ئەڤرۆ نیوز:

پشتی سه‌رۆك مه‌سعود بارزانی سه‌ره‌دانا به‌غدا و نه‌جه‌ف کری، شڤێدی د سه‌ره‌دانه‌كا فه‌رمی دا به‌ره‌ف وەلاتێ ئیماراتا عه‌ره‌بی یا ئێكگرتی برێکەفتیە.
هەروەسا پشتی دو رۆژێن سه‌ره‌دانا سەرۆک بارزانی بۆ به‌غدا و نه‌جه‌فێ، ب رێیا فرۆكخانا نه‌جه‌ف یا نێڤده‌وله‌تی به‌ر ب ئیماراتا عه‌ره‌بی چوویە.
چاڤه‌رێ دهێتە كرن، کو سه‌رۆك مه‌سعود بارزانی ل گه‌ل مه‌زنه ‌به‌رپرسێن ئیماراتا عه‌ره‌بی كۆمببیت، هەروەسا ده‌نگۆیه‌ك ژی هه‌یه‌، کو بارزانی سه‌ره‌دانا هنده‌ك وه‌لاتێن كه‌نداڤی ژی بكه‌ت، ژ وان ‌وەلاتێ سعوودیێ.
سه‌رۆك مه‌سعود بارزانی ئه‌ڤ سه‌ره‌دانه‌ل سه‌ر داخوازیا فه‌رمیا ئیماراتا عه‌ره‌بی كریه‌و دێ بۆ ده‌مێ دو رۆژان ڤه‌كێشیت.

ئەڤرۆ نیوز:

بهایێ نەفتێ به‌رده‌وام د داكه‌فتنێ دایه و جارەکادی نەفتا خام یا برێنت 5% بهایێ خوه‌ ژ ده‌ست دا.

د بازارێن جیهانی یێن نەفتێ دا، ژ ئەگەرێ زێده‌بوونا به‌رهه‌مێ نەفتێ و خواستەیا كێم، ‌ بهایێ نەفتێ نزمترین ئاست هه‌ر ژ هەیڤا چریا دویێ یا سالا بوری تۆماركر و هه‌ر به‌رمیله‌كێ خاما برێنت 3 دۆلار و 34 سه‌نت ژ ده‌ستان و گه‌هشته‌ 59 دۆلار و 26 سه‌نتان، ب ڤی رەنگی هه‌ر به‌رمیله‌كێ 5% بهایێ خوه‌ ژ ده‌ست دا.

هەروەسا هه‌ر به‌رمیله‌كێ خاما ئه‌مریكی ژی چار دۆلار ژ ده‌ستدان و گه‌هشته‌ 50 دۆلار و 60 سه‌نتان و وێ ژی‌ 7% ژ بهایێ خوه‌ ژ ده‌ست دا.
ژبەر ڤێ چەندێ ژی رێكخراوا ئۆپك ل بەرە ل شه‌شێ كانوونا دویێ یا ئه‌ڤ ساله‌ كۆم ببیت و گۆتوبێژان ل سەر سنۆرداركرنا به‌رهه‌مێ نەفتێ بكه‌ت، ئەڤە ژی دێ بیتە وه‌كو بزاڤه‌كێ ژبۆ راگرتنا بهایێ داكه‌فتنا نەفتێ ل بازارێن جیهانی دا.