فوتو: قەیس وەیس:
چەند وێنێن وەکھەڤیا یاریا یانا دھۆک دگەل برایەتی ئەوا ب وەکھەڤی ب دووماھی ھاتی ب دو گۆلان ژ گەرا شەشێ یا خولا نایابا کوردستانێ یا تەپا پێ د یاریا وان دا ئەوا ل یاریگەھا برایەتی ھاتیە کرن.
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سه‌ره‌كى نووترين نووچه
بتنێ نوونه‌ره‌کا دهۆکێ شیا سه‌رکه‌فتنێ توماربکه‌ت
ئه‌ڤرۆ نیوز،هه‌ژار مه‌عروف:
فوتو:قه‌یس وه‌یسی:
به‌ری ده‌مه‌کێ کێم یاریێن هه‌رسێ نوونه‌رێن پارێزگه‌ها دهۆکێ د خۆلا پلا نایاب یا کوردستانێ ب دووماهیی هاتن کو بتنێ یانا زاخۆ شیا سه‌رکه‌فتنێ توماربکه‌ت و دهۆک وه‌کهه‌ڤبوو زێره‌ڤانی ژی خوساره‌ن بوو.
ل یاریگه‌ها خوه تیما ته‌پا پێ یا زاخۆ پشتی بورینا پێنج گه‌را نه‌شیای سه‌رکه‌فتنێ توماربکه‌ت و دڤێ حه‌فتیێ دا شیا سه‌رکه‌فتنا ئێکێ ل وه‌رزێ ئه‌ڤ ساله ل سه‌ر کیستێ یانا ده‌ربه‌ندیخان توماربکه‌ت ب دو گولان به‌رامبه‌ر گوله‌کێ و زاخۆ خالێن خوه گه‌هاندنه حه‌فت خالان ژ سه‌رجه‌مێ شه‌ش یاریان سیه رکه‌فتنه‌ک و خوساره‌تیه‌ک و چار وه‌کهه‌ڤی هه‌نه.
ژلایه‌کێ دیڤه تیما دهۆک خوه ژ خوساره‌تیه‌کا مسوگه‌ر قورتالکر پشتی وه‌کهه‌ڤبووی ل گه‌ل یانا برایه‌تی ب دو گولان کو هه‌تا ده‌قیقا ٩٠ یانا برایه‌تی یا پێشکه‌فتی بوو لێ دقیقا دووماهیێ یاریزانێ دهۆک موئه‌ید عه‌بدولسه‌مه‌د دهۆک ژ خوساره‌تیه‌کا مسوگه‌ر قورتالکر ده‌مێ گولا وه‌کهه‌ڤیی تومارکری ب ڤی ئه‌نجامێ دهوک خالێن خوه گه‌هاندنه ١٢ خالان ژ شه‌ش یاریان کو سێ سه‌رکه‌فتن و سێ وه‌کهه‌ڤی هه‌نه.
ژلایه‌کێ دیڤه ل که‌لار تیما زێره‌ڤانی به‌ردوامی دا ئه‌نجامێن خوه یێن لاواز پشتی ڤی حه‌فتیێ ژی نه‌شیای سه‌رکه‌فتنێ توماربکه‌ت ده‌مێ ئه‌ڤ کاره ل گه‌ل یانا شێروانه خوساره‌ت بووی ب دو گولان به‌رامبه‌ر گوله‌کێ و ل سه‌ر بریارا سه‌رپه‌رشتێ یاریێ یاریا دناڤبه‌را ئاکرێ و نه‌وروز ژبه‌ر که‌شو هه‌وای خراب هاته پاشئێخستن.
هندەک دیمەنێن جوان یێن وەرزێ پاییزێ
ب وێنه: ل شەڤا بوری بەفر ل سەرزێری و چیایێن دەڤەرا بەرواری بالا باریە
داخواز ژ سه‌رۆك بارزانى دهێته كرن نڤيسينگه‌هه‌كا خوه ل به‌غدا ڤه‌كه‌ت
ئه‌ڤرۆ نيوز:
وه‌زيرێ ئاڤه‌دانكرن و بنه‌جهكرنێ ل حوكمه‌تا عيراقێ راگه‌هاند كو لايه‌نێن سياسى يێن عيراقى داخواز ژ سه‌رۆك بارزانى كريه كو ده‌ست پێشخه‌ريا عيراقێ بكه‌ت.
به‌نگين رێكانى، وه‌زيرێ ئاڤه‌دانكرن و بنه‌جهكرنێ ل حوكه‌تا عادل عه‌بدولمه‌هدى، ئه‌وێ پشكدار ل گه‌ل شاندێ سه‌رۆك بارزانى بۆ به‌غدا بۆ رووداو گۆت: “لايه‌نێن سياسى يێن عيراقى داخواز ژ سه‌رۆك بارزانى كر كو نڤيسينگه‌هه‌كا خوه ل به‌غدا ڤه‌كه‌ت، نه ب تنێ بۆ چاره‌كرنا كێشێن ناڤبه‌را عيراق و هه‌رێمێ، به‌لكو بۆ چاره‌كرنا ئه‌و كێشا نوكه عيراق تێدا د بۆريت، چو يێن سياسى يان ئابوورى يان هه‌ر كێشه‌كا دى بيت”.
وه‌زيرێ ئاڤه‌دانكرن و بنه‌جهكرنێ ل حوكمه‌تا عيراقێ گۆتژى: “بارزانى هێشتا هێشتا چو بڕيار ل سه‌ر ڤێ پێشنيازێ نه‌داينه، داخۆازا ده‌مێ ژێ خواستيه دا كو هزر د ڤى بابه‌تى دا بكه‌ت”.
سه‌رۆك بارزانى دوهى رۆژا پێنجشه‌مبى گه‌هشته به‌غدا و كۆمه‌كا ديداران ل گه‌ل سه‌ركردێن سياسى و حكومى ل به‌غدا كرن، د پێنگاڤه‌كێ دا كو ئاماژه پێ كريه ب مه‌ره‌ما ڤه‌كرنا سه‌ره‌ده‌مه‌كێ نوو يێ دانوستاندنايه و گه‌شبينيه ل هه‌مبه‌ر كابينا عادل عه‌بدولمه‌هدى.
هادى عامرى گه‌فان ل سوننيان دكه‌ت
ئه‌ڤرۆ نيوز:
سه‌رۆكێ هه‌ڤپه‌يمانيا “فه‌تح” هادى عامرى نامه‌كا دژوار بۆ هه‌ڤپه‌يمانيا “ميحوه‌ر” يا سوننيێن عيراقێ د ناڤ هه‌ڤپه‌يمانيا “بناء” دا ئه‌وا هادى عامرى و سه‌ركردێن دو سه‌ركردێن وى سه‌ركرداتيا وێ دكه‌ن هنارت پشتى به‌حس ل هندێ هاتيه كرن كو دێ خوه ژ هه‌ڤپه‌يمانيێ ڤه‌كێشن.
هه‌ڤپه‌يمانيا “محوه‌ر” ئێك ژ وان هه‌ڤپه‌يمانيێن ناڤا هه‌ڤپه‌يمانيا “بناء” و 40 كورسيێن جڤاتا نوونه‌رێن عيراقێ هه‌نه.
ژێده‌ره‌كێ نێزيكى عامرى بۆ شه‌فه‌ق نيوز گۆت: “فه‌تح نامه‌كا گه‌فلێكرنێ بۆ هه‌ڤپه‌يمانيا ميحوه‌ر ره‌وانه كريه و تێدا هاتيه كو ده‌ركه‌فتنا وان ژ هه‌ڤپه‌يمانيا بناء ئانكو ژ ده‌ست دانا وان هه‌موو پۆستێن ئه‌وان ب ده‌ست خوه ڤه ئينان ل گه‌ل وان و ده‌وله‌تا قانوونێ”.
ئه‌ڤى ژێده‌رێ ناڤێ خوه ئاشكه‌را نه‌كرى دايه زانين ژى كو پشتى ڤێ ناما گه‌فلێكرنێ، هه‌ڤپه‌يمانيا ميحوه‌ر ژ هزرا جودابوون ژ هه‌ڤپه‌يمانيا بناء دوور كه‌فتينه ب مه‌ره‌ما پاراستنا وان پۆستێن وان هه‌ين كو گرنگترين پۆست ژى سه‌رۆكاتيا جڤاتا نوونه‌ران و وه‌زاره‌تێن حوكمه‌تا عه‌بدولمه‌هدى نه.
پێشتر سه‌ركرده‌كێ هه‌ڤپه‌يمانيا ميحوه‌ر بۆ شه‌فه‌ق نيوز به‌حس ل وێ چه‌ندێ كربوو كو ئه‌گه‌رێن حه‌زا وان بۆ جودابوونێ ئه‌وه كو بڕيار يا مه‌ركه‌زى يه و يا دده‌ستێ كه‌سانێن ده‌ستنيشانكرى دا.
سه‌رۆك بارزانى ل گه‌ل سالح موتله‌گ كۆمبوو
ئه‌ڤرۆ نيوز:
ئه‌ڤرۆ رۆژا ئه‌ينى 23ى چريا دويێ 2018، سه‌رۆك بارزانى د رۆژا دويێ يا به‌رنامێ سه‌ره‌دانێن خوه دا، پێشوازى ل هنده‌ك كه‌ساتيان كر و ل گه‌ل حه‌يده‌ر عه‌بادى ژى كۆمبوو و نها ژى ل گه‌ل سالح موتله‌گ د كۆمبوونێ دايه.
سه‌رۆك بارزانى د كۆمبوونا خوه يا ئێكێ دا يا ئه‌ڤرۆ رۆژا ئه‌ينى پێشوازى ل حه‌سه‌ن عه‌له‌وى، كه‌ساتيێ ناڤدار و سياسه‌تمه‌دارێ به‌رنياسێ عيراقى كر و تێدا نووترين پێشهاتێن مه‌يدانا عيراقى گه‌نگه‌شه كرن.
د روونشتنا خوه يا دويێ دا، ل جهێ مانا خوه پێشوازى ل ئه‌رشه‌د سالحى، سه‌رۆكێ به‌ره‌يى توركمانى كر و دێ وێ كۆمبوونێ ژى دا، چه‌ندين ته‌وه‌رێن گرنگ يێن گرێدايى ره‌وشا نها يا عيراقێ و پشكداريا كورد و توركمانان د حوكمه‌تا عيراقێ دا گه‌نگه‌شه‌كرن.
پاشان ژى سه‌رۆك بارزانى سه‌ره‌دانا حه‌يده‌ر عه‌بادى، سه‌رۆك وه‌زيرێن به‌رێ يێن عيراقێ كر و د كۆمبوونه‌كێ دا، نووترين پێشهاتێن مه‌يدانا عيراقى گه‌نگه‌شه‌كرن.
د سه‌ره‌دانه‌كا خوه يا دى دا بۆ مالا سه‌ركرده‌يێ به‌رنياسێ سوننيان سالح موتله‌گ دا، چاڤ ب ناڤبرى كه‌فت و نها هه‌ردولا يێن د كۆمبوونێ دا.
30 خيڤه‌تێن كوردێن ئێزدى بن ئاڤ دبن
ئه‌ڤرۆ نيوز:
پشتى پێله‌كا باران بارينێ هه‌رێما كوردستانێ ڤه‌گرتى ل هنده‌ك ده‌ڤه‌ران رێژه‌كا زۆر يا بارانێ بارى و ئه‌ڤێ چه‌ندێ ژى كارتێكرنێن خراب ل هنده‌ك ده‌ڤه‌ران ل پشت خوه هێلان ب تايبه‌ت ل ناڤ كه‌مپا ئاوارێن شێخان.
ب گۆره‌يى گۆتنێن په‌يامنێرێ ئه‌ڤرۆ نيوز ژ ئه‌نجامێ باران بارينا شڤێدى ل ناڤ كه‌مپا شێخان نێزيكى 30 خيڤه‌تێن ئێزديان كو يێن قاته‌كى هه‌موويێ بوون، بن ئاڤ بووينه و هه‌موو كه‌لوپه‌لێن وان ژى ل گه‌ل دا زيان گه‌هشتينێ.
ئاشكه‌را ژى كر كو هه‌ر زوو تيمێن به‌ره‌ڤانيا باژێرى گه‌هشتنه جهێ روودانێ و شيان روودانێ كونترۆل كه‌ن و گۆت: “چو زيانێن گيانى نه‌بوون، ب تنێ زيان ب كه‌لوپه‌لێن ناڤ خيڤه‌تا كه‌فت بوون”.
دوهى پێله‌كا باران بارينێ هه‌رێما كوردستانێ ڤه‌گه‌رت و دهێته پێشبينكرن هه‌تا رۆژا دوشه‌مبى يا به‌رده‌وام بيت، كه‌شناسيا هه‌رێمێ ژى وه‌لاتى ل سه‌ر ڤێ باران بارينێ هايدار كرينه و ژێ خواستيه هايدارى ره‌وشا خوه بن و هه‌كه بۆ كاره‌كێ فه‌ر نه‌بيت ل ده‌مێ باران بارينێ مالێن خوه ژى ب جهـ نه‌هێلن.
ژ دوهى وه‌ره چه‌ند باران ل دهۆكێ باريه؟
سه‌لاحه‌دين بهائه‌دين دێ چيته ئيرانێ
ئه‌ڤرۆ نيوز:
ئه‌ميندارێ گشتى يێ ئێكگرتوو ئيسلامى كوردستانێ دێ ب مه‌ره‌ما پشكداريكرن د كۆنگره‌كێ نێڤده‌وله‌تى يێ ئيسلامى دا سه‌ره‌دانا ئيرانێ كه‌ت.
ب گۆره‌يى راگه‌هاندنه‌كێ كو مه‌كته‌با ئه‌ميندارێ گشتى يێ ئێكگرتوو به‌لاڤكريه و دانه‌ك ژێ بۆ ئه‌ڤرۆ نيوز ره‌وانه كريه تێدا هاتيه كو ئه‌ميندارێ گشتى يێ ئێكگرتوو ئيسلامى كوردستانێ ب مه‌ره‌ما پشكدارى د كۆنگرێ نێڤده‌وله‌تى بۆ ئێكه‌تيا ئيسلامى دێ سه‌ره‌دانا ئيرانێ كه‌ت.
ئاشكه‌را ژى كر كو بڕياره ئه‌ڤرۆ رۆژا ئه‌ينى 23ى چريا دويێ 2018 سه‌لاحه‌دين محه‌مه‌د بهائه‌دين، ئه‌ميندارێ گشتى يێ ئێكگرتوو ئيسلامى كوردستان ب مه‌ره‌ما پشكداريكرن د كۆنگرێ 32 يێ نێڤده‌وله‌تى بۆ ئێكه‌تيا ئيسلامى سه‌ره‌دانا ته‌هران يا پايته‌ختێ ئيرانێ بكه‌ت.
كۆنگرێ ئه‌ڤ ساله دێ ل بن ناڤونيشانێن “قودس رێيا ئێكه‌تيا ئۆمه‌تێ يه” هێته ئه‌نجام دان كو د چارچۆڤێ لێك نێزيككرنا مه‌زهه‌بان دا ب ره‌نگه‌كێ سالانه ل ئيرانێ دهێته ئه‌نجام دان.
نيشاندان
WP Facebook Auto Publish Powered By : XYZScripts.com