ئه‌ڤرۆنيوز:

ل دووڤ خشته‌كێ رێژا باران بارينا ئه‌ڤ ساله‌ كو ژلايێ رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ هاتيه‌ به‌لاڤكرن، ده‌ڤه‌را دينارته‌ پر باران تيرين ده‌ڤه‌ر بوو ل پارێزگه‌ها دهۆكێ كو هه‌تا نوكه‌ 140.8 ملم بارانێ لێ  بارينه‌.

ديسا ل ده‌ڤه‌را ئامێديێ 126.6 ملم بارانێ بارينه‌ ول كانى ماسێ 126.4 ملم ول باتيفا 115 ملم ول مانگێشكێ 109 ملم ول بجيل 104.5 ملم ول زاخۆ 102.8 ملم ول سه‌نته‌رێ باژێرێ دهۆكێ 96.5 ملم ول ئاكرێ 86.6 ملم ول سێمێلێ 60.5 ملم ول بامه‌رنێ 57.8 ملم ول گرده‌سين 48.3 ملم ول شاريا 34.6 ملم.

ئه‌ڤرۆ نيوز:

جڤاتا سه‌ركرداتيا ئێكگرتوو سوبه‌هى رۆژا دوشه‌مبى رێكه‌فتى 12ى چريا دويێ 2018 دێ كۆم بيت و بڕيارێ ل سه‌ر راسپاردێن جڤاتا گشتى ده‌ست كو ل هه‌يڤا بۆرى ب رێڤه‌ چووبوو.

ئێكگرتوو ئيسلامى كوردستان د كۆمبوونا خوه‌ يا جڤاتا گشتى دا، ب پتريا ده‌نگدان بڕيار ل سه‌ر وێ چه‌ندێ دايه‌ كو پشكداريێ د كابينا نوو يا حوكمه‌تا هه‌رێما كوردستانێ دا نه‌كه‌ت و وه‌كو ئۆپۆزسيۆن بۆ ماوێ چار سالان د ناڤ حوكمه‌تێ دا بيت.

ئێكگرتوو ئيسلامى كوردستان د هه‌لبژارتنێن 30ى ئيلۆنێ يێن په‌رله‌مانێ كوردستانێ دا د چارچۆڤێ ليستا به‌ره‌ ب ئيسلاحێ پشكدارى كربوو و شيابوو ب تنێ 5 كورسيێن په‌رله‌مانى ب ده‌ست ڤه‌ بينيت.

ئەڤرۆ، رێوار مزیری:‏

سەرۆکێ کۆمکارا زیندانیێن سیاسی ل پارێزگەھا دھۆکێ بۆ رۆژناما ئەڤرۆ دیار ‏کر کو 243 پارچێن ئەردی د ڤێ حەفتیێ دا دێ ل سەر زیندانیێن سیاسی یێن ‏قەزایێن دھۆک و سێمێل و ئامێدیێ ل قەزا سێمێلێ یا سەر ب پارێزگەھا دھۆکێ ‏ڤە ھێنە بەلاڤکرن.‏

کامل زێوەیی، سەرۆکێ کۆمکارا زیندانیێن سیاسی ل پارێزگەھا دھۆکێ دیار کر ‏کو ل دووڤ فەرمانا حوکمەتا ھەرێما کوردستانێ بڕیارا بەلاڤکرنا پارچێن ئەردی ‏ل سنوورێ پارێزگەھا دھۆکێ بۆ ھەموو زیندانیێن سیاسی دەرچوویە و گۆت: ” ‏دڤێ حەفتیێ دا 243 پارچێن ئەردی ل سنوورێ باژێرڤانیا قەزا سێمێلی دێ ل ‏سەر زیندانیێن سیاسی ھێنە بەلاڤکرن، دووڤ دا ژی دێ ل سنوورێ باژێرڤانیێن ‏قەزایێن شێخان و ئاکرێ ژی پارچێن ئەردی دێ ل سەر زیندانیێن سیاسی یێن ‏خەلکێ وان دەڤەران ھێنە بەلاڤکرن”.‏

ناڤھاتی ئاماژە دا وێ چەندێ کو لیستێن ناڤێن زیندانیێن سیاسی ل کۆمکارا ‏زیندانێن سیاسی ل دھۆکێ ھەنە بۆ ھەموویان ژی ئەرد دھێتە تەرخانکرن، ‏بریار وەسا یە ئەڤ سالە ھەموو زیندانیێن سیاسی یێن پارچێن ئەردی بەری ‏نۆکە وەنەگرتین مفاداربن.‏

ئەڤرۆ، سالار دۆسکی:‏

بەرپرسێ پەیوەندیێن وەزارەتا ئەوقاف و کارۆبارێن ئایینی ل حوکمەتا ھەرێما ‏کوردستانێ بۆ رۆژناما ئەڤرۆ دیار کر کو ل پارێزگەھا سلێمانیێ بتنێ تازی ‏رۆژەکێ دھێـتەدانان ئەو ژی دانێ پشتی نیڤرۆ و ل ھەر دو پارێزگەھێن دھۆکێ ‏و ھەولێرێ دو رۆژن.‏

مەریوان نەقشبەندی، بەرپرسێ پەیوەندیێن وەزارەتا ئەوقاف و کارۆبارێن ‏ئایینی ل حوکمەتا ھەرێما کوردستانێ دیار کر کو سیستەمێ تازیان گرێدای ‏رەوشت و دابونەریتێن جڤاکی یە و حوکمەتێ چ پەیوەندی پێڤە نینە، گەلەک ‏ژی ھەنە چەند رۆژان دێ تازیا خوە د ناڤ خیڤەتەکێ دا ل تاخی دانن و دێ ‏جگاران و قەھوێ گێڕینن و کەس نابێژیتێ بۆچی، ئانکو ھەر کەسەکێ ئازادە.‏

ناڤھاتی ئاماژە دا وێ چەندێ کو پێشبینی دھێتەکرن ل سالێن داھاتی تازی ل ‏ھەر دو پارێزگەھێن دھۆکێ و ھەولێرێ ژی ببنە رۆژەک، چونکی تازی دبیتە ‏بارگرانی بۆ مالا کەسێ وەغەرکری و مەزاختیەکێ زێدە، لەوما وەزارەتا ئەوقافێ ‏چ پەیوەندی پێڤە نینە.‏