ئه‌ڤرۆنيوز:
محه‌مه‌د كازم قازى موكرى وه‌لاتيه‌كێ كورده ل باژێرێ مهاباد ل ئيرانێ دژيێ 86 ساليێ دا قوتابى يه ل كوليژا قانوونێ.
86 سالى يه وقوتابيێ كوليژێ يه
نووترين نووچه
- سەرۆك بارزانی پێشوازی ل قونسلا نوو یا ئەمریكا و قونسلێ بەرێ ل هەولێرێ كر
- دەمێ نەجمەدین كەریم پارێزگەرێ كەركووكێ تو ل دهۆكێ ئاوارە بووی
- هەتا داخوازیێن مە نەهێنە بجهئینان پشكداریێ د كۆمبوونێن جڤاتا پارێزگەها كەركووكێ دا ناكەین
- ئەمریكا گەفێن دەستێوەردانا نێڤدەولەتی كریە هەكە پڕۆژە قانوونا حەشدا شەعبی بهێتە دەربازكرن
- پەرلەمانتارەك: دڤێت د ڤێ حەفتیێ دا بڕیار ل چارەنڤیسێ مووچەی بهێتە دان
- رێژەیەکـا زێدە ژ خەلکـێ عـەفرینێ ڤەگـەڕاینە دەڤـەرێن خـوە
- سەرۆك بارزانی پیرۆزباهییا سالڤەگەڕا دامەزراندنا حزبا سۆسیال دیموكراتا كوردستانی كر
- كوردستان هەردەم دێ وەلاتێ هەموو پێكهاتەیان مینیت
- حوكمەتا هەرێمێ هەموو ئاسانكاری بۆ سەرەدانكەرێن شیعە كرینە
- عەلی دۆلەمەری: فرەنسا دخوازیت هەرێما كوردستانێ یا ئارام بیت
سه‌ره‌كى نووترين نووچه
ب فەرمی مێسی بۆ گۆلکارێ ٢٠١٨
ئەڤرۆ نیوز:
ب شێوەکێ فەرمی ستێرا یانا بەرشەلونە و ھەلبژارتیێ ئەرژەنتین لیونێل مێسی بۆ باشترین گۆلکارێ سالا ٢٠١٨ ب ٥١ گۆلان پشتی ستێرا یانا یوڤانتوس کرستیانو رونالدوی نەشیایی ئەڤرۆکە ھژمارا گۆلێن خوە زێدەتر بکەت.
مێسی ل سالا ٢٠١٨ شیابوو ٤٧ گۆلان دگەل یانا خوە یا ئسپانی بەرشەلونە توماربکەت و چار گۆلان ژی دگەل ھەلبژارتیێ خوە ئەرژەنتین توماربکەت سەرجەمێ وان گەھاندبوونە ٥١ گۆلان د ماوێ ئەڤ سالە دا، بەرامبەر ستێرا پرتوگالی و یانا یوڤانتوس یا ئیتالی کرستیانو رونالدۆ پشتی ئەڤرۆکە شیایی دو گۆلان تومار بکەت ل سەر یانا سامبدوریا ل رێزا دویێ ھات ب ٤٩ گۆلان کو بەری نوکە ٤٣ گۆل دگەل یانا ریال مەدرید و یوڤانتوس تومارکریە دیسان شەش گۆل ژی دگەل ھەلبژارتیێ پرتوگال کو سەرجەمێ وان دبنە ٤٩ گۆل د سالا ٢٠١٨ دا.
سێ ئەندامێن پەرلەمانێ کوردستانێ دێ ھێنە دەرخستن
ئەڤرۆ نیۆز، ئەمیر ئەترووشی:
سەرۆکێ بەروەخت یێ پەرلەمانێ کوردستانێ راگەھاند، ھەتا نوکە سێ ئەندامێن نوو دەرچووین بۆ پەرلەمانێ کوردستانێ پەیوەندی ب پەرلەمانی نەکریە و راوێژکارێ قانوونی یێ پەرلەمانێ کوردستانێ ژی راگەھاند کو ھەر دەمێ ٩٠ رۆژ ل سەر روونشتنا ئێکێ دەربازبوون وان سێ ئەندام پەرلەمانان مافێ ئەندامەتیێ نامینیت.
رێڤینک ھروری، سەرۆکێ بەروەخت یێ پەرلەمانێ کوردستانێ بۆ ئەڤرۆ نیۆز دیار کر، ل روونشتنا ئێکێ یا پەرلەمانێ کوردستانێ ل دەمێ خواندنا سووندا قانوونی، سێ ئەندامێن پەرلەمانێ کوردستانێ ب ناڤێ (قوباد تالەبانی، شاسوار عەبدولواحد، شەعبان عەلی شەعبان) ئامادەنەبوون و سووندا قانوونی نەخواندن و ھەتا نوکە ژی ب چو رەنگان پەیوەندی ب پەرلەمانێ کوردستانێ نەکریە و گۆت: ھەتا نوکە ڤان ھەرسێ پەرلەمانتاران ئەگەرێن نە ئامادەبوونا خوە ل پەرلەمانی دیار نەکریە.
د. وەعدی مزوری، راوێژکارێ قانوونی یێ پەرلەمانێ کوردستانێ بۆ ئەڤرۆ نیۆز دیار کر، ل گۆرەی پەیرەوێ ناڤخۆ یێ پەرلەمانێ کوردستانێ یێ نوو، ئەگەر پەرلەمانتارەک بۆ ماوێ ٣٠ رۆژان پەیوەندیێ ب پەرلەمانی نەکەت، مافێ ئەندامەتیێ نامینیت، بەلێ ژ بەر کو د روونشتنا ئێکێ یا پەرلەمانێ کوردستانێ دا روونشتن ڤەکری مایە، لەوما نھا دێ ل گۆرەی پەیرەوێ ناڤخۆ یێ کەڤن سەرەدەری ل گەل وان ھەر سێ ئەندام پەرلەمانێن نە ئامادەبووی ھێتە کرن، ئەو ژی ٩٠ رۆژن و ئەگەر ٩٠ رۆژ بوورین و بەرھەڤ نەبوون، بێگومان وان ھەر سێ پەرلەمانتاران مافێ ئەندامەتیێ نامینیت.
ڤەکێشانا ئەمریکا ل سووریێ دێ کاریگەری ل سەر بھێزبوونا داعش ھەبیت
ئەڤرۆ نیۆز، قائید میرۆ:
ل چەند رۆژێن بۆری دا داعش ھژمارەکا ھێرشان ل عێراقێ ئەنجامدان و شارەزایەکێ سەربازی ژی زێدەبوونا ھێرشێن داعش بۆ لاوازیا ھێزێن عێراقی ڤەدگەڕینیت، ھەروەسا دبێژیت، ڤەکێشانا ئەمریکا دێ کاریگەری ل سەر رەوشا عێراقێ و سووریێ ژی ھەبن.
عەقید ھێمن سالح، شارەزایێ سەربازی بۆ ئەڤرۆ نیۆز دیارکر” زێدەبوونا ھێرش و لڤینێن تیرۆرستێن داعش ل چەند رۆژێن بۆری دا ل دەڤەرێن جودایێن عێراقێ ژبۆی دو ئەگەران ڤەدگەڕیت، یا ئێکێ لاوازیا ھێزێن ئەمنی و سەربازیێن عێراقی، کو نەشێن کۆنتڕۆلا رەوشێ بکەن و شارەزایی ل دەڤەرێن تێدا جێھگیرکری نینە، یا دویێ ژی بۆ ڤەکێشانا ھێزێن پێشمەرگەی ل دەڤەرێن کوردستانی یێن دەرڤەی ئیدارەیا حوکمەتا ھەرێما کوردستانێ ڤەدگەڕیت، چونکە ئەو دەڤەرێن بەری نوکە سەنگەرێن پێشمەرگەی تێدا نوکە بووینە ھێلینا چەکدارێن داعش.
لدۆر کاریگەریێن ڤەکێشانا ئەمریکا ل سووریێ ل سەر زێدەبوونا لڤینێن داعش، عەقید ھێمن سالح گۆت” ھەرچەندە ھێشتا دیارنینە دێ ئەمریکا کەنگی و چاوا ھێزێن خۆ ڤەکێشیت، بەلێ ھەر چاوابیت ڤەکێشانا ھێزێن ئەمریکا دێ کاریگەری لسەر رەوشا ئەمنیا عێراقێ و سووریێ ژی ھەبیت، چونکە ئەمریکا لسالێن بۆری گورزێن کوژەک ل گروپا تیرۆرستیا داعش داینە و نەمانا ھاریکاریێن ئەمریکا دێ بیتە ئەگەر داعش بھێز بکەڤیت.
ب ڤیدیو سەرکەفتنا یوڤانتوس ب رێکا رونالدوی ببینە
ئەڤرۆ نیوز:
بەری دەمەکێ کێم ئەڤرۆکە یاریێن گەرا ١٩ یا خولا ئیتالیا ھاتنە ئەنجامدان و د یاریا دەسپێکێ یا ڤێ گەرێ دا یانا یوڤانتوس ل یاریگەھا خوە شیا بەردەوامیێ بدەتە ئەنجامێن خوە یێن باش پشتی سەرکەفتی ل سەر یانا سامبدوریا ب دو گۆلان بەرامبەر گۆلەکێ.
ھەژی گۆتنێ یە ھەردو گۆلێن یانا یوڤانتوس ژ لایێ ستێرا وێ یا پرتوگالی کرستیانو رونالدو ڤە ھاتنە تومارکرن ل خولەکێن ٢، ٦٥ بەرامبەر گۆلا یانا سامبدوریا ژلایێ یاریزانێن وێ کواریارێلا ڤە ھاتە تەمارکرن ل خولەکا ٣٣.
پەرلەمانێ عێراقێ ل دۆر سەرەدانا ترەمپی دێ کۆمبیت
ئەڤرۆ نیۆز، قائید میرۆ:
پشتی ئاشکرابوونا سەرەدانا دۆنالد ترەمپ سەرۆکێ ئەمریکا لایەنێن سیاسیێن عێراقێ نەڕازیبوونا خۆ لدۆر سەرەدانا دیارکرن و لایەنێن عێراقی ئاماژە بڤێ چەندێ دکەن، نابیت سەرۆکێ وەلاتەکێ زلھێز ب نھێنی سەرەدانا عێراقێ بکەت و بڕیارەژی پەرلەمانێ عێراقێ لدۆر ڤی بابەتی کۆمببیت.
دکتۆر محەمەد شاکر، پەرلەمانتارێ پارتی لپەرلەمانێ عێراقێ بۆ ئەڤرۆ نیۆز دیارکر” سەرەدانا سەرۆکێ ئەمریکا بۆ عێراقێ ھژمارەکا زۆرا لایەنێن سیاسی دلگرانکرینە و ھژمارەک پەرلەمانتاران داخواز ل دەستەیا سەرۆکایەتیا پەرلەمانی کریە و کۆمبوونەکێ لدۆر سەرەدانا ترەمپی ئەنجام بدەت.
دکتۆر محەمەد شاکر گۆتژی” ل گروپێ پەرلەمانتاران دەستەیا سەرۆکایەتیا پەرلەمانی بەرسیڤا داخوازا پەرلەمانتاران کریە، کو یان دێ کۆمبوونەکا تایبەت لدۆر سەرەدانا سەرۆکێ ئەمریکا ھێتە رێڤەبرن، یانژی د کۆمبوونا داھاتیا پەرلەمانی دێ بەحسێ ئەڤی بابەتی ھێتەکرین.
ھەلبژارتیێ باسکا پارێزگەھا دھۆک بۆ قارەمانا کوردستانێ
ئەڤرۆ نیوز:
بەری دەمەکێ کێم ھەلبژارتیێ پارێزگەھا دھۆکێ یێ باسکت بۆلێ بۆ قارەمانا کوردستانێ پشتی سەرکەفتن ل سەر ھەلبژارتیێ باسکت بۆلا کەرکووک تومارکری ب ئەنجامێ ٩٢ – ٧٧ خالان.
د ڤێ یاریێ دا یاریزانێن ھەلبژارتیێ باسکا دھۆکێ شیا ژ دەسپێکا یاریێ کونترولا یاریێ بکەت و ب جوداھیەکا باش یا خالان پێش بکەڤیت و رولێ یاریزانێن وان فەرید رەعدی و جەگەر موراد و رێزان حاجی یێ بەرچاڤ بوو د تومارکرنا خالان دا ھەتا یاری ب دووماھی ھاتی ب سەرکەفتنا باسکا پارێزگەھا دھۆکێ ب ئەنجامێ ٩٢ – ٧٧ خالان سەرکەفتنێ ل سەر ھەلبژارتیێ کەرکووک توماربکەت، ب ڤی ئەنجامی پارێزگەھا دھۆکێ شیا بیتە قارەمانا کوردستانێ پشتی چار سەرکەفتن ل دووڤ ئێک تومارکرین.
ھەژی گۆتنێ یە ھەلبژارتیێ پارێزگەھا دھۆکێ ل سەر کیستێ خوە پشکداری د قارەمانیێ دا کربوو بێ کو چو لایەن ھاریکاریا وان بکەن ژلایێ مادی ڤە.
ژ بەر گەرمێ خەلکێ ئوسترالیا نەچار بوو ڤی کاری بکەن
ئەڤرۆ نیوز:
وەلاتێ ئوسترالیا ژ بەر پێلەکا گەرمەتیا دژوار ب سەر وی وەلاتی دا ھاتیە کو گەھشتیە ٤٩.٣ پلەیان و بوویە ئەگەر خەلک بەر ب کەنارێن دەریایی بچیت.
باژێرێ سدنی یێ ئوسترالی نوکە کەفتیە بەر پێلەکا گەرماتیێ ل پێنج رۆژێن بوری و دھێتە پێشبینی کرن ھەتا دەسپێکا سالا نوو ژی یا بەردەوام بیت کو پلەیا گەرمێ گەھشتیە زێدەتر ژ ٤٩ پلەیان و ڤێ گەرمێ خەلکێ وی وەلاتێ ئوسترالیا نەچار کریە بەر ب کەنارێن دەریایی و ھولێن خوە خشاندنا سەر بەفرێ داکو خوە ژ پلەیێن بلند یێن گەرماتیێ رزگار بکەن د ڤان رۆژان دا.
ژلایێ خوە ڤە دەزگایێن ساخلەمیا ئوسترالیا ھوشداری دایە وان کەسان یێن نەخوشیا تەنگە ھەناسێ ھەین دیسان بۆ ماوەکێ درێژ ل بەر گەرما رۆژێ نە مینن داکو پیستێ لەشێ وان تووشی چو نەخوشیان نەبیت.
دو خووشك و برایەك كونترۆلێ لسەر قارەمانیا دەولەتی دكه‌ن
ئەڤرۆ نیوز، محەمەد عەلی نوری
كچا پارێزگەها دهۆكێ یاریزان كارین كەمال ناسناڤێ قارەمانیا خانزاد یا دەولەتی یا كلاسیكی بۆ یاریا شەترەنجێ بدەستڤەئینا پشتی شیایی د هەڤركیێن قارەمانیێ دا رێزا ئێكێ هاتی، د یاریێن واندا ئەوا ئەڤرۆ ل هەولێرا پایتەخت هاتیە ئەنجامدان.
لسەر ئاستێ كچان كارین كەمال شیا حەفت خال و نیڤا بدەستڤەبینت پێشكەڤیت لسەر هەڤركا خوە سارا مەسعود، ژلایێ خوەڤە كچا دی یا دهۆكێ و خووشكا كارینێ، ڤین كەمال رێزا سیێ بدەستڤەئینا.
ژلایێ خوەڤە لسەر ئاستێ كوران بۆ كێمتر 16 سالی یاریزان مستەفا كەمال برایێ هەردو خووشك و كچێن پارێزگەهێ رێزا دوێ بدەستڤەئینا ئەوا هەڤركێ وی پۆلا ئازاد رێزا ئێكێ هاتی.
بۆ زانین ئەڤ قارەمانیە سالانە ژلایێ یانا خانزاد لسەر ئاستێ پشكداریێن دەولەتی ل هەولێرا پایتەخت دهێتە ئەنجامدان، بۆ وەرزێ 2018 زێدەتر 107 یاریزانێن هەرێمێ، عیراقێ و دەرڤە پشكداری كربوو، ئەوا ژلایێ ئێكەتیا دەولەتی یا شەترەنجێ هاتیە پەسەندكرن و هەموو ئەنجامێن وێ د لیستا پلەداریا یاریزانا دهێنە زێدەكرن.
به‌رهه‌م سالح دێ بۆ په‌رله‌مانى هێته گازيكرن
ئه‌ڤرۆ نيوز:
داخواز ژ جڤاتا نوونه‌رێن عيراقێ دهێته كرن، روونشتنه‌كا نايا ئاسايى د ده‌رباره‌ى به‌ركه‌فتنێن سه‌ره‌دانا دۆنالد تره‌مپ سه‌رۆكێ وه‌لاتێن ئێكگرتى يێن ئه‌مريكا بۆ عيراقێ ئه‌نجام بده‌ن و تێدا به‌رهه‌م سالح بچيته به‌ر سينگێ جڤاتا نوونه‌ران و روونكرنه‌كێ بده‌ت.
عه‌باس علێوى، ئه‌ندامێ هه‌ڤپه‌يمانيا ئيسلاح ل جڤاتا نوونه‌رێن عيراقێ ئه‌ڤرۆ رۆژا شه‌مبى 29ى كانوونا ئێكێ 2018 بۆ مالپه‌رێ “المعلومة” يێ عيراقى دياركر كر كو شێوازێ سه‌ره‌دانا تره‌مپ بۆ عيراقێ گه‌لێ عيراقێ “ئستيفزازى” بوو، ژ به‌ر هندێ دڤێت جڤاتا نوونه‌رێن عيراقێ كۆمبوونه‌كا نه‌ئاسايى د ڤێ ده‌ربارێ دا ئه‌نجام بده‌ت.
ته‌كست ژى ل سه‌ر وێ چه‌ندێ كر كو ئه‌ندامێن جڤاتا نوونه‌رێن عيراقێ محه‌مه‌د حه‌لبۆسى سه‌رۆكێ جڤاتا نوونه‌رێن عيراقێ داخواز دكه‌ن بۆ كۆمبوونه‌كا نه‌ئاسايى يا جڤاتا نوونه‌ران و تێدا هه‌ر ئێك ژ عادل عه‌بدولمه‌هدى سه‌رۆك وه‌زيرێن عيراقێ و به‌رهه‌م سالح بكه‌ن دا كو به‌رسڤا پرسيارێن نوونه‌ران بده‌ن ل دۆر وێ سه‌ره‌دانێ.
نيشاندان
WP Facebook Auto Publish Powered By : XYZScripts.com