ئهڤرۆنيوز:
ئهندامهكێ پهرلهمانێ عيراقێ بۆ ئهڤرۆنيوز دياركر كو برياره ئهڤ شهڤه محهمهد حهلبوسى بهر ب وهلاتێ سعوديێ چوويه.
وى ژێدهرى زێدهتر گۆت، شاندهكێ پهرلهمانتارێن عيراقێ دێ دگهل حهلبوسى بن دسهرهدانا وى دا.
دياركر ژى سهرهدانا سهرۆكێ پهرلهمانێ عيراقێ دێ بۆ دهمێ رۆژهكێ ب تنێ بيت.
ئهڤرۆنيوز:
جێگرێ سهرۆكێ پهرلهمانێ عيراقێ، بهشير حهداد ل گهل بينالى يهلدرم سهرۆكێ پهرلهمانێ توركيا ل ستانبۆلێ كۆمبوو وتێدا ههردولا دووپاتى ل وێ چهندێ كر كو گرنگه پهيوهندى دناڤبهرا توركيا وعيراقێ پتر بهێنه پێشڤهبرن وب شێوهكێ پهيوهندى ب هێزبن ودخزمهتا ههردو گهلان دا بيت.
نڤيسينگهها جێگرێ سهرۆكێ پهرلهمانێ عيراقێ بهلاڤكر كو بهشير حهداد دديدارا خوه دا ل گهل يهلدرمى بهحسێ توپ بارانكرنا فرۆكێن توركى بۆ سهر ههرێما كوردستانێ كر كو پێدڤيه توركيا لێزڤرينهكێ دسياسهتا خوه دابكهت وتوب پارانكرنان ژى راوهستينيت، چونكى پتريا كهسێن دبنه قوربانى وهلاتى وخهلكێ سڤيلن،
ههروهسا بهشير حهداد ئاماژه كر كو پێدڤيه حوكمهتا توركيا سهروهريا ئاخا عيراقێ وههرێما كوردستانێ بپارێزيت.
ئەڤرۆ نیوز، هۆشەنگ تاجر:
ژێدەرەکێ باوەرپێکری ل رۆژئاڤایێ کوردستانێ بۆ ئەڤرۆ نیوز راگەهاند کو دەمەکە هەڤدیتن دهێنە کرن و بزاڤەکا هەی کو پێشمەرگێن رۆژ دەربازی رۆژئاڤایێ کوردستانێ ببن و ل سەر سنورێ د ناڤبەرا رۆژئاڤایێ کوردستانێ و تورکیا دا بهێنە بجهکرن و گۆت: (ئەمریکی بزاڤەکا جدی دکەن کو نەهێلن تورکیا هێرشی رۆژهەلاتێ فراتێ بکەت و بەری نها ژی چەندین بەرپرسێن ئەمریکی دیار کربوون کو بزاڤ دهێنە کرن پرس دوور ژ شەری بهێتە چارەکرن).
ژێدەرێ ژ رۆژئاڤایێ کوردستانێ ئەو یەک ژی دیار کر کو ژ بەر هەستیاریا بابەتی مە نەڤێت جارێ زێدەتر تشتەکێ بێژین و پشتی چەند رۆژێن دی رەنگە گەلەک تشت ئاشکرا بن.
ئەڤرۆ نیوز:
ھەڤپەیمانیا سائیرون ئەوا موقتەدا سەدر سەرکردایەتیا وێ دکەت دوپاتکر مەرجێ وان بۆ بدووماھی ئینانا ناکوکیان دەربارەی دەربازکرنا کابینەیا وزاری یا حوکمەتا عیراقێ و گوھۆرینا فالح فەیاز یە بۆ پوستێ وەزارەتا نافخو یا عیراقێ.
رائد فەھمی سەرکردەیێ ھەڤپەیمانیا سائیرون دیارکر ناکوکیێن سیاسی ھێشتا د بەردەوامن ژ ئەگەرێ بەربژێرکرنا سەرکردەیێ حەشدا شەعبی فالح فەیز بۆ پوستێ وەزارەتا نافخویا عیراقێ و ھەلویستێ وان ناھێتە گوھۆرین و ئەو دێ بەردەوام بایکوتا رونشتنا رۆژا سێشەمبی کەن ئەگەر کەسەکێ دی یێ بێ لایەن نەھێتە بەربژێرکرن بۆ ڤی پوستی.
ناڤھاتی ئەو چەندە ژی دیارکر دانوستاندن ھێشتا د بەردەوامن و ھێشتا چو گوھۆرین د ھەلویستێ چو لایەنان دا نە ھاتیە گوھۆرین بۆ دیتنا چارەیەکێ بۆ ب دەربازکرنا کابینەیا وزاری بەری ژڤانێ جڤاتێ بھێتە گرێدان ل رۆژا سێشەمبیا بھێت.
ئهڤرۆ نيوز، نيوار محهمهد سهليم:
پشتى بهلاڤبوونا دهنگويێ بهێنڤهدانا سهرێ سالێ كو بۆ ئهڤ ساله ژ 25ى كانوونا ئێكێ 2018 ههتا 2ى كانوونا دويێ 2019 دێ بيته بهێڤهدانا فهرمى، پهروهردێ رهتكر.
ئهحمهد عهبدولا زوبێر، بهپرسێ راگههاندنێ ل رێڤهبهريا گشتى يا پەروەردا پارێزگهها دهۆكێ د داخۆيانيهكێ دا بۆ ئهڤرۆ نيوز گۆت: “بهێنڤهدانا 25ێ كانوونا ئێكێ كو يا ههڤدهمه ل گهل جهژنا مهسيحان ههر وهكو خوهيه و چو گوهۆڕين تێدا نههاتينه كرن”.
زێدهتر گۆت: “ههر وهكو ئهم هاتينه ئاگههداركرن كو جهژنا سهرێ سالا زاينى ژى دێ رۆژهك ب تنێ بيت و چو دهنگو بۆ ههبوونا ههشت رۆژان ل سهر ئێك وهكو بهێنڤهدان نينه”.
بهپرسێ راگههاندنێ ل رێڤهبهريا گشتى يا پەروەردا پارێزگهها دهۆكێ ئاشكهرا ژى كر كو جاران ههشت رۆژ دبوونه بهێنڤهدان، بهلێ نها ب تنێ 25ێ كانوونا ئێكێ و 1ى كانوونا دويێ دبنه بهێنڤهدانێن فهرمى.
پێشتر مالپهرهكى بهلاڤكربوو كو ههر ژ 25ى كانوونا ئێكێ 2018 ههتا 1ى كانوونا دويێ 2019 دێ بيته بهێنڤهدانا فهرمى.
ئەڤرۆ ، زنار تۆڤی:
بەیار تاھر دۆسکی ئەندامێ پەرلەمانێ عیراقێ ل سەر فراکسیۆنا پارتی دیموکراتی کوردستان، د دیدارەکێ دا بۆ رۆژناما ئەڤرۆ دیارکر: وەسا بریارە ل ڤێ سێشەمبیێ 12ى كانوونا ئێكێ 2018 پەرلەمانێ عیراقێ روونشتنا خوە دەست پێ بکەت، ھەروەسا ھەکە رێککەفتنا سیاسی دناڤبەرا ئالیێن سیاسی دا بھێتە کرن، ب تایبەتی ژی ئالیێن شیعی، کو ئەو ژی بەرەیێ ئیسلاح و بینایێ نە، دێ کابینا حوکمەتا نوو یا عیراقێ ھێتە تمامکرن، ھەر چەندە بەری نوکە ژی پێشنیار ھاتبوو کرن، کو شەش وەزارەت بھێنە دەربازکرن و پەرلەمان دەنگی ل سەر بدەت، دیسا ھەردو وەزارەتێن بەگریێ و نافخۆ بھێنە پاشخستن بۆ دەمەکێ دیتر، لێ بەرەیێ بینا ل سەر ڤێ پێشنیارێ رازی نەبوویە، وان ڤیایە کابینا نوو ھەموو پێکڤە بھێتە پێکئینان چو وەزارەت نەمینن، یان ژی ئەوێن ماین ژی نەھێنە دەربازکرن، لەوما ھەکە د ڤان 48 دەمژمێرێن بھێت دا رێککەفتن بھێتە کرن د ناڤبەرا وان ئالیان دا، دێ کابینا نوو ھێتە تمامکرن و نوکە ژی دانوستاندن دناڤبەرا وان ئالیان دا د بەردەوامن و لێک نێزیکبوونەک یا ھەیی و ئەم ب ھیڤینە کو بگەھنە ئەنجامەکی.
ناڤھاتی گۆت ژی: بریارە رۆژا ئێکشەمبی 12ى كانوونا ئێكێ 2018 بوودجێ عیراقێ بگەھیتە پەرلەمانی و دیسا دەستەیا سەرۆکاتیێ ژی دێ دەمی بۆ رونشتنا بوودجەی دیارکەت و وەسا بریارە خواندنا ئێکێ و دویێ دڤێ حەفتیێ دا یان ژی د حەفتیا بھێت دا بۆ بھێتە کرن و بریارە ھەتا سەرێ سالێ پرۆژە قانوونا بودجێ عیراقێ بھێتە پەسەندکرن، ھەروەسا پشکا ھەرێما کوردستانێ ژی، کو لیژنا پەرلەمانێ عیراقێ و ل گەل وەزیرێ دارایی کو فۆئاد حسێنە چەندین رونشتن ئەنجامداینە، ژ پێخەمەت بشێن پشکا ھەموو پارێزگەھان زێدە بکەن، ل گەل بوودجێ ھەرێما کوردستانێ، لەوما رێژا 12،67 یا کوردستانێ نامینیت و دێ زێدەتر لێ ھێت و دێ بوودجێ ھەرێما کوردستانێ بیتە 14%، ھەروەسا ھندەک پێرابۆنێن دیتر یێن قانوونی ھاتینە ئەنجامدان، ژ پێخەمەت مەزاختنێن سیادی ژی بھێنە کێمکرن، داکو پشکا ھەرێما کوردستانێ ژی زێدە ببیت.
ئهڤرۆ نيوز، نيوار محهمهد سهليم:
ئهندامهكێ بهرێ يێ جڤاتا نوونهرێن عيراقێ راگههاند كو ئێدى پارتى باوهرى ب ئێكهتيێ نهمايه و بێى وێ دێ كار ژبۆ چارهكرنا پرسا كهركووكێ كهت.
شاخهوان عهبدولا، ئهندامێ خولا بهرێ يا جڤاتا نوونهرێن عيراقێ، راگههاند كو وهسان هزر دكهين كو ئێدى بۆ چارهكرنا رهوشا كهركووك پێدڤى ب ئێكهتيێ ناكهت، “ئهم ب خوه دێ كار ل سهر كهين”.
زێدهتر گۆت: “مه گهلهك داخواز ژێ كر كو هاريكاريا مه بكهن ب ئهنجامدانا خوهنيشاندان و نهرازيبوونا و رهتكرنا حالهتێ داگيركرنێ و تهعريبكرنێ، بهلێ د رازى نهبوون، ژ بهر هندێ ژى مه وهكو پارتى هزر ل وێ چهندێ كريه كو ئهم ب خوه ڤێ رهوشێ چاره بكهن چو ب دانانا پارێزگارى بيت يان ژى نههێلانا حالهتێ تهعريب و داگيركاريێ بيت”.
شاخهوان عهبدولا ئاماژه ب وێ چهندێ ژى كر بۆ وان يا گرنگه ل دهسپێكێ كاودانان سهپاندى نههێلن و وێ رهوشێ ب دووماهى بينن و وان هێزان ل ناڤ باژێرى نههێلن، “پاشان ژى پۆستێ پارێزگارى كو دهستكهفتێ كوردايه، كوردهكێ دلسۆز بهێته دانان دا كو ببيته پارێزگارێ كهركووكێ”.
دهربارهى ههماههنگيا وان ل گهل ئێكهتى نشتيمانى كوردستان، ئهندامێ بهرێ يێ جڤاتا نوونهرێن عيراقێ ل سهر فراكسيۆنا پارتى ديموكراتى كوردستان گۆت: “مه باوهرى ب ئێكهتيێ نهمايه ل كهركووك پۆست پێ بهێته دان، ژ بهر كو مه سهربۆر ههبوو و خيانهتا 16ى ئوكتوبهرێ گهلهك تشتهكێ مهزن بوو كو خوه ژ خيانهتا 66ێ ژى مهزنتر بوو چونكو ئهم د گۆپيتكا دهستهلاتێ دا بووين، 38 كهسان ژ سهرجهمێ 50 ئهندامێن سهركرداتيێ ئيمزا كريه كو ئهو تشته ببيت”.
زێدهتر گۆت: “ب ديتنا من دڤێت ئهوێن ئهڤ رێكهفتنه كرى، نابيت د حوكمهتا ههرێمێ ژى دا پشكداريێ بكهن، چونكو ئهو يێن باوهريێ نينن و ههر وهزارهتهكا ب وان دهێته دان مهترسيا وێ چهندێ ههيه د خزمهتا دوژمنان دا بهێته بكارئينان”.
دهربارهى چهندێ كا پارتى دێ چهوان شێت وى كارى ب تنێ ئهنجام دهت شاخهوان عهبدولايى ئاشكهرا كر كو پارتى ل كهركووكێ مێژوو يا ههى و شورهشێن ل سهر كهركووكێ كرين، پارتى قوربانى ب خوه و بارهگايێن خوه ژ بۆ كهركووكێ دا، پارتى ل پردێ شهر كر، “ئهڤه گهلهك كو خهلكى باوهرى ب پارتى ههبيت و دزانيت كو هێزا ئێكانهيه بشێت ڤان كاودانان باشتر لێ بكهت. پارتى ل كهركووكێ وهكو نوونهرا كوردان كار دكهت وهكو حزب كار ناكهت”.
ئهڤرۆ نيوز، نيوار محهمهد سهليم:
رۆژا ئهينى 14ى كانوونا ئێكێ 2018 محهمهد حهلبوسى سهروكێ جڤاتا نوونهرێن عيراقێ و شاندهكێ ل گهل دا، سهرهدانا پهرستگهها لالش كر و پاشان ژى سهرهدانا پارێزگهها دهۆكێ كر، ئهندامهكێ جڤاتا نوونهران ژى ئهگهرێن سهرهدانا وى بۆ ڤێ پارێزگههێ ئاشكهرا كرن.
د. ديار تهيب، ئهندامێ جڤاتا نوونهرێن عيراقێ د داخۆيانيهكێ دا بۆ ئهڤرۆ نيوز گۆت: “هاتنا محهمهد حهلبۆسى، سهرۆكێ جڤاتا نوونهرێن عيراقێ بۆ پهرستگهها لالش و پاشان ژى بۆ پارێزگهها دهۆكێ دو ئهگهرێن بنهرهتى ههبوون”.
زێدهتر گۆت: “ئهوى دڤيا پشتهڤانيا خوه بۆ كوردێن ئێزدى نيشان دا و ههر وهسان ژى خواست كو ئاوارێن ل پارێزگهها دهۆكێ ڤهگهرنه سهر جهێن خوه و كهمپان ڤالا بكهن”.
شارهزايێن سياسى ددهنه دياركرن كو هاتنا حهلبۆسى بۆ پارێزگهها دهۆكێ بۆ وێ چهندێ بوويه كو سهركرداتيا سياسى و كوردێن ئێزدى رازى بكهت كو ئهو سونيێن ل وان گوندێن نێزيكى كوردێن ئێزدى دژيان يێن دهستهكێ مهزن ل گهل داعش ههين ڤهگهرنه جهێن خوه.
د ڤێ دهربارێ دا، ئهندامێ جڤاتا نوونهرێن عيراقێ دا زانين كو سهرۆكێ جڤاتا نوونهرێن عيراقێ دڤێت خوه نێزيكى ههموو تهخ و چينان بكهت و ب تايبهت ژى نها پشتى سونيان بڕيار دايى پشتهڤانيا وى و بكهت و دخوازيت بهلانسهكێ راگريت و بۆ وى گهلهك يا گرنگه ژى پشتهڤانيا كوردان ژى وهربگريت.
زێدهتر گۆت: “بۆ محهمهد حهلبۆسى ڤهگهريانا ئاواران گرنگتره ژ يا سونيان و ئهو بارگرانيا ل سهر ملێن وان و ئهوفشارا ههيى ژ بهر ئاوارێن ئێزدى و ڤالاكرنا كهمپان ژ يا وان گوندێن سونى زێدهتره”.
ئەڤرۆ نیوز:
دۆنالد ترەمپ سەرۆکێ ئەمریکا راگەھاند کو ل دووماھیا ئەڤ سالە وەزیرێ ناڤخۆ یێ ئەمریکا دێ دەست ژ کار کێشیت.
د تویتەکی دا کو ل ھژمارا تایبەت یا خوە ل تۆڕا جڤاکی یا تویتەری دۆنالد ترەمپ سەرۆکێ ئەمریکا بەلاڤکریە، راگەھاندیە کو رایان زینک وەزیرێ ناڤخۆ، پشتی دو سالان خزمەت کری، ل دووماھیا ئەڤ سالە دەست ژ ئەرکێن خوە بەردەت.
ترهمپ گۆتژى: “وهزيرێ ناڤخۆ ئهركێن خوه ب سهركهفتى بجهئيناينه، سۆپاسى يا وى دكهم ژ ئهگهرێ وێ خمهتا پێشكێشى وهلاتێ خوه كرى”.
دهربارهى شوونگرێ وهزيرێ ناڤخۆ يێ ئهمريكا ژى، دۆنالد ترهمپ ئاماژه ب وێ چهندێ كريه كو حهفتيا بهێت دێ كهسهكى ل جهێ وى دانيت.
ئهڤرۆ نيوز:
ئهڤرۆ و سوبههى ژى بهلاڤكرنا مووچێ فهرمانبهرا دێ يێ بهردهوام بيت و بڕياره چهند جهێن دى مووچێ ههيڤا ئيلۆنێ وهرگرن.
ب گۆرهى ژێدهرهكى ژ وهزارهتا دارايى و ئابوورى ل حوكمهتا ههرێما كوردستانێ راگههاند كو بڕياره ئهڤرۆ رۆژا ئێكشهمبى 16ى كانوونا ئێكێ 2018 مووچێ وهزارهتا داد و جڤاتا دادوهرى بهێته بهلاڤكرن.
ههر ب گۆرهى ههمان ژێدهر ژى بڕياره سوبههى رۆژا دوشهمبى رێكهفتى 16ى كانوونا ئێكێ 2018 مووچێ ههردو وهزارهتێن ئهوقاف و سامانێن سرۆشتى بهێته بهلاڤكرن.
حهفتيا بۆرى رێباز حهملان وهزيرێ دارايى و ئابوورى ل حوكمهتا ههرێما كوردستانێ راگههاند كو مووچێ ههيڤا 10 و 11 و 12 يێ فهرمانبهرێن ههرێما كوردستانێ نابيته پاشكهفت و ل گهل سالا نوو دێ بهردهوامى ب مووچێ 2018ێ يێ ههيڤێن ماين هێته دان.
نيشاندان