NO IORG
نووترين نووچه
نووترين نووچه

ئه‌ڤرۆنيوز:

سه‌رۆكێ ئه‌مريكى دونالد ترامپ ل دۆر دوباره‌ ڤه‌گه‌راندنا سزايێن ل سه‌ر ئيرانێ كو ل سه‌ر بنه‌مايێ رێككه‌فتنا ئه‌تۆمى يا سالا 2015 ل سه‌ر وى وه‌لاتى هاتبوونه‌ راكرن، راگه‌هاند سزا ل 5/11/2018 دێ چنه‌ دبوارێ بجهئينانێ دا.

ترامپى ل سه‌ر به‌رپه‌رێ خوه‌ ل تۆرا جڤاكى يا تويته‌رى وێنه‌كێ خوه‌ به‌لاڤكر كو ل سه‌ر نڤيسيه‌، سزا ل 5 ڤێ هه‌يڤێ دێ هێنه‌ بجهئينان.

پشتى كو ترامپى بريارا دووباره‌ ڤه‌گه‌راندنا دۆرپێچان ل سه‌ر ئيرانێ ده‌ركرى، كو ل سه‌ر بنه‌مايێ رێككه‌فتنا ئه‌تۆمى يا سالا 2015 ل سه‌ر ته‌هرانێ هاتبوونه‌ راكرن،

هه‌روه‌سا مايك پۆمپيۆ وه‌زيرێ ده‌رڤه‌يێ ئه‌مريكا وستيڤن منوجين وه‌زيرێ گه‌نجينا ئه‌مريكا دكۆنگره‌كێ رۆژنامه‌ڤانى دا راگه‌هاند، كو ل 5 ڤێ هه‌يڤێ دێ دووباره‌ سزايێن ل سه‌ر ئيرانێ هێنه‌ بجهئينان.

پۆمپيۆى راگه‌هاند، هه‌شت وه‌لات ل دۆر بازرگانيا په‌ترۆلێ ل گه‌ل ئيرانێ دێ هێنه‌ لێبۆرين وناڤێ وان هه‌ر هه‌شت وه‌لاتان ژى دێ ل 5 ڤێ هه‌يڤێ هێنه‌ ئاشكراكرن وئه‌ڤ برياا لێبۆرينێ چو وه‌لاتێن ئێكه‌تيا ئه‌ورۆپى بخوه‌ڤه‌ ناگريت.

ئه‌ڤرۆنيوز:

پشتى گو گران بهاترين پارچه‌ چوونوارێ ئاشوورى ل عيراقێ هاتيه‌ دزين، ل جهه‌كێ تايبه‌ت ب سه‌رئێك زێده‌كرنان ڤه‌ ل نيويۆرك ل ئه‌مريكا ل به‌رچاڤێ جيهانێ ب گۆژمێ 35 مليۆن دۆلاران هاته‌ فرۆتن.

ل دووڤ هنده‌ك ده‌زگه‌هێن راگه‌هاندنێ يێن عيراقى، فرۆتنا وى پارچه‌ شوونوارێ عيراقى كو پێكدهيت ژ ديواره‌كێ تابلۆيێ ئاشووريان وديرۆكا وى بۆ به‌رى سێ سالان دزڤريت،

به‌رى دو رۆژان جهێ (كريستى) بۆ سه‌رئێك زێده‌كرنێ ل نيويۆرك، شنوواره‌كێ عيراقى كو ديرۆكا وى بۆ شاه ( ئاشوورنه‌سر) دزڤريت ب گۆژمێ 35 مليۆن و900 هزار دۆلارات هاته‌ فرۆتن،

تاكو به‌رى سالا 2003 ئه‌ڤ پارچا شوونوارى ل كوچكا پاشاتيێ ل به‌غدا دهاته‌ نيشاندان.

رۆژناما(ده‌يلى ته‌ليگراف) يا بريتانى ل سه‌ر زارێ ماكس بێرنهايمه‌ر سه‌رۆكێ پشكا شوونوارێن نێڤده‌وله‌تى ل جهێ (كريستى) يێ سه‌رئێك زێده‌كرنان ڤه‌گوهاست كو ئه‌ڤ پارچا شوونواريێ ئاشوورى ژجوانترين ونايابترين وان شوونوارێن جيهانى يه‌ كو دده‌مێ 35 سالێن بۆرى دا ل جهێن سه‌رئێك زێده‌كرنان ل ئه‌مريكا هاتيه‌ نيشاندان.

ئه‌ڤرۆنيوز:

ژێده‌ره‌كێ ئه‌منى ئه‌ڤرۆ سێشه‌مبى 3/11/2018 بۆ ده‌زگه‌هێن راگه‌هاندنێ يێن عيراقى ئاشكراكر كو ده‌نگێ وێ په‌قينا ل چه‌ند ده‌ڤه‌رێن خورماتوو هاته‌ گوهلێبوون، ژ ئه‌نجامێ په‌قينا عومباره‌كا چه‌ك وته‌قه‌مه‌نيێن هێزێن حه‌شدا شه‌عبى بوو.

گۆت ژى” ئه‌و چه‌ك وته‌قه‌مه‌نى يه‌ دناڤ كوربه‌ندێ لاوان دابوون ل تاخه‌كێ ناڤه‌راستا قه‌زا خورماتوو ل نێزيك رێڤه‌به‌ريا پۆليسێن قه‌زايێ”.

دياركر ژى” ژئه‌نجامێ وێ په‌قينێ چه‌ند كه‌سه‌ك هاتنه‌ هنارتن بۆ نه‌خوه‌شخانێ” بێ كو ئاماژێ ب هژمارا كوشتى وبرينداران بده‌ت.

ئه‌ڤرۆنيوز:

سه‌رۆكێ حزبا ئوممه‌ يا عيراقى، ميسال ئالوسى راگه‌هاند، سه‌رۆك مه‌سعود بارزانى رێبه‌رێ بزاڤا رزگاريخوازا كوردى يه‌ و ناڤه‌ندا بريارا سياسى ل عيراقێ هه‌ولێرێ نه‌كو به‌غدا.

ميسال ئالوسى بۆ كوردستان تى ڤى دبێژيت”سه‌رۆك بارزانى رێبه‌رێ بزاڤا رزگاريخوازا كوردى يه‌ ويێ سه‌ركه‌فتى يه‌ ونموونه‌ ل سه‌ر ڤێ چه‌ندێ ژى ئه‌نجامێن هه‌لبژارتنێن په‌رله‌مانێ عيراقێ وهه‌لبژارتنێن په‌رله‌مانێ كوردستانێ يه‌، كو ديار بوو ل سه‌ر ئاستێ عيراقێ وهه‌رێما كوردستانێ هژمار ئێكه‌”.

ميسال ئالوسى پێشتر ره‌خنێن توند ل لايه‌نێن عيراقى گرتبوون ژبه‌ر هه‌لويستێن وان سه‌باره‌ت ئه‌نجامدانا ريفراندۆما هه‌رێما كوردستانێ وگوتبوو” ملله‌ته‌ك يێ چوويه‌ سه‌ر سندووقێن ده‌نگدانێ وگوتيه‌ به‌لێ بۆ ئازاديا خوه‌، پێدڤيه‌ رێز لێ بهێته‌ گرتن وپێدڤێه‌ ئه‌ڤ ملله‌ته‌ بگه‌هيته‌ مافێن خوه‌ يێن ره‌وا”.

ئه‌ڤرۆنيوز:

ل قه‌زا كويێ يا ب سه‌ر پارێزگه‌ها هه‌ولێرێ ڤه‌ گه‌نجه‌ك ژلايێ خه‌زيرێ خوه‌ڤه‌ دهێته‌ كوشتن.

 ل دووڤ ده‌نگوباسێن هاتينه‌ به‌لاڤكرن، ل دره‌نگيا شه‌ڤا بۆرى ئه‌ڤ روودانه‌ ب چه‌كى ژئه‌گه‌رێ كێشه‌كا جڤاكى په‌يدابوويه.‌ وكه‌سێ هاتيه‌ كوشتن بابێ دو زارۆكان بوو وكارێ فيته‌ريێ دكر.

ئه‌ڤرۆنيوز:

ئه‌ندامه‌كێ خۆلا نوو يا په‌رله‌مانێ كوردستانێ ژ فراكسيۆنا پارتى ديموكراتى كوردستان راگه‌هاند، په‌سه‌ندكرنا پرۆژه‌ قانوونا چاكسازيێ دمووچه‌ى وخانه‌نشينيێ دا، دێ دووماهيێ ب وێ چه‌ندێ ئينيت كو ل به‌رامبه‌ر چو تشته‌كى نه‌ 48 مليۆن دينار ب په‌رله‌مانتاران بهێنه‌ دان.

پێشه‌وا هه‌ورامى، په‌رله‌مانتارێ پارتى دخۆلا نوو يا په‌رله‌مانێ كوردستانێ دا دبه‌رپه‌رێ خوه‌ يێ فه‌يسبووكى دا به‌لاڤكر” دێ هه‌موو بزاڤان كه‌ين ئه‌ڤ پرۆژه‌ قانوونه‌ بهێته‌ ده‌ربازكرن، ئه‌ز دێ پشته‌ڤان بم بۆ ڤى كارى هه‌رچه‌نده‌ كاره‌كێ ب كۆم پێ دڤێت وب تنێ ب كه‌سه‌كى ودو كه‌سان ناهێته‌ كرن”.

گۆت ژى” دڤێت فراكسيۆنا پارتى دڤێ خۆلا په‌رله‌مانى دا ڤى كارى تمام بكه‌ت كو ل خۆلا چارێ هنده‌ك لايه‌نان نه‌هێلا بهێته‌ كرن”.

هه‌ورامى گۆت ژى” هه‌كه‌ ئه‌ڤ كاره‌ بهێته‌ كرن، دێ پاره‌كێ مه‌زن بۆ داهاتيێ گشتى زڤريت، ب جۆره‌كى دێ كاريگه‌رى ل گوهۆرينان دمووچێ هه‌موو ته‌خ وچينان هه‌بيت”.

ئه‌ڤرۆ نیوز:
قاسم سلێمانی، فه‌رماندارێ هێزا قودس یا ئیرانی، ئه‌ڤرۆ پۆسته‌رێ خوه‌ یێ تایبه‌ت وه‌ك به‌رسڤ بۆ دۆنالد ترامپ، سه‌رۆكێ ئه‌مریكا به‌لاڤ كر.
سوله‌یمانی ل سه‌ر پۆسته‌رێ خوه‌ وێنه‌كێ خوه‌ یێ رژد دانایه‌ و ل سه‌ر نڤیسیه‌: ئه‌ز دێ دژی ته‌ راوه‌ستم”.
ترامپی دوهی شڤێدی پۆسته‌ره‌ك ل سه‌ر ره‌نگێ زنجیره‌فلما (گه‌یم ئوڤ سرۆنز) به‌لاڤ كربوو و وه‌ك هۆشدارییه‌كا بۆ ئیرانێ و وێنه‌یێ خوه‌ ل سه‌ر دانابوو و ل سه‌ر نڤیسی بوو: ئه‌ڤه‌ سزا هاتن”.

sulaimani

tiramp

ئه‌ڤرۆ نيوز:

سه‌رۆك وه‌زيرێن هه‌رێما كوردستانێ سه‌ره‌رايى پرس و سه‌ره‌خۆشيێ، ئيدانا هێرشا دوهى يا پارێزگه‌ها مينا ل مسرێ كر، كو تێدا ژماره‌كا وه‌لاتيێن مه‌سيحى بووينه‌ قوربان.

نێچيرڤان بارزانى، سه‌رۆك وه‌زيرێن هه‌رێما كوردستانێ د په‌يامه‌كێ دا كو ئه‌ڤرۆ سێشه‌مبى 3ى چريا دويێ 2018 راگه‌هاند كو “به‌رده‌واميا كارێن تيرۆرستى يێن داعش، كۆمه‌لگه‌ها نێڤده‌وله‌تى دئێخيته‌ به‌ر به‌رپرساتيه‌كا مه‌زن”.

دوهى د هێرشه‌كێ دا چه‌كدارێن داعش بۆ سه‌ر پاسه‌كێ كو ژماره‌كا مه‌سيحيان د ڤه‌گوهاست ل نێزيك كه‌نيسا ئه‌نبا ساموێل ل پارێزگه‌ها مينا يا مسرى، حه‌فت كه‌س هاتنه‌ كوشتن و حه‌فت كه‌سێن دژى بريندار بوون.

ئەڤرۆ نیوز ، زنار تۆڤی:

رێڤەبەریا گشتی یا سەقاناسی و بیڤەلەرزێن هەرێما کوردستانێ دۆخێ سەقایێ ئه‌ڤرۆ شه‌مبیێ و سوبەهی ئێكشه‌مبیێ راگه‌هاندیە، لدووڤ راگه‌هاندنا سەقاناسیا هه‌رێمێ سوبەهی ئێكشه‌مبیێ دێ‌ باران بارین ل هەموو باژێرێن هەرێمێ ده‌ست پێکەت.

Screenshot_٢٠١٨-١١-٠٣-١٠-٤٦-٤٤-1

Screenshot_٢٠١٨-١١-٠٣-١٠-٤٦-٤٨-1

ئه‌ڤرۆ نیوز:
دۆنالد ترامپ، سه‌رۆكێ ئه‌مریكا ئه‌ڤرۆ ل ئه‌كاونتا خوه‌ یا فه‌رمی ل سه‌ر تۆرا جڤاكییا تویته‌ری پۆسته‌رك ل سه‌ر ره‌نگێ فلمان به‌لاڤ كر و ئاماژه‌ كرییه‌ هاتنا ده‌مێ سزایێن مه‌زن ل سه‌ر ئیرانێ.
ترامپی ل سه‌ر پۆسته‌ری نڤیسیه‌: ئه‌ڤه‌ سزا هاتن.” هه‌روه‌ها دیار كرییه‌ كو ل پێنجێ ڤێ مه‌هێ دێ ئه‌و سزایێن مه‌زن ل  سه‌ر ئیرانێ كه‌ڤنه‌ د بیاڤێ بجهئینانێ دا.

trump

website security
WP Facebook Auto Publish Powered By : XYZScripts.com