ئه‌ڤرۆنيوز، زنار توڤى:
هنده‌ك ديمه‌نێن وه‌رزێ پاييزێ ل ده‌ڤه‌را به‌روارى بالا
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سه‌ره‌كى نووترين نووچه
ياريێن ئه‌ڤ شه‌ڤه ژ خۆلا قاره‌مانێن ئورۆپا
ئه‌ڤرۆنيوز:
ئه‌ڤ شه‌ڤه هه‌شت يارى ژ گه‌را پێنجێ وبه‌رى دووماهيێ ژ قۆناغا كۆمان يا خۆلا قاره‌مانێن ئورۆپا دێ هێنه ئه‌نجامدان ب ڤى شێوه‌ى:
ئه‌تله‌تيكۆ مه‌دريد (ئيسپانيا) – موناكۆ (فره‌نسا)
لوكوموتيڤ موسكۆ (روسيا) – گالاتا ساراى (توركيا)
بوروسيا دورتموند (ئه‌لمانيا) – كلۆب برۆج (به‌لجيكا)
ئايندهۆڤن (هوله‌ندا) – به‌رشه‌لونا (ئيسپانيا)
توتنهام (ئينگلته‌را) – ئه‌نترميلان (ئيتاليا)
ناپۆلى (ئيتاليا) – سرفينا زڤيرزدا (سربيا)
پورتۆ (پورتۆگال) – شالكه (ئه‌لمانيا)
هه‌ردو ياريێن ئه‌تله‌تيكۆ مه‌دريد و موناكۆ و لوكوموتيڤ موسكۆ و گالاتا ساراى دێ ل ده‌مژمێر 10:55 ئه‌ڤ شه‌ڤه هێنه ئه‌نجامدان وهه‌ر شه‌ش ياريێن دى ل ده‌مژمێر 11 ئه‌ڤ شه‌ڤه دێ هێنه ئه‌نجامدان.
يانا هه‌ولێرێ ل ياريگه‌ها خوه سه‌رنه‌كه‌فت
ئه‌ڤرۆنيوز:
دچارچۆڤێ گه‌را نه‌هێ ژ خۆلا پلا ناياب يا عيراقى، ئه‌ڤرۆ چارشه‌مبى 28/11/2018 يانا هه‌ولێرێ ل سه‌ر ياريگه‌ها خوه بێ گۆل وه‌كهه‌ڤ بوو ل گه‌ل يانا ديوانيه وب تني ب خاله‌كێ رازى بوو.
ب ڤى ئه‌نجامى خالێن يانا هه‌ولێر گه‌هشتنه 13 خالان و ل رێزا هه‌شتێ دهيت ل رێزبه‌ندا خۆلا عيراقى ويانا ديوانيه ب 7 خالان ل رێزا 17 دهێت.
شاندەکێ بلند یێ بریتانی سەرەدانا وەزارەتا دارایی دكه‌ت
ئەڤرۆ نیوز ، زنار تۆڤی:
ئەڤرۆ چار شەمبی 28/11/2018 رێباز حەملان، وەزیرێ دارایی و ئابووری یێ حوکمەتا هەرێما كوردستانێ پێشوازى ل بارونیس نیلكسون، هنارتیێ تایبەت یێ سەرۆك وەزیرێن بریتانیا و جۆن ویلكس و بالیۆزی بریتانیا ل عێراقێ و مارتن وار، كونسولێ گشتی یێ بریتانیا ل هەرێما كوردستانێ و شاندەکێ ل گەل دا كر.
د دیدارێ دا هنارتیێ تایبەت یێ سەرۆك وەزیرێن بریتانیا بەحسێ سەركەفتنا هەرێما كوردستانێ كر، ل سەر وێ ره‌وشا د ده‌مێ بوری دا دروست بووی، هەروەسا دده‌ستخوه‌شى ل وەزارەتا دارایی و ئابووری كر، ب تایبەتی وان چاكسازیێن بەرچاڤ و مەزن ئەنجامداین د ده‌مێ سالەکێ دا، هەروەسا ئەو ئاسانكاریێن هاتینە كرن بۆ كۆمپانیێن بریتانی.
رێباز حەملان، وەزیرێ دارایی و ئابووری ئاماژە ب پەیوەندیێن ئابووری و دارایی یێن هەرێما كوردستانێ و كۆمپانیێن بریتانی كر و سوپاسيا پشتیەڤانیا حوکمەتا بریتانیا كر، هەروەسا بەحسێ چاكسازیێن وەزارەتا دارایی و ئابووری كر ل بانك و ده‌رگه‌هێن سنورى و فرۆكخانا و گومرگ و باجا کو کرینه ئەلەكترۆنی. هەروەسا پەیوەندیێن دناڤبەرا و هەولێر و بەغدا تەوەرەکێ دیتر یا وێ كۆمبوونێ بوو ب تایبەتی نەهێلانا خالێن گومرگی یێن دناڤبەرا هەرێمێ و بەغدا و پشكا كوردستانێ د پڕۆژە قانوونا بودجێ 2019 یێ عیراقێ و ئێكخستنا پێناسا گومرگی دناڤبەرا هەردو لایان دا.
زاخۆ تووشی خوسارەتیا چارێ بوو
ئەڤرۆ نیوز:
تیما باسکت بۆلا زاخۆ ئەڤرۆ ل بەغدا تووشی خوسارەتیا چارێ بوو د خولا عیراقێ یا باسکت بۆلێ دا بۆ یانێن نایاب ڤێ جارێ ژی ل سەر دەستێ یانا تەزامن ب ئەنجامێ ٨٤-٧٢ خالان.
د ڤێ یاریێ دا سەرەرای ھەڤرکیەکا بھێز د ھاتە کرن ناڤبەرا ھەردو تیمان بۆ دەستڤە ئینانا سەرکەفتنێ لێ د چارێکا چارێ و دووماھیێ دا یاریزانێن تەزامن شیان ئەنجامێ یاریێ د بەرژەوەندیا خوە دا ئێکلا بکەن و یاریێ ب سەرکەفتنا خوە ب ئەنجامێ ٨٤-٧٢ خالان ب دووماھی بینن و دبیتە خوسارەتیا چارێ د خولا عیراقێ دا یانا زاخۆ تووش دبیت.
سێ کەس ل ئاکرێ بوونە قوربانی
ئەڤرۆ نیوز، سەباح زێباری:
ئەڤرۆ ئیڤاری ل سەنتەرێ قەزا ئاکرێ روودانەکا ھاتن و چوونێ ل نزیک ترافیکا سوسنا دروست بوو دناڤبەرا پێنج ترومبێلادا د ئەنجامدا سێ کەس بوونە قوربانی.
رێکەفت زوھێر ل راگەھاندنا ھاتن و چوونا ئاکرێ بۆ ئەڤرۆنیوز دیارکر کو ئەو رودان پشتی نیڤرۆ دروست بوویە ل نزیک ترافیکا سوسنا دناڤبەرا پێنج ترومبێلادا کو ژ جورێ لێکدان بوویە.
گۆت ژ ئەنجامێ ڤێ بویەرێ دا سێ کەس بوونە قوربانی دو ب گرانی برینداربووینە، لێ خوشبەختانە ھەتا نھا کەسێ گیانێ خوە ژ دەست نەدایە، بریندار ژی زوترین دەم ھاتنە رەوانەکرن بۆ نەخۆشخانا تەنگاڤیا ل ئاکرێ.
سەرۆک بارزانی ئارمانجا سەرەدانا خوە بۆ بەغدا ئاشکرا دکەت
ئەڤرۆ نیۆز:
سەرۆک بارزانی راگەهاند کو ئارمانجا سەرەدانا من یا بۆ بەغدا بۆ چارەکرنا ئاریشێن د ناڤبەرا هەرێما کوردستانێ و بەغدا بوویە و داخواز ژ من هاتیە کرن کو بۆ ئاشتیا نیشتمانی دەسپێشخەریێ بکەم و گۆت: (ئەم ژی دێ دووڤچوونا بابەتی کەین و هەکە ئەز بزانم دێ ئەنجامێ خوە یێ باش هەبن یا پێدڤی دێ کەین لێ هەکە زەمینە بۆ هندێ گونجای نەبیت جارێ چو پێنگاڤ ناهێنە هاڤێتن).
سەرۆک بارزانی هەروەسا دیار کر کو د سەرەدانا خوە دا ئەز ل گەل هەموو ئالیان بێی جودا کۆمبووم و ئەم ل دۆر هەموو ئاریشان ئاخڤتین و ئەز ب باوەرم دێ گوهۆرینێن باش دروست ببن و گۆت: (ئەز باوەر ناکەم کو عادل عەبدولمەهدی وەکو سەرکردێن بەرێ یێن عیراقێ بخوازیت گەلێ کوردستانێ سزا بدەت، هەکە تشتەک وەسا هەبا من سەرەدانا بەغدا نەدکر و نها مە دڤێت ب کریاری پێنگاڤ بهێنە هاڤێتن).
سەرۆک بارزانی هەروەسا ئەو یەک ژی دیار کر کو ب چو رەنگەکێ هەلویستێ مە ل سەر حسابێ ئارمانجێن ستراتیژی یێن گەلێ کوردستانێ نەبوویە و نابیت و ل دۆر کەرکووکێ ژی دیار کر کو کەرکووک باژێرێ پێکڤەژیانێ یە لێ دێ ناسناما وێ هەر یا کوردستانی بیت.
ل ئەمریکا کونفرانسەک ل دۆر رەڤەندا کوردی دھێتە رێکخستن
ئەڤرۆ نیۆز، ئەمیر ئەترووشی:
ل باژێرێ واشنتن یێ وەلاتێ ئەمریکا کونفرانسەک ل دۆر رەڤەندا کوردی و رەوشا خواندنێ ل کوردستانێ ھاتە رێکخستن و نوونەرێن ھەرێما کوردستانێ ژی د ڤی کونفرانسی دا بەشدار بوون.
د. داوود ئەترووشی، رێڤەبەرێ گشتیێ دیوانا وەزارەتا خواندنا بلند بۆ ئەڤرۆ نیۆز دیار کر، ئەڤ کونفرانسە ل سەر چاوانیا مفا وەرگرتن ژ رەڤەندا کوردی بۆ ئاڤاکرنا کوردستانێ ھاتبوو رێکخستن و ب سەدان کوردێن خودان شیان و باوەرنامێن بلند، کوردێن رۆژھەلات و رۆژئاڤا و باکۆر و باشور، بەشداری ڤی کونفرانسی بوون و د ئامادەنە خزمەتا ھەرێما کورستانێ بکەن، بەلێ پێدڤیە رێکخستنا وان بھێتە کرن.
گۆتیشی: د ناڤا کونفرانسی دا من و د. عسمەت خالد وەزیرێ بەرێ یێ پەروەردێ ل ھەرێما کوردستانێ بەشداری د د پانێلەکی ل سەر رەوشا خاندنێ ل کوردستانێ ل ژێر ناڤێ (“The role of Kurdish diaspora in higher education in the Kurdistan Region”.) دا کر.
ئاشکرا ژی کر کو رەڤەندا کوردی ل دەرڤەی وەلاتی سامانەکێ نشتیمانینە و پێتڤیە وەکی گەلەک وڵاتێن دی ببنە بەشەک ژ سیاسەتا حکومەتا ھەرێما کوردستانێ و پێتڤی ب پیتەپێدانەکا تایبەتن.
ژنەکا ٢٠ سالی ب خارنا حەبان خوە کوشت
ئەڤرۆ نیوز،بارزان مزووری:
ل شەڤا بوری دەمژمێر ١١ شەڤ ٢٧/١١ ژنەک بناڤێ”ب،س،خ” د ژیێ ٢٠ سالی دا ل گوندێ بوزا سەر ب ناحیا ئەلقوش ڤە ژ ئەگەرێ خارنا گەلەک جورێن حەبا گیانێ خوە ژ دەست دا.
نوژدارەک ل نەخوشخانا شێخان کو نەڤیا ناڤێ وی دیار بیت بو ئەڤرۆ نیوز دیار کر کو درەنگی شەڤێ ژنەک بناڤێ”ب،س” ژلایێ کەسوکارێن وێ ڤە گەھاندیە نەخوشخانا تەنگاڤیا ل شێخان لدووڤ راپورتا پزیشکی ھژمارەکا زور یا حەبێن جوراو جور خاربون بوو ئەگەر مەعیدێ وێ تێکبچیت و گیانێ خوە ژ دەست بدەت دووڤ دا بۆ نوشداریا داد ل پارێزگەھا دھوک ھاتە رەوانەکرن.
ل دۆر ڤێ بویەرێ رێوان ھەڤژینێ وێ ژنێ بۆ ئەڤرۆ نیوز دیار کر کو مەغرەب دگەل خێزانا خو بووم و چو کێشە نەبون و مە بەرھەڤی بۆ شەھیانەکێ دکر دیسان پشتی ژ مال دەرکەفتیم ل دەمژمێر ١١ شەڤ ھاتمە ئاگەھدارکرن ل دۆر ڤێ روودانێ کو رەوشا وێ یا خرابە بو نەخوشخانا شێخان ڤەگوھاستیە ھەتا گەھشتیم ھەڤژینا من گیانێ خوە ژ دەست دابوو.
ناڤھاتی خویاکر کو وان چ ئاریشە دگەل ئێک نەبوون من ب حەژێکرن ئینایە ماوێ دوو سال ئەڤیندارێن ئێک بوین بەری ب خازم ژبەرکو کچ ماما من بو پەیوەندیێن ئەڤینیا مە باش بوینە دەیکا دوو زاروکایە زارویەکێ من ژیێ وی ٥ سالە.
ل دۆر ڤێ روودانێ عەقید عارف میرخان رێڤەبەرێ پولیسێن ناحیا ئەلقوش بۆ ئەڤرۆ نیوز ئاشکرا کر کو ڤەکولین نوکە د ڤێ روودانێ دا یا بەردەوامە و ھێشتا چو کەس ژی نە ھاتینە دەستەسەر کرن.
بیڤەلەرز بویە ئەگەرێ ژ دەستادانا ٢٥٠٠ مێگاواتێن کارەبا عیراقێ
ئەڤرۆ نیوز:
وەزارەتا کارەبا عیراقێ ئاشکرا کر ئەوان ٢٥٠٠ مێگاواتێن کارەبێ ژ دەستدان ژ ئەگەرێ بیڤەلەرزا ل رۆژھەلاتا کوردستانێ روودای کو بویە راوستیانا ھنارتنا غازێ ژ ئیرانێ بۆ عیراقێ.
د بەیاننامەکێ دا بۆ دەزگایێن راگەھاندنی دیارکریە کو ژ ئەگەرێ ئەوێ بیڤەلەرزا ل رۆژا ئێکەشمبیا بوری پەیدابووی بویە ئەگەر وەزارەتا وان سەرجەمێ ٢٥٠٠ مێگاوەتێن کارەبێ ژدەست ب دەست پشتی بوریێن ھنارتنا غازێ ژ ئیرانێ بۆ عیراقێ ژ کارکەفتین کو بویە ئەگەر وێستگەھێن بەرھەم ئینانا کارەبێ ژ کار بکەڤن و دەمژمێرێن کارەبا نشتیمانی ل چەند پارێزگەھان کێم ببیت تایبەت ل کەرکووک و دیالا و بەغدا.
نوکە ئەڤ ئاریشەیە بەر ب چارەسەکرنێ دچیت و ئیرانێ ژ لایێ خوە ڤە چارەسەرکرینە ئەڤ بوریە و تنێ لایێ عیراقێ مایە کو دێ ل ٤٨ دەمژمێرێن بھێت دێ ب دووماھی ھێت.
نيشاندان
WP Facebook Auto Publish Powered By : XYZScripts.com