ئه‌ڤرۆنيوز:
به‌رى سێ سالان وپشتى پتر ژ ساله‌كا داگيركرنا قه‌زا شنگالێ ژلايێ چه‌كدارێن تيرۆرستێن داعشێ، ب فه‌رمانده‌ييا سه‌رۆك بارزانى، هێزێن پێشمه‌رگێ كوردستانێ شنگال ژ ده‌ستێ داعشێ ئازادكر.
پشتى له‌شكرێ عيراقێ ل پارێزگه‌هێن نه‌ينه‌وا وئه‌نبار وسه‌لاحه‌دين شكه‌ستى ول سه‌رده‌مێ مالكى دا، تيرۆرستێن داعشێ ب چه‌كێ له‌شكري عيراقى چه‌ند پارێزگه‌هێن عيراقى داگيركرين ول هه‌يڤا ته‌باخا 2014 باژێرێ شنگالێ وده‌وروبه‌رێن وێ داگيركر وب هزاران وه‌لاتيێن كوردێن ئێزدى كه‌فتنه بن ده‌ستێ داعشێ وهه‌تا نوكه چاره‌نڤيسێ ب هزاران ژوان يێ ديار نينه.
پاشى ب فه‌رمانده‌ييا سه‌رۆك بارزانى، هێزێن پێشمه‌رگه‌ى ل رۆژه‌كا وه‌كو ئه‌ڤرۆ دا ئانكو ل 13/11/2015 باژێرێ شنگالێ ژده‌ستێ تيرۆرستێن داعشێ ئازادكر.
قادر قاچاخ، به‌رپرسێ لقێ شنگالێ يێ پارتى ديموكراتى كوردستان گۆت” جهێ سه‌رفه‌رازيێ يه وقوربانيه‌كا مه‌زن ژى هاته دان ژبۆ ئازداكرنا شنگالێ ژده‌ست داعشێ وسه‌رۆك بارزانى ئه‌و سۆزا دايه كوردێن ئێزدى ل وى ده‌مى بۆ ئازادكرنا شانگالێ، بجهئينا وپاشى سه‌رۆك بارزانى ل سه‌ر چيايێ شنگالێ په‌ياما سه‌ركه‌فتنێ وئازادكرنا شنگالێ ژ ده‌ستێ تيرۆرستان راگه‌هاند”.
قادر قاچاخ زێده‌تر بۆ باسنيوز گۆت” به‌لێ مخابن پشتى روودانێن 16 ئوكتۆبه‌رێ وداگيركرنا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ ژلايێ حه‌شدا شه‌عبى ڤه، شنگال ژلايێ ميليشيێن حه‌شدا شه‌عبى وچه‌كدارێن په‌كه‌كێ هاته داگيركرن، نوكه ژى چاڤه‌رێ رێككه‌فتنێن كورداينه ل گه‌ل حوكمه‌تا به‌غدا بۆ ئاساييكرنا ره‌وشا ده‌ڤه‌رێن كوردستانى ژ شنگالێ هه‌تا خانه‌قينێ تاكو ده‌ستهه‌لاتا شه‌رعى يا وان ده‌ڤه‌ران بزڤريته سه‌ر كارێن خوه”.
ناوچە كوردستانییەكان لە شنگالەوە تاوەكوو خانەقین، هەتا دەسەڵاتی شەرعی ئەو ناوچانە بگەڕێنەوە سەر كارەكانیان”.
نيشاندان