ئه‌ڤرۆ نیوز، ئازاد نسری:
ئه‌ڤرو سپێدێ 19-11-2018ل هولا كونفرانسا ب ئاماده‌بونا نه‌وروز مه‌ولود وه‌زیرا باژێرڤانی وگه‌شت وگوزارێ وفه‌رهاد ئه‌مین ئه‌تروشی پارێزگه‌رێ دهوكێ وسه‌روكێن زانكویێن پارێزگه‌ها دهوكێ وقایمقامێن پارێزگه‌هێ ورێڤه‌به‌ر وبسپورێن ئاڤ وسولینا وبه‌رپرسێن رێكخراوێن مروڤایه‌تی (( كونفرانسێ راگه‌هاندنا پلانا ستراتیجیا پارێزگه‌ها دهوكێ بو ئاڤ وسولینا ))هاته ئه‌نجامدان.
كونفراس ژلایێ پارێزگه‌ها دهوكێ وب هه‌ڤكاری دگه‌ل زانكویا دهوكێ ورێكخراوا (GIZ) یا ئه‌لمانی هاتیه به‌رهه‌ڤكرن.
درێ ورسمێن كونفراسیدا مصلح دهوكی سه‌روكێ زانكویا دهوكێ په‌یڤه‌ك پێشكێشكر وب خێر هاتنا هه‌موو به‌رهه‌بوڤیان كر وته‌كه‌زی ل سه‌ر گرنگیا ئاڤێ وپاراستنا وێ كر كو ب ره‌نه‌گه‌كێ باشتر سه‌ره‌ده‌ری دگه‌ل مه‌زاختناوێ بهێته كرن.
پاش وه‌زیرا باژێرڤانی وگه‌شت وگوزارێ دپه‌یڤه‌كێدا ده‌ست خوشی ل وان هه‌موو لایه‌نان كر یێن ئه‌ڤ پلانا پێنچ سالی ئاماده‌كری وسوپاسیا رێكخراوا (GIZ) یا ئه‌لمانی كر كو گه‌له‌ك هاریكاری كرینه وپروژه چێكرینه تایبه‌تی پروژێ ئاڤێ بو فه‌یدیێ وكه‌مپێن ئاواره وپه‌نابه‌را ل دومیز وجهێن دی وپشته‌ڤانیا وه‌زاره‌تێ نیشان دا بو بجه ئینانا پلانا ستراتیجی یا ئاڤ وسولینا ل پارێزگه‌هێ.
هه‌ر بڤێ هه‌لكه‌فتێ پارێزگه‌رێ دهوكێ په‌یڤه‌ك پێشكێشكر وبناڤێ حكومه‌تا كوردستانێ وپارێزگه‌ها دهوكێ سوپاسیا هه‌موو لایه‌نان كر یێن ئه‌ڤ پلانه به‌رهه‌ڤكری هه‌روه‌سا سوپاسیا رێكخراوێن یونسێف و(GIZ) یا ئه‌لمانی كر كو هاریكاربوینه بو ئاماده‌كرنا پلانێ وئاماژه دا گرنگیا ئاڤێ چ دوارێ ڤه‌خارنێ دا بیت یان دوارێ چاندنێ دا وگوت ئاڤ ژیانه وژیان بێ ئاڤ نابیت وزور یا فه‌ره سه‌ره‌ده‌ریه‌كا رێكخستی دگه‌ل ئاڤێ بهێته كرن نه‌خاسمه ئیرو روژ بو روژێ ئاریشا كێمبونا ئاڤێ ل روژهه‌تا ناڤێن په‌یدادبیت وگرفتاری ژێ چێدبن نمونه ژی كێمبونا ئاڤا روبارێن دجله وفراته وهیڤی خاستن كو ئه‌ڤ پلانا ستراتیجی ببیته هوكار كوئاڤ كێم تر بهێته مه‌زاختن وسه‌رده‌ری بره‌نگه‌كێ باشتر دگه‌ل ب كارئینانا وێ بهێته كرن.
دته‌وه‌ره‌كێ دی دا پارێزگه‌رێ دهوكێ به‌حسێ هاتنا وێ ژمارا زور یا په‌نابه‌ر وئاوارن كر كو ئه‌و بوینه بارگرانی لسه‌ر هه‌موو سه‌كته‌رێن خزمه‌تكاری تایبه‌تی سه‌كته‌رێ ئاڤێ .
و گوت :مه وه‌كو حكومه‌تا هه‌رێمێ پروژێن ئاڤێ ل قه‌زایێن دهوك وسێمێل وزاخو وئامێدیێ چێكرینه ول ئاكرێ ژی دقوناغا بجهئینانێ دایه وخواست كو بشێن ل قه‌زایێن به‌رده‌ره‌ش وشێخان ژی بجه بینن.
ل دوماهیێ گوت : دڤێت ئالیێ په‌روه‌ردێ ژی گرنگیێ بابه‌تێ ئاڤێ بده‌ت كو ئاڤ دهه‌موو واراندا بره‌نگه‌كێ ئابوری بهێته مه‌زاختن وسه‌ركه‌فتن بو كونفراسی خواست.
پاش په‌یڤێن رێكخراوێن یونسێف (GIZ) یا ئه‌لمانی هاتنه خاندن وته‌كه‌زی ل سه‌ر گرنگیا ئاڤێ كرن وخواستن ب ره‌نگه‌كێ ئابوری بهێته مه‌زاختن وپشته‌ڤانیا خو پلانا ستراتیجی دیاركرن.
پاش په‌نه‌لێ ئێكێ ده‌ست پێكر وهه‌ر ئێك ژرێڤه‌به‌رێ ئاڤێ ل دهوكێ ورێڤه‌به‌رێ ئاڤا ده‌وروبه‌ران ورێڤه‌به‌رێ سولینا به‌حسێ پلانا ستراتیجی وگرنگیا وێ كر.
پاش رێڤه‌به‌رێ بجهئینانا به‌رناما ل BRHA رونكرن دانه سه‌ر ژمارا ئاواره وپه‌نابه‌ران ل سنورێ پارێزگه‌ها دهوكێ وكارتێكرنا وان ل سه‌ر مه‌زاختنا ئاڤێ وپلانێن پاشه‌روژێ یێن مه‌زاختنا ئاڤێ ل ناڤ وده‌رڤه‌ی كه‌مپا .
ل دوماهیێ پروژێ پلانانا ستراتیجی یا ئاڤ وسولینا بو پێنچ سالا ژلایێ مسعود كاره‌ش نوینه‌رێ وه‌زاره‌تا باژێرڤانی وگه‌شت وگوزارێ هاته راگه‌هاندن كو بریاره هه‌تا سالا 2023یێ به‌رده‌وامبیت.
ل دوماهیێ كونفرانسی كونگره‌كێ روژنامه‌ڤانی بو به‌رێزان پارێزگه‌رێ دهوكێ و وه‌زیرا باژێرڤانیان وسه‌روكێ زانكویا دهوكێ ورێكخراوا(GIZ) یا ئه‌لمانی هاته ل دارخستن وهه‌موویان گرنگیا پلانێ بو پێنچ سالێن بهێت به‌رچاڤكرن وپشته‌ڤانیا خو بو بجهئینانێ دیاركرن.
ئەڤرۆ نیوز:
سەروکێ یانا ھەولێر دیارکر ژ ئەگەرێ نەبونا پشتەڤانیێ دێ دەرگەھێ یانێ دائێخن ئەگەر پشتەڤانیا دارایی بۆ یانێ نەھێتە کرن.
زێدەتر عەبدولا مەجید د داخویانیەکێ دا بۆ ئەڤرۆ نیوز ئاشکرا کر ھەتا نوکە چو لایەنا ھاریکاریا کارگێریا یانێ نەکریە ژلایێ دارایی ڤە و د شیان دا نینە ب ڤی شێوەی بەردەوامیێ بدەینە کاروانێ خوە د خولا عیراقێ دا ژبەرکو مە دو تیم ھەنە د خولا عیراقێ و کوردستانێ دا و د شیان دا نینە مووچێن ڤان یاریزانا دابین بکەین.
ناڤھاتی ئەو چەندە ژی دیارکر کو ھەتا نوکە مە پشتەبستن ل سەر داھاتێ یانێ دکر لێ ئەگەر ب ڤی شێوەی بیت ھەتا ھەیڤەکا دی ئەو دێ خوە ژ خولا عیراقێ ڤەکێشن و دبیت دەرگەھێ یانێ ژی دائێخین.
ئەڤرۆ نیۆز:
هەفتیا بۆری ب پشکدارا پرانیا پارتێن کوردی ل باکورێ کوردستانێ پلاتفۆرما زمانێ کوردی هاتبوو سازکرن و ئەڤرۆکە ژی پلاتفۆرما زمانێ کوردی ئەنجامێ کۆمبوونا خوە و بریارێن کو هاتنە دان بۆ رایا گشتی ئاشکرا کرن.
پلاتفۆرما زمانێ کوردی دیار کر کو دێ کار کەن زمانێ کوردی ببیتە زمانێ فەرمی یێ پەروەردێ ل باکورێ کوردستانێ و هەروەسا بۆ پاراستن و پێشڤەبرنا زمانێ کوردی دێ دەست ب خەباتەکا مەزن کەن.
پشتی داخۆیانیا پلاتفۆرما زمانێ کوردی پرانیا باژێرڤانیێن باکورێ کوردستانێ ژی پشتەڤانیا خوە بۆ ڤێ بریارێ دیار کرن و راگەهاندن دێ بزاڤێ کەن ل باژێرڤانیان ژی کار ب زمانێ کوردی بکەن دا کو زمانێ کوردی ببیتە زمانێ فەرمی یێ نڤیسینێ.
ئەڤرۆ نیوز، عەزیز ھەورامی:
ژ ئەگەرێ قەیرانا دارایی ھنارتنا بریندارێن چەکێ کێمیاوی یێن ھەلەبچە بۆ وەرگرتنا چارەسەریێ ژ دەرڤەی وەلاتی ھاتبونە راگرتن، لێ نوکە سەروکێ حکومەتی بریار دا دوبارە بھێنە ھنارتن پشتی بودجەیەکا تایبەت بۆ ھاتیە تەرخان کرن.
د ڤی دەربارەی دا لوقمان عەبدولقادر سەروکێ کومەلا قوربانیێن چەکێ کێمیاوی بۆ ئەڤرۆ نیوز گۆت: پشتی مە داخوازیەک پێشکێشی سەروکێ حکومەتا کوردستانێ نێچیرڤان بارزانی کری دوبارە کوژمەکێ پارەی تەرخان بکەت بۆ ڤان قوربانیان و ب خوشحالی ڤە رازەمەندی ھاتە کرن ژلایێ سەروکێ حکومەتێ ڤە و دێ دوبارە دەست ب ھنارتنا بریندارێن چەکێ کێمیاوی یێن ھەلەبچە بکەین بۆ وەرگرتنا ێارەسەریێ ژ دەرڤەی وەلاتی بۆ ڤێ مەرەمێ ژی لژنەیەک ژ وەزارەتا ساخلەمیێ ھەرێمێ ژی دێ پشکنینی بۆ وان برینداران ھێتە کرن بۆ دیارکرنا ھژمارەکا وان بۆ ھنارتنا وان بۆ وەلاتێ ئیرانێ پێخەمەت وەرگرتنا چارەساریێ.
ئەڤرۆ نیۆز، هۆشەنگ تاجر:
بەهمەن ئەحمەدی وەلاتیێ کورد ل باژێرێ خوێ یێ رۆژهەلاتێ کوردستانێ بۆ ئەڤرۆ نیۆز دیار کر کو پشتی حەسەن رۆحانی ئەڤرۆکە سەرەدانا پارێزگەها ئورمیێ کری و پاشی ژی سەرەدانا باژێرێ خوێ کری بۆ خەلکی ئاخڤت و بەحسێ ئاریشێن خەلکی نەکر و گۆت: (پشتی گۆتارا رۆحانی ب دووماهی هاتی هژمارەکا بەرچاڤ یا وەلاتیێن کورد دەست ب خوەنیشادانێ کرن و بەر هاڤێتنە کاروانێ ترۆمبێلێن رۆحانی و داخواز کرن سەرۆک کۆمار دەستان ژ کارێ خوە بەردەت).
ناڤهاتی ئەو یەک ژی دیار کر کو نها رەوشا وەلاتیان ل ئیرانێ و رۆژهەلاتێ کوردستانێ گەلەکێ خرابە و مخابن حەسەن رۆحانی د گۆتارا خوە دا ب جهێ کو بەحسێ ئاریشێن وەلاتیان و چاوانیا چارەکرنا وان بکەت درووشمێن ل دژی ئەمریکا دوبارە کرن و گۆت: (ئێدی وەلاتیێن ئیرانێ ب گشتی ژ ڤێ سیاسەتا بەرپرسێن ئیرانێ توورە نە و ژ بەر هندێ ژی ل دژی هاتنا رۆحانی خوەنیشادان کرن و بەر هاڤێتنە کاروانێ ترۆمبێلێن سەرۆک کۆماری).
ئەڤرۆ نیوز:
ئەندامێ پەرلەمانێ عیراقێ ل سەر لیستا پارتی دیموکراتی کوردستان دیارکر ھەتا چارشەمبیا بھێت ئەو دێ وەزارەتەکا دی مسوگەر کەن و رێکەفتن ل سەر ڤی بابەتی ناڤبەرا پارتی و ئێکەتی دا دێ ئێکلا بیت.
زێدەتر د.دیار تەیب د داخویانیەکا تایبەت دا بۆ ئەڤرۆ نیوز گۆت: ھەتا نوکە بابەتی مسوگەر کرنا وەزارەتا سیێ ناڤبەرا پارتی و ئێکەتیێ دا ئێکلا نەبویە و ھەتا رۆژا چارشەمبی ئەڤ بابەتە دێ ئێکلا بیت و پارتی داخوازا پوستێ وەزارەتا کوچ و کوچبەران دکەت و نەوزاد ھادی بەرژێرێ پارتی یە بۆ ڤی پوستی بەرامبەر ئێکەتی داخوازا پوستێ وەزارەتا داد دکەت و خالد شوانی بۆ ڤی پوستی بەرژار کریە و پوستێ وەزارەتا کوچ و کوچبەران بۆ کرستیان بیت لێ ھێشتا رێکەفتنا دووماھی نەھاتیە کرن کا پارتی یان ئێکەتی دێ وەزارەتەکا دی وەرگرت.
ئەڤرۆ نیوز:
بەری دەمەکێ کێم ل سەر رێکا سحێلا بۆ دھۆکێ د روودانەکا ھاتنوچونێ دا پێنج پێشمەرگە بونە قوربانی.
پەیامنێرێ ئەڤرۆ نیوز ل جھێ روودانێ ئامادە بوو دیارکر ل دەمێ ڤەگەریان ژ ئەرکێ خوە پێنج پێشمەرگە ب ترومبێلەکا تایبەت ژ جورێ بی ئێم توشی روودانەکا ھاتن چوونێ بوون و د ئەنجام دا دو ژ وان پێشمەرگا گیانێ خوە ژ داستدایە و سێ دژی برینداربوینە و بەر ب نەخوشخانا تەنگاڤیێن دھۆکێ ھاتینە ھنارتن بۆ وەرگرتنا چارەسەریێ.
ئه‌ڤرۆ نيوز:
وه‌زيرێ گه‌نجينا ئه‌مريكا، ستيڤن منوشين په‌يوه‌نديه‌كا تله‌فۆنى بۆ سه‌رۆك وه‌زيرێن عيراقێ، عادل عه‌بدولمه‌هدى كر و تێدا به‌رده‌واميا پشته‌ڤانيا خوه و هه‌ڤپه‌يمانان بۆ عيراقێ دووپاتكر.
ب گۆره‌يى راگه‌هاندنه‌كا سه‌رۆك وه‌زيرێن عيراقێ كو دانه‌ك بۆ ئه‌ڤرۆ نيوز ره‌وانه كريه، ستيڤن منوشين، وه‌زيرێ گه‌نجينا ئه‌مريكا پابه‌نديا ئه‌مريكا و وه‌زاره‌تا گه‌نجينا وى وه‌لاتى بۆ پشته‌ڤانيا عيراقێ و خورتكرنا په‌يوه‌نديێن هه‌ڤپشك دياركريه و حه‌زا خوه ژى ل سه‌ر ديتنا عادل عه‌بدولمه‌هدى ده‌ربڕيه.
هه‌ر ب گۆره‌يى وێ راگه‌هاندنێ، د وێ په‌يوه‌نديا تله‌فۆنى دا به‌حس ل باشتركرنا هه‌ڤكاريا ناڤبه‌را هه‌ردو وه‌لاتان دا كريه د هه‌موو بياڤان دا.
ژ لايێ خوه ڤه ژى سه‌رۆك وه‌زيرێن عيراقێ، عادل عه‌بدولمه‌هدى پشته‌ڤانيكرنا وان يا به‌رده‌وام بۆ عيراقێ ب گرنگ وه‌سفكر.
ئەڤرۆ نیوز، ھەرھین محەمەد:
وەزارەتا رەوشەنبیری و لاوان ل رێڤەبەریا گشتی یا رەوشەنبیری و ھۆنەری ل دھۆکێ رێورەسمێن رێزگرتنێ ل ئەکتەرا کچ رەنا سەوری وەکو کچا ئێکێ یا پارێزگەھا دھۆکێ د فلمێ سینەمایی دا ب ناڤێ (قوربانی) ئەڤرۆ ل پانوراما ئازادی ھاتە گێران.
رەنا سەوری ئەکتەرا سەرەکی یا فلمێ سینەمایی ب ناڤێ (قوربانی) بۆ ئەڤرۆ نیوز گۆت: ھەست ب خوەشیێ دکەم کو ئەڤرۆ ئەز ھاتیمە خلات کرت ژ لایێ رێڤەبەریا گشتی یا رەوشەنبیری ڤە کو کچا ئێکێ یا پارێزگەھا دھۆکێ مە پشکداری د فلمەکێ سینەمایی دبم ب ئانەھیا خودێ دێ ھەر یا بەردەوام بم د کارێ سینەمایێ دا و داخوازێ ژ کچ و گەنجێن مە دکەم گوھێ خوە نەدەنە وان قەیدوزنجیرێن پیێت مە گرێداین و ھیڤی دکەم ئەڤ نەریتە ل ناڤ جڤاکێ مە دا نەمینت و ژن ژی یا ئازاد بیت و وەسان ژن دێ گەھیتە ھەموو ھیڤیێن خوە بێ بکەڤیتە چو خەلەتیان.
رزگارحسێن، دەرھێنەرێ فلمێ سینەمایی قوربانی گۆت: “مادەم رێزگرتن ل رەنایێ ھاتە گرتن واتە رێَز ل ژنێ ھاتە گرتن د سینەمایێ دا و ئەڤ رێزگرتنە دێ بیتە پێنگاڤەک بۆ رەنایێ و ئەو کچێن ل دووڤ رەنایێ ژی دا دھێن ھەست ب ھندێ بکەن کو کارێ وان یێ بەرچاڤە و پشتەڤانی لێ دھێتەکرن و ب بۆچوونا من ھەتا ژن نەھێتە د ناڤ سینەمایێ دا ئەم نەشێین جڤاکەک و سینەمایەکا سەرکەفتی ئاڤا بکەین و ئەگەر رەنا دڤی فلمێ سینەمایی دا نەبا ئەم دا نەچار بین کچەکێ ژ دەڤەرەکا دی یا کوردستانێ بینین و ئێکەم داڤا بینەری ب فلمی ڤە گرێدەت باوەری کرن ب فلمی یە کو دھێتە قەتاندن، چونکو دێ بینەر ھزرکەت ئەڤە نە زاراڤێ دھۆکێ یە و ئەڤ فلمە نەچار بوویە کچەکا دی بینت شوونا کچەکا دھۆکێ و ئەگەر کچەکا دھۆکێ بیت تامەکا دی ددەتە فلمی و ل گەل چیرۆکێ دگونجیت”.
رزگار گۆتژی: “کارکرنا رەنایێ سوزە ل گەل سینەمایێ و سوز نە دایە من ب تنێ دێ ل گەل من کار کەت ب تنێ من شیایە ھاریکاریا وێ بکەم، ھەکە وێ بریار نەدابا نەدھاتە ل گەل مە، بەلێ وی یا حەزکری ل گەل مە کار بکەت و یا گرنگ نینە ب تنێ ل گەل من کارکەت یا گرنگ ئەوە د سینەمایێ دا کار بکەت و یا ژ ھەموویێ گرنگتر ھندەکێن دی چاڤلێکرنا رەنایێ بکەن و بھێنە د سینەمایێ دا”.
جەمیل زکری وەکو کەڤنترین ئەکتەرێ باژێرێ دھۆکێ گۆت: “ئەز خوە سەربلند دبینم کچا باژێرێ من رۆلەکێ سەرەکی ھەبوویە د فلمەکێ سینەمایی دا و داخواز ژ جھێن شولەژێ دکەم پشتەڤانیا ڤان ھۆنەرمەندان بھێتە کرن دا کو بەردەوام بن د سینەمایێ دا و دەمێ من فلمێ قوربانی دیتی و من رەنا دیتی ب بادینی یا د ئاخڤیت و من پرسیار کر ئەڤە چ کچە گۆتنە من ئەڤ کچە ئەکتەرەکە ل پارێزگەھا دھۆکێ ل وی دەمی رۆندک ژ چاڤێن من ھاتن ژ کەیفان دا”.
نيشاندان