ئه‌ڤرۆنيوز:

رۆژنامه‌كا ئيتالى ئێڤاريا ئه‌ڤرۆ سێشه‌مبى 27/11/2018 به‌لاڤكر كو نيمار ويانا باريس سان جيرمان رێككه‌فتن ل دۆر چوونا نيمار ژ وێ يانا ل هاڤينا 2019.

رۆژناما (توتۆ سپۆرت) يا ئيتالى به‌لاڤكر”باريس سان جيرمان دره‌وشه‌كا نه‌خوه‌ش دايه‌ ل گه‌ل نيمارى، ژئه‌گه‌رێ رژديا نيمارى ل سه‌ر بجهئينانا يانا فره‌نسى ب مه‌ره‌ما ب ده‌ستڤه‌ئينانا ناسناڤێ خۆلا قاره‌مانێن ئورۆپا”.

وێ رۆژنامێ ئاشكراكر كو رێككه‌فتنه‌ك دناڤبه‌را يانا باريس سان جيرمان ونيمارى يا هاتيه‌ كرن كو نيمار ل ته‌مووزا 2019 وێ يانێ بجه بهێليت، به‌لێ سه‌رۆكێ وێ يانێ داخوازا 200 مليۆن يورۆيان دكه‌ت بۆ رازيبوونێ ل سه‌ر فرۆتنا نيمارى”.

ل دووڤ وێ رۆژنامێ سێ رێ يێن ل به‌ر نيمارى پشتى بجه هێلانا باريس سان جيرمان، ئه‌وژى زڤرينا وى بۆ ئێك ژهه‌ردو يانێن ريال مه‌دريد يان به‌رشه‌لونا يێن ئيسپانى يان ژى ياريكرن بۆ يانا مانشسته‌ر سيتى يا ئينگليزى.

يانا باريس سان جيرمان سوباهى چارشه‌مبى 28/11/2018 دێ ل گه‌ل يانا لێڤه‌رپۆل يا ئينگليزى ياريه‌كا چاره‌نڤيسساز ئه‌نجامده‌ت دچارچۆڤێ گه‌را پێنجێ ژ قۆناغا گرۆپان ژ خۆلا قاره‌مانێن ئورۆپا وهه‌كه‌ هات ودوێ ياريێ دا هاته‌ دوراندن، دێ وێ قاره‌مانيێ بجه هێليت.

ئه‌ڤرۆنيوز:

ئه‌ڤ شه‌ڤه‌ 8 يارى ژ گه‌را پێنجێ ژ قاره‌مانيا خۆلا قاره‌مانێن ئورۆپا هێنه‌ ئه‌نجامدان

كو گرنگترين يارى دێ دناڤبه‌را يانا رۆما يا ئيتالى ومێهڤانا وێ ريال مه‌دريد يا ئيسپانى بيت ل ده‌مژمێر 11 شه‌ڤ.

ياريێن دى ژى ب ڤى شێوه‌ى نه‌:

ئايك ئه‌سينا (يونان) – ئه‌ياكس ئه‌مستردام (هوله‌ندا)

سيسكا موسكۆ (روسيا) – فكتوريا بلزن (چيك)

بايرن ميونخ (ئه‌لمانيا)- بنفيكا (پورتۆگال)

يوڤه‌نتۆس (ئيتاليا) – ڤالنسيا (ئيسپانيا)

ليون (فره‌نسا) – مانشسته‌ر سيتى (ئينگلته‌را)

هه‌فنهايم (ئه‌لمانيا) – شاختار دونيتسك (ئوكرانيا)

ئەڤرۆ نیوز:
د بەیاننامەکێ دا کارگێریا یانا بوکاجونیورز رەدکر ئەو یاریا دووماھیا کاسا لێبرتادورێس بکەت ل رۆژا ئێکشەمبیا بھێت پشتی ھاتیە پاشخستن ژ ئەگەرێ ھێرشا پشتەڤانێن یانا ریڤەرپلێت ل سەر پاسا وان ل رۆژا شەمبیا بوری.

د ڤێ بەیاننامێ دا ھاتیە ئەوان بریارا ئێکەتیا تەپا پێ یا ئەمریکا ژێری رەدکر یە بۆ کرنا یاریا خوە یا ھاتنێ ژ یاریا دووماھیا قارەمانیا ل یاریگەھا مونومینتال پشتی پشتەڤانێن ڤێ یانێ ل رۆژا شەمبیا بوری بەری ئەنجامدانا یاریا ھاتنێ ھێرشکریە سەر پاسا یاریزانێن بوکاجونیورز و چەند یاریزان ژی بریندار کرینە، یانێ خواستیە ئەڤ یاریە بۆ ژڤانەکێ نە دیار بھێتە پاشخستن