دهێته ديتن.
هێمن سلێمان، به‌رپرسێ راگه‌هاندنا پۆليسێن دهۆكێ د په‌يچێ خوه يێ فه‌يسبووكى دا به‌لاڤكر” وه‌لاتی هەلکەت محمد عبدالله پشتی دوهی ژماڵ بەرزەبوی ئەڤرۆ تەرمێ وی هاتە دیتن”.
دياركر ژى” ل دووڤ ڤه‌كۆلينێن ده‌ستپێكى وه‌سا ديار دبيت وى ب خوه دووماهى ب ژيانا خوه ئينايه”.
ئەڤرۆ نیوز، هۆشەنگ تاجر:
محەمەد عەلی ئەندامێ مەکتەبا سیاسی یا پارتی دیموکراتی کوردستان/ سووریا بۆ ئەڤرۆ نیوز دیار کر کو ئەڤرۆکە شاندەکێ ئەنجوومەنێ نیشتمانی یێ کوردی ل سووریێ ل گەل سەرۆک بارزانی کۆمبوون و د کۆمبونێ دا شاندێ ئەنەکەسێ سوپاسیا هەلویستێ سەرۆک بارزانی ل دۆر رۆژئاڤایێ کوردستانێ کر و داخواز ژ سەرۆک مەسعود بارزانی ژی کرن کو دەنگێ خەلکێ رۆژئاڤا بگەهینتە هەموو جیهانێ.
ناڤهاتی راگەهاند کو د کۆمبوونا ل گەل سەرۆک بارزانی دا ل دۆر پاشەرۆژا رۆژئاڤایێ کوردستانێ و چاوانیا پاراستنا گەلێ کورد ل سووریێ ل گەل سەرۆک بارزانی دانوستاندن کرینە.
ئەڤرۆ نیوز:
ئه‌ڤرو سپێدێ 10/1/2019 فه‌رهاد ئه‌مین ئه‌تروشى پارێزگه‌رێ دهوكێ پێشوازیا شانده‌كێ سازیا ئه‌مریكى (WCCU)كر.
دهه‌ڤدیتنه‌كێدا به‌حسێ ره‌وشا ئاواره وپه‌نابه‌ران ژرویێ مروڤایه‌تى ورولێ پارێزگه‌ها دهوكێ ورێكخراوێن مروڤایه‌تى بو گه‌هاندنا هاریكاریابو ئاواره وپه‌نابه‌ران ل سنورێ پارێزگه‌ها دهوكێ هاته كرن.
دته‌وه‌ره‌كێ دن دا به‌حسێ ره‌وشا ئابورى ودارایى یا هه‌رێما كوردستانێ وپارێزگه‌ها دهوك تێدا ده‌ربازدبیت هاته كرن.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ شڤێدی ل كۆچكا مێهڤانداریا پێشوازیا (سكوت كه‌ڵهێر) هاریكارێ بالیۆزێ حوكمه‌تا ئوسترالیا ل عیراقێ و شاندێ د گه‌ل دا كر.
د هه‌ڤدیتنه‌كێ دا به‌حسێ په‌یوه‌ندیێن وه‌لاتێ ئوسترالیا دگه‌ل هه‌رێما كوردستانێ و ره‌وشا ئاواره و په‌نابه‌ران ل سنورێ پارێزگه‌ها دهۆكێ و ئه‌و هاریكاریێن به‌ری نوكه حوكمه‌تا ئوسترالیا ب رێیا رێكخراوێن نێڤده‌وله‌تی پێشكێشی ئاواره و په‌نابه‌ران ل هه‌رێما كوردستانێ و عیراقێ كرین و به‌رنامێن وان یێن پاشه‌رۆژێ بۆ پشته‌ڤانیكرنا ئاواره و په‌نابه‌ران ب گشتی هاته كرن.
هاریكارێ بالیۆزێ حوكمه‌تا ئوسترالیا ل عیراقێ ته‌كه‌ز كر كو به‌ری نوكه وه‌لاتێ وان ب كۆژمێ پتر ژ 20 ملیۆن دۆلاران هاریكاریا ئاواره و په‌نابه‌ران ل هه‌رێما كوردستانێ و عیراقێ كریه و ل ئاینده‌ی ژی حوكمه‌تا وان ل به‌ره ب كۆژمێ 80 ملیۆن دۆلاران هاریكاریا ئاواره و په‌نابه‌ران بكه‌ت، ئه‌و ژی ب رێیا رێكخراوێن (UNHCRوIOMوICRCوSCI).
پارێزگه‌رێ دهۆكێ خۆشحالیا خۆ ب سه‌ره‌دانێ دیار كر و سوپاسیا وه‌لاتێ ئوسترالیا كر هه‌مبه‌ر ئه‌و هاریكاریێن بۆ ئاواره و په‌نابه‌ران پێشكێش دكه‌ن و خواست كو قه‌بارێ وان هاریكاریێن مرۆڤایه‌تی بهێته زێده‌كرن .
نيشاندان