ئەڤرۆ نیوز، نەوزاد ھلۆری:
خوەنیشاندانێن سەرانسەری یێن فرەنسا چوونە د رۆژا دویێ دا و ھەتا نوکە 47 کەس ھاتینە کوشتن و بریندارکرن ب دەستێن ھێزێن ئەمنی، ئەگەرێ سەرەکی یێ خوە نیشاندانێن فرەنسا ژی دزڤریت بو گرانیا پانزینێ و زێدەبوونا خویکێ.
ئەڤرۆ روژا شەمبی جارەکا دى خوەنیشاندانان ل فرەنسا دەست پێ کرن ڤە، خوەنیشاندان ژی دژی گرانبوونا پانزینێ و خویکێ یە ل سەر کەلوپەلان، کو ئێکە ژ ستراتیژیەتێن کاری یێن سەرۆکێ نوو یێ فرەنسا ئیمانوئێل ماکرونی.
ھێزێن ئەمنی یێن فرەنسا بزاڤێن خورت بۆ راگرتنا خوەنیشاندەران دکەن ب تایبەتی باژێرێ شامبیر و دەڤەرا ساڤوو ل رۆژھەلاتا فرەنسا، ب گورەيی راپۆرتێن میدیایی دەستپێکا خوەنیشاندانان دزڤریت بۆ کومەکا ژنان دەما کو ئەوان بزاڤ دکر زارۆيێن خوە ڤەگوھێزنه نەخوشخانان، پاشان دەرگەهـ بۆ خوەنیشاندەران ھەمووان خۆش بوو کو پشکدار ببن.
پولیسێن فەرەنسا دیارکر کو 47 خوەنیشاندەر د دەما خوەنیشاندانان دا ھاتینە کوشتن و بریندارکرن کو پرانیا وان بریندارن و ھژمارەکا دى ژی ھاتینە گرتن، پرانیا وان کەسێن ھاتینە بیندارکرن ژی ب رێیا بومبەیێن غازی بووینە، ھژمارا خوەنیشاندەران ژی گەھشتیە 125 ھزار کەسان ل سەرانسەرێ فرەنسا.
ھەر ب گورەيی نووچەیێن میدیایی ھەموو رێیێن سەرەکی یێن دگەھنە پاریس و بروکسل ھاتینە گرتن و رێ ب کەسێ ناھێتەدان بچنە ناڤا وان ھەردو باژێرا.
ئیدوارد فلیب، سەرۆک وەزیرێن فرەنسا دایە دیارکرن کو ئەوان وەکو بارسڤکی بۆ ترۆمبێلان و بەرسڤدانا خوەنیشاندەران بۆ ھەر ترۆمبێلەکێ ب کوژمێ چاار ھزار یورویان ھاریکاری کریە، ل بارا خویکێ ژی بۆ ھەر لیترەکا پانزینێ چار سەنت دیارکرینە کو پێشتر حەفت سەنت بوو.
نيشاندان