ئه‌ڤرۆنیوز:
ئێكه‌تى نیشتمانى كوردستان ب رێیا ده‌زگه‌هێن خوه یێن میدیایێ، نڤیساره‌كا سه‌خته ب ناڤێ سه‌رۆك وه‌زیرێن عیراقێ به‌لاڤ دكه‌ن وبانگه‌شا وێ چه‌ندێ دكه‌ت كو به‌ربژاره‌كێ ئێكه‌تیێ بۆ پۆستێ وه‌زیرێ داد ل عیراقێ هاتیه به‌ربژاركرن.
دوێ نڤیسارا ده‌زگه‌هێن میدیایێ یێن ئێكه‌تیێ به‌لاڤكرى هاتیه كو خالد شوانى ل سه‌ر به‌هرا ئێكه‌تیێ بۆ پۆستێ وه‌زیرێ داد ل عیراقێ هاتیه ئاشكراكرن.
دبه‌رامبه‌ر دا، شاخه‌وان عه‌بدولا ئه‌ندامێ خۆلا بۆرى یا په‌رله‌مانێ عیراقێ ژ فراكسیۆنا پارتى دیموكراتى كوردستان بۆ باسنیوز گۆت” ئه‌و نڤیساره یا سه‌خته‌یه وژلایێ ئێك ژوان كه‌سێن ناڤێ وان دوێ نڤیسارێ دا هاتى، هاتیه به‌لاڤكرن”.
شاخه‌وانى گۆت ژى” حه‌ق نینه هنده خه‌لك ل سه‌ر وان پۆستان باخڤیت، به‌لكو پێدڤیه ل سه‌ر ئاساییكرنا ده‌ڤه‌رێن كوردستانى یێن ده‌رڤه‌ى ئیدارا هه‌رێما كوردستانێ باخڤین”.
گۆت ژى” حوكمه‌تا عیراقێ ل دووڤ خالان پۆستان به‌لاڤ دكه‌ت، ل دووڤ وێ چه‌ندێ ژى مافێ پارتى یه سێ وه‌زاره‌ت هه‌بن، هه‌كه ئیكه‌تى خوه ب وێ چه‌ندێ بزانیت كو به‌هرا وێ هاتیه خوارن، دڤێن داخوازا وه‌زاره‌تێ بكه‌ت”.
نيشاندان
